<४३२>एतद्रजः प्रतिविनुदन्ति पण्डिता न ये प्रमत्ताः सुगतस्य शासने॥४॥
<432>etadrajaḥ prativinudanti paṇḍitā na ye pramattāḥ sugatasya śāsane//4//
Sanskrit only: no published translation is held for this verse.
Library·Divyāvadāna·432
Divyāvadāna 432
रजो ऽत्र मोहो न हि रेणुरेष रजो मोहस्याधिवचनं न रेणोः।
rajo 'tra moho na hi reṇureṣa rajo mohasyādhivacanaṃ na reṇoḥ/
Sanskrit only: no published translation is held for this verse.
एतद्रजः प्रतिविनुदन्ति पण्डिता न ये प्रमत्ताअः सुगतस्य शासने॥५॥
etadrajaḥ prativinudanti paṇḍitā na ye pramattāaḥ sugatasya śāsane//5//
Sanskrit only: no published translation is held for this verse.
तेनोद्यच्छमानेन घटमानेन व्यायच्छमानेन सर्वक्लेशप्रहाणादर्हत्त्वं साक्षात्कृतम्।
tenodyacchamānena ghaṭamānena vyāyacchamānena sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
अर्हन् संवृत्तस् त्रैधातुकवीतरागः समलोष्टकाञ्चन आकाशपाणितलसमचित्तो वासीचन्दनकल्पो विद्याविदारिताण्डकोशो विद्याभिज्ञाप्रतिसंवित्प्राप्तो भवलाभलोभसत्कारपरान्मुखः।
arhan saṃvṛttas traidhātukavītarāgaḥ samaloṣṭakāñcana ākāśapāṇitalasamacitto vāsīcandanakalpo vidyāvidāritāṇḍakośo vidyābhijñāpratisaṃvitprāpto bhavalābhalobhasatkāraparānmukhaḥ/
Sanskrit only: no published translation is held for this verse.
सेन्द्रोपेन्द्राणां देवानां मान्यश्च पूज्यश्चाभिवाद्यश्च संवृत्तः। ध्याने निषण्ण आयुष्मता महापन्थकेन दृष्टः।
sendropendrāṇāṃ devānāṃ mānyaśca pūjyaścābhivādyaśca saṃvṛttaḥ/ dhyāne niṣaṇṇa āyuṣmatā mahāpanthakena dṛṣṭaḥ/
Sanskrit only: no published translation is held for this verse.
असमन्वाहृत्यार्हतां ज्ञानदर्शनं न प्रवर्तते। स तेन बाहौ गृहीत्वोक्तह्--आगच्छ स्वाध्यायिनिकां तावत्कुरु, ततः पश्चाद्ध्यायिष्यसीति।
asamanvāhṛtyārhatāṃ jñānadarśanaṃ na pravartate/ sa tena bāhau gṛhītvoktah--āgaccha svādhyāyinikāṃ tāvatkuru, tataḥ paścāddhyāyiṣyasīti/
Sanskrit only: no published translation is held for this verse.
अथायुष्मता पन्थकेन सर्वक्लेशप्रहाणादर्हत्त्वं साक्षात्कृतम्, गजभुजसदृशो बाहुरुत्सृष्टः।
athāyuṣmatā panthakena sarvakleśaprahāṇādarhattvaṃ sākṣātkṛtam, gajabhujasadṛśo bāhurutsṛṣṭaḥ/
Sanskrit only: no published translation is held for this verse.
आयुष्मता महापन्थकेन पृष्टतो मुखं व्यवलोकयता दृष्टः।
āyuṣmatā mahāpanthakena pṛṣṭato mukhaṃ vyavalokayatā dṛṣṭaḥ/
Sanskrit only: no published translation is held for this verse.
स कथयति--आयुष्मन् पन्थक, एवं ते त्वया गुणगणा अधिगताह्? अधिगताः॥
sa kathayati--āyuṣman panthaka, evaṃ te tvayā guṇagaṇā adhigatāh? adhigatāḥ//
Sanskrit only: no published translation is held for this verse.
यदा आयुष्मता पन्थकेन सर्वक्लेशप्रहाणादर्हत्त्वं साक्षात्कृतम्, अन्यतीर्थिका अवध्यायन्ति ध्रियन्ति विवाचयन्ति।
yadā āyuṣmatā panthakena sarvakleśaprahāṇādarhattvaṃ sākṣātkṛtam, anyatīrthikā avadhyāyanti dhriyanti vivācayanti/
Sanskrit only: no published translation is held for this verse.
श्रमणो गौतम एवमाह--गम्भीरो मे धर्मो गम्भीरावभासो दुर्दृशो दुर्नुबोधो ऽतर्को ऽतर्कावचरः, सूक्षुमो निपुणपण्डितविज्ञवेदनीयः।
śramaṇo gautama evamāha--gambhīro me dharmo gambhīrāvabhāso durdṛśo durnubodho 'tarko 'tarkāvacaraḥ, sūkṣumo nipuṇapaṇḍitavijñavedanīyaḥ/
Sanskrit only: no published translation is held for this verse.
अत्रेदानीं किं गम्भीरो ऽस्य, यस्येदानीं पन्थकप्रभृतयश्चूडाः परमचूडा धन्वाः परमधन्वाः प्रव्रजन्ति।
atredānīṃ kiṃ gambhīro 'sya, yasyedānīṃ panthakaprabhṛtayaścūḍāḥ paramacūḍā dhanvāḥ paramadhanvāḥ pravrajanti/
Sanskrit only: no published translation is held for this verse.
भगवान् संलक्षयति--सुमेरुप्रख्ये महाश्रावके महाजनकायः क्षान्तिं गृह्णाति। गुणोद्भावना अस्य कर्तव्या।
bhagavān saṃlakṣayati--sumeruprakhye mahāśrāvake mahājanakāyaḥ kṣāntiṃ gṛhṇāti/ guṇodbhāvanā asya kartavyā/
Sanskrit only: no published translation is held for this verse.
तत्र भगवानायुष्मन्तमानन्दमामन्त्रयते--गच्छ आनन्द, पन्थकस्य कथय--भिक्षुण्यस्ते अववदितव्या इति।
tatra bhagavānāyuṣmantamānandamāmantrayate--gaccha ānanda, panthakasya kathaya--bhikṣuṇyaste avavaditavyā iti/
Sanskrit only: no published translation is held for this verse.
एवं भदन्तेत्यायुष्मानानन्दो भगवतः प्रतिश्रुत्य येनायुष्मान् पन्थकस्तेनोपसंक्रान्तः।
evaṃ bhadantetyāyuṣmānānando bhagavataḥ pratiśrutya yenāyuṣmān panthakastenopasaṃkrāntaḥ/
Sanskrit only: no published translation is held for this verse.
उपसंक्रम्यायुष्मन्तं पन्थकमिदमवोचत्--शास्ता त्वामायुष्मन् पन्थक एवमाह--भिक्षुण्यस्ते अववदितव्या इति।
upasaṃkramyāyuṣmantaṃ panthakamidamavocat--śāstā tvāmāyuṣman panthaka evamāha--bhikṣuṇyaste avavaditavyā iti/
Sanskrit only: no published translation is held for this verse.
आयुष्मान् पन्थकः कथयति--किमर्थं स्थविरस्थविरान् भिक्षूनपहाय मां भगवान् भिक्षुण्यववादकमाज्ञापयति? ममैव गुणोद्भावना कर्तव्येति शास्तुर्मनोरथं परिपूरयिष्यामीति।
āyuṣmān panthakaḥ kathayati--kimarthaṃ sthavirasthavirān bhikṣūnapahāya māṃ bhagavān bhikṣuṇyavavādakamājñāpayati? mamaiva guṇodbhāvanā kartavyeti śāsturmanorathaṃ paripūrayiṣyāmīti/
Sanskrit only: no published translation is held for this verse.
भिक्षुण्यश्छन्दहानिसह्(?) जेतवनमागताः।
bhikṣuṇyaśchandahānisah(?) jetavanamāgatāḥ/
Sanskrit only: no published translation is held for this verse.
ता भिक्षून् पृच्छन्ति--भगवता को ऽस्माकमववादक आज्ञप्तह्? ते कथयन्ति--आयुष्मान् पन्थकः।
tā bhikṣūn pṛcchanti--bhagavatā ko 'smākamavavādaka ājñaptah? te kathayanti--āyuṣmān panthakaḥ/
Sanskrit only: no published translation is held for this verse.
ताः कथयन्ति--भगिन्यः, पश्यत कथं मातृग्रामः परिभूतः। येन त्रिभिर्मासैरेका गाथा पठिता, सापि न प्रवृत्ता।
tāḥ kathayanti--bhaginyaḥ, paśyata kathaṃ mātṛgrāmaḥ paribhūtaḥ/ yena tribhirmāsairekā gāthā paṭhitā, sāpi na pravṛttā/
Sanskrit only: no published translation is held for this verse.
भिक्षुण्यस्त्रिपिटा धार्मकथिका युक्तमुक्तप्रतिभानाः।
bhikṣuṇyastripiṭā dhārmakathikā yuktamuktapratibhānāḥ/
Sanskrit only: no published translation is held for this verse.
स किल भिक्षुणीरववदिष्यतीति। ताः पर्षदमागता भिक्षुणीभिः पृष्टाह्--भगिन्यः, को ऽस्माकमववदितुमागमिष्यति? ताः कथयन्ति--आर्यपन्थकः।
sa kila bhikṣuṇīravavadiṣyatīti/ tāḥ parṣadamāgatā bhikṣuṇībhiḥ pṛṣṭāh--bhaginyaḥ, ko 'smākamavavaditumāgamiṣyati? tāḥ kathayanti--āryapanthakaḥ/
Sanskrit only: no published translation is held for this verse.
किमार्यो महापन्थकह्? न ह्ययम्, स त्वन्यश्चूडापन्थकः।
kimāryo mahāpanthakah? na hyayam, sa tvanyaścūḍāpanthakaḥ/
Sanskrit only: no published translation is held for this verse.
द्वादशवर्गीयाभिः श्रुतम्। तावदवध्यायन्ति।
dvādaśavargīyābhiḥ śrutam/ tāvadavadhyāyanti/
Sanskrit only: no published translation is held for this verse.