Library·Divyāvadāna·457
तेन कौशाम्ब्यां घण्टावघोषणं कारितम्--यो मम विजिते कश्चिच्छस्त्रोपजीवी प्रतिवसति, तेन सर्वेण गन्तव्यमिति।
tena kauśāmbyāṃ ghaṇṭāvaghoṣaṇaṃ kāritam--yo mama vijite kaścicchastropajīvī prativasati, tena sarveṇa gantavyamiti/
Sanskrit only: no published translation is held for this verse.
तेन संप्रस्थितेन योगन्धरायण उक्तह्--त्वमिह तिष्ठेति।
tena saṃprasthitena yogandharāyaṇa uktah--tvamiha tiṣṭheti/
Sanskrit only: no published translation is held for this verse.
स न संप्रतिपद्यते। स कथयति--देवेनैव सार्धं गच्छामीति। घोषिलो ऽप्युक्त एवमेव कथयति।
sa na saṃpratipadyate/ sa kathayati--devenaiva sārdhaṃ gacchāmīti/ ghoṣilo 'pyukta evameva kathayati/
Sanskrit only: no published translation is held for this verse.
राज्ञा माकन्दिकः स्थापित उक्तश्च--श्यामावत्या योगोद्वहनं कर्तव्यमिति।
rājñā mākandikaḥ sthāpita uktaśca--śyāmāvatyā yogodvahanaṃ kartavyamiti/
Sanskrit only: no published translation is held for this verse.
संप्रस्थितेनाप्यनुव्रजन् स एवमेवोक्तः। निवर्तमानेनापि तेन संप्रतिपन्नम्। सो ऽनुपमायाः सकाशं गतः।
saṃprasthitenāpyanuvrajan sa evamevoktaḥ/ nivartamānenāpi tena saṃpratipannam/ so 'nupamāyāḥ sakāśaṃ gataḥ/
Sanskrit only: no published translation is held for this verse.
तया पृष्टह्--तात, क इह देवेन स्थापितह्? अहम्। सा संलक्षयति--शोभनम्।
tayā pṛṣṭah--tāta, ka iha devena sthāpitah? aham/ sā saṃlakṣayati--śobhanam/
Sanskrit only: no published translation is held for this verse.
शक्यमनेन सहायेन वैरनिर्यातनं कर्तुमिति विदित्वा कथयति--नानुजानीषे श्यामावती का मम भवतीति।
śakyamanena sahāyena vairaniryātanaṃ kartumiti viditvā kathayati--nānujānīṣe śyāmāvatī kā mama bhavatīti/
Sanskrit only: no published translation is held for this verse.
पुत्रि, जाने सपत्नीति। तात सत्यमेवम्। नानुजानीषे कतरो धर्मो ऽत्यर्थं बाधत इति? पुत्रि, जाने ईर्ष्या मात्सर्यं च।
putri, jāne sapatnīti/ tāta satyamevam/ nānujānīṣe kataro dharmo 'tyarthaṃ bādhata iti? putri, jāne īrṣyā mātsaryaṃ ca/
Sanskrit only: no published translation is held for this verse.
तात यद्येवम्, श्यामावतीं प्रघातय।
tāta yadyevam, śyāmāvatīṃ praghātaya/
Sanskrit only: no published translation is held for this verse.
स कथयति--किं मे द्वे शिरसी? यावत् त्रिरप्यहं राज्ञा सिंदिष्टह्--श्यामावत्या योगोद्वाहनं करिष्यसीति।
sa kathayati--kiṃ me dve śirasī? yāvat trirapyahaṃ rājñā siṃdiṣṭah--śyāmāvatyā yogodvāhanaṃ kariṣyasīti/
Sanskrit only: no published translation is held for this verse.
भवतु नामापि न गृहीतुमिति। सा कथयति--तात, ईदृशो ऽपि त्वं मूर्खह्? अस्ति कश्चित्पिता दुहितुरर्थे विमुखः, यः सपत्न्याः सकाशे अतीव स्नेहं करोति? प्रघातयसीत्येवं कुशलम्।
bhavatu nāmāpi na gṛhītumiti/ sā kathayati--tāta, īdṛśo 'pi tvaṃ mūrkhah? asti kaścitpitā duhiturarthe vimukhaḥ, yaḥ sapatnyāḥ sakāśe atīva snehaṃ karoti? praghātayasītyevaṃ kuśalam/
Sanskrit only: no published translation is held for this verse.
नो चेदहं पौराणे स्थाने स्थापयामीति। स भीतः संलक्षयति--स्त्रीवशगा राजानः।
no cedahaṃ paurāṇe sthāne sthāpayāmīti/ sa bhītaḥ saṃlakṣayati--strīvaśagā rājānaḥ/
Sanskrit only: no published translation is held for this verse.
स्यादेवमिति।
syādevamiti/
Sanskrit only: no published translation is held for this verse.
सा कथयति--शोभनम्। एवं कुरु। स श्यामावत्याः सकाशं गतः।
sā kathayati--śobhanam/ evaṃ kuru/ sa śyāmāvatyāḥ sakāśaṃ gataḥ/
Sanskrit only: no published translation is held for this verse.
स कथयति--देवि, किं ते करणीयमस्ति? सा कथयति--माकन्दिक, न किंचित्करणीयमस्ति।
sa kathayati--devi, kiṃ te karaṇīyamasti? sā kathayati--mākandika, na kiṃcitkaraṇīyamasti/
Sanskrit only: no published translation is held for this verse.
अपि त्वेता दारिका रात्रौ प्रदीपेन बुद्धवचनं पठन्ति, अत्र भूर्जेन प्रयोजनं तैलेन मसिना कलमया तुलेन।
api tvetā dārikā rātrau pradīpena buddhavacanaṃ paṭhanti, atra bhūrjena prayojanaṃ tailena masinā kalamayā tulena/
Sanskrit only: no published translation is held for this verse.
स कथयति--देवि, शोभनम्। उपावर्तयामीति। तेन प्रभूतमुपावर्त्य प्रवेशितम्, द्वारकोष्ठके राशिर्व्यवस्थापितः।
sa kathayati--devi, śobhanam/ upāvartayāmīti/ tena prabhūtamupāvartya praveśitam, dvārakoṣṭhake rāśirvyavasthāpitaḥ/
Sanskrit only: no published translation is held for this verse.
श्यामावती कथयति--माकन्दिक, अलं पर्याप्तंती।
śyāmāvatī kathayati--mākandika, alaṃ paryāptaṃtī/
Sanskrit only: no published translation is held for this verse.
माकन्दिकः कथयति--देवि प्रवेशयामि, न भूयो भूयः प्रवेशितव्यम्।
mākandikaḥ kathayati--devi praveśayāmi, na bhūyo bhūyaḥ praveśitavyam/
Sanskrit only: no published translation is held for this verse.
तेनपश्चिमे भूर्जभारके ऽग्निं प्रक्षिप्य शरः प्रवेशितः। एत्न संधुक्षितेन द्वारकोष्ठकः प्रज्वालितः।
tenapaścime bhūrjabhārake 'gniṃ prakṣipya śaraḥ praveśitaḥ/ etna saṃdhukṣitena dvārakoṣṭhakaḥ prajvālitaḥ/
Sanskrit only: no published translation is held for this verse.
कौशाम्बीनिवासी जनकायः प्रधावितो निर्वापयितुम्। माकन्दिको निष्कोषमसिं कृत्वा जनकायं निर्वासयितुमारब्धः।
kauśāmbīnivāsī janakāyaḥ pradhāvito nirvāpayitum/ mākandiko niṣkoṣamasiṃ kṛtvā janakāyaṃ nirvāsayitumārabdhaḥ/
Sanskrit only: no published translation is held for this verse.
तिष्ठत, किम् यूयं राज्ञो ऽन्तःपुरं द्रष्टुम्? कौशाम्ब्याम् यन्त्रकराचार्यः कथयति--अहमेनं द्वारकोष्ठकं ज्वलन्तम् यन्त्रेणान्यस्थानं संक्रमयामीति।
tiṣṭhata, kim yūyaṃ rājño 'ntaḥpuraṃ draṣṭum? kauśāmbyām yantrakarācāryaḥ kathayati--ahamenaṃ dvārakoṣṭhakaṃ jvalantam yantreṇānyasthānaṃ saṃkramayāmīti/
Sanskrit only: no published translation is held for this verse.
सो ऽपि माकन्दिकेनैवमेवोक्तो निवर्तितः।
so 'pi mākandikenaivamevokto nivartitaḥ/
Sanskrit only: no published translation is held for this verse.
श्यामावती ऋद्ध्या आकाशमुत्प्लुत्य कथयति--भगिन्यः, अस्माभिरेवैतानि कर्माणि कृतान्युपचितानि लब्धसम्भाराणि परिणतप्रत्ययान्योघवत्प्रत्युपस्थितान्यवश्यम्भावीनि।
śyāmāvatī ṛddhyā ākāśamutplutya kathayati--bhaginyaḥ, asmābhirevaitāni karmāṇi kṛtānyupacitāni labdhasambhārāṇi pariṇatapratyayānyoghavatpratyupasthitānyavaśyambhāvīni/
Sanskrit only: no published translation is held for this verse.
अस्माभिरेव कृत्यान्युपचितानि। को ऽन्यः प्रत्यनुभविष्यति? उक्तं च भगवता--
asmābhireva kṛtyānyupacitāni/ ko 'nyaḥ pratyanubhaviṣyati? uktaṃ ca bhagavatā--
Sanskrit only: no published translation is held for this verse.
नैवान्तरिक्षे न समुद्रमध्ये न पर्वतानां विवरं प्रविश्य।
naivāntarikṣe na samudramadhye na parvatānāṃ vivaraṃ praviśya/
Sanskrit only: no published translation is held for this verse.
न विद्यते पृथिवीप्रदेशो यत्र स्थितं न प्रसहेत कर्म॥२२॥ इति।
na vidyate pṛthivīpradeśo yatra sthitaṃ na prasaheta karma//22// iti/
Sanskrit only: no published translation is held for this verse.