अनेकजनसहस्रपरिवारेण च स्वयमेव प्रत्युद्गम्य महता सत्कारेण रौरुकं नगरं प्रवेशिता।
anekajanasahasraparivāreṇa ca svayameva pratyudgamya mahatā satkāreṇa raurukaṃ nagaraṃ praveśitā/
Sanskrit only: no published translation is held for this verse.
Library·Divyāvadāna·470
Divyāvadāna 470
अभ्यन्तरे च नगरस्य पञ्च विहारशतानि कारितानि, पञ्च मञ्चपीठवृषिकोषबिम्बोपधानचतुरस्रकशतानि दापितानि, पञ्च पिण्डपातशतानि प्रज्ञप्तानि।
abhyantare ca nagarasya pañca vihāraśatāni kāritāni, pañca mañcapīṭhavṛṣikoṣabimbopadhānacaturasrakaśatāni dāpitāni, pañca piṇḍapātaśatāni prajñaptāni/
Sanskrit only: no published translation is held for this verse.
शैला भिक्षुणी रुद्रायणस्य राज्ञो ऽन्तःपुरं प्रविश्य दिने दिनै धर्मं देशयति।
śailā bhikṣuṇī rudrāyaṇasya rājño 'ntaḥpuraṃ praviśya dine dinai dharmaṃ deśayati/
Sanskrit only: no published translation is held for this verse.
रुद्रायणो राजा वीणायां कृतावी, चन्द्रप्रभा देवी नृत्ये।
rudrāyaṇo rājā vīṇāyāṃ kṛtāvī, candraprabhā devī nṛtye/
Sanskrit only: no published translation is held for this verse.
यावदपरेण समयेन रुद्रायणो राजा वीणां वादयति, चन्द्रप्रभा देवी नृत्यति। तेन तस्या नृत्यन्त्या बिनाशलक्षणं दृष्टम्।
yāvadapareṇa samayena rudrāyaṇo rājā vīṇāṃ vādayati, candraprabhā devī nṛtyati/ tena tasyā nṛtyantyā bināśalakṣaṇaṃ dṛṣṭam/
Sanskrit only: no published translation is held for this verse.
स तामितश्चामुतश्च निरीक्ष्य संलक्षयति--सप्ताहस्यात्ययात्कालं करिष्यति।
sa tāmitaścāmutaśca nirīkṣya saṃlakṣayati--saptāhasyātyayātkālaṃ kariṣyati/
Sanskrit only: no published translation is held for this verse.
तस्य हस्ताद्वीणा स्रस्ता, भूमौ निपतिता। चन्द्रप्रभा देवी कथयति--देव, मा मया दुर्नृत्यम्? देवि, न त्वया दुनृत्यम्।
tasya hastādvīṇā srastā, bhūmau nipatitā/ candraprabhā devī kathayati--deva, mā mayā durnṛtyam? devi, na tvayā dunṛtyam/
Sanskrit only: no published translation is held for this verse.
अपि तु मया तव नृत्यन्त्या विनाशलक्षणं दृष्टम्--सप्तमे दिवसे तव कालत्रिया भवतीति।
api tu mayā tava nṛtyantyā vināśalakṣaṇaṃ dṛṣṭam--saptame divase tava kālatriyā bhavatīti/
Sanskrit only: no published translation is held for this verse.
चन्द्रप्रभा देवी पादयोर् निपत्य कथयति--देव यद्येवम्, कृतोपस्थानाहं देवस्य।
candraprabhā devī pādayor nipatya kathayati--deva yadyevam, kṛtopasthānāhaṃ devasya/
Sanskrit only: no published translation is held for this verse.
यदि देवो ऽनुजानीयात्, अहं प्रव्रजेयमिति। स कथयति--चन्द्रप्रभे, समयतो ऽनुजानामि।
yadi devo 'nujānīyāt, ahaṃ pravrajeyamiti/ sa kathayati--candraprabhe, samayato 'nujānāmi/
Sanskrit only: no published translation is held for this verse.
यदि तावत्प्रव्रज्य सर्वक्लेशप्रहाणादर्हत्त्वं साक्षात्करोषि, एष एव ते दुःखान्तः।
yadi tāvatpravrajya sarvakleśaprahāṇādarhattvaṃ sākṣātkaroṣi, eṣa eva te duḥkhāntaḥ/
Sanskrit only: no published translation is held for this verse.
अथ सावशेषसम्योजना कालं कृत्वा देवेषूपपद्यसे, देवभूतया ते ममोपदर्शयितव्यमिति।
atha sāvaśeṣasamyojanā kālaṃ kṛtvā deveṣūpapadyase, devabhūtayā te mamopadarśayitavyamiti/
Sanskrit only: no published translation is held for this verse.
सा कथयति--देव, एवं भवत्विति। सा रुद्रायणेन राज्ञा शैलाया भिक्षुण्याः समर्पिता--आर्यचन्द्रप्तभा देवी आकाङ्क्षति स्वाख्याते धर्मविनये प्रव्रज्यामुपसम्पदं भिक्चुणीभावम्।
sā kathayati--deva, evaṃ bhavatviti/ sā rudrāyaṇena rājñā śailāyā bhikṣuṇyāḥ samarpitā--āryacandraptabhā devī ākāṅkṣati svākhyāte dharmavinaye pravrajyāmupasampadaṃ bhikcuṇībhāvam/
Sanskrit only: no published translation is held for this verse.
तदर्हसि तां प्रव्राजयितुमुपसम्पादयितुमिति। शैला भिक्षुणी कथयति--एवं भवतु, प्रब्राजयामीति।
tadarhasi tāṃ pravrājayitumupasampādayitumiti/ śailā bhikṣuṇī kathayati--evaṃ bhavatu, prabrājayāmīti/
Sanskrit only: no published translation is held for this verse.
तयासौ प्रव्राजिता उपसम्पादिता च। समन्वाहृत्य चाववादो दत्तह्--मरणसंज्ञां भावयेति।
tayāsau pravrājitā upasampāditā ca/ samanvāhṛtya cāvavādo dattah--maraṇasaṃjñāṃ bhāvayeti/
Sanskrit only: no published translation is held for this verse.
चन्द्रप्रभा देवी मरणसंज्ञां भावयितुमारब्धा। सा सप्तमे दिवसे कालगता चातुर्महाराजिकेषु देवेषूपपन्ना।
candraprabhā devī maraṇasaṃjñāṃ bhāvayitumārabdhā/ sā saptame divase kālagatā cāturmahārājikeṣu deveṣūpapannā/
Sanskrit only: no published translation is held for this verse.
धर्मता खलु देवपुत्रस्य वा देवकन्याया वा अचिरोपपन्नस्य, त्रीणि चित्तान्युत्पद्यन्ते--कुतश्च्युतः, कुत्रोपपन्नः, केन कर्मणेति।
dharmatā khalu devaputrasya vā devakanyāyā vā aciropapannasya, trīṇi cittānyutpadyante--kutaścyutaḥ, kutropapannaḥ, kena karmaṇeti/
Sanskrit only: no published translation is held for this verse.
चन्द्रप्रभा देवकन्या संलक्षयति--कृतो ऽहं च्युता? मनुष्येभ्यः।
candraprabhā devakanyā saṃlakṣayati--kṛto 'haṃ cyutā? manuṣyebhyaḥ/
Sanskrit only: no published translation is held for this verse.
कुत्रोपपन्ना? चातुर्महाराजिकेषु देवेषु।
kutropapannā? cāturmahārājikeṣu deveṣu/
Sanskrit only: no published translation is held for this verse.
केन कर्मणा? भगवतः शासने ब्राह्मचर्यं चरित्वेति। तस्या एतदभवत्--तदप्रतिरूपं स्याद्यदहं पर्युषितपरिवासा भगवन्तं दर्शनायोपसंक्रमितुम्।
kena karmaṇā? bhagavataḥ śāsane brāhmacaryaṃ caritveti/ tasyā etadabhavat--tadapratirūpaṃ syādyadahaṃ paryuṣitaparivāsā bhagavantaṃ darśanāyopasaṃkramitum/
Sanskrit only: no published translation is held for this verse.
यन्न्वहमपर्युषितपरिवासैव भगवन्तं दर्शनायोपसंक्रामेयमिति।
yannvahamaparyuṣitaparivāsaiva bhagavantaṃ darśanāyopasaṃkrāmeyamiti/
Sanskrit only: no published translation is held for this verse.
अथ चन्द्रप्रभा देवकन्या चलविमलकुण्डलधरा हारार्धहारविभूषितगात्री तामेव रात्रीं दिव्यानामुत्पलकुमुदपुण्डरीकमान्दारवाणामुत्सङ्गं पूरयित्वा सर्वं वेणुवनं कलन्दककनिवापमुदारेणावभासेनावभास्य भगवन्तं पुष्पैरवकीर्य भगवतः पुरस्तान्निषण्णा धर्मश्रवणाय।
atha candraprabhā devakanyā calavimalakuṇḍaladharā hārārdhahāravibhūṣitagātrī tāmeva rātrīṃ divyānāmutpalakumudapuṇḍarīkamāndāravāṇāmutsaṅgaṃ pūrayitvā sarvaṃ veṇuvanaṃ kalandakakanivāpamudāreṇāvabhāsenāvabhāsya bhagavantaṃ puṣpairavakīrya bhagavataḥ purastānniṣaṇṇā dharmaśravaṇāya/
Sanskrit only: no published translation is held for this verse.
भगवता तस्या आशयानुशयं धातुं प्रकृतिं च ज्ञात्वा तादृशी चतुरार्यसत्यसम्प्रतिवेधिकी धर्मदेशना कृता, यां श्रुत्वा चन्द्रप्रभया देवकन्यया विंशतिशिखरसमुद्गतंसत्कायदृष्टिशैलं ज्ञानवज्रेण भित्त्वा श्रोतापत्तिफलं साक्षात्कृतम्।
bhagavatā tasyā āśayānuśayaṃ dhātuṃ prakṛtiṃ ca jñātvā tādṛśī caturāryasatyasamprativedhikī dharmadeśanā kṛtā, yāṃ śrutvā candraprabhayā devakanyayā viṃśatiśikharasamudgataṃsatkāyadṛṣṭiśailaṃ jñānavajreṇa bhittvā śrotāpattiphalaṃ sākṣātkṛtam/
Sanskrit only: no published translation is held for this verse.
सा दृष्टसत्या त्रिरुदानमुदानयति--इदमस्माकं भदन्त, न मात्रा कृतं न पित्रा कृतं न राज्ञा न देवताभिर् नेष्टैर् नस्वजनबन्धुवर्गैर् न पूर्वप्रेतैर् न श्रमणब्राह्मणैर्यद्भगवतास्माकं कृतम्।
sā dṛṣṭasatyā trirudānamudānayati--idamasmākaṃ bhadanta, na mātrā kṛtaṃ na pitrā kṛtaṃ na rājñā na devatābhir neṣṭair nasvajanabandhuvargair na pūrvapretair na śramaṇabrāhmaṇairyadbhagavatāsmākaṃ kṛtam/
Sanskrit only: no published translation is held for this verse.
उच्छोषिता रुधिराश्रुसमुद्राः, लङ्घिता अस्थिपर्वताः, पिहितान्यपायद्वाराणि, विवृतानि स्वर्गमोक्षद्वाराणि, प्रतिष्टापिता देवमनुष्येषु।
ucchoṣitā rudhirāśrusamudrāḥ, laṅghitā asthiparvatāḥ, pihitānyapāyadvārāṇi, vivṛtāni svargamokṣadvārāṇi, pratiṣṭāpitā devamanuṣyeṣu/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.