तेन स जनकायः श्रावस्त्या निर्गच्छन् दृष्टः।
tena sa janakāyaḥ śrāvastyā nirgacchan dṛṣṭaḥ/
Sanskrit only: no published translation is held for this verse.
Library·Divyāvadāna·429
Divyāvadāna 429
स तान् माणवकान् पृच्छति--भवन्तः, क एष महाजनकायो निर्गच्छति? ते तस्य कथयन्ति--उपाध्याय, भदन्तौ शारिपुत्रमौद्गल्यायनौ पञ्चशतपरिवारौ कोसलेषु जनपदेषु चारिकां चरित्वा इह श्रावस्तीमनुप्राप्तौ, तद्दर्शनायोपसंक्रान्तः।
sa tān māṇavakān pṛcchati--bhavantaḥ, ka eṣa mahājanakāyo nirgacchati? te tasya kathayanti--upādhyāya, bhadantau śāriputramaudgalyāyanau pañcaśataparivārau kosaleṣu janapadeṣu cārikāṃ caritvā iha śrāvastīmanuprāptau, taddarśanāyopasaṃkrāntaḥ/
Sanskrit only: no published translation is held for this verse.
किं नु तौ द्रष्टव्यौ? यत्रेदानीं तदग्रं वर्णमपहाय द्वितीयवर्णस्य श्रमणस्य गौतमस्यान्तिके प्रव्रजितौ।
kiṃ nu tau draṣṭavyau? yatredānīṃ tadagraṃ varṇamapahāya dvitīyavarṇasya śramaṇasya gautamasyāntike pravrajitau/
Sanskrit only: no published translation is held for this verse.
एकस्तत्र माणवकः श्राद्धः।
ekastatra māṇavakaḥ śrāddhaḥ/
Sanskrit only: no published translation is held for this verse.
स कथयति--उपाध्याय, मैवं वोचः। महानुभावौ तौ। यद्युपाध्यायस्तेषां धर्मं शृणुयात्, स्थानमेतद्विद्यते यदुपाध्यायस्यापि रोचते।
sa kathayati--upādhyāya, maivaṃ vocaḥ/ mahānubhāvau tau/ yadyupādhyāyasteṣāṃ dharmaṃ śṛṇuyāt, sthānametadvidyate yadupādhyāyasyāpi rocate/
Sanskrit only: no published translation is held for this verse.
आचरितं तेषां माणवकानाम् यदा अपाठा भवन्ति, ते कदाचिन्नगरावलोकनया गच्छन्ति।
ācaritaṃ teṣāṃ māṇavakānām yadā apāṭhā bhavanti, te kadācinnagarāvalokanayā gacchanti/
Sanskrit only: no published translation is held for this verse.
कदाचित्तीर्थोपस्पर्शका गच्छन्ति।
kadācittīrthopasparśakā gacchanti/
Sanskrit only: no published translation is held for this verse.
कदाचित्समिधाहारका गच्छन्ति। अपरेण समयेन ते सर्वे अपाठाः संवृत्ताः। ते समिधाहारकाः संप्रस्थिताः।
kadācitsamidhāhārakā gacchanti/ apareṇa samayena te sarve apāṭhāḥ saṃvṛttāḥ/ te samidhāhārakāḥ saṃprasthitāḥ/
Sanskrit only: no published translation is held for this verse.
सो ऽपि महापन्थको ऽन्यतमवृक्षमूले चंक्रम्य स्थितः। तत्रैकं भिक्षुमद्राक्षीत्।
so 'pi mahāpanthako 'nyatamavṛkṣamūle caṃkramya sthitaḥ/ tatraikaṃ bhikṣumadrākṣīt/
Sanskrit only: no published translation is held for this verse.
स तमुपसंक्रम्यैवमाह--भो भिक्षो, उच्यतां तावत्किंचिद्बुद्धवचनम्। तेन तस्य दश कुशलाः कर्मपथा विस्तरेण संप्रकाशिताः।
sa tamupasaṃkramyaivamāha--bho bhikṣo, ucyatāṃ tāvatkiṃcidbuddhavacanam/ tena tasya daśa kuśalāḥ karmapathā vistareṇa saṃprakāśitāḥ/
Sanskrit only: no published translation is held for this verse.
सो ऽभिप्रसन्नः कथयति--भो भिक्षो, पुनरप्याख्याहि विस्तरम्।
so 'bhiprasannaḥ kathayati--bho bhikṣo, punarapyākhyāhi vistaram/
Sanskrit only: no published translation is held for this verse.
इत्युक्त्वा प्रक्रान्तः। अपरेण समयेन भूयस्ते अपाठाः संवृताः।
ityuktvā prakrāntaḥ/ apareṇa samayena bhūyaste apāṭhāḥ saṃvṛtāḥ/
Sanskrit only: no published translation is held for this verse.
ते समिधाहातकाः संप्रस्थिताः। महापन्थको ऽपि भिक्षुसकाशमुपसंक्रान्तः। तेन तस्य द्वादशाङ्गः प्रतीत्यसमुत्पादो ऽनुलोमप्रतिलोमो विस्तरेण प्रकाशितः।
te samidhāhātakāḥ saṃprasthitāḥ/ mahāpanthako 'pi bhikṣusakāśamupasaṃkrāntaḥ/ tena tasya dvādaśāṅgaḥ pratītyasamutpādo 'nulomapratilomo vistareṇa prakāśitaḥ/
Sanskrit only: no published translation is held for this verse.
सो ऽभिप्रसन्नः कथयति--भो भिक्षु, लभेयाहं स्वाख्याते धर्मविनये प्रव्रज्यामुपसम्पदं भिक्षुभावम्।
so 'bhiprasannaḥ kathayati--bho bhikṣu, labheyāhaṃ svākhyāte dharmavinaye pravrajyāmupasampadaṃ bhikṣubhāvam/
Sanskrit only: no published translation is held for this verse.
चरेयमहं श्रमणस्य गौतमस्यान्तिके ब्रह्मचर्यम्।
careyamahaṃ śramaṇasya gautamasyāntike brahmacaryam/
Sanskrit only: no published translation is held for this verse.
स भिक्षुः संलक्षयति--प्रव्राजयामि शासने, धुरमुन्नामयतीति।
sa bhikṣuḥ saṃlakṣayati--pravrājayāmi śāsane, dhuramunnāmayatīti/
Sanskrit only: no published translation is held for this verse.
स तेनोक्तह्--ब्राह्मण, एवं कुरुष्व। महापन्थकः कथयति--भिक्षो, वयं प्रज्ञाता ब्राह्मणाः।
sa tenoktah--brāhmaṇa, evaṃ kuruṣva/ mahāpanthakaḥ kathayati--bhikṣo, vayaṃ prajñātā brāhmaṇāḥ/
Sanskrit only: no published translation is held for this verse.
न शक्ष्याम् इहैव प्रव्रजितुम्। जनपदं गत्वा प्रव्रजामः। स तेन जनपदं नीत्वा प्रव्रजितह् उपसम्पादितः, उक्तश्च।
na śakṣyām ihaiva pravrajitum/ janapadaṃ gatvā pravrajāmaḥ/ sa tena janapadaṃ nītvā pravrajitah upasampāditaḥ, uktaśca/
Sanskrit only: no published translation is held for this verse.
द्वे भिक्षुकर्मणी ध्यानमध्ययनं च। किं करिष्यसि? उभयं करिष्यामि।
dve bhikṣukarmaṇī dhyānamadhyayanaṃ ca/ kiṃ kariṣyasi? ubhayaṃ kariṣyāmi/
Sanskrit only: no published translation is held for this verse.
तेन दिवा उद्दिशता योनिशो भावयता त्रीणि पिटकानि, रात्रौ चिन्तयता तुलयता उपपरीक्षमाणेन सर्वक्लेशप्रहाणादर्हत्वं साक्षात्कृतम्।
tena divā uddiśatā yoniśo bhāvayatā trīṇi piṭakāni, rātrau cintayatā tulayatā upaparīkṣamāṇena sarvakleśaprahāṇādarhatvaṃ sākṣātkṛtam/
Sanskrit only: no published translation is held for this verse.
अर्हन् संवृत्तस्त्रैधतुकवीतरागः समलोष्टकाञ्चन आकाशपाणितलसमचित्तो वासीचन्दनकल्पो विद्याविदारिताण्डकोशो विद्याभिज्ञाप्रतिसंवित्प्राप्तो भवलाभलोभसत्कारपराड्भुखः।
arhan saṃvṛttastraidhatukavītarāgaḥ samaloṣṭakāñcana ākāśapāṇitalasamacitto vāsīcandanakalpo vidyāvidāritāṇḍakośo vidyābhijñāpratisaṃvitprāpto bhavalābhalobhasatkāraparāḍbhukhaḥ/
Sanskrit only: no published translation is held for this verse.
सेन्द्रोपेन्द्राणां देवानां मान्यः पूज्यो ऽभिवाद्यश्च संवृत्तः॥
sendropendrāṇāṃ devānāṃ mānyaḥ pūjyo 'bhivādyaśca saṃvṛttaḥ//
Sanskrit only: no published translation is held for this verse.
यदा पन्थकस्य भोगास्तनुत्वं परिक्षयं पर्यादानं गताः, स कृच्छ्रेण जीविकां कल्पयितुमारब्धः।
yadā panthakasya bhogāstanutvaṃ parikṣayaṃ paryādānaṃ gatāḥ, sa kṛcchreṇa jīvikāṃ kalpayitumārabdhaḥ/
Sanskrit only: no published translation is held for this verse.
अथ पन्थकस्यैतदभवत्--यत्तावन्मे श्रुतेन प्राप्तव्यं तन्मया॥।। यन्न्वहं श्रावस्तीं गत्वा भगवन्तं पर्युपाआस्यामि।
atha panthakasyaitadabhavat--yattāvanme śrutena prāptavyaṃ tanmayā.../ yannvahaṃ śrāvastīṃ gatvā bhagavantaṃ paryupāāsyāmi/
Sanskrit only: no published translation is held for this verse.
अथायुष्मान् महापन्थकः पञ्चशतपरिवारो येन श्रावस्ती तेन चारिकां प्रक्रान्तः।
athāyuṣmān mahāpanthakaḥ pañcaśataparivāro yena śrāvastī tena cārikāṃ prakrāntaḥ/
Sanskrit only: no published translation is held for this verse.
अनुपूर्वेण चारिकां चरञ् श्रावस्तीमनुप्राप्तः। श्रावस्त्यां जनकायेन श्रुतम्--आर्यो महापन्थकः पञ्चशतपरिवारः कोसलेषु जनपदेषु चारिकां चरञ् श्रावस्तीमनुप्राप्तः।
anupūrveṇa cārikāṃ carañ śrāvastīmanuprāptaḥ/ śrāvastyāṃ janakāyena śrutam--āryo mahāpanthakaḥ pañcaśataparivāraḥ kosaleṣu janapadeṣu cārikāṃ carañ śrāvastīmanuprāptaḥ/
Sanskrit only: no published translation is held for this verse.
श्रुत्वा च पुनर् निर्गन्तुमारब्धः। पन्थकेन दृष्टः। स पृच्छति--भवन्तः, कुत्रेषु महाजनकायो गच्छति? ते कथयन्ति--आर्यो महापन्थकः पञ्चशतपरिवातः कोसलेषु <४३०>जनपदेषु चारिकां चरञ् श्रावस्तीमनुप्राप्तः।
śrutvā ca punar nirgantumārabdhaḥ/ panthakena dṛṣṭaḥ/ sa pṛcchati--bhavantaḥ, kutreṣu mahājanakāyo gacchati? te kathayanti--āryo mahāpanthakaḥ pañcaśataparivātaḥ kosaleṣu <430>janapadeṣu cārikāṃ carañ śrāvastīmanuprāptaḥ/
Sanskrit only: no published translation is held for this verse.