नाहं ददामि, न वरयामीति। सा राज्ञा अन्तःपुरं प्रवेशिता। तया राजा वशीकृतः।
nāhaṃ dadāmi, na varayāmīti/ sā rājñā antaḥpuraṃ praveśitā/ tayā rājā vaśīkṛtaḥ/
Sanskrit only: no published translation is held for this verse.
Library·Divyāvadāna·454
Divyāvadāna 454
यावदपरेण समयेन राज्ञः सान्तःपुरस्यास्वापनं दत्वा तासां राक्षसीनां सकाशं गत्वा कथयति--भगिन्यः, किम् युष्माकं सिंहलेन सार्थवाहेन? मया सिंहकेसरिणो राज्ञः सान्तःपुरस्यास्वापनं दत्तम्।
yāvadapareṇa samayena rājñaḥ sāntaḥpurasyāsvāpanaṃ datvā tāsāṃ rākṣasīnāṃ sakāśaṃ gatvā kathayati--bhaginyaḥ, kim yuṣmākaṃ siṃhalena sārthavāhena? mayā siṃhakesariṇo rājñaḥ sāntaḥpurasyāsvāpanaṃ dattam/
Sanskrit only: no published translation is held for this verse.
आगच्च्छत, तं भक्षयाम इति। ता विकृतकरचरणनासाः परमभैरवमात्मानमभिनिर्माय रात्रौ सिंहकल्पमागताः।
āgaccchata, taṃ bhakṣayāma iti/ tā vikṛtakaracaraṇanāsāḥ paramabhairavamātmānamabhinirmāya rātrau siṃhakalpamāgatāḥ/
Sanskrit only: no published translation is held for this verse.
ताभिरसौ राजा सान्तःपुरपरिवारो भक्षितः।
tābhirasau rājā sāntaḥpuraparivāro bhakṣitaḥ/
Sanskrit only: no published translation is held for this verse.
प्रभातायां राजन्यां राजद्वारं न मुच्यते। राजगृहस्योपरिष्टात्कुणपखादकाः पक्षिणः परिभ्रामितुमारब्धाः।
prabhātāyāṃ rājanyāṃ rājadvāraṃ na mucyate/ rājagṛhasyopariṣṭātkuṇapakhādakāḥ pakṣiṇaḥ paribhrāmitumārabdhāḥ/
Sanskrit only: no published translation is held for this verse.
अमात्या भटबलाग्रनैगमजनपदाश्च राजद्वारे तिष्ठन्ति। एष शब्दः सिंहकल्पायां राजधान्यां समन्ततो विसृतह्--राजद्वारं न मुच्यते।
amātyā bhaṭabalāgranaigamajanapadāśca rājadvāre tiṣṭhanti/ eṣa śabdaḥ siṃhakalpāyāṃ rājadhānyāṃ samantato visṛtah--rājadvāraṃ na mucyate/
Sanskrit only: no published translation is held for this verse.
राजगृहस्योपरिष्टात्कुणपखादकाः पक्षिणः परिभ्रमन्ति।
rājagṛhasyopariṣṭātkuṇapakhādakāḥ pakṣiṇaḥ paribhramanti/
Sanskrit only: no published translation is held for this verse.
अमात्या भटबलग्रं नैगमजनपदाश्च राजद्वारे तिष्ठन्तीति।
amātyā bhaṭabalagraṃ naigamajanapadāśca rājadvāre tiṣṭhantīti/
Sanskrit only: no published translation is held for this verse.
सिंहलेन सार्थवाहेन श्रुतम्। स त्वरितत्वरितं खङ्गमादाय गतः। स कथयति--भवन्तः, क्षमं चिन्तयत।
siṃhalena sārthavāhena śrutam/ sa tvaritatvaritaṃ khaṅgamādāya gataḥ/ sa kathayati--bhavantaḥ, kṣamaṃ cintayata/
Sanskrit only: no published translation is held for this verse.
तया राक्षस्या राजा खादित इति। अमात्याः कथयन्ति--कथमत्र प्रतिपत्तव्यमिति? स कथयति--निश्रयणीमानयत, पश्यामीति।
tayā rākṣasyā rājā khādita iti/ amātyāḥ kathayanti--kathamatra pratipattavyamiti? sa kathayati--niśrayaṇīmānayata, paśyāmīti/
Sanskrit only: no published translation is held for this verse.
तैरानीता। सिंहलः सार्थवाहः खङ्गमादाय निरूठः।
tairānītā/ siṃhalaḥ sārthavāhaḥ khaṅgamādāya nirūṭhaḥ/
Sanskrit only: no published translation is held for this verse.
तेन ताः संत्रासिताः। तासां काश्चिद्धस्तपादानादाय निष्पलायिताः, काश्चिच्छिरः।
tena tāḥ saṃtrāsitāḥ/ tāsāṃ kāściddhastapādānādāya niṣpalāyitāḥ, kāścicchiraḥ/
Sanskrit only: no published translation is held for this verse.
ततः सिंहलेन सार्थवाहेन राजकुलद्वाराणि भुक्तानि। अमात्यै राजकुलं शोधितम्।
tataḥ siṃhalena sārthavāhena rājakuladvārāṇi bhuktāni/ amātyai rājakulaṃ śodhitam/
Sanskrit only: no published translation is held for this verse.
पौरामात्यजनपदाः संनिपत्य कथयन्ति--भवन्तः, राजा सान्तःपुरपरिवारो राक्षसीभिर्भक्षितः।
paurāmātyajanapadāḥ saṃnipatya kathayanti--bhavantaḥ, rājā sāntaḥpuraparivāro rākṣasībhirbhakṣitaḥ/
Sanskrit only: no published translation is held for this verse.
कुमारो नास्य, कमत्राभिषिञ्चाम इति? तत्रैके कथयन्ति--यः सात्त्विकः प्रज्ञश्चेति।
kumāro nāsya, kamatrābhiṣiñcāma iti? tatraike kathayanti--yaḥ sāttvikaḥ prajñaśceti/
Sanskrit only: no published translation is held for this verse.
अपरे कथयन्ति--सिंहलात्सार्थवाहात् को ऽन्यः सात्त्विकः प्रज्ञश्च? सिंहलं सार्थवाहमभिषिञ्चाम इति।
apare kathayanti--siṃhalātsārthavāhāt ko 'nyaḥ sāttvikaḥ prajñaśca? siṃhalaṃ sārthavāhamabhiṣiñcāma iti/
Sanskrit only: no published translation is held for this verse.
एवं कुर्मः। तैः सिंहलः सार्थवाह उक्तह्--सार्थवाह, राज्यं प्रतीच्छेति।
evaṃ kurmaḥ/ taiḥ siṃhalaḥ sārthavāha uktah--sārthavāha, rājyaṃ pratīccheti/
Sanskrit only: no published translation is held for this verse.
स कथयति--अहं वणिक्संव्यवहारोपजीवी। किं मम राज्येनेति? ते कथयन्ति--सार्थवाह, नान्यः शक्नोति राज्यं धारयितुम्।
sa kathayati--ahaṃ vaṇiksaṃvyavahāropajīvī/ kiṃ mama rājyeneti? te kathayanti--sārthavāha, nānyaḥ śaknoti rājyaṃ dhārayitum/
Sanskrit only: no published translation is held for this verse.
प्रतीच्छेति। स कथयति--समयेन प्रतीच्छामि यदि मम वचनानुसारिणो भवथ।
pratīccheti/ sa kathayati--samayena pratīcchāmi yadi mama vacanānusāriṇo bhavatha/
Sanskrit only: no published translation is held for this verse.
प्रतीच्छ, भवामः, शोभनं ते। तौरसौ नगरशोभां कृत्वा महता सत्कारेण राज्ये ऽभिषिक्तः।
pratīccha, bhavāmaḥ, śobhanaṃ te/ taurasau nagaraśobhāṃ kṛtvā mahatā satkāreṇa rājye 'bhiṣiktaḥ/
Sanskrit only: no published translation is held for this verse.
तेन नानादेशनिवासिनो विद्यावादिका आहूय भूयस्या मात्रया विद्या शिक्षिता, एवमिष्वस्त्राचार्या इष्वस्त्राणि।
tena nānādeśanivāsino vidyāvādikā āhūya bhūyasyā mātrayā vidyā śikṣitā, evamiṣvastrācāryā iṣvastrāṇi/
Sanskrit only: no published translation is held for this verse.
अमात्यानां चाज्ञा दत्ता--सज्जीक्रियतां भवन्तश्चतुरङ्गबलकायं संनाहितम्।
amātyānāṃ cājñā dattā--sajjīkriyatāṃ bhavantaścaturaṅgabalakāyaṃ saṃnāhitam/
Sanskrit only: no published translation is held for this verse.
सिंहलो राजा चतुरङ्गाद्बलकायाद्वरवराङ्गान् हस्तिनो ऽश्वान् रथान् मनुष्याश्च वहनेष्वरोप्य ताम्रद्वीपं संप्रस्थितः।
siṃhalo rājā caturaṅgādbalakāyādvaravarāṅgān hastino 'śvān rathān manuṣyāśca vahaneṣvaropya tāmradvīpaṃ saṃprasthitaḥ/
Sanskrit only: no published translation is held for this verse.
स्नुपूर्वेण समुद्रतीरमनुप्राप्तः। तासां रक्षसीनामापणस्थानीयो ध्वजः कम्पितुमारब्धः।
snupūrveṇa samudratīramanuprāptaḥ/ tāsāṃ rakṣasīnāmāpaṇasthānīyo dhvajaḥ kampitumārabdhaḥ/
Sanskrit only: no published translation is held for this verse.
ताः संजल्पं कर्तुमारब्धाह्--भवत्यः, आपणस्थानीयो ध्वजः कम्पते।
tāḥ saṃjalpaṃ kartumārabdhāh--bhavatyaḥ, āpaṇasthānīyo dhvajaḥ kampate/
Sanskrit only: no published translation is held for this verse.
नूनं जाम्बुद्वीपका मनुष्या युद्धभिनन्दिन आगताः।
nūnaṃ jāmbudvīpakā manuṣyā yuddhabhinandina āgatāḥ/
Sanskrit only: no published translation is held for this verse.
समन्वेषाम इति। ताः समुद्रतीरं गताः। यावत् पश्यन्ति अनेकशतानि यानपात्राणि समुद्रतीरमनुप्राप्तानि।
samanveṣāma iti/ tāḥ samudratīraṃ gatāḥ/ yāvat paśyanti anekaśatāni yānapātrāṇi samudratīramanuprāptāni/
Sanskrit only: no published translation is held for this verse.
दृष्ट्वा च पुनस्ता अर्धेन प्रत्युद्गताः। ततो विद्याधारिभिराविष्टा इष्वस्त्राचार्यैः संप्रघातिताः।
dṛṣṭvā ca punastā ardhena pratyudgatāḥ/ tato vidyādhāribhirāviṣṭā iṣvastrācāryaiḥ saṃpraghātitāḥ/
Sanskrit only: no published translation is held for this verse.
अवशिष्टाः सिंहलस्य राज्ञः पादयोर् निपत्य कथयन्ति--देव, क्षमस्वेति।
avaśiṣṭāḥ siṃhalasya rājñaḥ pādayor nipatya kathayanti--deva, kṣamasveti/
Sanskrit only: no published translation is held for this verse.
स कथयति--समयेन क्षमे, यदि यूयमेतन्नगरमुत्कीलयित्वा अन्यत्र गच्छथ, न च मद्विजिते <४५५>कस्यचिदपराध्यथेति।
sa kathayati--samayena kṣame, yadi yūyametannagaramutkīlayitvā anyatra gacchatha, na ca madvijite <455>kasyacidaparādhyatheti/
Sanskrit only: no published translation is held for this verse.