<३४८>सिध्यते दारुणं कर्म आश्लेषायां च कारयेत्।
<348>sidhyate dāruṇaṃ karma āśleṣāyāṃ ca kārayet/
Sanskrit only: no published translation is held for this verse.
Library·Divyāvadāna·348
Divyāvadāna 348
दुर्यादाभरणान्यत्र प्राकारमुपकल्पयेत्॥१५२॥
duryādābharaṇānyatra prākāramupakalpayet//152//
Sanskrit only: no published translation is held for this verse.
देहबन्धं नदीबन्धं संधिकर्म च कारयेत्।
dehabandhaṃ nadībandhaṃ saṃdhikarma ca kārayet/
Sanskrit only: no published translation is held for this verse.
प्रभूतदंशमशकं वर्षं मन्दं च वर्षति।
prabhūtadaṃśamaśakaṃ varṣaṃ mandaṃ ca varṣati/
Sanskrit only: no published translation is held for this verse.
क्रोधनः स्वप्नशीलश्च कुहकश्चात्र जायते॥१५३॥ आश्लेषायाम्॥
krodhanaḥ svapnaśīlaśca kuhakaścātra jāyate//153// āśleṣāyām//
Sanskrit only: no published translation is held for this verse.
मघासु सर्वधान्यानि वापयेत्संहरेदपि।
maghāsu sarvadhānyāni vāpayetsaṃharedapi/
Sanskrit only: no published translation is held for this verse.
संघातकर्म कुर्वीत सुमुखं चात्र कारयेत्॥१५४॥
saṃghātakarma kurvīta sumukhaṃ cātra kārayet//154//
Sanskrit only: no published translation is held for this verse.
कोष्ठागाराणि कुर्वीत फलं चात्र निवेशयेत्।
koṣṭhāgārāṇi kurvīta phalaṃ cātra niveśayet/
Sanskrit only: no published translation is held for this verse.
सर्वदा पितृदेवेभ्यः श्राद्धं चैवात्र कारयेत्॥१५५॥
sarvadā pitṛdevebhyaḥ śrāddhaṃ caivātra kārayet//155//
Sanskrit only: no published translation is held for this verse.
सस्यानां बहुलीभावो यदि देवो ऽत्र वर्षति।
sasyānāṃ bahulībhāvo yadi devo 'tra varṣati/
Sanskrit only: no published translation is held for this verse.
सुहृच्च द्वारिकश्चैव रसकामश्च जायते।
suhṛcca dvārikaścaiva rasakāmaśca jāyate/
Sanskrit only: no published translation is held for this verse.
आयुष्मान् बहुपुत्रश्च स्त्रीकामो भक्तलोलुपः॥१५६॥
āyuṣmān bahuputraśca strīkāmo bhaktalolupaḥ//156//
Sanskrit only: no published translation is held for this verse.
संग्रामं जीयते तत्र यदि पूर्वं प्रवर्तते।
saṃgrāmaṃ jīyate tatra yadi pūrvaṃ pravartate/
Sanskrit only: no published translation is held for this verse.
दारुणानि च कर्माणि तानि विद्वान् विवर्जयेत्॥१५७॥ मघासु॥
dāruṇāni ca karmāṇi tāni vidvān vivarjayet//157// maghāsu//
Sanskrit only: no published translation is held for this verse.
फल्गुनीषु च पूर्वासु सौभाग्यार्थानि कारयेत्।
phalgunīṣu ca pūrvāsu saubhāgyārthāni kārayet/
Sanskrit only: no published translation is held for this verse.
विशेषादामलक्यादिफलानामुपकारयेत्॥१५८॥
viśeṣādāmalakyādiphalānāmupakārayet//158//
Sanskrit only: no published translation is held for this verse.
कुमारीमङ्गलार्थानि स्नापनानि च कारयेत्।
kumārīmaṅgalārthāni snāpanāni ca kārayet/
Sanskrit only: no published translation is held for this verse.
कन्याप्रवहनार्थाय विहारं चैव कारयेत्॥१५९॥
kanyāpravahanārthāya vihāraṃ caiva kārayet//159//
Sanskrit only: no published translation is held for this verse.
वेश्मानि कारयेत्तत्र वैश्यमत्र प्रयोजयेत्।
veśmāni kārayettatra vaiśyamatra prayojayet/
Sanskrit only: no published translation is held for this verse.
भागम् ये चोपजीवन्ति तेषां कर्म प्रयोजयेत्॥१६०॥
bhāgam ye copajīvanti teṣāṃ karma prayojayet//160//
Sanskrit only: no published translation is held for this verse.
अव्यक्तकेशो ऽकेशः सुभगश्चात्र जायते।
avyaktakeśo 'keśaḥ subhagaścātra jāyate/
Sanskrit only: no published translation is held for this verse.
प्रवर्षणं च देवस्य सुवृष्टिमभिनिर्दिशेत्।
pravarṣaṇaṃ ca devasya suvṛṣṭimabhinirdiśet/
Sanskrit only: no published translation is held for this verse.
नष्टं विद्धं कृतं चापि न तदस्तीति निर्दिशेत्॥१६१॥ पूर्वफल्गुन्याम्॥
naṣṭaṃ viddhaṃ kṛtaṃ cāpi na tadastīti nirdiśet//161// pūrvaphalgunyām//
Sanskrit only: no published translation is held for this verse.
उत्तरायां तु फल्गुन्यां सर्वकर्माणि कारयेत्।
uttarāyāṃ tu phalgunyāṃ sarvakarmāṇi kārayet/
Sanskrit only: no published translation is held for this verse.
मेधावी दर्शनीयश्च यशस्वी चात्र जायते॥१६२॥
medhāvī darśanīyaśca yaśasvī cātra jāyate//162//
Sanskrit only: no published translation is held for this verse.
अथात्र नष्टं दग्धं वा सर्वमस्तीति निर्दिशेत्।
athātra naṣṭaṃ dagdhaṃ vā sarvamastīti nirdiśet/
Sanskrit only: no published translation is held for this verse.
प्रवर्षणं च देवस्य विद्यात्सम्पदनुत्तमाम्॥१६३॥ उत्तरफल्गुन्याम्॥
pravarṣaṇaṃ ca devasya vidyātsampadanuttamām//163// uttaraphalgunyām//
Sanskrit only: no published translation is held for this verse.
हस्तेन लघुकर्माणि सर्वाण्येव प्रयोजयेत्।
hastena laghukarmāṇi sarvāṇyeva prayojayet/
Sanskrit only: no published translation is held for this verse.
सर्वेषां च द्विजातीनां सर्वकर्माणि कारयेत्॥१६४॥
sarveṣāṃ ca dvijātīnāṃ sarvakarmāṇi kārayet//164//
Sanskrit only: no published translation is held for this verse.
हस्त्यारोहं महामात्रं पुष्करिणीं च कारयेत्।
hastyārohaṃ mahāmātraṃ puṣkariṇīṃ ca kārayet/
Sanskrit only: no published translation is held for this verse.
चौर्यं च सिध्यते तत्र तच्च विद्वान् विवर्जयेत्॥१६५॥
cauryaṃ ca sidhyate tatra tacca vidvān vivarjayet//165//
Sanskrit only: no published translation is held for this verse.