Library·Divyāvadāna·345
<३४५>भरण्यां ग्रीष्माणां पश्चिमे यद्यत्र देवः प्रवर्षति, पूर्णमाढकशतं प्रवर्षति। तत्र स्थलानि कृषिकर्तव्यानि।
<345>bharaṇyāṃ grīṣmāṇāṃ paścime yadyatra devaḥ pravarṣati, pūrṇamāḍhakaśataṃ pravarṣati/ tatra sthalāni kṛṣikartavyāni/
Sanskrit only: no published translation is held for this verse.
निंनानि परिवर्जयितव्यानि। दुर्भिक्षश्चात्र भवति। जरामरणं जनानां भवति।
niṃnāni parivarjayitavyāni/ durbhikṣaścātra bhavati/ jarāmaraṇaṃ janānāṃ bhavati/
Sanskrit only: no published translation is held for this verse.
राजानश्चात्र अन्योन्यघातका भवन्ति। पुत्रपौत्राणां च कलहो भवति।
rājānaścātra anyonyaghātakā bhavanti/ putrapautrāṇāṃ ca kalaho bhavati/
Sanskrit only: no published translation is held for this verse.
उक्तं भरण्याम्॥
uktaṃ bharaṇyām//
Sanskrit only: no published translation is held for this verse.
अयं भोः पुष्करसारिन्नक्षत्रर्तुवर्षाध्यायः॥
ayaṃ bhoḥ puṣkarasārinnakṣatrartuvarṣādhyāyaḥ//
Sanskrit only: no published translation is held for this verse.
अमीषां भोः पुष्करसारिन्न् अष्टाविंशतीनां नक्षत्राणां राहुग्रहे फलविपाकं व्याख्यास्यामि।
amīṣāṃ bhoḥ puṣkarasārinn aṣṭāviṃśatīnāṃ nakṣatrāṇāṃ rāhugrahe phalavipākaṃ vyākhyāsyāmi/
Sanskrit only: no published translation is held for this verse.
कृत्तिकासु भोः पुष्करसारिन् यदि चन्द्रग्रहो भवति, कलिङ्गमगधानामुपपीडा भवति।
kṛttikāsu bhoḥ puṣkarasārin yadi candragraho bhavati, kaliṅgamagadhānāmupapīḍā bhavati/
Sanskrit only: no published translation is held for this verse.
यदि रोहिण्यां चन्द्रग्रहो भवति, प्रजानामुपपीडा भवति। यदि मृगशिरसि चन्द्रग्रहो भवति, विदेहानां जनपदानामुपपीडा भवति राजोपसेवकानां च।
yadi rohiṇyāṃ candragraho bhavati, prajānāmupapīḍā bhavati/ yadi mṛgaśirasi candragraho bhavati, videhānāṃ janapadānāmupapīḍā bhavati rājopasevakānāṃ ca/
Sanskrit only: no published translation is held for this verse.
एवमार्द्रायां पुनर्वसौ पुष्ये च वक्तव्यम्।
evamārdrāyāṃ punarvasau puṣye ca vaktavyam/
Sanskrit only: no published translation is held for this verse.
आश्लेषायाम् यदि चन्द्रग्रहो भवति, नागानां हैमवतानां च पीडा भवति।
āśleṣāyām yadi candragraho bhavati, nāgānāṃ haimavatānāṃ ca pīḍā bhavati/
Sanskrit only: no published translation is held for this verse.
यदि मधासु चन्द्रग्रहो भवति, गौडिकानामुपपीडा भवति। यदि पूर्वफल्गुन्यां सोमो गृह्यते, चौराणामुपपीडा भवति।
yadi madhāsu candragraho bhavati, gauḍikānāmupapīḍā bhavati/ yadi pūrvaphalgunyāṃ somo gṛhyate, caurāṇāmupapīḍā bhavati/
Sanskrit only: no published translation is held for this verse.
यद्युत्तरफल्गुन्यां सोमो गृह्यते, अवन्तीनामुपपीडा भवति।
yadyuttaraphalgunyāṃ somo gṛhyate, avantīnāmupapīḍā bhavati/
Sanskrit only: no published translation is held for this verse.
यदि हस्तेषु सोमो गृह्यते, सौराष्ट्रिकाणामुपपीडा भवति। यदि चित्रायां सोमो गृह्यते, पक्षिणां द्विपदानां च पीडा भवति।
yadi hasteṣu somo gṛhyate, saurāṣṭrikāṇāmupapīḍā bhavati/ yadi citrāyāṃ somo gṛhyate, pakṣiṇāṃ dvipadānāṃ ca pīḍā bhavati/
Sanskrit only: no published translation is held for this verse.
यदि स्वात्यां सोमो गृह्यते, सर्वेषां प्रव्रज्यासमापन्नानामुपपीडा भवति।
yadi svātyāṃ somo gṛhyate, sarveṣāṃ pravrajyāsamāpannānāmupapīḍā bhavati/
Sanskrit only: no published translation is held for this verse.
यदि विशाखायां सोमो गृह्यते, औदकानां सत्त्वानामुपपीडा भवति।
yadi viśākhāyāṃ somo gṛhyate, audakānāṃ sattvānāmupapīḍā bhavati/
Sanskrit only: no published translation is held for this verse.
यद्यनुराधासु सोमो गृह्यते, वणिजानामुपपीडा भवति शाकटिकानां च।
yadyanurādhāsu somo gṛhyate, vaṇijānāmupapīḍā bhavati śākaṭikānāṃ ca/
Sanskrit only: no published translation is held for this verse.
यदि ज्येष्ठायां सोमो गृह्यते, दौवालिकानां पीडा भवति। यदि मूले सोमो गृह्यते, अध्वगानां पीडा भवति।
yadi jyeṣṭhāyāṃ somo gṛhyate, dauvālikānāṃ pīḍā bhavati/ yadi mūle somo gṛhyate, adhvagānāṃ pīḍā bhavati/
Sanskrit only: no published translation is held for this verse.
यदि पूर्वाषाढायां सोमो गृह्यते, अवन्तीनां पीडा भवति।
yadi pūrvāṣāḍhāyāṃ somo gṛhyate, avantīnāṃ pīḍā bhavati/
Sanskrit only: no published translation is held for this verse.
यद्युत्तराषाढायां सोमो गृह्यते, काम्बोजकानां पीडा भवति वाह्लीकानां च। यद्यभिजिति सोमो गृह्यते, दक्षिणापथिकानां पीडा भवति ताम्रपर्णिकानां च।
yadyuttarāṣāḍhāyāṃ somo gṛhyate, kāmbojakānāṃ pīḍā bhavati vāhlīkānāṃ ca/ yadyabhijiti somo gṛhyate, dakṣiṇāpathikānāṃ pīḍā bhavati tāmraparṇikānāṃ ca/
Sanskrit only: no published translation is held for this verse.
यदि श्रवणेषु सोमो गृह्यते, चौराणां घातकानां चोपपीडा भवति।
yadi śravaṇeṣu somo gṛhyate, caurāṇāṃ ghātakānāṃ copapīḍā bhavati/
Sanskrit only: no published translation is held for this verse.
यदि धनिष्ठायां सोमो गृह्यते, कुरुपाञ्चालानां पीडा भवति।
yadi dhaniṣṭhāyāṃ somo gṛhyate, kurupāñcālānāṃ pīḍā bhavati/
Sanskrit only: no published translation is held for this verse.
यदि शतभिषायां सोमो गृह्यते, मौलिकानामाथर्वणिकानां च पीडा भवति।
yadi śatabhiṣāyāṃ somo gṛhyate, maulikānāmātharvaṇikānāṃ ca pīḍā bhavati/
Sanskrit only: no published translation is held for this verse.
यदि पूर्वभाद्रपदायां सोमो गृह्यते, गान्धिकानाम् यवनकाम्बोजकानां च पीडा भवति।
yadi pūrvabhādrapadāyāṃ somo gṛhyate, gāndhikānām yavanakāmbojakānāṃ ca pīḍā bhavati/
Sanskrit only: no published translation is held for this verse.
यद्युत्तरभाद्रपदायां सोमो गृह्यते, गन्धर्वाणां पीडा भवति। यदि रेवत्यां सोमो गृह्यते, नाविकानां पीडा भवति।
yadyuttarabhādrapadāyāṃ somo gṛhyate, gandharvāṇāṃ pīḍā bhavati/ yadi revatyāṃ somo gṛhyate, nāvikānāṃ pīḍā bhavati/
Sanskrit only: no published translation is held for this verse.
यद्यश्विन्यां सोमो गृह्यते, अश्ववणिजानां पीडा भवति। यदि भरण्यां सोमो गृह्यते, भरुकच्छानां पीडा भवति॥
yadyaśvinyāṃ somo gṛhyate, aśvavaṇijānāṃ pīḍā bhavati/ yadi bharaṇyāṃ somo gṛhyate, bharukacchānāṃ pīḍā bhavati//
Sanskrit only: no published translation is held for this verse.
एवं भोः पुष्करसारिन् यस्मिन्नक्षत्रे चन्द्रग्रहो भवति तस्य तस्य देशस्य पीडा भवति।
evaṃ bhoḥ puṣkarasārin yasminnakṣatre candragraho bhavati tasya tasya deśasya pīḍā bhavati/
Sanskrit only: no published translation is held for this verse.
इत्युक्तो राहुग्रहफलविपाकाध्यायः॥
ityukto rāhugrahaphalavipākādhyāyaḥ//
Sanskrit only: no published translation is held for this verse.
प्रतिनक्षत्रवंशशास्त्रे यथोक्तं कर्म तच्छृणु।
pratinakṣatravaṃśaśāstre yathoktaṃ karma tacchṛṇu/
Sanskrit only: no published translation is held for this verse.
उच्यमानमिदं विप्र ऋषीणां वचनम् यथा॥१२२॥
ucyamānamidaṃ vipra ṛṣīṇāṃ vacanam yathā//122//
Sanskrit only: no published translation is held for this verse.
षट्तारां कृत्तिकां विद्यादाश्रयं तासु कारयेत्।
ṣaṭtārāṃ kṛttikāṃ vidyādāśrayaṃ tāsu kārayet/
Sanskrit only: no published translation is held for this verse.
अग्न्याधानं पाकयज्ञः समृद्धिप्रसवश्च यः॥१२२ अ॥
agnyādhānaṃ pākayajñaḥ samṛddhiprasavaśca yaḥ//122 a//
Sanskrit only: no published translation is held for this verse.