<४६०>भवन्तः, ईदृशो ऽपि राजा मूर्खह्? अस्ति कश्षिन्मृत्युनापहृतः शक्यत आनेतुम्? तद्गतम्।
<460>bhavantaḥ, īdṛśo 'pi rājā mūrkhah? asti kaśṣinmṛtyunāpahṛtaḥ śakyata ānetum? tadgatam/
Sanskrit only: no published translation is held for this verse.
Library·Divyāvadāna·460
Divyāvadāna 460
एतत्तस्यैवं लिखितम्--ममैवंनामा कार्वटिकः संनामं न गच्छति। स त्वमस्माकं तावत्साहाय्यं कल्पय, पश्चात्तवापि साहय्यं करोमीति।
etattasyaivaṃ likhitam--mamaivaṃnāmā kārvaṭikaḥ saṃnāmaṃ na gacchati/ sa tvamasmākaṃ tāvatsāhāyyaṃ kalpaya, paścāttavāpi sāhayyaṃ karomīti/
Sanskrit only: no published translation is held for this verse.
सो ऽमात्यैस्तस्यैवं लेखो ऽनुप्रेषितः। स लेखश्रवणादेवागत्य कार्वटिकस्य नातिदूरे व्यवस्थापितः।
so 'mātyaistasyaivaṃ lekho 'nupreṣitaḥ/ sa lekhaśravaṇādevāgatya kārvaṭikasya nātidūre vyavasthāpitaḥ/
Sanskrit only: no published translation is held for this verse.
कार्वटिकेन श्रुतम्। स संलक्षयति--एकेन तावदहं राज्ञा दश दिशो विश्रान्तः, अयं च द्वितीयः।
kārvaṭikena śrutam/ sa saṃlakṣayati--ekena tāvadahaṃ rājñā daśa diśo viśrāntaḥ, ayaṃ ca dvitīyaḥ/
Sanskrit only: no published translation is held for this verse.
सर्वथा पुनरपि विषयान्न तु प्राणान्निर्गच्छामीति।
sarvathā punarapi viṣayānna tu prāṇānnirgacchāmīti/
Sanskrit only: no published translation is held for this verse.
स कण्ठे ऽसिं बद्ध्वा निर्गत्य राज्ञ उदयनस्य पादयोर् निपतितः। स राज्ञा उदयनेन करदो व्यवस्थापितः।
sa kaṇṭhe 'siṃ baddhvā nirgatya rājña udayanasya pādayor nipatitaḥ/ sa rājñā udayanena karado vyavasthāpitaḥ/
Sanskrit only: no published translation is held for this verse.
अथसावप्रियाख्यायी राजलीलया राज्ञ उदयनस्य सकाशं गत्वा कथयति--देव, मम पुत्रो मृत्युना अपहृतः।
athasāvapriyākhyāyī rājalīlayā rājña udayanasya sakāśaṃ gatvā kathayati--deva, mama putro mṛtyunā apahṛtaḥ/
Sanskrit only: no published translation is held for this verse.
त्वं मम देवः साहाय्यं कल्पयतु।
tvaṃ mama devaḥ sāhāyyaṃ kalpayatu/
Sanskrit only: no published translation is held for this verse.
अहं तेन सार्धं संग्रामं संग्रामयिष्यामीति। यदि तावत्त्वं शक्नोषि युद्धेन निर्जेतुमियेवं कुशलम्, नो चेत्पञ्चहस्तिशतानि पञ्चहस्तिनीशतानि पञ्चवडवाशतानि पञ्चकुमारशतानि पञ्चकुमारिकाशतानि सुवर्णस्य लक्षं दत्वा तमानेष्यामीति।
ahaṃ tena sārdhaṃ saṃgrāmaṃ saṃgrāmayiṣyāmīti/ yadi tāvattvaṃ śaknoṣi yuddhena nirjetumiyevaṃ kuśalam, no cetpañcahastiśatāni pañcahastinīśatāni pañcavaḍavāśatāni pañcakumāraśatāni pañcakumārikāśatāni suvarṇasya lakṣaṃ datvā tamāneṣyāmīti/
Sanskrit only: no published translation is held for this verse.
उदयनो राजा कथयति--प्रियवयस्य, मूर्खस्त्वम्।
udayano rājā kathayati--priyavayasya, mūrkhastvam/
Sanskrit only: no published translation is held for this verse.
अस्ति कश्चिच्छक्यते मृत्योः सकाशादानेतुमिति? स कथयति--देव, न शक्यते।
asti kaścicchakyate mṛtyoḥ sakāśādānetumiti? sa kathayati--deva, na śakyate/
Sanskrit only: no published translation is held for this verse.
यद्येवम्, इमं पटं पश्येति। तेन पटः प्रसातितः। राजा पटं निरीक्ष्य मर्मवेधविद्ध इव रुष्यमाणः कथयति--भोः किम्? कथयति--भोः पुरुष, किं कथयसि श्यामावतीप्रमुखानि पञ्च स्त्रीशतान्यग्निना दग्धानीति? स पट्टं मौलिं चापनीय गाथां भाषते--
yadyevam, imaṃ paṭaṃ paśyeti/ tena paṭaḥ prasātitaḥ/ rājā paṭaṃ nirīkṣya marmavedhaviddha iva ruṣyamāṇaḥ kathayati--bhoḥ kim? kathayati--bhoḥ puruṣa, kiṃ kathayasi śyāmāvatīpramukhāni pañca strīśatānyagninā dagdhānīti? sa paṭṭaṃ mauliṃ cāpanīya gāthāṃ bhāṣate--
Sanskrit only: no published translation is held for this verse.
नाहं नरेन्द्रो न नरेन्द्रपुत्रः पादोपजीवी तव देव मृत्यः।
nāhaṃ narendro na narendraputraḥ pādopajīvī tava deva mṛtyaḥ/
Sanskrit only: no published translation is held for this verse.
अथाप्रियस्येव निवेदनार्थमिहागतो ऽहं तव पादमूलम्॥२५॥ इति।
athāpriyasyeva nivedanārthamihāgato 'haṃ tava pādamūlam//25// iti/
Sanskrit only: no published translation is held for this verse.
राजा सुतरां निरीक्ष्य विचारयति। इयं कौशाम्बी नगरी, इदं राजकुलम्, अयं माकन्दिकः पुष्पदन्तं प्रासादं भूर्जादिना प्रयोगेण दहति, इमानि श्यामावतीप्रमुखानि पञ्च स्त्रीशतान्यग्निना दह्यमानान्युत्प्लुत्य निपतितानीति।
rājā sutarāṃ nirīkṣya vicārayati/ iyaṃ kauśāmbī nagarī, idaṃ rājakulam, ayaṃ mākandikaḥ puṣpadantaṃ prāsādaṃ bhūrjādinā prayogeṇa dahati, imāni śyāmāvatīpramukhāni pañca strīśatānyagninā dahyamānānyutplutya nipatitānīti/
Sanskrit only: no published translation is held for this verse.
विचार्य कथयति--भोः पुरुष, किं कथयसि श्यामावती दग्धेति? देव, नाहं कथयामि अपि तु देव एव कथयति।
vicārya kathayati--bhoḥ puruṣa, kiṃ kathayasi śyāmāvatī dagdheti? deva, nāhaṃ kathayāmi api tu deva eva kathayati/
Sanskrit only: no published translation is held for this verse.
भोः पुरुष, उपायेन मे त्वया निवेदितम्, अन्यथा ते मयासिना निकृन्तितमूलं शिरः कृत्वा पृथिव्यां निपातितमन्वभविस्यदित्युत्क्वा मूर्च्छितः पृथिव्यां निपतितः।
bhoḥ puruṣa, upāyena me tvayā niveditam, anyathā te mayāsinā nikṛntitamūlaṃ śiraḥ kṛtvā pṛthivyāṃ nipātitamanvabhavisyadityutkvā mūrcchitaḥ pṛthivyāṃ nipatitaḥ/
Sanskrit only: no published translation is held for this verse.
ततो जलपरिषेकेण प्रत्यागतप्राणः कथयति--संनाहयत भवन्तश्चतुरङ्गबलकायम्।
tato jalapariṣekeṇa pratyāgataprāṇaḥ kathayati--saṃnāhayata bhavantaścaturaṅgabalakāyam/
Sanskrit only: no published translation is held for this verse.
कौशाम्बीं गच्छाम इति। अमात्यैश्चतुरङ्गबलकायं संनाहितम्।
kauśāmbīṃ gacchāma iti/ amātyaiścaturaṅgabalakāyaṃ saṃnāhitam/
Sanskrit only: no published translation is held for this verse.
राजा कौशाम्बीं संप्रस्थितः। अनुपूर्वेण संप्राप्तः। तेन पौराणां सकाशात् सर्वं श्रुतम्।
rājā kauśāmbīṃ saṃprasthitaḥ/ anupūrveṇa saṃprāptaḥ/ tena paurāṇāṃ sakāśāt sarvaṃ śrutam/
Sanskrit only: no published translation is held for this verse.
तैरमर्षितम्। तमारागितम्। ततो योगन्धरायणस्याज्ञा दत्ता--गच्छ माकन्दिकमनुपमया सह यन्त्रगृहे प्रक्षिप्य दह्यताम्।
tairamarṣitam/ tamārāgitam/ tato yogandharāyaṇasyājñā dattā--gaccha mākandikamanupamayā saha yantragṛhe prakṣipya dahyatām/
Sanskrit only: no published translation is held for this verse.
ततो योगन्धरायणेन सुगुप्तं भूमिगृहे प्रक्षिप्य स्थापितः।
tato yogandharāyaṇena suguptaṃ bhūmigṛhe prakṣipya sthāpitaḥ/
Sanskrit only: no published translation is held for this verse.
राज्ञः सप्तमे दिवसे शोको विगतः। स विगतशोकः। स कथयति--योगन्धरायण, कुत्रानुपमेति? तेन यथावृत्तं निवेदितम्।
rājñaḥ saptame divase śoko vigataḥ/ sa vigataśokaḥ/ sa kathayati--yogandharāyaṇa, kutrānupameti? tena yathāvṛttaṃ niveditam/
Sanskrit only: no published translation is held for this verse.
राजा कथयति--शोभनम्। माकन्दिकेन श्यामावती प्रघातिता, त्वयाप्यनुपमया सपरिवारया सार्धं मया प्रव्रजितव्यं जातमिति।
rājā kathayati--śobhanam/ mākandikena śyāmāvatī praghātitā, tvayāpyanupamayā saparivārayā sārdhaṃ mayā pravrajitavyaṃ jātamiti/
Sanskrit only: no published translation is held for this verse.
योगन्धरायणः कथयति--देव, इत्यर्थमेव मया असौ भूमिगृहे प्रक्षिप्य स्थापिता। पश्यामि तावद्यदि जीवतीति।
yogandharāyaṇaḥ kathayati--deva, ityarthameva mayā asau bhūmigṛhe prakṣipya sthāpitā/ paśyāmi tāvadyadi jīvatīti/
Sanskrit only: no published translation is held for this verse.