यतो ऽनेनावनामितं स राजा तमभिरुह्य संप्रस्थितः। तस्य गच्छतः पानीयमागतम्।
yato 'nenāvanāmitaṃ sa rājā tamabhiruhya saṃprasthitaḥ/ tasya gacchataḥ pānīyamāgatam/
Sanskrit only: no published translation is held for this verse.
Library·Divyāvadāna·445
Divyāvadāna 445
स तत्र नावतरति। राजा सूतं पृच्छति--एषो बिभेति? देव, नैष बिभेति। अपि तु मा राजानं पुच्छोदकेन सेक्ष्यामीति।
sa tatra nāvatarati/ rājā sūtaṃ pṛcchati--eṣo bibheti? deva, naiṣa bibheti/ api tu mā rājānaṃ pucchodakena sekṣyāmīti/
Sanskrit only: no published translation is held for this verse.
तस्य तत्पुच्छं सौवर्णायां नालिकायां प्रक्षिप्तम्। स तं पानीयमुत्तीर्णः।
tasya tatpucchaṃ sauvarṇāyāṃ nālikāyāṃ prakṣiptam/ sa taṃ pānīyamuttīrṇaḥ/
Sanskrit only: no published translation is held for this verse.
स उद्यानं गत्वा प्रमत्तो ऽवस्थितः। सामन्तराजैः श्रुतम्--यथा राजा ब्रह्मदत्त उद्यानं गत इति।
sa udyānaṃ gatvā pramatto 'vasthitaḥ/ sāmantarājaiḥ śrutam--yathā rājā brahmadatta udyānaṃ gata iti/
Sanskrit only: no published translation is held for this verse.
तैरागत्य नगरस्य द्वाराणि बन्धयन्ति। राज्ञा ब्रह्मदत्तेन श्रुतं सामन्तराजैर् नगरद्वाराणि निगृहीतानीति।
tairāgatya nagarasya dvārāṇi bandhayanti/ rājñā brahmadattena śrutaṃ sāmantarājair nagaradvārāṇi nigṛhītānīti/
Sanskrit only: no published translation is held for this verse.
सो ऽश्वाजानेयमभिरूढः। अन्तरा च वाराणस्यन्तरा चोद्यानमत्रान्तरा ब्रह्मवती नाम पुष्किरिण्युत्पलकुंदपुण्डरीकसंछन्ना।
so 'śvājāneyamabhirūḍhaḥ/ antarā ca vārāṇasyantarā codyānamatrāntarā brahmavatī nāma puṣkiriṇyutpalakuṃdapuṇḍarīkasaṃchannā/
Sanskrit only: no published translation is held for this verse.
सो ऽश्वाजानेयः पद्मोपरि सरन् वाराणसीं प्रविष्टः।
so 'śvājāneyaḥ padmopari saran vārāṇasīṃ praviṣṭaḥ/
Sanskrit only: no published translation is held for this verse.
राजा तुष्टो ऽमत्यानां कथयति--भवन्तः, योराज्ञः क्षत्रियस्य मूर्ध्नाभिषिक्तस्य जीवितमनुप्रयच्छति, किं तस्य कर्तव्यम्? देव, उपार्धराज्यं दातव्यम्।
rājā tuṣṭo 'matyānāṃ kathayati--bhavantaḥ, yorājñaḥ kṣatriyasya mūrdhnābhiṣiktasya jīvitamanuprayacchati, kiṃ tasya kartavyam? deva, upārdharājyaṃ dātavyam/
Sanskrit only: no published translation is held for this verse.
राजा कथयति--तिर्यगेषः।
rājā kathayati--tiryageṣaḥ/
Sanskrit only: no published translation is held for this verse.
किमस्योपार्धराज्येन? अपि त्वेनमागम्य सप्ताहं दानानि दीयन्ताम्, पुण्यानि क्रियन्ताम्, अकालकौमुदी च क्रियताम्।
kimasyopārdharājyena? api tvenamāgamya saptāhaṃ dānāni dīyantām, puṇyāni kriyantām, akālakaumudī ca kriyatām/
Sanskrit only: no published translation is held for this verse.
अमात्यैः सप्ताअहं दानानि दातुमारब्धानि, पुण्यानि कर्तुमारब्धानि, सप्ताहमकालकौमुदी प्रस्थापिता।
amātyaiḥ saptāahaṃ dānāni dātumārabdhāni, puṇyāni kartumārabdhāni, saptāhamakālakaumudī prasthāpitā/
Sanskrit only: no published translation is held for this verse.
सार्थवाहः पुरुषान् पृच्छति--भवन्तः, किमकालकौमुदी वर्तते? ते ऽस्य कथयन्ति--पूजितं नामाधिष्ठानम्।
sārthavāhaḥ puruṣān pṛcchati--bhavantaḥ, kimakālakaumudī vartate? te 'sya kathayanti--pūjitaṃ nāmādhiṣṭhānam/
Sanskrit only: no published translation is held for this verse.
ततः कुम्भकारस्य सकाशात् सुवर्णलक्षेणाश्वाजानेयं गृहीत्वा इहानीतम्।
tataḥ kumbhakārasya sakāśāt suvarṇalakṣeṇāśvājāneyaṃ gṛhītvā ihānītam/
Sanskrit only: no published translation is held for this verse.
तेनाद्य राज्ञो जीवितं दत्तम्। तमागम्य सप्ताहं दानानि दातुमारब्धानि, पुण्यानि क्रियन्ते, अकालकौमुदी च प्रस्थापिता।
tenādya rājño jīvitaṃ dattam/ tamāgamya saptāhaṃ dānāni dātumārabdhāni, puṇyāni kriyante, akālakaumudī ca prasthāpitā/
Sanskrit only: no published translation is held for this verse.
सार्थवाहः संलक्षयति--यो मया छोरितो नाम, स एष किशोरको ऽश्वाजानेयः स्यात्? तत्तावद्गत्वा पश्यामि।
sārthavāhaḥ saṃlakṣayati--yo mayā chorito nāma, sa eṣa kiśorako 'śvājāneyaḥ syāt? tattāvadgatvā paśyāmi/
Sanskrit only: no published translation is held for this verse.
स तस्य सकाशं गतः। स तेनाश्वाजानेयेनोक्तह्--भोः पुरुष, किं त्वया तेषामश्वानां सकाशाल्लब्धम्? मयैकाकिनैव तस्य कुम्भकारस्य सुवर्णलक्षं दत्तम्।
sa tasya sakāśaṃ gataḥ/ sa tenāśvājāneyenoktah--bhoḥ puruṣa, kiṃ tvayā teṣāmaśvānāṃ sakāśāllabdham? mayaikākinaiva tasya kumbhakārasya suvarṇalakṣaṃ dattam/
Sanskrit only: no published translation is held for this verse.
स मूर्छितकः पृथिव्यां निपतितः।
sa mūrchitakaḥ pṛthivyāṃ nipatitaḥ/
Sanskrit only: no published translation is held for this verse.
जलपरिषेकेन प्रत्यागतप्राणः पादयोर् निपत्य क्षमापितवान्॥
jalapariṣekena pratyāgataprāṇaḥ pādayor nipatya kṣamāpitavān//
Sanskrit only: no published translation is held for this verse.
किं मन्यध्वे ब्ःक्षवो यो ऽसौ सार्थवाहः, एष एव जीवकस्तेन कालेन तेन समयेन।
kiṃ manyadhve bḥkṣavo yo 'sau sārthavāhaḥ, eṣa eva jīvakastena kālena tena samayena/
Sanskrit only: no published translation is held for this verse.
यो ऽश्वाजानेयः, एष एव पन्थकस्तेन कालेन तेन समयेन। तदापि यदा अस्यैष गुणानामनभिज्ञः, तदास्यासत्कारं प्रयुक्तवान्।
yo 'śvājāneyaḥ, eṣa eva panthakastena kālena tena samayena/ tadāpi yadā asyaiṣa guṇānāmanabhijñaḥ, tadāsyāsatkāraṃ prayuktavān/
Sanskrit only: no published translation is held for this verse.
यदा तु गुणानामभिज्ञः, तदा पादयोर् निपत्य क्षमापितवान्।
yadā tu guṇānāmabhijñaḥ, tadā pādayor nipatya kṣamāpitavān/
Sanskrit only: no published translation is held for this verse.
एतर्ह्यप्येष यदा गुणानामनभिज्ञः, तदा असत्कारं प्रयुक्तवान्। यदा गुणानामभिज्ञः, तदा पादयोर् निपत्य क्षमपयति॥
etarhyapyeṣa yadā guṇānāmanabhijñaḥ, tadā asatkāraṃ prayuktavān/ yadā guṇānāmabhijñaḥ, tadā pādayor nipatya kṣamapayati//
Sanskrit only: no published translation is held for this verse.
इति श्रीदिव्यावदाने चूडापक्षावदानं समाप्तम्॥
iti śrīdivyāvadāne cūḍāpakṣāvadānaṃ samāptam//
Sanskrit only: no published translation is held for this verse.