ततो ऽन्वेव गाथां भाषते--
tato 'nveva gāthāṃ bhāṣate--
Sanskrit only: no published translation is held for this verse.
Divyāvadāna 44
अप्येव हि स्यादनृताभिधायिनी ममेह जिह्वार्जवसत्यवादिता।
apyeva hi syādanṛtābhidhāyinī mameha jihvārjavasatyavāditā/
Sanskrit only: no published translation is held for this verse.
तदेवमेतन्न यथा हि ब्राह्मण तथागतो ऽस्मीत्यवगन्तुमर्हसि॥९॥
tadevametanna yathā hi brāhmaṇa tathāgato 'smītyavagantumarhasi//9//
Sanskrit only: no published translation is held for this verse.
अथ स ब्राह्मणो ऽभिप्रसन्नः। ततो ऽस्य भगवता आशयानुशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधिकी धर्मदेशना कृता, यां श्रुत्वा ब्राह्मणेन विंशतिशिखरसमुद्गतं सत्कायदृष्टिशैलं ज्ञानवज्रेण भित्त्वा स्रोतापत्तिफलं साक्षात्कृतम्--अतिक्रान्तो ऽहं भदन्त अतिक्रान्तः।
atha sa brāhmaṇo 'bhiprasannaḥ/ tato 'sya bhagavatā āśayānuśayaṃ dhātuṃ prakṛtiṃ ca jñātvā tādṛśī caturāryasatyasamprativedhikī dharmadeśanā kṛtā, yāṃ śrutvā brāhmaṇena viṃśatiśikharasamudgataṃ satkāyadṛṣṭiśailaṃ jñānavajreṇa bhittvā srotāpattiphalaṃ sākṣātkṛtam--atikrānto 'haṃ bhadanta atikrāntaḥ/
Sanskrit only: no published translation is held for this verse.
एषो ऽहं भगवन्तं शरणं गच्छामि धर्मं च भिक्षुसंघं च। उपासकं च मां धारय अद्याग्रेण यावज्जीवं प्राणोपेतं शरणं गतमभिप्रसन्नम्।
eṣo 'haṃ bhagavantaṃ śaraṇaṃ gacchāmi dharmaṃ ca bhikṣusaṃghaṃ ca/ upāsakaṃ ca māṃ dhāraya adyāgreṇa yāvajjīvaṃ prāṇopetaṃ śaraṇaṃ gatamabhiprasannam/
Sanskrit only: no published translation is held for this verse.
अथ स ब्राह्मणो भगवतो भाषितमभिनन्द्यानुमोद्य भगवतः पादौ शिरसा वन्दित्वा उत्थायासनात् प्रक्रान्तः॥
atha sa brāhmaṇo bhagavato bhāṣitamabhinandyānumodya bhagavataḥ pādau śirasā vanditvā utthāyāsanāt prakrāntaḥ//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो भगवतो भाषितमभ्यनन्दन्॥
idamavocadbhagavān/ āttamanasaste bhikṣavo bhagavato bhāṣitamabhyanandan//
Sanskrit only: no published translation is held for this verse.
इति श्रीदिव्यावदाने ब्राह्मणदारिकावदानं चतुर्थम्॥
iti śrīdivyāvadāne brāhmaṇadārikāvadānaṃ caturtham//
Sanskrit only: no published translation is held for this verse.