Library·Divyāvadāna·462
यत्प्रणिधानं कृतं ममान्तिके सत्यदर्शनं कृतम्। इति हि महाराज एकान्तकृष्णानां कर्माणां पूर्ववद्यावदेवमाभोगः करणीयः।
yatpraṇidhānaṃ kṛtaṃ mamāntike satyadarśanaṃ kṛtam/ iti hi mahārāja ekāntakṛṣṇānāṃ karmāṇāṃ pūrvavadyāvadevamābhogaḥ karaṇīyaḥ/
Sanskrit only: no published translation is held for this verse.
इत्येवं ते महाराज शिक्षितव्यम्।
ityevaṃ te mahārāja śikṣitavyam/
Sanskrit only: no published translation is held for this verse.
अत्रोदयनो वत्सराजो भगवतो भाषितमभिनिन्द्यानुमोद्य भगवतः पादौ शिरसा वन्दित्वा भगवतो ऽन्तिकात्प्रक्रान्तः।
atrodayano vatsarājo bhagavato bhāṣitamabhinindyānumodya bhagavataḥ pādau śirasā vanditvā bhagavato 'ntikātprakrāntaḥ/
Sanskrit only: no published translation is held for this verse.
भिक्षवः संशयजाताः सर्वसंशयच्छेत्तारं बुद्धं भगवन्तं पप्रच्छुह्--किं भदन्त कुब्जोत्तरया कर्म कृतम् येन कुब्जा संवृत्ता? भगवानाह--कुब्जोत्तरयैव भिक्षवः कर्माणि कृतान्युपचितानि पूर्ववद्यावद् फलन्ति खलु देहिनाम्।
bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuh--kiṃ bhadanta kubjottarayā karma kṛtam yena kubjā saṃvṛttā? bhagavānāha--kubjottarayaiva bhikṣavaḥ karmāṇi kṛtānyupacitāni pūrvavadyāvad phalanti khalu dehinām/
Sanskrit only: no published translation is held for this verse.
भूतपूर्वं भिक्षवो वाराणस्यां नगर्यां ब्रह्मदत्तो नाम राजा राज्यं कारयति पूर्ववद्यावद्धर्मेण राज्यं कारयति।
bhūtapūrvaṃ bhikṣavo vārāṇasyāṃ nagaryāṃ brahmadatto nāma rājā rājyaṃ kārayati pūrvavadyāvaddharmeṇa rājyaṃ kārayati/
Sanskrit only: no published translation is held for this verse.
नैमित्तिकैर्द्वादशवार्षिका अनावृष्टिरादिष्टा। राज्ञा वाराणस्यामेवं घण्टावघोषणं कारितम्--यस्य द्वादशवार्षिकं भक्तमस्ति, तेन स्थातव्यम्।
naimittikairdvādaśavārṣikā anāvṛṣṭirādiṣṭā/ rājñā vārāṇasyāmevaṃ ghaṇṭāvaghoṣaṇaṃ kāritam--yasya dvādaśavārṣikaṃ bhaktamasti, tena sthātavyam/
Sanskrit only: no published translation is held for this verse.
यस्य नास्ति तेनान्यत्र गन्तव्यमिति यतः कोलेनागन्तव्यमिति।
yasya nāsti tenānyatra gantavyamiti yataḥ kolenāgantavyamiti/
Sanskrit only: no published translation is held for this verse.
तेन खलु समयेन वाराणस्यां संधानो नाम गृहपतिः प्रतिवसति आढ्यो महाधनो महाभोग इति विस्तरः पूर्ववद्यावद् वैश्रवणधनप्रतिस्पर्धी।
tena khalu samayena vārāṇasyāṃ saṃdhāno nāma gṛhapatiḥ prativasati āḍhyo mahādhano mahābhoga iti vistaraḥ pūrvavadyāvad vaiśravaṇadhanapratispardhī/
Sanskrit only: no published translation is held for this verse.
तेन कोष्ठागारिक आहूयोक्तह्--भोः पुरुष, भविष्यति मम सपरिवारस्य द्वादश वर्षाणि भक्तमिति? स कथयति--आर्य, भविष्यतीति।
tena koṣṭhāgārika āhūyoktah--bhoḥ puruṣa, bhaviṣyati mama saparivārasya dvādaśa varṣāṇi bhaktamiti? sa kathayati--ārya, bhaviṣyatīti/
Sanskrit only: no published translation is held for this verse.
असति बुद्धानामुत्पादे प्रत्येकबुद्धा लोक उत्पद्यन्ते पूर्ववद्यावद्भोः पुरुष, विन्यस्य प्रव्रजितसहस्रस्य मम द्वादश वर्षाणि भक्तमिति।
asati buddhānāmutpāde pratyekabuddhā loka utpadyante pūrvavadyāvadbhoḥ puruṣa, vinyasya pravrajitasahasrasya mama dvādaśa varṣāṇi bhaktamiti/
Sanskrit only: no published translation is held for this verse.
स कथयति--आर्य, भबिष्यतीति। तेन तेषां प्रतिज्ञातम्। दानशाला मापिताः।
sa kathayati--ārya, bhabiṣyatīti/ tena teṣāṃ pratijñātam/ dānaśālā māpitāḥ/
Sanskrit only: no published translation is held for this verse.
पूर्ववत्तत्र दिने दिने प्रत्येकबुद्धसहस्रं भुङ्क्ते। तत्रैकः प्रत्येकबुद्धो ग्लानः।
pūrvavattatra dine dine pratyekabuddhasahasraṃ bhuṅkte/ tatraikaḥ pratyekabuddho glānaḥ/
Sanskrit only: no published translation is held for this verse.
सो ऽन्यतमस्मिन् दिने नागच्छति। सन्धानस्य दुहिता कथयति--तात, एको ऽद्य प्रव्रजितो नागत इति।
so 'nyatamasmin dine nāgacchati/ sandhānasya duhitā kathayati--tāta, eko 'dya pravrajito nāgata iti/
Sanskrit only: no published translation is held for this verse.
स कथयति--पुत्रि, कीदृश इति। सा पृष्ठं विनामयित्वा कथयति--तात, ईदृश इति।
sa kathayati--putri, kīdṛśa iti/ sā pṛṣṭhaṃ vināmayitvā kathayati--tāta, īdṛśa iti/
Sanskrit only: no published translation is held for this verse.
यदनया प्रत्येकबुद्धो विनाडितः, तस्य कर्मणो विपाकेन कुब्जा संवृत्ता।
yadanayā pratyekabuddho vināḍitaḥ, tasya karmaṇo vipākena kubjā saṃvṛttā/
Sanskrit only: no published translation is held for this verse.
पुनरपि भिक्षवो बुद्धं भगवन्तं पप्रच्छुह्--किं भदन्त, कुब्जोत्तरया कर्म कृतम् येन श्रुतधराअ जातेति? भगवानाह--तेन कालेन तेन समयेन प्रत्येकबुद्धानाम् यः संघस्थविरः स वाय्वाधिकः।
punarapi bhikṣavo buddhaṃ bhagavantaṃ papracchuh--kiṃ bhadanta, kubjottarayā karma kṛtam yena śrutadharāa jāteti? bhagavānāha--tena kālena tena samayena pratyekabuddhānām yaḥ saṃghasthaviraḥ sa vāyvādhikaḥ/
Sanskrit only: no published translation is held for this verse.
तस्य मुञ्जानस्य पात्रं कम्पते। तस्य संधानदुहित्रा हस्तात् कटानवतार्य स प्रत्येकबुद्ध उक्तह्--आर्य, तैस्तत्पात्रं स्थापयेति।
tasya muñjānasya pātraṃ kampate/ tasya saṃdhānaduhitrā hastāt kaṭānavatārya sa pratyekabuddha uktah--ārya, taistatpātraṃ sthāpayeti/
Sanskrit only: no published translation is held for this verse.
तेन तत्र स्थापितम्। निष्कम्पमवस्थितम्।
tena tatra sthāpitam/ niṣkampamavasthitam/
Sanskrit only: no published translation is held for this verse.
तया पादयोर् निपत्य प्रणिधानं कृतम्। यथैव तत्पात्रं निष्कम्पमवस्थितम्, एवमेव ममापि संताने ये धर्माः प्रविशेयुः, ते निष्क्रम्पं तिष्ठन्त्वति।
tayā pādayor nipatya praṇidhānaṃ kṛtam/ yathaiva tatpātraṃ niṣkampamavasthitam, evameva mamāpi saṃtāne ye dharmāḥ praviśeyuḥ, te niṣkrampaṃ tiṣṭhantvati/
Sanskrit only: no published translation is held for this verse.
यत्तया प्रणिधानं कृतं तस्य कर्मणो विपाकेन श्रुतधरा संवृता॥
yattayā praṇidhānaṃ kṛtaṃ tasya karmaṇo vipākena śrutadharā saṃvṛtā//
Sanskrit only: no published translation is held for this verse.
पुनरपि भिक्षवो भगवन्तं पप्रच्छुह्--किं भदन्त कुब्जोत्तरया कर्म कृतम् येन दासीसंवृत्तेति? भगवानाह--अनया भिक्षवस्तत्रैश्वर्यमदमत्तया परिजनो दासीवादेन समुदाचरितः।
punarapi bhikṣavo bhagavantaṃ papracchuh--kiṃ bhadanta kubjottarayā karma kṛtam yena dāsīsaṃvṛtteti? bhagavānāha--anayā bhikṣavastatraiśvaryamadamattayā parijano dāsīvādena samudācaritaḥ/
Sanskrit only: no published translation is held for this verse.
तस्य कर्मविपाकेन दासी संवृत्ता॥
tasya karmavipākena dāsī saṃvṛttā//
Sanskrit only: no published translation is held for this verse.
पुनरपि भिक्षवो भगवन्तं पप्रच्छुह्--किं भदन्त अनुपमया कर्म यदेषा निराहारा भूमिगृहे स्थापिता अम्लानगात्री चोत्थिता।
punarapi bhikṣavo bhagavantaṃ papracchuh--kiṃ bhadanta anupamayā karma yadeṣā nirāhārā bhūmigṛhe sthāpitā amlānagātrī cotthitā/
Sanskrit only: no published translation is held for this verse.
भगवानाह--अनुपमयैव भिक्षवः कर्माणि कृतान्युपचितानि पूर्ववद्यावत्फलन्ति खलु देहिनाम्॥
bhagavānāha--anupamayaiva bhikṣavaḥ karmāṇi kṛtānyupacitāni pūrvavadyāvatphalanti khalu dehinām//
Sanskrit only: no published translation is held for this verse.