तमेषु महाजनकायो दर्शनायोपसंक्रामति।
tameṣu mahājanakāyo darśanāyopasaṃkrāmati/
Sanskrit only: no published translation is held for this verse.
Library·Divyāvadāna·430
Divyāvadāna 430
पन्थकः संलक्षयति--एषामसौ न भ्राता न ज्ञातिः। ममासौ भ्राता भवति। अहं कस्मात्तं न दर्शनायोपसंक्रामामि? सो ऽपि तद्दर्शनायोपसंक्रान्तः।
panthakaḥ saṃlakṣayati--eṣāmasau na bhrātā na jñātiḥ/ mamāsau bhrātā bhavati/ ahaṃ kasmāttaṃ na darśanāyopasaṃkrāmāmi? so 'pi taddarśanāyopasaṃkrāntaḥ/
Sanskrit only: no published translation is held for this verse.
स तेन दृष्टः पृष्टश्च--पन्थक, कथम् यापयसि? कृच्छ्रेण यापयामि? किं न प्रव्रजसि? स कथयति--अहं चूडः परमचूडो धन्वः परमधन्वः।
sa tena dṛṣṭaḥ pṛṣṭaśca--panthaka, katham yāpayasi? kṛcchreṇa yāpayāmi? kiṃ na pravrajasi? sa kathayati--ahaṃ cūḍaḥ paramacūḍo dhanvaḥ paramadhanvaḥ/
Sanskrit only: no published translation is held for this verse.
को मां प्रव्राजयिष्यतीति? आयुष्मान् महापन्थकः संलक्षयति--सन्त्यस्य कानिचित्कुशलमूलानि? सन्ति।
ko māṃ pravrājayiṣyatīti? āyuṣmān mahāpanthakaḥ saṃlakṣayati--santyasya kānicitkuśalamūlāni? santi/
Sanskrit only: no published translation is held for this verse.
केनायं न योग्यह्? आगच्छ, अहं त्वां प्रव्राजयिष्यामि।
kenāyaṃ na yogyah? āgaccha, ahaṃ tvāṃ pravrājayiṣyāmi/
Sanskrit only: no published translation is held for this verse.
तेन प्रव्राजित उपसम्पादितः। तेन तस्योद्देशो दत्तह्--
tena pravrājita upasampāditaḥ/ tena tasyoddeśo dattah--
Sanskrit only: no published translation is held for this verse.
पापं न कुर्यान्मनसा न वाचा कायेन वा किंचन सर्वलोके।
pāpaṃ na kuryānmanasā na vācā kāyena vā kiṃcana sarvaloke/
Sanskrit only: no published translation is held for this verse.
रिक्तः कामैः स्मृतिमान् संप्रजानन् दुःखं न स विद्यादनर्थोपसंहितम्॥१॥
riktaḥ kāmaiḥ smṛtimān saṃprajānan duḥkhaṃ na sa vidyādanarthopasaṃhitam//1//
Sanskrit only: no published translation is held for this verse.
तस्यैषा गाथा त्रैमास्येनापि न वृत्ता जाता। अन्येषां गोपालकानां पशुपालकानां श्रुत्वा प्रवृत्ता जाता।
tasyaiṣā gāthā traimāsyenāpi na vṛttā jātā/ anyeṣāṃ gopālakānāṃ paśupālakānāṃ śrutvā pravṛttā jātā/
Sanskrit only: no published translation is held for this verse.
सगौरवः सप्रतीश उपसंक्रम्य प्रष्टुं प्रवृत्तः। ते उपसंहरन्ति। धर्मता खलु यथा बुद्धानां भगवतां द्वौ श्रावकाणां संनिपातौ भवतः, आषाढ्यां वर्षोपनायिकायां कार्तिकपूर्णमास्याम्।
sagauravaḥ sapratīśa upasaṃkramya praṣṭuṃ pravṛttaḥ/ te upasaṃharanti/ dharmatā khalu yathā buddhānāṃ bhagavatāṃ dvau śrāvakāṇāṃ saṃnipātau bhavataḥ, āṣāḍhyāṃ varṣopanāyikāyāṃ kārtikapūrṇamāsyām/
Sanskrit only: no published translation is held for this verse.
एवं महाश्राव्काणामपि। तत्र ये आषाढीवर्षोपनायिकायामुपसंक्रामन्ति, ते तांस्तान् मनसिकारविशेषानादाय तासु तासु ग्रामनिगमराष्ट्रराजधानीषु वर्षा उपगच्छन्ति।
evaṃ mahāśrāvkāṇāmapi/ tatra ye āṣāḍhīvarṣopanāyikāyāmupasaṃkrāmanti, te tāṃstān manasikāraviśeṣānādāya tāsu tāsu grāmanigamarāṣṭrarājadhānīṣu varṣā upagacchanti/
Sanskrit only: no published translation is held for this verse.
ये कार्तिक्यां च पूर्णमास्यामुपसंक्रमन्ति, ते स्वाध्यायनिकां परिपृच्छनिकां च याचन्ति, यथाधिगतं चारोचयन्ति।
ye kārtikyāṃ ca pūrṇamāsyāmupasaṃkramanti, te svādhyāyanikāṃ paripṛcchanikāṃ ca yācanti, yathādhigataṃ cārocayanti/
Sanskrit only: no published translation is held for this verse.
आयुष्मतो महापन्थकस्य सार्धंविहार्यन्तेवासिका भिक्षवो जनपदे वर्षोषिताः, ते ऽप्येव कार्तिक्यां पूर्णमास्याम् येनायुष्मान् महापन्थकस्तेनोपसंक्रान्ताः।
āyuṣmato mahāpanthakasya sārdhaṃvihāryantevāsikā bhikṣavo janapade varṣoṣitāḥ, te 'pyeva kārtikyāṃ pūrṇamāsyām yenāyuṣmān mahāpanthakastenopasaṃkrāntāḥ/
Sanskrit only: no published translation is held for this verse.
तत्र केचित्स्वाध्यायिनिकाम् याचन्ति, केचित्परिपृच्छन्ति, केचिद्यथाधिगतमारोचयन्ति।
tatra kecitsvādhyāyinikām yācanti, kecitparipṛcchanti, kecidyathādhigatamārocayanti/
Sanskrit only: no published translation is held for this verse.
तत्र ये चूडा भवन्ति परमचूडा धन्वाः परमधन्वाः, ते षड्वर्गीयान् सेवन्ते भजन्ते पर्युपासन्ते।
tatra ye cūḍā bhavanti paramacūḍā dhanvāḥ paramadhanvāḥ, te ṣaḍvargīyān sevante bhajante paryupāsante/
Sanskrit only: no published translation is held for this verse.
आयुष्मान् पन्थकः षड्वर्गीयान् सेवते भजते पर्युपासते। स षड्वर्गीयैरुच्यते--आयुष्मन् पन्थक, तव समानोपाध्याया उपाध्यायस्यान्तिकात्स्वध्यायिनिकां परिपृच्छिनिकाम् याचन्ति।
āyuṣmān panthakaḥ ṣaḍvargīyān sevate bhajate paryupāsate/ sa ṣaḍvargīyairucyate--āyuṣman panthaka, tava samānopādhyāyā upādhyāyasyāntikātsvadhyāyinikāṃ paripṛcchinikām yācanti/
Sanskrit only: no published translation is held for this verse.
गच्छ, त्वमपि त्वदुपाध्यायस्यान्तिकात्स्वाध्यायिनिकां परिपृच्छनिकाम् याचस्व। स कथयति--मया न किंचित्पठितं त्रैमास्ये, न त्वेका गाथा मम वृत्ता जाता, किमहं स्वाध्यायिनिकाम् याचेयमिति? ते कथयन्ति--ननूक्तं भगवता--अस्वाध्यायमाना मत्ता इति।
gaccha, tvamapi tvadupādhyāyasyāntikātsvādhyāyinikāṃ paripṛcchanikām yācasva/ sa kathayati--mayā na kiṃcitpaṭhitaṃ traimāsye, na tvekā gāthā mama vṛttā jātā, kimahaṃ svādhyāyinikām yāceyamiti? te kathayanti--nanūktaṃ bhagavatā--asvādhyāyamānā mattā iti/
Sanskrit only: no published translation is held for this verse.
किं तवास्वाध्यायमानस्य गाथा अनुप्रवृत्ता भविष्यति? गच्छ, याचाहि।
kiṃ tavāsvādhyāyamānasya gāthā anupravṛttā bhaviṣyati? gaccha, yācāhi/
Sanskrit only: no published translation is held for this verse.
स गत्वा कथयति--उपाध्याय, स्वाध्यायिनिकां तावन्मे देहि।
sa gatvā kathayati--upādhyāya, svādhyāyinikāṃ tāvanme dehi/
Sanskrit only: no published translation is held for this verse.
आयुष्मान् महापन्थकः संलक्षयति--किमस्येदं स्वं प्रतिभानमाहोस्वित् केनचित्प्रयुक्तह्? स पश्यति--यावत्प्रयुक्तः।
āyuṣmān mahāpanthakaḥ saṃlakṣayati--kimasyedaṃ svaṃ pratibhānamāhosvit kenacitprayuktah? sa paśyati--yāvatprayuktaḥ/
Sanskrit only: no published translation is held for this verse.
आयुष्मान् महापन्थकः संलक्षयति--किं न्वयमुत्सहनाविनेय आहोस्विदवसाअदनाविनेयह्? स पश्यति--यावदवसादनाविनेयः।
āyuṣmān mahāpanthakaḥ saṃlakṣayati--kiṃ nvayamutsahanāvineya āhosvidavasāadanāvineyah? sa paśyati--yāvadavasādanāvineyaḥ/
Sanskrit only: no published translation is held for this verse.
स तेन ग्रीवाअयां गृहीत्वा बहिर्विहारस्य निष्कासितः। त्वं तावच्चूडः परमचूडो धन्वः परमधन्वः।
sa tena grīvāayāṃ gṛhītvā bahirvihārasya niṣkāsitaḥ/ tvaṃ tāvaccūḍaḥ paramacūḍo dhanvaḥ paramadhanvaḥ/
Sanskrit only: no published translation is held for this verse.
किं त्वमस्मिञ् शासने करिष्यसि? स रोदितुमारब्धः। इदानीमहं न <४३१>गृही न प्रव्रजितः।
kiṃ tvamasmiñ śāsane kariṣyasi? sa roditumārabdhaḥ/ idānīmahaṃ na <431>gṛhī na pravrajitaḥ/
Sanskrit only: no published translation is held for this verse.