Library·Divyāvadāna·434
<४३४>सर्वपापस्य भगवान् कारणमाह--यावद्गाथार्थस्यार्थमधीतम् याति, तावद् द्वादशभिः प्राणिसहस्रैः सत्यानि दृष्टानि।
<434>sarvapāpasya bhagavān kāraṇamāha--yāvadgāthārthasyārthamadhītam yāti, tāvad dvādaśabhiḥ prāṇisahasraiḥ satyāni dṛṣṭāni/
Sanskrit only: no published translation is held for this verse.
कैश्चिच्छ्रोतापत्तिफलं साक्षात्कृतम्, कैश्चित् सकृदागामिफलम्, कैश्चिदनागामिफलम्, कैश्चित् प्रव्रज्य सर्वक्लेशप्रहाणादर्हत्त्वं साक्षात्कृतम्, कैश्चिच्छ्रावकबोधौ चित्तान्युत्पादितानि, कैश्चित् प्रत्येकायां बोधौ, कैश्चिदनुत्तरायां सम्यक्सम्बोधौ चित्तान्युत्पादितानि।
kaiścicchrotāpattiphalaṃ sākṣātkṛtam, kaiścit sakṛdāgāmiphalam, kaiścidanāgāmiphalam, kaiścit pravrajya sarvakleśaprahāṇādarhattvaṃ sākṣātkṛtam, kaiścicchrāvakabodhau cittānyutpāditāni, kaiścit pratyekāyāṃ bodhau, kaiścidanuttarāyāṃ samyaksambodhau cittānyutpāditāni/
Sanskrit only: no published translation is held for this verse.
यद्भूयसा सा परिषद् बुद्धनिंनाधर्मप्रवणा संघप्राग्भारा व्यवस्थिता।
yadbhūyasā sā pariṣad buddhaniṃnādharmapravaṇā saṃghaprāgbhārā vyavasthitā/
Sanskrit only: no published translation is held for this verse.
अथायुष्मान् पन्थकस्तां परिषदं धर्म्यया कथया संदर्श्य समादाप्य समुत्तेज्य संप्रहर्ष्योत्थायासनात् प्रक्रान्तः।
athāyuṣmān panthakastāṃ pariṣadaṃ dharmyayā kathayā saṃdarśya samādāpya samuttejya saṃpraharṣyotthāyāsanāt prakrāntaḥ/
Sanskrit only: no published translation is held for this verse.
स भिक्षुभिरागच्छन् दृष्टः। ते संलक्षयन्ति--अद्यायुष्मता पन्थकेन महाजनकायः प्रसादितो भविष्यति।
sa bhikṣubhirāgacchan dṛṣṭaḥ/ te saṃlakṣayanti--adyāyuṣmatā panthakena mahājanakāyaḥ prasādito bhaviṣyati/
Sanskrit only: no published translation is held for this verse.
ते न षक्नुवन्त्यायुष्मन्तं पन्थकं संमुखमप्रियं प्रष्टुम्। तैः पश्चाच्छ्रमणः पृष्टः।
te na ṣaknuvantyāyuṣmantaṃ panthakaṃ saṃmukhamapriyaṃ praṣṭum/ taiḥ paścācchramaṇaḥ pṛṣṭaḥ/
Sanskrit only: no published translation is held for this verse.
आयुष्मन्, अद्य आयुष्मता पन्थकेन किं महाजनकायो न प्रसादितो वा प्रसादितह्? आयुष्मता न कश्चित् अप्रसादितः।
āyuṣman, adya āyuṣmatā panthakena kiṃ mahājanakāyo na prasādito vā prasāditah? āyuṣmatā na kaścit aprasāditaḥ/
Sanskrit only: no published translation is held for this verse.
भगवता वाराणस्याम् ऋषिवदने मृगदावे त्रिपरिवर्तं द्वादशाकारं धर्म्यं चक्रं प्रवर्तितम्, तदद्यायुष्मता पन्थकेनानुप्रवर्तितम्।
bhagavatā vārāṇasyām ṛṣivadane mṛgadāve triparivartaṃ dvādaśākāraṃ dharmyaṃ cakraṃ pravartitam, tadadyāyuṣmatā panthakenānupravartitam/
Sanskrit only: no published translation is held for this verse.
यावद्गाथार्थं न विभजति, तावद् द्वादशभिः प्रणिसहस्रैः सत्यानि दृष्टानि॥
yāvadgāthārthaṃ na vibhajati, tāvad dvādaśabhiḥ praṇisahasraiḥ satyāni dṛṣṭāni//
Sanskrit only: no published translation is held for this verse.
तत्र भगवाअन् भिक्षूनामन्त्रयते स्म--एषो ऽग्रो मे भिक्षवो भिक्चूणां मम श्रावकाणां चेतोविवर्तकुशलानाम् यदुत पन्थको भिक्षुः।
tatra bhagavāan bhikṣūnāmantrayate sma--eṣo 'gro me bhikṣavo bhikcūṇāṃ mama śrāvakāṇāṃ cetovivartakuśalānām yaduta panthako bhikṣuḥ/
Sanskrit only: no published translation is held for this verse.
भिक्षवो बुद्धं भगवन्तं पृच्छन्ति--पश्य भदन्त द्वादशवर्गीयाभिरायुष्मतः पन्थकस्यानर्थं करिष्यामि इत्यथ एव कृतः।
bhikṣavo buddhaṃ bhagavantaṃ pṛcchanti--paśya bhadanta dvādaśavargīyābhirāyuṣmataḥ panthakasyānarthaṃ kariṣyāmi ityatha eva kṛtaḥ/
Sanskrit only: no published translation is held for this verse.
भगवानाह--न भिक्षव एतर्हि यथा अतीते ऽप्यध्वनि आभिरनर्थं करिष्याम इत्यर्थ एव कृतः।
bhagavānāha--na bhikṣava etarhi yathā atīte 'pyadhvani ābhiranarthaṃ kariṣyāma ityartha eva kṛtaḥ/
Sanskrit only: no published translation is held for this verse.
तच्छ्रूयताम्॥
tacchrūyatām//
Sanskrit only: no published translation is held for this verse.
भूतपूर्वमेवं भिक्षवो ऽन्यतमस्मिन् कर्वटके ब्राह्मणः प्रतिवसति। तेन सदृशात्कुलात्कलत्रमानीतम्।
bhūtapūrvamevaṃ bhikṣavo 'nyatamasmin karvaṭake brāhmaṇaḥ prativasati/ tena sadṛśātkulātkalatramānītam/
Sanskrit only: no published translation is held for this verse.
स तया सर्धं क्रीडति रमते परिचारयति। तस्य क्रीडतो रममाणस्य परिचारयतो भूयः क्रीडति रमते परिचारयति यावर् द्वादश पुत्रा जाताः।
sa tayā sardhaṃ krīḍati ramate paricārayati/ tasya krīḍato ramamāṇasya paricārayato bhūyaḥ krīḍati ramate paricārayati yāvar dvādaśa putrā jātāḥ/
Sanskrit only: no published translation is held for this verse.
तेन तेषां निवेशः कृतः।
tena teṣāṃ niveśaḥ kṛtaḥ/
Sanskrit only: no published translation is held for this verse.
अपरेण समयेन तस्य पत्नी कालगता। सो ऽपि ब्राह्मणो वृद्धावस्थायां जातः। अन्धीभूतस्य स्नषा दुश्चारिण्यः।
apareṇa samayena tasya patnī kālagatā/ so 'pi brāhmaṇo vṛddhāvasthāyāṃ jātaḥ/ andhībhūtasya snaṣā duścāriṇyaḥ/
Sanskrit only: no published translation is held for this verse.
यदा तासां स्वामिनो बहिर् निर्गता भवन्ति, तदा ताः परपुरुषैः सार्धं परिचारयन्ति।
yadā tāsāṃ svāmino bahir nirgatā bhavanti, tadā tāḥ parapuruṣaiḥ sārdhaṃ paricārayanti/
Sanskrit only: no published translation is held for this verse.
स ब्राह्मणः शब्दे कृतावी। स जानाति--अयं मम पुत्रस्य शब्दः, अयं परपुरुषयेति।
sa brāhmaṇaḥ śabde kṛtāvī/ sa jānāti--ayaṃ mama putrasya śabdaḥ, ayaṃ parapuruṣayeti/
Sanskrit only: no published translation is held for this verse.
स पुरुषाणां पदशब्दाञ् श्रुत्वा ताः स्नुषा गर्जयति। ताः संलक्षयन्ति--अयं ब्राह्मण्प्^स्माकमनर्थाय प्रतिपन्नः।
sa puruṣāṇāṃ padaśabdāñ śrutvā tāḥ snuṣā garjayati. tāḥ saṃlakṣayanti--ayaṃ brāhmaṇp^smākamanarthāya pratipannaḥ/
Sanskrit only: no published translation is held for this verse.
तास्तस्य चकट्योदनं काञ्जितकच्छिटिं चानुप्रयच्छन्ति।
tāstasya cakaṭyodanaṃ kāñjitakacchiṭiṃ cānuprayacchanti/
Sanskrit only: no published translation is held for this verse.
तैस्ता उक्ताह्--किं कारणम् यूयं तातस्य चकट्योदनं काञ्जिकच्छिटिं चानुप्रयच्छत? ताः कथयन्ति--तस्य पुण्यानि परिक्षीणानि, अस्यार्थे पिपरीकायां त:डुलाः प्रक्षिप्ता भवन्ति, चकट्योदनं परिवर्तते, दधि प्रक्षिप्तं काञ्जिकं परिवर्तते।
taistā uktāh--kiṃ kāraṇam yūyaṃ tātasya cakaṭyodanaṃ kāñjikacchiṭiṃ cānuprayacchata? tāḥ kathayanti--tasya puṇyāni parikṣīṇāni, asyārthe piparīkāyāṃ ta:ḍulāḥ prakṣiptā bhavanti, cakaṭyodanaṃ parivartate, dadhi prakṣiptaṃ kāñjikaṃ parivartate/
Sanskrit only: no published translation is held for this verse.
ते कथयन्ति--किमेतदेवं भविष्यति? ताः कथयन्ति--वयम् युष्माकं प्रत्यक्षीकरिष्यामः।
te kathayanti--kimetadevaṃ bhaviṣyati? tāḥ kathayanti--vayam yuṣmākaṃ pratyakṣīkariṣyāmaḥ/
Sanskrit only: no published translation is held for this verse.
ताः कथयन्ति--अस्माभिः प्रतिज्ञातमिदानीं निर्वोढव्यम्।
tāḥ kathayanti--asmābhiḥ pratijñātamidānīṃ nirvoḍhavyam/
Sanskrit only: no published translation is held for this verse.
ताभिः कुम्भकाअर उक्तह्--शक्ष्यसि त्वं भद्रमुखम् एकमुखिके द्वे स्थाल्यौ कर्तुम्? स कथयति--शक्ष्यामि।
tābhiḥ kumbhakāara uktah--śakṣyasi tvaṃ bhadramukham ekamukhike dve sthālyau kartum? sa kathayati--śakṣyāmi/
Sanskrit only: no published translation is held for this verse.
तेनैकमुखिके द्वे स्थाल्यौ कृते। ताभिरेकस्यां स्थाल्यां चकटितण्डुलाः प्रक्षिप्ताः, द्वितीयायां काञ्जिकम्।
tenaikamukhike dve sthālyau kṛte/ tābhirekasyāṃ sthālyāṃ cakaṭitaṇḍulāḥ prakṣiptāḥ, dvitīyāyāṃ kāñjikam/
Sanskrit only: no published translation is held for this verse.
ताभिः स्वामिनां पुरस्तादेकस्य <४३५>स्थाल्यां तण्डुलाः प्रक्षिप्ता एकस्यां दधि।
tābhiḥ svāmināṃ purastādekasya <435>sthālyāṃ taṇḍulāḥ prakṣiptā ekasyāṃ dadhi/
Sanskrit only: no published translation is held for this verse.