Library·Divyāvadāna·441
<४४१>उपसंक्रम्य पुरस्ताद्भिक्षुसंघस्य प्रज्ञप्त एवासने निषण्णः। निषद्य भगवानायुष्मन्तमानन्दमामन्त्रयते--पन्थकस्यानुगन्ती मोक्तव्या।
<441>upasaṃkramya purastādbhikṣusaṃghasya prajñapta evāsane niṣaṇṇaḥ/ niṣadya bhagavānāyuṣmantamānandamāmantrayate--panthakasyānugantī moktavyā/
Sanskrit only: no published translation is held for this verse.
जीवकः कुमारभूतः सौवर्णभृङ्गारं गृहीत्वा वृद्धान्ते तिष्ठति।
jīvakaḥ kumārabhūtaḥ sauvarṇabhṛṅgāraṃ gṛhītvā vṛddhānte tiṣṭhati/
Sanskrit only: no published translation is held for this verse.
भगवान् वारिधारां न प्रतिगृह्णाति। जीविकः कुमारभूतः कथयति--किं कारणं भगवन् वारिधारां न प्रतिगृह्णाति।
bhagavān vāridhārāṃ na pratigṛhṇāti/ jīvikaḥ kumārabhūtaḥ kathayati--kiṃ kāraṇaṃ bhagavan vāridhārāṃ na pratigṛhṇāti/
Sanskrit only: no published translation is held for this verse.
भगवानाह--न तावद्भिक्षुसंघम् इति समग्र इति।
bhagavānāha--na tāvadbhikṣusaṃgham iti samagra iti/
Sanskrit only: no published translation is held for this verse.
जीवकः कथयति--भगवान्, को ऽनागत इति। भगवानाह--न पन्थको भिक्षुः संघः।
jīvakaḥ kathayati--bhagavān, ko 'nāgata iti/ bhagavānāha--na panthako bhikṣuḥ saṃghaḥ/
Sanskrit only: no published translation is held for this verse.
जीवकः कथयति--भगवन्, नासौ मया निमन्त्रित इति। भगवानाह--न त्वया जीवक बुद्धप्रमुखो भिक्षुसंघो निमन्त्रितह्? भगवन्, निमन्त्रितः।
jīvakaḥ kathayati--bhagavan, nāsau mayā nimantrita iti/ bhagavānāha--na tvayā jīvaka buddhapramukho bhikṣusaṃgho nimantritah? bhagavan, nimantritaḥ/
Sanskrit only: no published translation is held for this verse.
किमसौ भिक्षुसंघाद्बहिर् न वा? भगवान् कथयति जीवकम्--गच्छ त्वं शब्दापय।
kimasau bhikṣusaṃghādbahir na vā? bhagavān kathayati jīvakam--gaccha tvaṃ śabdāpaya/
Sanskrit only: no published translation is held for this verse.
जीवकः कुमारभूतः संलक्षयति--किं चाप्यहं भगवतो गौरवेण शब्दापयामि, न सत्कृत्य परिवेषयिष्यामि।
jīvakaḥ kumārabhūtaḥ saṃlakṣayati--kiṃ cāpyahaṃ bhagavato gauraveṇa śabdāpayāmi, na satkṛtya pariveṣayiṣyāmi/
Sanskrit only: no published translation is held for this verse.
तेन दूतो ऽनुप्रेषितह्--गच्छ, शब्दापयस्व।
tena dūto 'nupreṣitah--gaccha, śabdāpayasva/
Sanskrit only: no published translation is held for this verse.
आयुष्मानपि पन्थकश्च त्रयोदशभिक्षुशतानि निर्मायावस्थितः। तेन दूतेन गत्वा पन्थक इति शब्दो मुक्तः।
āyuṣmānapi panthakaśca trayodaśabhikṣuśatāni nirmāyāvasthitaḥ/ tena dūtena gatvā panthaka iti śabdo muktaḥ/
Sanskrit only: no published translation is held for this verse.
अनुकैर्भिक्षुभिः प्रतिवचनं दत्तम्। स दूत आगत्य जीवकस्य कथयति--तथैव वेणुवनं कलन्दकनिवापो भिक्षूणां पूर्णस्तिष्ठति।
anukairbhikṣubhiḥ prativacanaṃ dattam/ sa dūta āgatya jīvakasya kathayati--tathaiva veṇuvanaṃ kalandakanivāpo bhikṣūṇāṃ pūrṇastiṣṭhati/
Sanskrit only: no published translation is held for this verse.
भगवानाह--गच्छ त्वं कथय यो भूतपन्थकः स आगच्छतु।
bhagavānāha--gaccha tvaṃ kathaya yo bhūtapanthakaḥ sa āgacchatu/
Sanskrit only: no published translation is held for this verse.
स गत्वा कथयति--यो भूतपन्थकः स आगच्छतु।
sa gatvā kathayati--yo bhūtapanthakaḥ sa āgacchatu/
Sanskrit only: no published translation is held for this verse.
आयुष्मान् पन्थकस्तत्र गत्वा स्वस्यां गत्यां निषण्णाः। जीवकः कुमारभूतो बुद्धप्रमुखं भिक्षुसंघं परिवेषयितुमारब्धः।
āyuṣmān panthakastatra gatvā svasyāṃ gatyāṃ niṣaṇṇāḥ/ jīvakaḥ kumārabhūto buddhapramukhaṃ bhikṣusaṃghaṃ pariveṣayitumārabdhaḥ/
Sanskrit only: no published translation is held for this verse.
आयुष्मन्तं पन्थकं न सत्कृत्य पतिवेषयति। भगवान् संलक्षयति--सुमेरुप्रख्ये महाश्रावके जीवकः कुमारभूतः क्षान्तिं गृह्णाति।
āyuṣmantaṃ panthakaṃ na satkṛtya pativeṣayati/ bhagavān saṃlakṣayati--sumeruprakhye mahāśrāvake jīvakaḥ kumārabhūtaḥ kṣāntiṃ gṛhṇāti/
Sanskrit only: no published translation is held for this verse.
गुणोद्भावना अस्य कर्तव्या। भगवता आयुष्मत् आनन्दस्य पात्रं नानुप्रदत्तम्।
guṇodbhāvanā asya kartavyā/ bhagavatā āyuṣmat ānandasya pātraṃ nānupradattam/
Sanskrit only: no published translation is held for this verse.
धर्मता खलु न तावत् स्थबिरस्ह्तविराणां भिक्षूणां पात्राणि प्रतिगृह्यन्ते, यावद्भगवतः पात्रप्रतिग्रही न भविष्यति।
dharmatā khalu na tāvat sthabirashtavirāṇāṃ bhikṣūṇāṃ pātrāṇi pratigṛhyante, yāvadbhagavataḥ pātrapratigrahī na bhaviṣyati/
Sanskrit only: no published translation is held for this verse.
आयुष्मान् पन्थकः संलक्षयति--किं कारणं भगवतः स्थविरस्थविराणां भिक्षूणां पात्राणि न गृह्यन्ते? मया अत्र गुणोद्भावना कर्तव्या।
āyuṣmān panthakaḥ saṃlakṣayati--kiṃ kāraṇaṃ bhagavataḥ sthavirasthavirāṇāṃ bhikṣūṇāṃ pātrāṇi na gṛhyante? mayā atra guṇodbhāvanā kartavyā/
Sanskrit only: no published translation is held for this verse.
आयुष्मता पन्थकेनाधर्मासनं कृत्वा गजभुजसदृशं बाहुमभिप्रसार्य भगवतः पात्रं गृहीतम्।
āyuṣmatā panthakenādharmāsanaṃ kṛtvā gajabhujasadṛśaṃ bāhumabhiprasārya bhagavataḥ pātraṃ gṛhītam/
Sanskrit only: no published translation is held for this verse.
कुमारभूतेन जीवकेन वृद्धान्ते स्थितेन दृष्ठम्। स संलक्षयति--को ऽप्ययं स्थविरो भिक्षुः।
kumārabhūtena jīvakena vṛddhānte sthitena dṛṣṭham/ sa saṃlakṣayati--ko 'pyayaṃ sthaviro bhikṣuḥ/
Sanskrit only: no published translation is held for this verse.
ऋद्धिप्रातिहार्यं विदर्शयति। स पात्रानुसारेण गतो यावत्पश्यत्यायुष्मतं पन्थकम्।
ṛddhiprātihāryaṃ vidarśayati/ sa pātrānusāreṇa gato yāvatpaśyatyāyuṣmataṃ panthakam/
Sanskrit only: no published translation is held for this verse.
स दृष्ट्वा मूर्छितकस्तिष्ठति। स जलपरिषेकप्रत्यागतप्राण आयुष्मतः पन्थकस्य पादयोर् निपत्य क्षमापयति, गाथां च भाषते--
sa dṛṣṭvā mūrchitakastiṣṭhati/ sa jalapariṣekapratyāgataprāṇa āyuṣmataḥ panthakasya pādayor nipatya kṣamāpayati, gāthāṃ ca bhāṣate--
Sanskrit only: no published translation is held for this verse.
नित्यं चैत्यगुणो हि चन्दनरसो नित्यं सुगन्धयुत्पलं नित्यं भासति काञ्चनस्य विमलं वैडूर्यशुद्धम्।
nityaṃ caityaguṇo hi candanaraso nityaṃ sugandhayutpalaṃ nityaṃ bhāsati kāñcanasya vimalaṃ vaiḍūryaśuddham/
Sanskrit only: no published translation is held for this verse.
नित्यं पापजने हि क्रोधमतुलं पाषाणरेखोपमं नित्यं चार्यजनेषु प्रातिर्वसते क्षान्तिर्ध्रुवा ह्यर्हताम्॥८॥
nityaṃ pāpajane hi krodhamatulaṃ pāṣāṇarekhopamaṃ nityaṃ cāryajaneṣu prātirvasate kṣāntirdhruvā hyarhatām//8//
Sanskrit only: no published translation is held for this verse.
आयुष्मान् पन्थकः कथयति--क्षान्तं जीवक॥
āyuṣmān panthakaḥ kathayati--kṣāntaṃ jīvaka//
Sanskrit only: no published translation is held for this verse.
भिक्षवो बुद्धं भगवन्तं पृच्छन्ति--पश्य भदन्त, यदा जीवकः कुमारभूत आयुष्मतः पन्थकस्य गुणानामनभिज्ञस्तदा असत्कारः प्रयुक्तः, यदा गुणानामभिज्ञस्तदा पादयोर् निपत्य <४४२>क्षमापयति।
bhikṣavo buddhaṃ bhagavantaṃ pṛcchanti--paśya bhadanta, yadā jīvakaḥ kumārabhūta āyuṣmataḥ panthakasya guṇānāmanabhijñastadā asatkāraḥ prayuktaḥ, yadā guṇānāmabhijñastadā pādayor nipatya <442>kṣamāpayati/
Sanskrit only: no published translation is held for this verse.