Library·Divyāvadāna·442
भगवानाह्--न भिक्षव एतर्हि यथातीते ऽध्वन्येषो ऽस्य गुणानामनभिज्ञह्,तदा असत्कारं प्रयुक्तवान्।
bhagavānāh--na bhikṣava etarhi yathātīte 'dhvanyeṣo 'sya guṇānāmanabhijñah,tadā asatkāraṃ prayuktavān/
Sanskrit only: no published translation is held for this verse.
यदा गुणानामभिज्ञस्तदा पादयोर् निपत्य क्षमापितवान्। तच्छ्रूयताम्॥
yadā guṇānāmabhijñastadā pādayor nipatya kṣamāpitavān/ tacchrūyatām//
Sanskrit only: no published translation is held for this verse.
भूतपूर्वं भिक्षव उत्तरापथात् सार्थवाः पञ्चशतमश्वपण्यमादाय मध्यदेशमागतः।
bhūtapūrvaṃ bhikṣava uttarāpathāt sārthavāḥ pañcaśatamaśvapaṇyamādāya madhyadeśamāgataḥ/
Sanskrit only: no published translation is held for this verse.
तस्य च वडवायाः कुक्षावश्वाजानेयो ऽवक्रान्तः। स यमेव दिवसमवक्रान्तस्तमेव दिवसमुपादाय ते ऽश्वा न भूयो हेषन्ते।
tasya ca vaḍavāyāḥ kukṣāvaśvājāneyo 'vakrāntaḥ/ sa yameva divasamavakrāntastameva divasamupādāya te 'śvā na bhūyo heṣante/
Sanskrit only: no published translation is held for this verse.
सार्थवहः संलक्षयति--किं च ममाश्वानां कश्चिद् रोगः प्रादुर्भूतो भविष्यति येन ते न हेषन्ते? अपरेण समयेनाश्वा वडवा प्रसूता।
sārthavahaḥ saṃlakṣayati--kiṃ ca mamāśvānāṃ kaścid rogaḥ prādurbhūto bhaviṣyati yena te na heṣante? apareṇa samayenāśvā vaḍavā prasūtā/
Sanskrit only: no published translation is held for this verse.
तस्याः किशोरको जातः।
tasyāḥ kiśorako jātaḥ/
Sanskrit only: no published translation is held for this verse.
स यमेव दिवसमुपादाय ते ऽश्वाः संचर्तुमपि नारब्धाः। सार्थवाहः संलक्षयति--नूनमयं दौर्भाग्यसत्त्वो जातह् अस्य दोषण ममाश्वानां रोगः प्रादुर्भूतः।
sa yameva divasamupādāya te 'śvāḥ saṃcartumapi nārabdhāḥ/ sārthavāhaḥ saṃlakṣayati--nūnamayaṃ daurbhāgyasattvo jātah asya doṣaṇa mamāśvānāṃ rogaḥ prādurbhūtaḥ/
Sanskrit only: no published translation is held for this verse.
स तां वटवां नित्यमेव वाहयति।
sa tāṃ vaṭavāṃ nityameva vāhayati/
Sanskrit only: no published translation is held for this verse.
तस्या नवयवसम्पन्नयोग्याशनमनुप्रयच्छति। सो ऽनुपूर्वेण पूजितं नामाधिष्ठानमनुप्राप्तः।
tasyā navayavasampannayogyāśanamanuprayacchati/ so 'nupūrveṇa pūjitaṃ nāmādhiṣṭhānamanuprāptaḥ/
Sanskrit only: no published translation is held for this verse.
तस्य तत्र वार्षारत्र्यः प्रत्युपस्थिताः। स संलक्षयति--यदि गमिष्यामि, अश्वानां खुराः क्लेदं गमिष्यन्ति, अपण्योओभविष्यन्ति।
tasya tatra vārṣāratryaḥ pratyupasthitāḥ/ sa saṃlakṣayati--yadi gamiṣyāmi, aśvānāṃ khurāḥ kledaṃ gamiṣyanti, apaṇyoobhaviṣyanti/
Sanskrit only: no published translation is held for this verse.
इहैव वर्षां तिष्ठामि। स तस्यैव वर्षामुषितस्य तद्वासिनो यो शिल्पिनस्ते स्वेन शिल्पेनोपस्थानं कुर्वान्ति।
ihaiva varṣāṃ tiṣṭhāmi/ sa tasyaiva varṣāmuṣitasya tadvāsino yo śilpinaste svena śilpenopasthānaṃ kurvānti/
Sanskrit only: no published translation is held for this verse.
तस्य गमनकाले शिल्पिन्न् उपसंक्रान्ताः।
tasya gamanakāle śilpinn upasaṃkrāntāḥ/
Sanskrit only: no published translation is held for this verse.
तेषां तेन संविभागः कृतः। तत्रैकः कुम्भकारः प्रतिवसति। तेनापि तस्य स्वेन शिल्पेनोपस्थानं कृतम्।
teṣāṃ tena saṃvibhāgaḥ kṛtaḥ/ tatraikaḥ kumbhakāraḥ prativasati/ tenāpi tasya svena śilpenopasthānaṃ kṛtam/
Sanskrit only: no published translation is held for this verse.
स पत्न्याभिहितह्--आर्यपुत्र, स सार्थवाहो गच्छति। गच्छ, त्वं गत्वा किंचिद्याचस्व।
sa patnyābhihitah--āryaputra, sa sārthavāho gacchati/ gaccha, tvaṃ gatvā kiṃcidyācasva/
Sanskrit only: no published translation is held for this verse.
तस्माच्चलितस्य मृत्पिण्डं गृहीत्वोपस्थितः। स तेन सार्थवाहेन दृष्टः। स तस्य कथयति--भोः पुरुष, अतिचिरेण त्वमागतः।
tasmāccalitasya mṛtpiṇḍaṃ gṛhītvopasthitaḥ/ sa tena sārthavāhena dṛṣṭaḥ/ sa tasya kathayati--bhoḥ puruṣa, aticireṇa tvamāgataḥ/
Sanskrit only: no published translation is held for this verse.
मम किंचिद्दातव्यम्। स आह--सर्वं गतम्।
mama kiṃciddātavyam/ sa āha--sarvaṃ gatam/
Sanskrit only: no published translation is held for this verse.
तस्यापि सार्थवाहस्य तस्य किशोरस्यान्तिके ऽमङ्गलबुद्धिः। स कथयति--अपि त्वयमेकः किशोरस्तिष्ठति, यदि प्रयो ऽसि, गृहीत्वा गच्छ।
tasyāpi sārthavāhasya tasya kiśorasyāntike 'maṅgalabuddhiḥ/ sa kathayati--api tvayamekaḥ kiśorastiṣṭhati, yadi prayo 'si, gṛhītvā gaccha/
Sanskrit only: no published translation is held for this verse.
कुम्भकारः कथयति--शोभनम्। अहं भाण्डानि करिष्यामि, एष भेत्स्यते।
kumbhakāraḥ kathayati--śobhanam/ ahaṃ bhāṇḍāni kariṣyāmi, eṣa bhetsyate/
Sanskrit only: no published translation is held for this verse.
स किशोरकस्तस्य पादौ जिह्वया लेढुमारब्धः।
sa kiśorakastasya pādau jihvayā leḍhumārabdhaḥ/
Sanskrit only: no published translation is held for this verse.
तस्याश्वस्यान्तिके ऽनुनय उत्पन्नः। स तं गृहीत्वा गतः। स पत्न्या उक्तह्--अस्ति किंचित्त्वया तस्य सकाशाल्लब्धम्? लब्धम्।
tasyāśvasyāntike 'nunaya utpannaḥ/ sa taṃ gṛhītvā gataḥ/ sa patnyā uktah--asti kiṃcittvayā tasya sakāśāllabdham? labdham/
Sanskrit only: no published translation is held for this verse.
अयं किशोरकः। त्वं भाण्डानि करिष्यसि, एष भेत्स्यते। स किशोरको ऽस्याः पादानि लेढुमारब्धः।
ayaṃ kiśorakaḥ/ tvaṃ bhāṇḍāni kariṣyasi, eṣa bhetsyate/ sa kiśorako 'syāḥ pādāni leḍhumārabdhaḥ/
Sanskrit only: no published translation is held for this verse.
तस्या अपि तस्यान्तिके ऽनुनय उत्पन्नः।
tasyā api tasyāntike 'nunaya utpannaḥ/
Sanskrit only: no published translation is held for this verse.
स पक्कमानानां भाण्डानां मध्ये परिसर्पन्न किंचिद्भाण्डं भिनत्ति। सा तस्य पत्नी कथयति--शोभनम्।
sa pakkamānānāṃ bhāṇḍānāṃ madhye parisarpanna kiṃcidbhāṇḍaṃ bhinatti/ sā tasya patnī kathayati--śobhanam/
Sanskrit only: no published translation is held for this verse.
अयं किशोरकः संप्रजानन् परिसर्पति। अपरेण समयेन कुम्भकारो मृत्तिकार्थमागतः।
ayaṃ kiśorakaḥ saṃprajānan parisarpati/ apareṇa samayena kumbhakāro mṛttikārthamāgataḥ/
Sanskrit only: no published translation is held for this verse.
स किशोरकस्तस्य पृष्ठतो ऽनुसरन्ननुबद्धः। तेन कुम्भकारेण मृत्तिकाप्रसेवकः पूरितः।
sa kiśorakastasya pṛṣṭhato 'nusarannanubaddhaḥ/ tena kumbhakāreṇa mṛttikāprasevakaḥ pūritaḥ/
Sanskrit only: no published translation is held for this verse.
तेन किशोरकेन पृष्ठमवनामितम्। तेन तस्य मृत्तिकायाः प्रसेवकः पृष्ठमारोपितः।
tena kiśorakena pṛṣṭhamavanāmitam/ tena tasya mṛttikāyāḥ prasevakaḥ pṛṣṭhamāropitaḥ/
Sanskrit only: no published translation is held for this verse.
स तं गृहीत्वा गृहमागतः। तेन कुम्भकारेण पत्नी उक्ता--भद्रे, शोभनः किशोरकः।
sa taṃ gṛhītvā gṛhamāgataḥ/ tena kumbhakāreṇa patnī uktā--bhadre, śobhanaḥ kiśorakaḥ/
Sanskrit only: no published translation is held for this verse.
न भूयो मया मृत्तिका वोढव्या भविष्यति। अहमस्य तत्रारोपयिष्यामि, त्वमिहावतारयिष्यसि।
na bhūyo mayā mṛttikā voḍhavyā bhaviṣyati/ ahamasya tatrāropayiṣyāmi, tvamihāvatārayiṣyasi/
Sanskrit only: no published translation is held for this verse.
स तस्य तुषान् कुटिं चानुप्रयच्छति॥
sa tasya tuṣān kuṭiṃ cānuprayacchati//
Sanskrit only: no published translation is held for this verse.
तेन कालेन तेन समयेन वाराणस्यां ब्रह्मदत्तो नाम राजा राज्यं कारयति ऋद्धं च स्फीतं च बहुजनमनुष्यं च।
tena kālena tena samayena vārāṇasyāṃ brahmadatto nāma rājā rājyaṃ kārayati ṛddhaṃ ca sphītaṃ ca bahujanamanuṣyaṃ ca/
Sanskrit only: no published translation is held for this verse.
तस्याश्वाजानेयः कालगतः। सामन्तराज्यैः श्रुतम्--ब्रह्मदत्तस्य राज्ञो ऽश्वाजानेयः कालगत इति।
tasyāśvājāneyaḥ kālagataḥ/ sāmantarājyaiḥ śrutam--brahmadattasya rājño 'śvājāneyaḥ kālagata iti/
Sanskrit only: no published translation is held for this verse.
तैस्तस्य संदिष्टम्--करप्रत्यायान् वा अनुप्रयच्छ उद्यानम् <४४३>वा।
taistasya saṃdiṣṭam--karapratyāyān vā anuprayaccha udyānam <443>vā/
Sanskrit only: no published translation is held for this verse.