दिव्६ इन्द्रनामब्राह्मणावदानम्।
div6 indranāmabrāhmaṇāvadānam/
Sanskrit only: no published translation is held for this verse.
Divyāvadāna 47
भगवाञ् श्रुघ्नामनुप्राप्तः। श्रुघ्नायामिन्द्रो नाम ब्राह्मणः प्रतिवसति। स च रूपयौवनश्रुतमनुप्राप्तो न ममास्ति कश्चित् तुल्य इत्यतीव विकत्थते।
bhagavāñ śrughnāmanuprāptaḥ/ śrughnāyāmindro nāma brāhmaṇaḥ prativasati/ sa ca rūpayauvanaśrutamanuprāpto na mamāsti kaścit tulya ityatīva vikatthate/
Sanskrit only: no published translation is held for this verse.
भगवांश्चान्यतमस्मिन् प्रदेशे पुरस्ताद्भिक्षुसंघस्य प्रज्ञप्त एवासने निषण्णो धर्मं देशयति।
bhagavāṃścānyatamasmin pradeśe purastādbhikṣusaṃghasya prajñapta evāsane niṣaṇṇo dharmaṃ deśayati/
Sanskrit only: no published translation is held for this verse.
अश्रौषीदिन्द्रो नाम ब्राह्मणह्--श्रमणो गौतमः श्रुघ्नामनुप्राप्त इति।
aśrauṣīdindro nāma brāhmaṇah--śramaṇo gautamaḥ śrughnāmanuprāpta iti/
Sanskrit only: no published translation is held for this verse.
तस्यैतदभवत्--श्रमणो गौतमः श्रूयते ऽभिरूपो दर्शनीयः प्रासादिक इति।
tasyaitadabhavat--śramaṇo gautamaḥ śrūyate 'bhirūpo darśanīyaḥ prāsādika iti/
Sanskrit only: no published translation is held for this verse.
गच्छामि पश्यामि किं ममान्तिकादभिरूपतर आहोस्विन्नेति।
gacchāmi paśyāmi kiṃ mamāntikādabhirūpatara āhosvinneti/
Sanskrit only: no published translation is held for this verse.
स निर्गतो यावत् पश्यति भगवन्तं द्वात्रिंशता महापुरुषलक्षणैः समलंकृतमशीत्या चानुव्यञ्जनैर्विराजितगात्रं व्यामप्रभालंकृतं सूर्यसहसरातिरेकप्रभं जङ्गममिव रत्नपर्वतं समन्ततो भद्रकम्।
sa nirgato yāvat paśyati bhagavantaṃ dvātriṃśatā mahāpuruṣalakṣaṇaiḥ samalaṃkṛtamaśītyā cānuvyañjanairvirājitagātraṃ vyāmaprabhālaṃkṛtaṃ sūryasahasarātirekaprabhaṃ jaṅgamamiva ratnaparvataṃ samantato bhadrakam/
Sanskrit only: no published translation is held for this verse.
दृष्ट्वा च पुनरस्यैतदभवत्--किं चापि श्रमणो गौतमो ममान्तिकादभिरूपतरः, नोच्चतर इति।
dṛṣṭvā ca punarasyaitadabhavat--kiṃ cāpi śramaṇo gautamo mamāntikādabhirūpataraḥ, noccatara iti/
Sanskrit only: no published translation is held for this verse.
स भगवतो मूर्धानमवलोकयितुमारब्धो यावन्न पश्यति। स ऊर्ध्वतरं प्रदेशमारूढः।
sa bhagavato mūrdhānamavalokayitumārabdho yāvanna paśyati/ sa ūrdhvataraṃ pradeśamārūḍhaḥ/
Sanskrit only: no published translation is held for this verse.
तत्र भगवानिन्द्रं ब्राह्मणमामन्त्रयते--अलं ब्राह्मण, खेदमापत्स्यसे। यदि सुमेरुमूर्धानमपि अभिरुह्य तथागतस्य मूर्धानमवलोकयसि, तथा सुतरां खेदमापत्स्यसे, न च द्रक्ष्यसि।
tatra bhagavānindraṃ brāhmaṇamāmantrayate--alaṃ brāhmaṇa, khedamāpatsyase/ yadi sumerumūrdhānamapi abhiruhya tathāgatasya mūrdhānamavalokayasi, tathā sutarāṃ khedamāpatsyase, na ca drakṣyasi/
Sanskrit only: no published translation is held for this verse.
अपि तु न त्वया श्रुतं ससुरासुरजगदनवलोकितमूर्धानो बुद्धा भगवन्त इति? अपि तु यदीप्ससि तथागतस्य शरीरप्रमाणं द्रष्टुम्, तव गृहे ऽग्निहोत्रकुण्डं तस्याधस्ताद्गोशीर्षचन्दनमयी यष्टिरुपतिष्ठते, तामुद्धृत्य मापय।
api tu na tvayā śrutaṃ sasurāsurajagadanavalokitamūrdhāno buddhā bhagavanta iti? api tu yadīpsasi tathāgatasya śarīrapramāṇaṃ draṣṭum, tava gṛhe 'gnihotrakuṇḍaṃ tasyādhastādgośīrṣacandanamayī yaṣṭirupatiṣṭhate, tāmuddhṛtya māpaya/
Sanskrit only: no published translation is held for this verse.
तत्तथागतमातापैतृकस्याश्रयस्य प्रमाणमिति। इन्द्रो ब्राह्मणः संलक्षयति--एतदस्याश्चर्यं न कदाचिन्मया श्रुतम्, गच्छामि पश्यामीति।
tattathāgatamātāpaitṛkasyāśrayasya pramāṇamiti/ indro brāhmaṇaḥ saṃlakṣayati--etadasyāścaryaṃ na kadācinmayā śrutam, gacchāmi paśyāmīti/
Sanskrit only: no published translation is held for this verse.
त्वरितत्वरितगतो ऽग्निहोत्रकुण्डकस्याधस्तात् खनितुमारब्धः।
tvaritatvaritagato 'gnihotrakuṇḍakasyādhastāt khanitumārabdhaḥ/
Sanskrit only: no published translation is held for this verse.
सर्वं तथैव। सो ऽभिप्रसन्नः। स संलक्षयति--नूनं श्रमणो गौतमः सर्वज्ञः।
sarvaṃ tathaiva/ so 'bhiprasannaḥ/ sa saṃlakṣayati--nūnaṃ śramaṇo gautamaḥ sarvajñaḥ/
Sanskrit only: no published translation is held for this verse.
गच्छामि पर्युपासितुमिति। स प्रसादजातो येन भगवांस्तेनोपसंक्रान्तः।
gacchāmi paryupāsitumiti/ sa prasādajāto yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवता सार्धं संमुखं संमोदनीं संरञ्जनीं विविधां कथां व्यतिसार्य एकान्ते निषण्णः।
upasaṃkramya bhagavatā sārdhaṃ saṃmukhaṃ saṃmodanīṃ saṃrañjanīṃ vividhāṃ kathāṃ vyatisārya ekānte niṣaṇṇaḥ/
Sanskrit only: no published translation is held for this verse.
ततो भगवता आशयानुशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधिकी धर्मदेशना कृता, यथैन्द्रेण ब्राह्मणेन विंशतिशिखरसमुद्गतं सत्कायदृष्टिशैलं ज्ञानवज्रेण भित्त्वा स्रोताअपत्तिफलं साक्षात्कृतम्।
tato bhagavatā āśayānuśayaṃ dhātuṃ prakṛtiṃ ca jñātvā tādṛśī caturāryasatyasamprativedhikī dharmadeśanā kṛtā, yathaindreṇa brāhmaṇena viṃśatiśikharasamudgataṃ satkāyadṛṣṭiśailaṃ jñānavajreṇa bhittvā srotāapattiphalaṃ sākṣātkṛtam/
Sanskrit only: no published translation is held for this verse.
स दृष्टसत्यः कथयति--अतिक्रान्तो ऽहं भदन्त, अतिक्रान्तः।
sa dṛṣṭasatyaḥ kathayati--atikrānto 'haṃ bhadanta, atikrāntaḥ/
Sanskrit only: no published translation is held for this verse.
एषो ऽहं भगवन्तं शरणं गच्छामि धर्मं च भिक्षुसंघं च। उपासकं च मां धारय अद्याग्रेण यावज्जीवं प्राणोपेतं शरणं गतम्।
eṣo 'haṃ bhagavantaṃ śaraṇaṃ gacchāmi dharmaṃ ca bhikṣusaṃghaṃ ca/ upāsakaṃ ca māṃ dhāraya adyāgreṇa yāvajjīvaṃ prāṇopetaṃ śaraṇaṃ gatam/
Sanskrit only: no published translation is held for this verse.
अभिप्रसन्नो ऽथेन्द्रो ब्राह्मण उत्थायासनात् एकांसमुत्तरासङ्गं कृत्वा येन भगवांस्तेनाञ्जलिं प्रणम्य भगवन्तमिदमवोचत्--यदि भगवाननुजानीयात्, अहं गोशीर्षचन्दनमय्या यष्ट्या महं प्रज्ञपयेयमिति।
abhiprasanno 'thendro brāhmaṇa utthāyāsanāt ekāṃsamuttarāsaṅgaṃ kṛtvā yena bhagavāṃstenāñjaliṃ praṇamya bhagavantamidamavocat--yadi bhagavānanujānīyāt, ahaṃ gośīrṣacandanamayyā yaṣṭyā mahaṃ prajñapayeyamiti/
Sanskrit only: no published translation is held for this verse.
भगवानाह--गच्छ ब्राह्मण अनुज्ञातं प्रज्ञपयसि।
bhagavānāha--gaccha brāhmaṇa anujñātaṃ prajñapayasi/
Sanskrit only: no published translation is held for this verse.
ततस्तेन विविक्तावकाशे महता सत्कारेणासौ यष्टिरुच्छ्रापिता, महश्च प्रज्ञपितः।
tatastena viviktāvakāśe mahatā satkāreṇāsau yaṣṭirucchrāpitā, mahaśca prajñapitaḥ/
Sanskrit only: no published translation is held for this verse.
अन्यैरपि ब्राह्मणगृहपतिभिः कुशलमधिष्ठानाय भवत्विति विदित्वा कुला बद्धा(?)।
anyairapi brāhmaṇagṛhapatibhiḥ kuśalamadhiṣṭhānāya bhavatviti viditvā kulā baddhā(?)/
Sanskrit only: no published translation is held for this verse.
इन्द्रेण ब्राह्मणेन यष्ट्या महः प्रज्ञपित इति इन्द्रमह इन्द्रमह इति संज्ञा संवृत्ता॥
indreṇa brāhmaṇena yaṣṭyā mahaḥ prajñapita iti indramaha indramaha iti saṃjñā saṃvṛttā//
Sanskrit only: no published translation is held for this verse.
तत्र भगवानायुष्मन्तमानन्दमामन्त्रयते--आगमय आनन्द येन तोयिका। एवं भदन्तेति आयुष्मानानन्दो भगवतः प्रत्यश्रौषीत्।
tatra bhagavānāyuṣmantamānandamāmantrayate--āgamaya ānanda yena toyikā/ evaṃ bhadanteti āyuṣmānānando bhagavataḥ pratyaśrauṣīt/
Sanskrit only: no published translation is held for this verse.
अथ भगवांस्तोयिकामनुप्राप्तः। तस्मिंश्च प्रदेशे ब्राह्मणो लाङ्गलं वाहयति।
atha bhagavāṃstoyikāmanuprāptaḥ/ tasmiṃśca pradeśe brāhmaṇo lāṅgalaṃ vāhayati/
Sanskrit only: no published translation is held for this verse.
अथासौ ददर्श बुद्धं भगवन्तं द्वात्रिंशता महापुरुषलक्षणैह् <४८>समलंकृतमशीत्या चानुव्यञ्जनैर्विराजितगात्रं व्यामप्रभालंकृतं सूर्यसहस्रातिरेकप्रभं जङ्गममिव रत्नपर्वतं समन्ततो भद्रकम्।
athāsau dadarśa buddhaṃ bhagavantaṃ dvātriṃśatā mahāpuruṣalakṣaṇaih <48>samalaṃkṛtamaśītyā cānuvyañjanairvirājitagātraṃ vyāmaprabhālaṃkṛtaṃ sūryasahasrātirekaprabhaṃ jaṅgamamiva ratnaparvataṃ samantato bhadrakam/
Sanskrit only: no published translation is held for this verse.