<४८०>नरवर यत्तव सदृशं कृतं त्वया आर्यपराभवचिह्नकरम्।
<480>naravara yattava sadṛśaṃ kṛtaṃ tvayā āryaparābhavacihnakaram/
Sanskrit only: no published translation is held for this verse.
Library·Divyāvadāna·480
Divyāvadāna 480
तस्यापि तु यत्सदृशं तदद्य उपलप्स्यसे सौभ्येति॥५५॥
tasyāpi tu yatsadṛśaṃ tadadya upalapsyase saubhyeti//55//
Sanskrit only: no published translation is held for this verse.
आयुष्मान् रुद्रायणः कथयति--भवन्तः, किमसौ मम तत्र गमनं नाभिनन्दतीति? ते कथयति--देव, नाभिनन्दतीति।
āyuṣmān rudrāyaṇaḥ kathayati--bhavantaḥ, kimasau mama tatra gamanaṃ nābhinandatīti? te kathayati--deva, nābhinandatīti/
Sanskrit only: no published translation is held for this verse.
स कथयति--भवन्तः, यदेवं न गच्छामि, प्रतिनिवर्तामीति।
sa kathayati--bhavantaḥ, yadevaṃ na gacchāmi, pratinivartāmīti/
Sanskrit only: no published translation is held for this verse.
ते गाथां भाषन्ते--
te gāthāṃ bhāṣante--
Sanskrit only: no published translation is held for this verse.
क्व यास्यसि त्वं नरवीर भूयो न ते सुतो नन्दति जीवितेन।
kva yāsyasi tvaṃ naravīra bhūyo na te suto nandati jīvitena/
Sanskrit only: no published translation is held for this verse.
वयं ह्यधन्या नृपसम्प्रयुक्ता इहाभ्युपेतास्तव घातनाय ॥५६॥ इति॥
vayaṃ hyadhanyā nṛpasamprayuktā ihābhyupetāstava ghātanāya //56// iti//
Sanskrit only: no published translation is held for this verse.
आयुष्मान् रुद्रायणः कथयति--भवन्तः, यूयं नाम मम वधकपुरुषाह्? देव, वधकपुरुषाः।
āyuṣmān rudrāyaṇaḥ kathayati--bhavantaḥ, yūyaṃ nāma mama vadhakapuruṣāh? deva, vadhakapuruṣāḥ/
Sanskrit only: no published translation is held for this verse.
स संलक्षयति--यत्तदुक्तं भगवता कर्मस्वकता ते रुद्रायण मनसिकर्तव्येति, इदं तत्।
sa saṃlakṣayati--yattaduktaṃ bhagavatā karmasvakatā te rudrāyaṇa manasikartavyeti, idaṃ tat/
Sanskrit only: no published translation is held for this verse.
सर्वथा धिक् संसारभङ्गुरमिति विदित्वा तेषां कथयति--भद्रमुखाः, अहमस्मि यदर्थं प्रवजितः, सो ऽर्थो मया न संप्राप्तः।
sarvathā dhik saṃsārabhaṅguramiti viditvā teṣāṃ kathayati--bhadramukhāḥ, ahamasmi yadarthaṃ pravajitaḥ, so 'rtho mayā na saṃprāptaḥ/
Sanskrit only: no published translation is held for this verse.
तिष्ठत तावन्मुहूर्तम् यावत्खकार्यमनुरूपं गच्छामीति।
tiṣṭhata tāvanmuhūrtam yāvatkhakāryamanurūpaṃ gacchāmīti/
Sanskrit only: no published translation is held for this verse.
ते परस्परं संजल्पं कृत्वा कथयन्ति--देव, एवं कुरु। अथायुष्मान् रुद्रायणो ऽन्यतमं वृक्षमूलं निश्रित्य सुप्तोरगराजभोगपरिपिण्डतं पर्यङ्कं बद्ध्वा शान्तेनेर्यापथेनावस्थितः।
te parasparaṃ saṃjalpaṃ kṛtvā kathayanti--deva, evaṃ kuru/ athāyuṣmān rudrāyaṇo 'nyatamaṃ vṛkṣamūlaṃ niśritya suptoragarājabhogaparipiṇḍataṃ paryaṅkaṃ baddhvā śānteneryāpathenāvasthitaḥ/
Sanskrit only: no published translation is held for this verse.
उक्तं भगवता--पञ्चानुशंसा बाहुश्रुत्ये--स्कन्धकुशलो भवति धातुकुशल आयतनकुशलः प्रतीत्यसमुत्पादकुशलः, अपरप्रतिबद्धा चास्य भवत्यववादानुशासनीति।
uktaṃ bhagavatā--pañcānuśaṃsā bāhuśrutye--skandhakuśalo bhavati dhātukuśala āyatanakuśalaḥ pratītyasamutpādakuśalaḥ, aparapratibaddhā cāsya bhavatyavavādānuśāsanīti/
Sanskrit only: no published translation is held for this verse.
तेन वीर्यमारभ्य इदमेव पञ्चगण्डकं संसारचक्रं चलाचलं विदित्वा सर्वसंस्कारगतीः शतनपतनविकिरणविध्वंसनधर्मतया पराहत्य सर्वक्लेशप्रहाणादर्हत्त्वं साक्षात्कृतम्।
tena vīryamārabhya idameva pañcagaṇḍakaṃ saṃsāracakraṃ calācalaṃ viditvā sarvasaṃskāragatīḥ śatanapatanavikiraṇavidhvaṃsanadharmatayā parāhatya sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
अर्हन् संवृत्तस्त्रैधातुकवीतरागः समलोष्टकाञ्चन आकाशपाणितलसमचित्तो वासीचन्दनकल्पो विद्याविदारिताण्डकोशो विद्याभिज्ञाप्रतिसवित्प्राप्तो भवलाभलोभसत्कारपरान्मुखः।
arhan saṃvṛttastraidhātukavītarāgaḥ samaloṣṭakāñcana ākāśapāṇitalasamacitto vāsīcandanakalpo vidyāvidāritāṇḍakośo vidyābhijñāpratisavitprāpto bhavalābhalobhasatkāraparānmukhaḥ/
Sanskrit only: no published translation is held for this verse.
सेन्द्रोपैन्द्राणां देवानां पूज्यो मान्यो ऽभिवाद्यश्च संवृत्तः।
sendropaindrāṇāṃ devānāṃ pūjyo mānyo 'bhivādyaśca saṃvṛttaḥ/
Sanskrit only: no published translation is held for this verse.
अथायुष्मान् रुद्रायणो ऽर्हत्त्वप्राप्तो विमुक्तिप्रीतिसुखप्रतिसंवेदी तस्या वेलायां गाथां भाषते--
athāyuṣmān rudrāyaṇo 'rhattvaprāpto vimuktiprītisukhapratisaṃvedī tasyā velāyāṃ gāthāṃ bhāṣate--
Sanskrit only: no published translation is held for this verse.
मुक्तो ग्रन्थैश्च योगौश्च शल्यैर् नीवरणैस्तथा।
mukto granthaiśca yogauśca śalyair nīvaraṇaistathā/
Sanskrit only: no published translation is held for this verse.
अद्याप्युद्रायणो भिक्षू राजधर्मैर् न मुच्यते॥५७॥ इति।
adyāpyudrāyaṇo bhikṣū rājadharmair na mucyate//57// iti/
Sanskrit only: no published translation is held for this verse.
इत्युक्त्वा तान् वधकपुरुषानुवाच--भद्रमुखाः, यं मया प्राप्तव्यं तत्प्राप्तम्। इदानीम् यदर्थम् यूयमागतास्तदर्थं संप्रापयतेति।
ityuktvā tān vadhakapuruṣānuvāca--bhadramukhāḥ, yaṃ mayā prāptavyaṃ tatprāptam/ idānīm yadartham yūyamāgatāstadarthaṃ saṃprāpayateti/
Sanskrit only: no published translation is held for this verse.
ते कथयति--देव, यदि शिखण्डी राजा अस्मान् पृच्छति--किं वृद्धराजेन मरणसमये व्याकृतमिति, किमस्माभिर्वक्तव्यम्? भद्रमुखाः, स वक्तव्यह्--
te kathayati--deva, yadi śikhaṇḍī rājā asmān pṛcchati--kiṃ vṛddharājena maraṇasamaye vyākṛtamiti, kimasmābhirvaktavyam? bhadramukhāḥ, sa vaktavyah--
Sanskrit only: no published translation is held for this verse.
बह्वपुण्यं प्रसवसे राज्यहेतोः पितुर्वधात्।
bahvapuṇyaṃ prasavase rājyahetoḥ piturvadhāt/
Sanskrit only: no published translation is held for this verse.
अहं च परिनिर्वास्ये त्वं चावीचिं गमिष्यसि॥५८॥ इति।
ahaṃ ca parinirvāsye tvaṃ cāvīciṃ gamiṣyasi//58// iti/
Sanskrit only: no published translation is held for this verse.