तवानुभावात्पिहितः सुघोरो ह्यपायमार्गो बहुदुःखयुक्तः।
tavānubhāvātpihitaḥ sughoro hyapāyamārgo bahuduḥkhayuktaḥ/
Sanskrit only: no published translation is held for this verse.
Library·Divyāvadāna·471
Divyāvadāna 471
अपावृता स्वर्गगतिः सुपुण्या निर्वाणमार्गश्च मयोपलब्धः॥४॥
apāvṛtā svargagatiḥ supuṇyā nirvāṇamārgaśca mayopalabdhaḥ//4//
Sanskrit only: no published translation is held for this verse.
त्वदाश्रयादाप्तमपेतदोषं ममाद्य शुद्धं सुविशुद्धचक्षुः।
tvadāśrayādāptamapetadoṣaṃ mamādya śuddhaṃ suviśuddhacakṣuḥ/
Sanskrit only: no published translation is held for this verse.
प्राप्तं च शान्तं पदमार्यकान्तं तीर्णश्च दुःखार्णवपारमस्मि॥५॥
prāptaṃ ca śāntaṃ padamāryakāntaṃ tīrṇaśca duḥkhārṇavapāramasmi//5//
Sanskrit only: no published translation is held for this verse.
जगति दैत्यनरामरपूजित विगतजन्मजरामरणामय।
jagati daityanarāmarapūjita vigatajanmajarāmaraṇāmaya/
Sanskrit only: no published translation is held for this verse.
भवसहस्रसुदुर्लभदर्शन स्फलमद्य मुने तव दर्शनम्॥६॥
bhavasahasrasudurlabhadarśana sphalamadya mune tava darśanam//6//
Sanskrit only: no published translation is held for this verse.
अवनम्य ततः प्रलम्बहारा चरणौ द्वावभिवन्द्य जारहर्षा।
avanamya tataḥ pralambahārā caraṇau dvāvabhivandya jāraharṣā/
Sanskrit only: no published translation is held for this verse.
परिगम्य प्रदक्षिणं जितारिं सुरलोकाभिमुखी दिवं जगाम॥७॥
parigamya pradakṣiṇaṃ jitāriṃ suralokābhimukhī divaṃ jagāma//7//
Sanskrit only: no published translation is held for this verse.
अथ चन्द्रप्रभा देवकन्या वणिगिव लब्धलाभः, सस्यसम्पन्न इव कर्षकः, शूर इव विजितसंग्रामः, सर्वरोगपरिमुक्त इवातुरः, यया विभूत्या भगवत्सकाशामागता तयैव विभूत्या स्वर्भवनं संप्रस्थिता।
atha candraprabhā devakanyā vaṇigiva labdhalābhaḥ, sasyasampanna iva karṣakaḥ, śūra iva vijitasaṃgrāmaḥ, sarvarogaparimukta ivāturaḥ, yayā vibhūtyā bhagavatsakāśāmāgatā tayaiva vibhūtyā svarbhavanaṃ saṃprasthitā/
Sanskrit only: no published translation is held for this verse.
तस्या एतदभवत्--मया रुद्रायणस्य राज्ञः प्रतिज्ञातमुपदर्शयिष्यामीति।
tasyā etadabhavat--mayā rudrāyaṇasya rājñaḥ pratijñātamupadarśayiṣyāmīti/
Sanskrit only: no published translation is held for this verse.
अथ चन्द्रप्रभा देवकन्या येन राजा रुद्रायणस्तेनोपसंक्रान्ता। तेन खलु समयेन रुद्रायणो राजा एकाकी गृहस्योपरितलके शयितः।
atha candraprabhā devakanyā yena rājā rudrāyaṇastenopasaṃkrāntā/ tena khalu samayena rudrāyaṇo rājā ekākī gṛhasyoparitalake śayitaḥ/
Sanskrit only: no published translation is held for this verse.
स तया उदारावभासं कृत्वा अच्छटाशब्देन प्रतिबोधितः।
sa tayā udārāvabhāsaṃ kṛtvā acchaṭāśabdena pratibodhitaḥ/
Sanskrit only: no published translation is held for this verse.
स मिद्धावस्थलोचनापरिस्फुटो ऽविज्ञातः कथयति--का त्वमिति? सा कथयति--अहं चन्द्रप्रभेति।
sa middhāvasthalocanāparisphuṭo 'vijñātaḥ kathayati--kā tvamiti? sā kathayati--ahaṃ candraprabheti/
Sanskrit only: no published translation is held for this verse.
राजा कथयति--आगच्छ, परिचारयाम इति। सा कथयति--देव, च्युताहं कालगता चातुर्महाराजिकेषु देवेषूपपन्ना।
rājā kathayati--āgaccha, paricārayāma iti/ sā kathayati--deva, cyutāhaṃ kālagatā cāturmahārājikeṣu deveṣūpapannā/
Sanskrit only: no published translation is held for this verse.
यदीच्छसि मया सार्धं समागमम्, भगवतो ऽन्तिके प्रव्रज।
yadīcchasi mayā sārdhaṃ samāgamam, bhagavato 'ntike pravraja/
Sanskrit only: no published translation is held for this verse.
यदि तावद्दृष्टधर्मा सर्वक्लेशप्रहाणादर्हत्त्वं साक्षात्करिष्यसे, स एव ते ऽन्तो दुखस्य।
yadi tāvaddṛṣṭadharmā sarvakleśaprahāṇādarhattvaṃ sākṣātkariṣyase, sa eva te 'nto dukhasya/
Sanskrit only: no published translation is held for this verse.
अथ सावशेषसम्योजनः, कालं कृत्वा चार्तुर्महाराजिकेषु देवेषूपपत्स्यसे। तत्र ते मया सार्धं समागमो भविष्यति।
atha sāvaśeṣasamyojanaḥ, kālaṃ kṛtvā cārturmahārājikeṣu deveṣūpapatsyase/ tatra te mayā sārdhaṃ samāgamo bhaviṣyati/
Sanskrit only: no published translation is held for this verse.
इत्युक्त्वा तत्रैवान्तर्हिता। रुद्रायणो राजा कृत्स्नां रात्रिं प्रव्रज्यामनुविचिन्तयन् काल्यमेवोत्थाय अमात्यानामन्त्रयते--पश्यत भवन्तः, चन्द्रप्रभा देवी क्व तिष्ठतीति? ते कथयन्ति--देव, कालगतेति।
ityuktvā tatraivāntarhitā/ rudrāyaṇo rājā kṛtsnāṃ rātriṃ pravrajyāmanuvicintayan kālyamevotthāya amātyānāmantrayate--paśyata bhavantaḥ, candraprabhā devī kva tiṣṭhatīti? te kathayanti--deva, kālagateti/
Sanskrit only: no published translation is held for this verse.
रुद्रायणः संलक्षयति--न मम प्रतिरूपं स्याद्यदहं देवताचोदितो ऽहम् अगारमध्यावसेयम्।
rudrāyaṇaḥ saṃlakṣayati--na mama pratirūpaṃ syādyadahaṃ devatācodito 'ham agāramadhyāvaseyam/
Sanskrit only: no published translation is held for this verse.
संनिधानी कालपरिभोगेन वा कामान् परिभुञ्जीयम्।
saṃnidhānī kālaparibhogena vā kāmān paribhuñjīyam/
Sanskrit only: no published translation is held for this verse.
यन्न्वहं शिखण्डिनं कुमारं राज्ये ऽभिषिच्य केशश्मश्रूण्यवतार्य काषायाणि वस्त्राण्याच्छाद्य सम्यगेव श्रद्धया अगारादनगारिकां प्रव्रजेयमिति।
yannvahaṃ śikhaṇḍinaṃ kumāraṃ rājye 'bhiṣicya keśaśmaśrūṇyavatārya kāṣāyāṇi vastrāṇyācchādya samyageva śraddhayā agārādanagārikāṃ pravrajeyamiti/
Sanskrit only: no published translation is held for this verse.
तेन हिरुभिरुकावग्रामात्यौ द्दुतनाहूतोक्तौ <४७२>भवन्तौ, यादृश एव मम शिखण्डी कुमारः पुत्रः, तादृश एव युवयोः।
tena hirubhirukāvagrāmātyau ddutanāhūtoktau <472>bhavantau, yādṛśa eva mama śikhaṇḍī kumāraḥ putraḥ, tādṛśa eva yuvayoḥ/
Sanskrit only: no published translation is held for this verse.