Divyāvadāna 458

<४५८>तत्कर्मपरायणैर्वो भवितव्यमित्युक्त्वा गाथां भाषते--

<458>tatkarmaparāyaṇairvo bhavitavyamityuktvā gāthāṃ bhāṣate--

Sanskrit only: no published translation is held for this verse.

दृष्टो मया स भगवांस् तिर्यक्प्राकारसंनिभः।

dṛṣṭo mayā sa bhagavāṃs tiryakprākārasaṃnibhaḥ/

Sanskrit only: no published translation is held for this verse.

आज्ञातानि च सत्यानि कृतं बुद्धस्य शासनम्॥२३॥ इति।

ājñātāni ca satyāni kṛtaṃ buddhasya śāsanam//23// iti/

Sanskrit only: no published translation is held for this verse.

श्यामावतीप्रमुखास्ताः स्त्रियः पतङ्ग इवोत्प्लुत्याग्नौ निपतिताः। इति तत्र श्यामावतीप्रमुखानि पञ्च स्त्रीशतानि दग्धानि।

śyāmāvatīpramukhāstāḥ striyaḥ pataṅga ivotplutyāgnau nipatitāḥ/ iti tatra śyāmāvatīpramukhāni pañca strīśatāni dagdhāni/

Sanskrit only: no published translation is held for this verse.

कुब्जोत्तरा ससम्भ्रमेण निष्पलायिता। माकन्दिकेन तेषां पञ्चानां स्त्रीशतानां कलेवराणि श्मशाने छोरितानि।

kubjottarā sasambhrameṇa niṣpalāyitā/ mākandikena teṣāṃ pañcānāṃ strīśatānāṃ kalevarāṇi śmaśāne choritāni/

Sanskrit only: no published translation is held for this verse.

राजकुलं सान्तर्बहिः शोधितम्।

rājakulaṃ sāntarbahiḥ śodhitam/

Sanskrit only: no published translation is held for this verse.

कौशाम्बीनिवासी जनकायो नानादेशाभ्यागतश्च विक्रोशन्निवारितः॥

kauśāmbīnivāsī janakāyo nānādeśābhyāgataśca vikrośannivāritaḥ//

Sanskrit only: no published translation is held for this verse.

अथ संबहुला भिक्षवः पूर्वाह्णे निवास्य पात्रचीवरमादाय कौशाम्बीं पिण्डाय प्राविक्षन्।

atha saṃbahulā bhikṣavaḥ pūrvāhṇe nivāsya pātracīvaramādāya kauśāmbīṃ piṇḍāya prāvikṣan/

Sanskrit only: no published translation is held for this verse.

अश्रौषुः संबहुला भिक्षवः कौशाम्बीनगरे उदयनस्य वत्सराजस्य जनपदान् गतस्य अन्तःपुरमग्निना दग्धं पञ्चमात्राणि स्त्रीशतानि श्यामावतीप्रमुखानि।

aśrauṣuḥ saṃbahulā bhikṣavaḥ kauśāmbīnagare udayanasya vatsarājasya janapadān gatasya antaḥpuramagninā dagdhaṃ pañcamātrāṇi strīśatāni śyāmāvatīpramukhāni/

Sanskrit only: no published translation is held for this verse.

श्रुत्वा च पुनः कौशाम्बीं पिण्डाय प्रविश्या चरित्वा प्रतिक्रम्य पुनर्येन भगवांस्तेनोपसंक्रान्ता एतदूचुह्--अश्रौष्म वयं भदन्त संबहुला भिक्षवो कौशाम्बीं पिण्डाय चरन्त उदयनस्य वत्सराजस्यान्तःपुरमग्निना दग्धं पञ्चमात्राणि स्त्रीशतानि श्यामावतीप्रमुखानि दग्धानि॥

śrutvā ca punaḥ kauśāmbīṃ piṇḍāya praviśyā caritvā pratikramya punaryena bhagavāṃstenopasaṃkrāntā etadūcuh--aśrauṣma vayaṃ bhadanta saṃbahulā bhikṣavo kauśāmbīṃ piṇḍāya caranta udayanasya vatsarājasyāntaḥpuramagninā dagdhaṃ pañcamātrāṇi strīśatāni śyāmāvatīpramukhāni dagdhāni//

Sanskrit only: no published translation is held for this verse.

भगवानाह--बहु भिक्षवस्तेन मोहपुरुषेणापुण्यं प्रसूतम् येनोदयनस्य वत्सराजस्य जनपदगतस्यान्तःपुरमग्निना दग्धं पञ्चमात्राणि स्त्रीशतानि श्यामावतीप्रमुखानि।

bhagavānāha--bahu bhikṣavastena mohapuruṣeṇāpuṇyaṃ prasūtam yenodayanasya vatsarājasya janapadagatasyāntaḥpuramagninā dagdhaṃ pañcamātrāṇi strīśatāni śyāmāvatīpramukhāni/

Sanskrit only: no published translation is held for this verse.

किं चापि भिक्षवस्तेन मोहपुरुषेण बह्वपुण्यं प्रसूतम्, अपि तु न ता दुर्गतिं गताः।

kiṃ cāpi bhikṣavastena mohapuruṣeṇa bahvapuṇyaṃ prasūtam, api tu na tā durgatiṃ gatāḥ/

Sanskrit only: no published translation is held for this verse.

सर्वाः शुद्धपुद्गलाः कालगताः।

sarvāḥ śuddhapudgalāḥ kālagatāḥ/

Sanskrit only: no published translation is held for this verse.

तत्कस्य हेतोह्? सन्ति तस्मिन्नन्तःपुरे स्त्रियो याः पञ्चानामवरभागीयानां सम्योजनानां प्रहाणादुपपादुकाः।

tatkasya hetoh? santi tasminnantaḥpure striyo yāḥ pañcānāmavarabhāgīyānāṃ samyojanānāṃ prahāṇādupapādukāḥ/

Sanskrit only: no published translation is held for this verse.

तत्र परिनिर्वायिण्यो ऽनागामिन्यो ऽनावृत्तिकधर्मिण्यः पुनरिमं लोकम्।

tatra parinirvāyiṇyo 'nāgāminyo 'nāvṛttikadharmiṇyaḥ punarimaṃ lokam/

Sanskrit only: no published translation is held for this verse.

एवम्रूपास्तस्मिन्नन्तःपुरे स्त्रियः सन्ति। सन्ति तस्मिन्नन्तःपुरे स्त्रियो यास्त्रयाणां सम्योजनानां प्रहाणाद्रागद्वेषमोहानां कालं कृत्वा सकृदागामिन्यः, सकृदिमं लोकमागम्य दुःखस्यान्तं करिष्यन्ति।

evamrūpāstasminnantaḥpure striyaḥ santi/ santi tasminnantaḥpure striyo yāstrayāṇāṃ samyojanānāṃ prahāṇādrāgadveṣamohānāṃ kālaṃ kṛtvā sakṛdāgāminyaḥ, sakṛdimaṃ lokamāgamya duḥkhasyāntaṃ kariṣyanti/

Sanskrit only: no published translation is held for this verse.

एवम्रूपास्तस्मिन्नन्तःपुरे स्त्रियः सन्ति। सन्ति तस्मिन्नन्तःपुरे स्त्रियो यास्त्रयाणां सम्योजनानां प्रहाणाच्छ्रोतापन्ना अविनिपातधर्मिण्यो नियतसमाधिपरायणाः सप्तकृत्वो भवपरमाः सप्तकृत्वो देवांश्च मनुष्यांश्च संधाव्य संसृत्य दुःखस्यान्तं करिष्यन्ति।

evamrūpāstasminnantaḥpure striyaḥ santi/ santi tasminnantaḥpure striyo yāstrayāṇāṃ samyojanānāṃ prahāṇācchrotāpannā avinipātadharmiṇyo niyatasamādhiparāyaṇāḥ saptakṛtvo bhavaparamāḥ saptakṛtvo devāṃśca manuṣyāṃśca saṃdhāvya saṃsṛtya duḥkhasyāntaṃ kariṣyanti/

Sanskrit only: no published translation is held for this verse.

एवम्रूपास्तस्मिन्नन्तःपुरे स्त्रियः सन्ति। सन्ति तस्मिन्नन्तःपुरे स्त्रियो याः स्वजीवितहेतोरपि शिक्षां न व्यतिक्रान्ताः।

evamrūpāstasminnantaḥpure striyaḥ santi/ santi tasminnantaḥpure striyo yāḥ svajīvitahetorapi śikṣāṃ na vyatikrāntāḥ/

Sanskrit only: no published translation is held for this verse.

इत्येवम्रूपास्तस्मिन्नन्तःपुरे स्त्रियः सन्ति। सन्ति तस्मिन्नन्तःपुरे स्त्रियो या ममान्तिके प्रसन्नचित्तालंकारं कृत्वा कायस्य भेदात्सुगतौ स्वर्गलोके देवेषूपपन्नाः।

ityevamrūpāstasminnantaḥpure striyaḥ santi/ santi tasminnantaḥpure striyo yā mamāntike prasannacittālaṃkāraṃ kṛtvā kāyasya bhedātsugatau svargaloke deveṣūpapannāḥ/

Sanskrit only: no published translation is held for this verse.

एवम्रूपास्तस्मिन्नन्तःपुरे स्त्रियः सन्ति। आगम्यत भिक्षवो येन श्यामावतीप्रमुखानां पञ्चस्त्रीशतानां कलेवराणि।

evamrūpāstasminnantaḥpure striyaḥ santi/ āgamyata bhikṣavo yena śyāmāvatīpramukhānāṃ pañcastrīśatānāṃ kalevarāṇi/

Sanskrit only: no published translation is held for this verse.

एवं भदन्तेति भिक्षवो भगवतः प्रत्यश्रौषुः। अथ खलु भगवान् संबहुलैर्भिक्षुभिः सार्धम् येन तासां पञ्चानां स्त्रीशताणां कलेवराणि तेनोपसंक्रान्तः।

evaṃ bhadanteti bhikṣavo bhagavataḥ pratyaśrauṣuḥ/ atha khalu bhagavān saṃbahulairbhikṣubhiḥ sārdham yena tāsāṃ pañcānāṃ strīśatāṇāṃ kalevarāṇi tenopasaṃkrāntaḥ/

Sanskrit only: no published translation is held for this verse.

उपसंक्रम्य भिक्षूनामन्त्रयते स्म--एतानि भिक्षवस्तानि पञ्चशतकलेवराणि यत्र उदयनो वत्सराजो रक्तः सक्तो गृद्धो ग्रथितो मूर्च्छितो ऽध्यवसायमापन्नः।

upasaṃkramya bhikṣūnāmantrayate sma--etāni bhikṣavastāni pañcaśatakalevarāṇi yatra udayano vatsarājo raktaḥ sakto gṛddho grathito mūrcchito 'dhyavasāyamāpannaḥ/

Sanskrit only: no published translation is held for this verse.

तत्र नैव प्राज्ञधीः पादेनापि स्पृशेत्।

tatra naiva prājñadhīḥ pādenāpi spṛśet/

Sanskrit only: no published translation is held for this verse.

गाथां च भाषते--

gāthāṃ ca bhāṣate--

Sanskrit only: no published translation is held for this verse.