दिव्३ मैत्रेयावदानम्।
div3 maitreyāvadānam/
Sanskrit only: no published translation is held for this verse.
Divyāvadāna 34
यदा राज्ञा भागधेन अजातशत्रुणा वैदेहीपुत्रेण नौक्रमो मातापित्रोर्मापितस्तदा वैशालकैर्लिच्छविभिर्भगवतो ऽर्थे नौक्रमो मापितः।
yadā rājñā bhāgadhena ajātaśatruṇā vaidehīputreṇa naukramo mātāpitrormāpitastadā vaiśālakairlicchavibhirbhagavato 'rthe naukramo māpitaḥ/
Sanskrit only: no published translation is held for this verse.
नागाः संलक्षयन्ति--वयं विनिपतितशरीरा यन्नु वयं फणसंक्रमेण भगवन्तं नदी दीम् गङ्गामुत्तारयेम इति।
nāgāḥ saṃlakṣayanti--vayaṃ vinipatitaśarīrā yannu vayaṃ phaṇasaṃkrameṇa bhagavantaṃ nadī dīm gaṅgāmuttārayema iti/
Sanskrit only: no published translation is held for this verse.
तैः फणसंक्रमो मापितः।
taiḥ phaṇasaṃkramo māpitaḥ/
Sanskrit only: no published translation is held for this verse.
तत्र भगवान् भिक्षूनामन्त्रयते स्म--राजगृहात् श्रावस्तीं गन्तुम् यो युष्माकं भिक्षव उत्सहते राज्ञो मागधस्याजातशत्रोर्वैदेहीपुत्रस्य नौसंक्रमेण नदीगङ्गामुत्तर्तुम्, स तेन तरतु, यो वा भिक्षवो वैशालकानां लिच्छवीनां नौसंक्रमेण, सो ऽपि तेनोत्तररु।
tatra bhagavān bhikṣūnāmantrayate sma--rājagṛhāt śrāvastīṃ gantum yo yuṣmākaṃ bhikṣava utsahate rājño māgadhasyājātaśatrorvaidehīputrasya nausaṃkrameṇa nadīgaṅgāmuttartum, sa tena taratu, yo vā bhikṣavo vaiśālakānāṃ licchavīnāṃ nausaṃkrameṇa, so 'pi tenottararu/
Sanskrit only: no published translation is held for this verse.
अहमपि आयुष्मता आनन्देन भिक्षुणा सार्धं नागानां फणसंक्रमेण नदीं गङ्गामुत्तरिष्यामि।
ahamapi āyuṣmatā ānandena bhikṣuṇā sārdhaṃ nāgānāṃ phaṇasaṃkrameṇa nadīṃ gaṅgāmuttariṣyāmi/
Sanskrit only: no published translation is held for this verse.
तत्र केचित् राज्ञो मागधस्याजातशत्रोर्वैदेहीपुत्रस्य नौसंक्रमेणोत्तीर्णाः, केचित् वैशालिकानां लिच्छवीनां नौसंक्रमेण।
tatra kecit rājño māgadhasyājātaśatrorvaidehīputrasya nausaṃkrameṇottīrṇāḥ, kecit vaiśālikānāṃ licchavīnāṃ nausaṃkrameṇa/
Sanskrit only: no published translation is held for this verse.
भगवानपि आयुष्मता आनन्देन सार्धं नागानां फणसंक्रमेणोत्तीर्णः। अथान्यतमोपासकस्तस्यां वेलायां गाथां भाषते--
bhagavānapi āyuṣmatā ānandena sārdhaṃ nāgānāṃ phaṇasaṃkrameṇottīrṇaḥ/ athānyatamopāsakastasyāṃ velāyāṃ gāthāṃ bhāṣate--
Sanskrit only: no published translation is held for this verse.
ये तरन्त्यर्णवं सरः सेतुं कृत्वा विसृज्य पल्वलानि।
ye tarantyarṇavaṃ saraḥ setuṃ kṛtvā visṛjya palvalāni/
Sanskrit only: no published translation is held for this verse.
कोलं हि जनाः प्रबन्धिता उत्तीर्णा मेधाविनो जनाः॥१॥
kolaṃ hi janāḥ prabandhitā uttīrṇā medhāvino janāḥ//1//
Sanskrit only: no published translation is held for this verse.
उत्तीर्णो भगवान् बुद्धो ब्राह्मणस्तिष्ठति स्थले।
uttīrṇo bhagavān buddho brāhmaṇastiṣṭhati sthale/
Sanskrit only: no published translation is held for this verse.
भिक्षवो ऽत्र परिस्नान्ति कोलं बध्नन्ति श्रावकाः॥२॥
bhikṣavo 'tra parisnānti kolaṃ badhnanti śrāvakāḥ//2//
Sanskrit only: no published translation is held for this verse.
किं कुर्यादुदपानेन आपश्चेत् सर्वतो यदि।
kiṃ kuryādudapānena āpaścet sarvato yadi/
Sanskrit only: no published translation is held for this verse.
छित्त्वेह मूलं तृष्णायाः कस्य पर्येषणां चरेत्॥३॥ इति॥
chittveha mūlaṃ tṛṣṇāyāḥ kasya paryeṣaṇāṃ caret//3// iti//
Sanskrit only: no published translation is held for this verse.
अद्राक्षीद्भगवानन्यतमस्मिन् भूभागे उन्नतोन्नतं पृथिवीप्रदेशम्। दृष्ट्वा च पुनरायुष्मन्तमामन्त्रयते--इच्छसि त्वमानन्द यो ऽसौ यूय ऊर्ध्वं व्यामसहस्रं तिर्यक् षोडशप्रवेधो नानारत्नविचित्रो वितः, तं द्रष्टुम्? एतस्य भगवन् कालः, एतस्य सुगतसमयः, यो ऽयं भगवान् यूपमुच्छ्रापयेत्, भिक्षवः पश्येयुः।
adrākṣīdbhagavānanyatamasmin bhūbhāge unnatonnataṃ pṛthivīpradeśam/ dṛṣṭvā ca punarāyuṣmantamāmantrayate--icchasi tvamānanda yo 'sau yūya ūrdhvaṃ vyāmasahasraṃ tiryak ṣoḍaśapravedho nānāratnavicitro vitaḥ, taṃ draṣṭum? etasya bhagavan kālaḥ, etasya sugatasamayaḥ, yo 'yaṃ bhagavān yūpamucchrāpayet, bhikṣavaḥ paśyeyuḥ/
Sanskrit only: no published translation is held for this verse.
ततो भगवता चक्रस्वतिकनन्द्यावर्तेन जालावनद्धेनानेकपुण्यशतनिर्जातेन भीतानामाश्वासनकरेण पृथिवी परामृष्टा।
tato bhagavatā cakrasvatikanandyāvartena jālāvanaddhenānekapuṇyaśatanirjātena bhītānāmāśvāsanakareṇa pṛthivī parāmṛṣṭā/
Sanskrit only: no published translation is held for this verse.
नागाः संलक्षयन्ति--किमर्थं भगवता पृथिवी परामृष्टेति? यावत् पश्यन्ति यूयं द्रष्टुकामाः। ततस्तैरुच्छ्रापितः। भिक्षवो यूपं द्रष्टुमारब्धाः।
nāgāḥ saṃlakṣayanti--kimarthaṃ bhagavatā pṛthivī parāmṛṣṭeti? yāvat paśyanti yūyaṃ draṣṭukāmāḥ/ tatastairucchrāpitaḥ/ bhikṣavo yūpaṃ draṣṭumārabdhāḥ/
Sanskrit only: no published translation is held for this verse.
आयुष्मानपि भद्दाली अल्पोत्सुकः पांसुकूलं सीव्यति। तत्र भगवान् भिक्षूनामन्त्रयते स्म--आरोहपरिणाहं निमित्तं भिक्षवो यूपस्य गृह्णीत, अन्तर्धास्यतीति।
āyuṣmānapi bhaddālī alpotsukaḥ pāṃsukūlaṃ sīvyati/ tatra bhagavān bhikṣūnāmantrayate sma--ārohapariṇāhaṃ nimittaṃ bhikṣavo yūpasya gṛhṇīta, antardhāsyatīti/
Sanskrit only: no published translation is held for this verse.
अन्तर्हितः।
antarhitaḥ/
Sanskrit only: no published translation is held for this verse.
भिक्षवो बुद्धं भगवन्तं पप्रच्छुह्--पश्य भदन्त भिक्षवो यूपं पश्यन्ति। आयुष्मानपि भद्दाली अल्पोत्सुकः पांसुकूलं सीव्यति।
bhikṣavo buddhaṃ bhagavantaṃ papracchuh--paśya bhadanta bhikṣavo yūpaṃ paśyanti/ āyuṣmānapi bhaddālī alpotsukaḥ pāṃsukūlaṃ sīvyati/
Sanskrit only: no published translation is held for this verse.
किं तावत् वीतररागत्वादाहोस्वित् पर्युपासितपूर्वत्वात्? तद्यदि तावद् वीतरागत्वात्, सन्त्यन्ये ऽपि वीतरागाः।
kiṃ tāvat vītararāgatvādāhosvit paryupāsitapūrvatvāt? tadyadi tāvad vītarāgatvāt, santyanye 'pi vītarāgāḥ/
Sanskrit only: no published translation is held for this verse.
अथ पर्युपासितपूर्वत्वात्? कुत्र केन पर्युपासितमिति।
atha paryupāsitapūrvatvāt? kutra kena paryupāsitamiti/
Sanskrit only: no published translation is held for this verse.
भगवानाह--अपि भिक्षवो वीतरागत्वादपि पर्युपासितपूर्वत्वात्। कुत्रानेन पर्युपासितम्?
bhagavānāha--api bhikṣavo vītarāgatvādapi paryupāsitapūrvatvāt/ kutrānena paryupāsitam?
Sanskrit only: no published translation is held for this verse.