शङ्खस्य राज्ञो ब्रह्मायुर् नाम ब्राह्मणः पुरोहितो भविष्यति।
śaṅkhasya rājño brahmāyur nāma brāhmaṇaḥ purohito bhaviṣyati/
Sanskrit only: no published translation is held for this verse.
Divyāvadāna 37
तस्य ब्रह्मवती नाम पत्नी भविष्यति। सा मैत्रेयांशेन स्फुरित्वा पुत्रं जनयिष्यति मैत्रेयं नाम।
tasya brahmavatī nāma patnī bhaviṣyati/ sā maitreyāṃśena sphuritvā putraṃ janayiṣyati maitreyaṃ nāma/
Sanskrit only: no published translation is held for this verse.
ब्रह्मायुर्माणवो ऽशीतिमाणवकशतानि ब्राह्मणकान् मन्त्रान् वाचयिष्यति। स तान् माणवकान् मैत्रेयाय अनुप्रदास्यति।
brahmāyurmāṇavo 'śītimāṇavakaśatāni brāhmaṇakān mantrān vācayiṣyati/ sa tān māṇavakān maitreyāya anupradāsyati/
Sanskrit only: no published translation is held for this verse.
मैत्रेयो माणवो ऽशीतिमाणवकसहस्राणि ब्राह्मणकान् मन्त्रान् वाचयिष्यति।
maitreyo māṇavo 'śītimāṇavakasahasrāṇi brāhmaṇakān mantrān vācayiṣyati/
Sanskrit only: no published translation is held for this verse.
अथ चत्वारो महाराजाश्चतुर्महानिधिस्थाह्--
atha catvāro mahārājāścaturmahānidhisthāh--
Sanskrit only: no published translation is held for this verse.
पिङ्गलश्च कलिङ्गेषु मिथिलायां च पाण्डुकः।
piṅgalaśca kaliṅgeṣu mithilāyāṃ ca pāṇḍukaḥ/
Sanskrit only: no published translation is held for this verse.
एलापत्रश्च गान्धारे शङ्खो वाराणसीपुरे॥४॥
elāpatraśca gāndhāre śaṅkho vārāṇasīpure//4//
Sanskrit only: no published translation is held for this verse.
एनं च यूपमादाय शङ्खस्य राज्ञ उपनामयिष्यन्ति। शङ्खो ऽपि राजा ब्रह्मायुषे ब्राह्मणायानुप्रदास्यति।
enaṃ ca yūpamādāya śaṅkhasya rājña upanāmayiṣyanti/ śaṅkho 'pi rājā brahmāyuṣe brāhmaṇāyānupradāsyati/
Sanskrit only: no published translation is held for this verse.
ब्रह्मायुरपि ब्राह्मणो मैत्रेयाय माणवायानुप्रदास्यति। मैत्रेयो ऽपि माणवस्तेषां माणवकानामनुप्रदास्यति।
brahmāyurapi brāhmaṇo maitreyāya māṇavāyānupradāsyati/ maitreyo 'pi māṇavasteṣāṃ māṇavakānāmanupradāsyati/
Sanskrit only: no published translation is held for this verse.
ततस्ते माणवकास्तम् यूपं खण्डं खण्डं छित्त्वा भाजयिष्यन्ति।
tataste māṇavakāstam yūpaṃ khaṇḍaṃ khaṇḍaṃ chittvā bhājayiṣyanti/
Sanskrit only: no published translation is held for this verse.
ततो मैत्रेयो माणवकस्तस्य यूपस्यानित्यतां दृष्ट्वा तेनैव संवेगेन वनं संश्रयिष्यति। यस्मिन्नेव दिवसे वनं संश्रयिष्यति, तस्मिन्नेव दिवसे मैत्रेयांशेन स्फुरित्वा अनुत्तरं ज्ञानमधिगमिष्यति।
tato maitreyo māṇavakastasya yūpasyānityatāṃ dṛṣṭvā tenaiva saṃvegena vanaṃ saṃśrayiṣyati/ yasminneva divase vanaṃ saṃśrayiṣyati, tasminneva divase maitreyāṃśena sphuritvā anuttaraṃ jñānamadhigamiṣyati/
Sanskrit only: no published translation is held for this verse.
तस्य मैत्रेयः सम्यक्सम्बुद्ध इति संज्ञा भविष्यति। यस्मिन्नेव दिवसे मैत्रेयः सम्यक्सम्बुद्धो ऽनुत्तरज्ञानमधिगमिष्यति, तस्मिन्नेव दिवसे शङ्खस्य राज्ञः सप्तरत्नान्यन्तर्धास्यन्ते।
tasya maitreyaḥ samyaksambuddha iti saṃjñā bhaviṣyati/ yasminneva divase maitreyaḥ samyaksambuddho 'nuttarajñānamadhigamiṣyati, tasminneva divase śaṅkhasya rājñaḥ saptaratnānyantardhāsyante/
Sanskrit only: no published translation is held for this verse.
शङ्खो ऽपि राजा अशीतिकोट्टराजसहस्रपरिवारो मैत्रेयं सम्यक्सम्बुद्धं प्रव्रजितमनुप्रव्रजिष्यति।
śaṅkho 'pi rājā aśītikoṭṭarājasahasraparivāro maitreyaṃ samyaksambuddhaṃ pravrajitamanupravrajiṣyati/
Sanskrit only: no published translation is held for this verse.
यदप्यस्य स्त्रीरत्नं विशाखा नाम, सापि अशीतिस्त्रीसहस्रपरिवारा मैत्रेयं सम्यक्सम्बुद्धं प्रव्रजितमनुप्रव्रजिष्यति।
yadapyasya strīratnaṃ viśākhā nāma, sāpi aśītistrīsahasraparivārā maitreyaṃ samyaksambuddhaṃ pravrajitamanupravrajiṣyati/
Sanskrit only: no published translation is held for this verse.
ततो मैत्रेयः सम्यक्सम्बुद्धो ऽशीतिभिक्षुकोटिपरिवारो येन गुरुपादकः पर्वतस्तेनोपसंक्रमिष्यति, यत्र काश्यपस्य भिक्षोरस्थसंघातो ऽविकोपितस्तिष्ठति।
tato maitreyaḥ samyaksambuddho 'śītibhikṣukoṭiparivāro yena gurupādakaḥ parvatastenopasaṃkramiṣyati, yatra kāśyapasya bhikṣorasthasaṃghāto 'vikopitastiṣṭhati/
Sanskrit only: no published translation is held for this verse.
गुरुपादकपर्वतो मैत्रेयाय सम्यक्सम्बुद्धाय विवरमनुप्रदास्यति।
gurupādakaparvato maitreyāya samyaksambuddhāya vivaramanupradāsyati/
Sanskrit only: no published translation is held for this verse.
यतो मैत्रेयः सम्यक्सम्बुद्धः काश्यपस्य भिक्षोरविकोपितमस्थिसंघातं दक्षिणेन पाणिना गृहीत्वा वामे पाणौ प्रतिष्ठाप्य एवं श्रावकाणां धर्मं देशयिष्यति--यो ऽसौ भिक्षवो वर्षशतायुषि प्रजायां शाक्यमुनिर् नाम शास्ता लोक उत्पन्नस्तस्यायं श्रावकः काश्यपो नांना अल्पेच्छानां संतुष्टानां धूतगुणवादिनामग्रो, निर्दिष्टः।
yato maitreyaḥ samyaksambuddhaḥ kāśyapasya bhikṣoravikopitamasthisaṃghātaṃ dakṣiṇena pāṇinā gṛhītvā vāme pāṇau pratiṣṭhāpya evaṃ śrāvakāṇāṃ dharmaṃ deśayiṣyati--yo 'sau bhikṣavo varṣaśatāyuṣi prajāyāṃ śākyamunir nāma śāstā loka utpannastasyāyaṃ śrāvakaḥ kāśyapo nāṃnā alpecchānāṃ saṃtuṣṭānāṃ dhūtaguṇavādināmagro, nirdiṣṭaḥ/
Sanskrit only: no published translation is held for this verse.
शाक्यमुनेः परिनिर्वृतस्यानेन शासनसंगीतिः कृता इति।
śākyamuneḥ parinirvṛtasyānena śāsanasaṃgītiḥ kṛtā iti/
Sanskrit only: no published translation is held for this verse.
ते दृष्ट्वा संवेगमापत्स्यन्ते--कथमिदानीमीदृशेनात्मभावेनेदृशा गुणगणा अधिगता इति।
te dṛṣṭvā saṃvegamāpatsyante--kathamidānīmīdṛśenātmabhāvenedṛśā guṇagaṇā adhigatā iti/
Sanskrit only: no published translation is held for this verse.
ते तेनैव संवेगेनार्हत्त्वं साक्षात्करिष्यन्ति।
te tenaiva saṃvegenārhattvaṃ sākṣātkariṣyanti/
Sanskrit only: no published translation is held for this verse.
षण्णवतिकोट्यो ऽर्हतां भविष्यन्ति धूतगुणसाक्षात्कृताः। यं च संवेगमापत्स्यन्ते, तत्रासौ यूपो विलयं गमिष्यति॥
ṣaṇṇavatikoṭyo 'rhatāṃ bhaviṣyanti dhūtaguṇasākṣātkṛtāḥ/ yaṃ ca saṃvegamāpatsyante, tatrāsau yūpo vilayaṃ gamiṣyati//
Sanskrit only: no published translation is held for this verse.
को भदन्त हेतुः कः प्रत्ययो द्वयो रत्नयोर्युगपल्लोके प्रादुर्भावाय? भगवानाह--प्रणिधानवशात्।
ko bhadanta hetuḥ kaḥ pratyayo dvayo ratnayoryugapalloke prādurbhāvāya? bhagavānāha--praṇidhānavaśāt/
Sanskrit only: no published translation is held for this verse.
कुत्र भगवन् प्रणिधानं कृतम्?
kutra bhagavan praṇidhānaṃ kṛtam?
Sanskrit only: no published translation is held for this verse.
भूतपूर्वं भिक्षवो ऽतीते ऽध्वनि मध्यदेशे वासवो नाम राजा राज्यं कारयति ऋद्धं स्फीतं च क्षेमं च सुभिक्षं च आकीर्णबहुजनमनुष्यं च।
bhūtapūrvaṃ bhikṣavo 'tīte 'dhvani madhyadeśe vāsavo nāma rājā rājyaṃ kārayati ṛddhaṃ sphītaṃ ca kṣemaṃ ca subhikṣaṃ ca ākīrṇabahujanamanuṣyaṃ ca/
Sanskrit only: no published translation is held for this verse.
तस्य सदापुष्पफला वृक्षाः। देवः कालेन कालं सम्यग्वारिधारामनुप्रयच्छति।
tasya sadāpuṣpaphalā vṛkṣāḥ/ devaḥ kālena kālaṃ samyagvāridhārāmanuprayacchati/
Sanskrit only: no published translation is held for this verse.
अतीव शस्यसम्पत्तिर्भवति। उत्तरापथे धनसंमतो नाम राजा राज्यं कारयति ऋद्धं च स्फीतं च क्षेमं च सुभिक्षं च आकीर्णबहुजनमनुष्यं च।
atīva śasyasampattirbhavati/ uttarāpathe dhanasaṃmato nāma rājā rājyaṃ kārayati ṛddhaṃ ca sphītaṃ ca kṣemaṃ ca subhikṣaṃ ca ākīrṇabahujanamanuṣyaṃ ca/
Sanskrit only: no published translation is held for this verse.
तस्यापि सदापुष्पफला वृक्षाः। देवः कालेन कालं सम्यग्वारिधारामनुप्रयच्छतीति। अतीव <३८>शस्यसम्पत्तिर्भवति।
tasyāpi sadāpuṣpaphalā vṛkṣāḥ/ devaḥ kālena kālaṃ samyagvāridhārāmanuprayacchatīti/ atīva <38>śasyasampattirbhavati/
Sanskrit only: no published translation is held for this verse.