<४५१>तेनायस्कारभाण्डिकाम् याचित्वा अन्यत्र गृहे सुसूक्ष्माः सूच्यो घटिताः, या उदके प्लवन्ते।
<451>tenāyaskārabhāṇḍikām yācitvā anyatra gṛhe susūkṣmāḥ sūcyo ghaṭitāḥ, yā udake plavante/
Sanskrit only: no published translation is held for this verse.
Library·Divyāvadāna·451
Divyāvadāna 451
एका च महती घटिता यस्यां सप्त सूच्यः प्रतिक्षिप्ताः सह तया प्लवन्ते। स ताः कृत्वा तस्यायस्कारस्य गृहमागतः।
ekā ca mahatī ghaṭitā yasyāṃ sapta sūcyaḥ pratikṣiptāḥ saha tayā plavante/ sa tāḥ kṛtvā tasyāyaskārasya gṛhamāgataḥ/
Sanskrit only: no published translation is held for this verse.
स कथयति--सूच्यः सूच्य इति। तया दारिकया दृष्टाः। सा गाथां भाषते--
sa kathayati--sūcyaḥ sūcya iti/ tayā dārikayā dṛṣṭāḥ/ sā gāthāṃ bhāṣate--
Sanskrit only: no published translation is held for this verse.
उन्मत्तकस्त्वं कटुको ऽथ वासि अचेतनः।
unmattakastvaṃ kaṭuko 'tha vāsi acetanaḥ/
Sanskrit only: no published translation is held for this verse.
अयस्कारगृहे यस्त्वं सूचीं विक्त्रेतुमागतः॥१९॥ इति।
ayaskāragṛhe yastvaṃ sūcīṃ viktretumāgataḥ//19// iti/
Sanskrit only: no published translation is held for this verse.
सो ऽपि गाथां भाषते--
so 'pi gāthāṃ bhāṣate--
Sanskrit only: no published translation is held for this verse.
नाहमुन्मत्तको वास्मि कटुको ऽहमचेतनः।
nāhamunmattako vāsmi kaṭuko 'hamacetanaḥ/
Sanskrit only: no published translation is held for this verse.
मानावतारणार्थं तु मया शिल्पं प्रदृश्यते॥२०॥
mānāvatāraṇārthaṃ tu mayā śilpaṃ pradṛśyate//20//
Sanskrit only: no published translation is held for this verse.
सचेत्पिता ते जानीयाच्छिल्पं मम हि यादृशम्।
sacetpitā te jānīyācchilpaṃ mama hi yādṛśam/
Sanskrit only: no published translation is held for this verse.
त्वां चैवानुप्रयच्छेत अन्यच्च विप्रतम् (विपुलम्?) धनम्॥२१॥ इति।
tvāṃ caivānuprayaccheta anyacca vipratam (vipulam?) dhanam//21// iti/
Sanskrit only: no published translation is held for this verse.
सा कथयति--कीदृशं त्वं शिल्पं जानीषे? ईदृषीं सूचीं करोमि योदके प्लवते।
sā kathayati--kīdṛśaṃ tvaṃ śilpaṃ jānīṣe? īdṛṣīṃ sūcīṃ karomi yodake plavate/
Sanskrit only: no published translation is held for this verse.
तया मातुर् निवेदितम्--अम्ब, शिल्पकर्मात्रागत इति। सा कथयति--प्रवेशयेति। तया प्रवेशितः।
tayā mātur niveditam--amba, śilpakarmātrāgata iti/ sā kathayati--praveśayeti/ tayā praveśitaḥ/
Sanskrit only: no published translation is held for this verse.
अयस्कारभार्या कथयति--कीदृशं त्वं शिल्पं जानीषे? तेन समाख्यातम्। तया स्वामिने निवेदितः।
ayaskārabhāryā kathayati--kīdṛśaṃ tvaṃ śilpaṃ jānīṣe? tena samākhyātam/ tayā svāmine niveditaḥ/
Sanskrit only: no published translation is held for this verse.
आर्यपुत्र, अयं शिल्पदारकः। ईदृशं जानीत इति। स कथयति--यद्येवमानय पानीयम्, पश्यामीति।
āryaputra, ayaṃ śilpadārakaḥ/ īdṛśaṃ jānīta iti/ sa kathayati--yadyevamānaya pānīyam, paśyāmīti/
Sanskrit only: no published translation is held for this verse.
तया पानीयस्य भाजनं पूरयित्वोपनामितम्। तेनैका सूची प्रक्षिप्ता।
tayā pānīyasya bhājanaṃ pūrayitvopanāmitam/ tenaikā sūcī prakṣiptā/
Sanskrit only: no published translation is held for this verse.
सा प्लोतुमारब्धा। एवं द्वितीया, तृतीया। ततः सा महती सूची प्रक्षिप्ता। सापि प्लोतुमारब्धा।
sā plotumārabdhā/ evaṃ dvitīyā, tṛtīyā/ tataḥ sā mahatī sūcī prakṣiptā/ sāpi plotumārabdhā/
Sanskrit only: no published translation is held for this verse.
पुनस्तस्यामेका सूची प्रक्षिप्ता। तथापि प्लोतुमारब्धा। एवं द्वितीयां तृतीयाम् यावत् सप्तसूचीं प्रक्षिप्य प्रक्षिप्तास्तथापि प्लोतुमारब्धाः।
punastasyāmekā sūcī prakṣiptā/ tathāpi plotumārabdhā/ evaṃ dvitīyāṃ tṛtīyām yāvat saptasūcīṃ prakṣipya prakṣiptāstathāpi plotumārabdhāḥ/
Sanskrit only: no published translation is held for this verse.
अयस्कारः संलक्षयति--ममैषो ऽधिकतरः शिल्पेन।
ayaskāraḥ saṃlakṣayati--mamaiṣo 'dhikataraḥ śilpena/
Sanskrit only: no published translation is held for this verse.
अस्मै दुहितरमनुप्रयच्छाम्। इति विदित्वा तां दारिकां सर्वालंकारविभूषितां कृत्वा वामेन पाणिना गृहीत्वा दक्षिणेन पाणिना भृङ्गारकमादाय माणवस्य पुरतः स्थित्वा कथयति--इमां ते ऽहं माणवक दुहितरमनुप्रयच्छामि भार्यार्थायेति।
asmai duhitaramanuprayacchām/ iti viditvā tāṃ dārikāṃ sarvālaṃkāravibhūṣitāṃ kṛtvā vāmena pāṇinā gṛhītvā dakṣiṇena pāṇinā bhṛṅgārakamādāya māṇavasya purataḥ sthitvā kathayati--imāṃ te 'haṃ māṇavaka duhitaramanuprayacchāmi bhāryārthāyeti/
Sanskrit only: no published translation is held for this verse.
स कथयति--नाहमनयार्थी, किं तु तवैव मदापनयः कर्तव्य इति मया शिल्पमुपदर्शितमिति॥
sa kathayati--nāhamanayārthī, kiṃ tu tavaiva madāpanayaḥ kartavya iti mayā śilpamupadarśitamiti//
Sanskrit only: no published translation is held for this verse.
भगवानाह--किं मन्यध्वे भिक्षवो यो ऽसौ माणवः, अहमेव स तेन कालेन तेन समयेन।
bhagavānāha--kiṃ manyadhve bhikṣavo yo 'sau māṇavaḥ, ahameva sa tena kālena tena samayena/
Sanskrit only: no published translation is held for this verse.
यो ऽसावयस्कारः, एष एव माकन्दिकस्तेन कालेन तेन समयेन। यासावयस्कारभार्या, एषैवासौ माकन्दिकभार्या तेन कालेन तेन समयेन।
yo 'sāvayaskāraḥ, eṣa eva mākandikastena kālena tena samayena/ yāsāvayaskārabhāryā, eṣaivāsau mākandikabhāryā tena kālena tena samayena/
Sanskrit only: no published translation is held for this verse.
यासावयस्कारदुहिता, एषैवासावनुपमा तेन कालेन तेन समयेन।
yāsāvayaskāraduhitā, eṣaivāsāvanupamā tena kālena tena samayena/
Sanskrit only: no published translation is held for this verse.
तदाप्येषा मया लभ्यमाना न प्रतिगृहीता।
tadāpyeṣā mayā labhyamānā na pratigṛhītā/
Sanskrit only: no published translation is held for this verse.
एतर्ह्यप्येषा मया लभ्यमाना न प्रतिगृहीता॥
etarhyapyeṣā mayā labhyamānā na pratigṛhītā//
Sanskrit only: no published translation is held for this verse.
पुनरपि भिक्षवः संशयजाताः सर्वसंशयच्छेत्तारं बुद्धं भगवन्तं पप्रच्छुह्--पश्य भदन्त अयं महल्लको ऽनुपमामागम्यानयेन व्यसनमापन्न इति।
punarapi bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuh--paśya bhadanta ayaṃ mahallako 'nupamāmāgamyānayena vyasanamāpanna iti/
Sanskrit only: no published translation is held for this verse.
भगवानाह--भिक्षव एतर्हि यथातीते ऽप्यध्वन्येष अनुपमामागम्य सान्तःपुरो ऽनयेन व्यसनमापन्नः।
bhagavānāha--bhikṣava etarhi yathātīte 'pyadhvanyeṣa anupamāmāgamya sāntaḥpuro 'nayena vyasanamāpannaḥ/
Sanskrit only: no published translation is held for this verse.
तच्छ्रूयताम्॥
tacchrūyatām//
Sanskrit only: no published translation is held for this verse.