Library·Divyāvadāna·428
तया प्रसविता। तस्याः पुत्रो जातः। तया स दारकः स्नापयित्वा शुक्लेन वस्त्रेण वेष्टयित्वा नवनीतेनास्यं पूरयित्वा दारिकाया हस्ते दत्तः।
tayā prasavitā/ tasyāḥ putro jātaḥ/ tayā sa dārakaḥ snāpayitvā śuklena vastreṇa veṣṭayitvā navanītenāsyaṃ pūrayitvā dārikāyā haste dattaḥ/
Sanskrit only: no published translation is held for this verse.
सा दारिकोक्ता--इमं त्वं दारकं चतुर्महापथे धारय।
sā dārikoktā--imaṃ tvaṃ dārakaṃ caturmahāpathe dhāraya/
Sanskrit only: no published translation is held for this verse.
यदि कंचित्पश्यसि श्रमणं ब्राह्मणं वा, स वक्तव्यह्--अयं दारक आर्यस्य पादाभिवन्दनं करोति।
yadi kaṃcitpaśyasi śramaṇaṃ brāhmaṇaṃ vā, sa vaktavyah--ayaṃ dāraka āryasya pādābhivandanaṃ karoti/
Sanskrit only: no published translation is held for this verse.
अस्तं गत आदित्ये यदि जीवति, गृहीत्वा आगच्छ।
astaṃ gata āditye yadi jīvati, gṛhītvā āgaccha/
Sanskrit only: no published translation is held for this verse.
अथ कालं करोति, तत्रैवारोपयित्वा आगच्छ। सा दारिका अलसजातीया तं दारकमादाय पन्थलिकायां स्थिता।
atha kālaṃ karoti, tatraivāropayitvā āgaccha/ sā dārikā alasajātīyā taṃ dārakamādāya panthalikāyāṃ sthitā/
Sanskrit only: no published translation is held for this verse.
आचरितं तीर्थ्यानां कल्यमेवोत्थाय तीर्थोपस्पर्शका गच्छन्ति। सा दारिका सगौरवा सप्रतीशा पादभिवन्दनं कृत्वा कथयति--आर्य, अयं दरक आर्याणां पादाभिवन्दनं करोति।
ācaritaṃ tīrthyānāṃ kalyamevotthāya tīrthopasparśakā gacchanti/ sā dārikā sagauravā sapratīśā pādabhivandanaṃ kṛtvā kathayati--ārya, ayaṃ daraka āryāṇāṃ pādābhivandanaṃ karoti/
Sanskrit only: no published translation is held for this verse.
ते कथयन्ति--चिरं जीवतु, दीर्घमायुः पालयतु, मातापित्रोमनोरथं पूरयतु।
te kathayanti--ciraṃ jīvatu, dīrghamāyuḥ pālayatu, mātāpitromanorathaṃ pūrayatu/
Sanskrit only: no published translation is held for this verse.
सा तं विकालीभूते पश्यति--यावज्जीवति। सा तं गृहीत्वा गृहमागता। सा तैः पृष्टा--जीवति दारकह्? सा कथयति--जीवतीति।
sā taṃ vikālībhūte paśyati--yāvajjīvati/ sā taṃ gṛhītvā gṛhamāgatā/ sā taiḥ pṛṣṭā--jīvati dārakah? sā kathayati--jīvatīti/
Sanskrit only: no published translation is held for this verse.
ते कथयन्ति--कुत्र त्वयैष धारितह्? सा कथयति--अमुष्यां पन्थलिकायाम्।
te kathayanti--kutra tvayaiṣa dhāritah? sā kathayati--amuṣyāṃ panthalikāyām/
Sanskrit only: no published translation is held for this verse.
ते कथयन्ति--किं भवतु दारकस्य नाम? अयं दारकः पन्थलिकायां धारितः।
te kathayanti--kiṃ bhavatu dārakasya nāma? ayaṃ dārakaḥ panthalikāyāṃ dhāritaḥ/
Sanskrit only: no published translation is held for this verse.
भवतु दारकस्य नामधेयं पन्थक इति। पन्थको दारक उन्नीतो वर्धितो महान् संवृत्तिः।
bhavatu dārakasya nāmadheyaṃ panthaka iti/ panthako dāraka unnīto vardhito mahān saṃvṛttiḥ/
Sanskrit only: no published translation is held for this verse.
स यदा महान् संवृत्तस्तदा लिप्यमुपन्यस्तः। तस्य सीत्युक्ते धमिति विस्मरति।
sa yadā mahān saṃvṛttastadā lipyamupanyastaḥ/ tasya sītyukte dhamiti vismarati/
Sanskrit only: no published translation is held for this verse.
अथ तस्याचार्यः कथयति--ब्राह्मण, मया प्रभूतदारकाः पाठयितव्याः।
atha tasyācāryaḥ kathayati--brāhmaṇa, mayā prabhūtadārakāḥ pāṭhayitavyāḥ/
Sanskrit only: no published translation is held for this verse.
न शक्ष्याम्यहं पन्थकं पाठयितुम्। महापन्थकस्याल्पमुच्यते प्रभूतं गृह्णाति, अस्य तु पन्थकस्य सीत्युक्ते धमिति विस्मरति।
na śakṣyāmyahaṃ panthakaṃ pāṭhayitum/ mahāpanthakasyālpamucyate prabhūtaṃ gṛhṇāti, asya tu panthakasya sītyukte dhamiti vismarati/
Sanskrit only: no published translation is held for this verse.
ब्राह्मणः संलक्षयति--सर्वे ब्राह्मणा लिप्यक्षरकुशला भवन्ति, वेदब्राह्मण एष भविष्यति।
brāhmaṇaḥ saṃlakṣayati--sarve brāhmaṇā lipyakṣarakuśalā bhavanti, vedabrāhmaṇa eṣa bhaviṣyati/
Sanskrit only: no published translation is held for this verse.
स तेनाध्यापकस्य वेदं पाठयितुं समर्पितः। तस्य ओमित्युक्ते भूरिति विस्मरति, भूरित्युक्त ओमिति विस्मरति।
sa tenādhyāpakasya vedaṃ pāṭhayituṃ samarpitaḥ/ tasya omityukte bhūriti vismarati, bhūrityukta omiti vismarati/
Sanskrit only: no published translation is held for this verse.
अध्यापकः कथयति--प्रभूता माणवकाः पाठयितव्या मया।
adhyāpakaḥ kathayati--prabhūtā māṇavakāḥ pāṭhayitavyā mayā/
Sanskrit only: no published translation is held for this verse.
न शक्याम्यहं पन्थकं पाठयितुम्। अस्य ओमित्युक्ते भूरिति विस्मरति, भूरित्युक्त ओमिति विस्मरति।
na śakyāmyahaṃ panthakaṃ pāṭhayitum/ asya omityukte bhūriti vismarati, bhūrityukta omiti vismarati/
Sanskrit only: no published translation is held for this verse.
ब्राह्मणः संलक्षयति--न सर्वे ब्राह्मणा वेदपारगा भवन्ति।
brāhmaṇaḥ saṃlakṣayati--na sarve brāhmaṇā vedapāragā bhavanti/
Sanskrit only: no published translation is held for this verse.
जातिब्राह्मण एवायं भविष्यतीति। स यत्र क्वचिन्निमन्त्रितको गच्छति, तमेव पन्थकमादाय गच्छति।
jātibrāhmaṇa evāyaṃ bhaviṣyatīti/ sa yatra kvacinnimantritako gacchati, tameva panthakamādāya gacchati/
Sanskrit only: no published translation is held for this verse.
अथ तेन समयेन स ब्राह्मणो ग्लानीभूतः। स मूलगण्डपत्रफलभैषज्यैरुपस्थीयमानो हीयत एव।
atha tena samayena sa brāhmaṇo glānībhūtaḥ/ sa mūlagaṇḍapatraphalabhaiṣajyairupasthīyamāno hīyata eva/
Sanskrit only: no published translation is held for this verse.
स तेन महापन्थक उक्तह्--पुत्र, त्वं ममात्ययादशोच्यो ऽसि।
sa tena mahāpanthaka uktah--putra, tvaṃ mamātyayādaśocyo 'si/
Sanskrit only: no published translation is held for this verse.
अपि तु त्वया पन्थकस्य योगोद्वहनं कर्तव्यमिति। इत्युक्त्वा--
api tu tvayā panthakasya yogodvahanaṃ kartavyamiti/ ityuktvā--
Sanskrit only: no published translation is held for this verse.
सर्वे क्षयान्ता निचयाः पतनान्ताः समुच्छ्रयाः।
sarve kṣayāntā nicayāḥ patanāntāḥ samucchrayāḥ/
Sanskrit only: no published translation is held for this verse.
सम्योगा विप्रयोगान्ता मरणान्तं च जीवितम्॥१॥
samyogā viprayogāntā maraṇāntaṃ ca jīvitam//1//
Sanskrit only: no published translation is held for this verse.
इति स कालधर्मेण सम्युक्तः। ते तं नीलपीतलोहितावदातैर्वस्त्रैः शिबिकामलंकृत्य महता सत्कारेण श्मशाने ध्मापयित्वा शोकविनोदं कृत्वा अवस्थिताः॥
iti sa kāladharmeṇa samyuktaḥ/ te taṃ nīlapītalohitāvadātairvastraiḥ śibikāmalaṃkṛtya mahatā satkāreṇa śmaśāne dhmāpayitvā śokavinodaṃ kṛtvā avasthitāḥ//
Sanskrit only: no published translation is held for this verse.
आयुष्मन्तौ शारिपुत्रमौद्गल्यायनौ पञ्चशतपरिवारौ कोसलेषु जानपदेषु चारिकां चरन्तौ श्रावस्तीमनुप्राप्तौ।
āyuṣmantau śāriputramaudgalyāyanau pañcaśataparivārau kosaleṣu jānapadeṣu cārikāṃ carantau śrāvastīmanuprāptau/
Sanskrit only: no published translation is held for this verse.
श्रावस्त्यां जनकायेन श्रुतम्--आयुष्मन्तौ शारिपुत्रमौद्गल्यायनौ पञ्चशतपरिवारौ कोसलेषु जानपदेषु चारिकां चरन्तौ श्रावस्तीमनुप्राप्तौ।
śrāvastyāṃ janakāyena śrutam--āyuṣmantau śāriputramaudgalyāyanau pañcaśataparivārau kosaleṣu jānapadeṣu cārikāṃ carantau śrāvastīmanuprāptau/
Sanskrit only: no published translation is held for this verse.
श्रुत्वा च पुनः स जनकायो बहिर् निर्गन्तुमारब्धः।
śrutvā ca punaḥ sa janakāyo bahir nirgantumārabdhaḥ/
Sanskrit only: no published translation is held for this verse.
महापन्थको ऽपि बहिः श्रावस्त्यामन्यतमस्मिन् वृक्षमूले <४२९>पञ्चमात्राणि माणवकशतानि ब्राह्मणकान् मन्त्रान् वाचयति।
mahāpanthako 'pi bahiḥ śrāvastyāmanyatamasmin vṛkṣamūle <429>pañcamātrāṇi māṇavakaśatāni brāhmaṇakān mantrān vācayati/
Sanskrit only: no published translation is held for this verse.