न त्वयैतत्कस्यचिद्दातव्यम्।
na tvayaitatkasyaciddātavyam/
Sanskrit only: no published translation is held for this verse.
Library·Divyāvadāna·466
Divyāvadāna 466
स दूतस्तन्मणिवर्म आदाय लेखं च, येन राजगृहं तेन प्रक्रान्तः। अनुपूर्वेण राजगृहमनुप्राप्तः।
sa dūtastanmaṇivarma ādāya lekhaṃ ca, yena rājagṛhaṃ tena prakrāntaḥ/ anupūrveṇa rājagṛhamanuprāptaḥ/
Sanskrit only: no published translation is held for this verse.
तेन तन्मणिवर्म राज्ञो बिम्बिसारस्योपनीतं लेखश्च। राजा बिम्बिसारस्तं दृष्ट्वा विस्मयमापन्नः।
tena tanmaṇivarma rājño bimbisārasyopanītaṃ lekhaśca/ rājā bimbisārastaṃ dṛṣṭvā vismayamāpannaḥ/
Sanskrit only: no published translation is held for this verse.
तेन रत्नपरीक्षका आहूताह्--मूल्यमस्य कुरुत। ते कथयन्ति--देव, एकैकरत्नमनर्धो ऽयम्।
tena ratnaparīkṣakā āhūtāh--mūlyamasya kuruta/ te kathayanti--deva, ekaikaratnamanardho 'yam/
Sanskrit only: no published translation is held for this verse.
धर्मता खलु यस्य न शक्यते मूल्यं कर्तुम्, तस्यैकैकस्य कोटिमूल्यं क्रियते।
dharmatā khalu yasya na śakyate mūlyaṃ kartum, tasyaikaikasya koṭimūlyaṃ kriyate/
Sanskrit only: no published translation is held for this verse.
राजा बिम्बिसारो व्यथितः कथयति--किं मया तस्य प्राभृतमनुप्रेषितव्यं भविष्यति? स संलक्षयति--अयं बुद्धो भगवान्।
rājā bimbisāro vyathitaḥ kathayati--kiṃ mayā tasya prābhṛtamanupreṣitavyaṃ bhaviṣyati? sa saṃlakṣayati--ayaṃ buddho bhagavān/
Sanskrit only: no published translation is held for this verse.
स राज्ञः सर्वदस्यानुत्तरज्ञानज्ञो वशिप्राप्तः।
sa rājñaḥ sarvadasyānuttarajñānajño vaśiprāptaḥ/
Sanskrit only: no published translation is held for this verse.
गच्छामि, बुद्धं भगवन्तं पृच्छामि। स तमादाय येन भगवांस्तेनोपसंक्रान्तः। उपसंक्रम्य भगवतः पादौ शिरसा वन्दित्वा एकान्ते निषण्णः।
gacchāmi, buddhaṃ bhagavantaṃ pṛcchāmi/ sa tamādāya yena bhagavāṃstenopasaṃkrāntaḥ/ upasaṃkramya bhagavataḥ pādau śirasā vanditvā ekānte niṣaṇṇaḥ/
Sanskrit only: no published translation is held for this verse.
राजा बिम्बिसारो भगवन्तमिदमवोचत्--रोरुके भदन्त नगरे राजा रुद्रायणो नाम प्रतिवसति ममादृष्टसखा।
rājā bimbisāro bhagavantamidamavocat--roruke bhadanta nagare rājā rudrāyaṇo nāma prativasati mamādṛṣṭasakhā/
Sanskrit only: no published translation is held for this verse.
तेन मम पञ्चाङ्गोपतमणिवर्म प्राभृतमनुप्रेषितम्।
tena mama pañcāṅgopatamaṇivarma prābhṛtamanupreṣitam/
Sanskrit only: no published translation is held for this verse.
अहं तस्य किं प्राभृतमनुप्रषेयामि? भगवानाह--तथागतप्रतिमां पटे लिखापयित्वा प्राभृतमनुप्रेषय।
ahaṃ tasya kiṃ prābhṛtamanupraṣeyāmi? bhagavānāha--tathāgatapratimāṃ paṭe likhāpayitvā prābhṛtamanupreṣaya/
Sanskrit only: no published translation is held for this verse.
तेन चित्रकरा आहूयोत्काह्--तथागतप्रतिमां पेटे चित्रयथ।
tena citrakarā āhūyotkāh--tathāgatapratimāṃ peṭe citrayatha/
Sanskrit only: no published translation is held for this verse.
दुरासदा बुद्धा भगवन्तः। ते न शक्नुवन्ति भगवतो निमित्तमुद्ग्रहीतुम्।
durāsadā buddhā bhagavantaḥ/ te na śaknuvanti bhagavato nimittamudgrahītum/
Sanskrit only: no published translation is held for this verse.
ते कथयन्ति--यदि देवो भगवन्तमन्तर्गृहे भोजयेत्, एवं स्वयं संज्ञापय भगवतो निमित्तमुद्ग्रहीतुम्।
te kathayanti--yadi devo bhagavantamantargṛhe bhojayet, evaṃ svayaṃ saṃjñāpaya bhagavato nimittamudgrahītum/
Sanskrit only: no published translation is held for this verse.
राज्ञा बिम्बिसारेण भगवानन्तर्गृहे उपनिमन्त्र्य भोजितः। असेचनकदर्शना बुद्धा भगवन्तः।
rājñā bimbisāreṇa bhagavānantargṛhe upanimantrya bhojitaḥ/ asecanakadarśanā buddhā bhagavantaḥ/
Sanskrit only: no published translation is held for this verse.
ते यमेवावयवं भगवतः पश्यन्ति, तमेव पश्यन्तो न तृप्तिं गच्छन्ति।
te yamevāvayavaṃ bhagavataḥ paśyanti, tameva paśyanto na tṛptiṃ gacchanti/
Sanskrit only: no published translation is held for this verse.
ते न शक्नुवन्ति भगवतो निमित्तमुद्ग्रहीतुम्।
te na śaknuvanti bhagavato nimittamudgrahītum/
Sanskrit only: no published translation is held for this verse.
भगवानाह--महाराज, खेदमापत्स्यन्ते, न शक्यते तथागतस्य निमित्तमुद्ग्रहीतुम्। अपि तु पटकमानय। तेन पटक आनीतः।
bhagavānāha--mahārāja, khedamāpatsyante, na śakyate tathāgatasya nimittamudgrahītum/ api tu paṭakamānaya/ tena paṭaka ānītaḥ/
Sanskrit only: no published translation is held for this verse.
तत्र भगवता छाया उत्सृष्टा, उक्ताश्च--रङ्गैः पूरयत। तस्याधस्ताच्छरणगमनशिक्षापदानि लखितव्यानि।
tatra bhagavatā chāyā utsṛṣṭā, uktāśca--raṅgaiḥ pūrayata/ tasyādhastāccharaṇagamanaśikṣāpadāni lakhitavyāni/
Sanskrit only: no published translation is held for this verse.
अनुलोमप्रतिलोमद्वादशाङ्गः प्रतीत्यसमुत्पादो लिखितव्यः। गाथाद्वयं च लिकितव्यम्--
anulomapratilomadvādaśāṅgaḥ pratītyasamutpādo likhitavyaḥ/ gāthādvayaṃ ca likitavyam--
Sanskrit only: no published translation is held for this verse.
आरभध्वं निष्क्रामत युज्यध्वं बुद्धशासने।
ārabhadhvaṃ niṣkrāmata yujyadhvaṃ buddhaśāsane/
Sanskrit only: no published translation is held for this verse.
धुनीत मृत्युनः सैन्यं नडागारमिव कुञ्जरः॥१॥
dhunīta mṛtyunaḥ sainyaṃ naḍāgāramiva kuñjaraḥ//1//
Sanskrit only: no published translation is held for this verse.
अस्मिन् यो धर्मविनये ह्यप्रमत्तश्चरिष्यति।
asmin yo dharmavinaye hyapramattaścariṣyati/
Sanskrit only: no published translation is held for this verse.
प्रहाय जातिसंसारं दुःखस्यान्तं करिष्यति॥२॥
prahāya jātisaṃsāraṃ duḥkhasyāntaṃ kariṣyati//2//
Sanskrit only: no published translation is held for this verse.
यदि कथयति--किमिदम्? वक्तव्यम्--इयमभ्युपपत्तिरियं शिक्षा इयं लोकसंवृतिरियमत्युत्साहता।
yadi kathayati--kimidam? vaktavyam--iyamabhyupapattiriyaṃ śikṣā iyaṃ lokasaṃvṛtiriyamatyutsāhatā/
Sanskrit only: no published translation is held for this verse.
तैर्यथासंदिष्टं सर्वमभिलिखितम्। भगवता राजा बिम्बिसार उक्तह्--महाराज, रुद्रायणस्य लेखमनुप्रयच्छ--प्रियवय्स्य, इदं ते मया त्रैलोक्यप्रतिविशिष्टं प्राभृतमनुप्रेषितम्।
tairyathāsaṃdiṣṭaṃ sarvamabhilikhitam/ bhagavatā rājā bimbisāra uktah--mahārāja, rudrāyaṇasya lekhamanuprayaccha--priyavaysya, idaṃ te mayā trailokyaprativiśiṣṭaṃ prābhṛtamanupreṣitam/
Sanskrit only: no published translation is held for this verse.
अस्य त्वया अर्धतृतीयानि योजनानि मार्गशोभा कर्तव्यम्।
asya tvayā ardhatṛtīyāni yojanāni mārgaśobhā kartavyam/
Sanskrit only: no published translation is held for this verse.
स्वयमेव चतुरङ्गेन बलकायेन प्रत्युद्गन्तव्यम्।
svayameva caturaṅgena balakāyena pratyudgantavyam/
Sanskrit only: no published translation is held for this verse.
विस्तीर्णावकाशे प्रदेशे स्थापयित्वा महतीं पूजां सत्कारं कृत्वोद्घाटयितव्यम्। ततस्ते महतः पुण्यस्यावाप्तिर्भविष्यतीति।
vistīrṇāvakāśe pradeśe sthāpayitvā mahatīṃ pūjāṃ satkāraṃ kṛtvodghāṭayitavyam/ tataste mahataḥ puṇyasyāvāptirbhaviṣyatīti/
Sanskrit only: no published translation is held for this verse.
राज्ञा बिम्बिसारेण यथासंदिष्टं लेखो लिखित्वा संप्रेषितः। राज्ञो <४६७>रुद्रायणस्य लेख उपनामितः।
rājñā bimbisāreṇa yathāsaṃdiṣṭaṃ lekho likhitvā saṃpreṣitaḥ/ rājño <467>rudrāyaṇasya lekha upanāmitaḥ/
Sanskrit only: no published translation is held for this verse.