Library·Divyāvadāna·481
<४८१>इदं चापरं वक्तव्यह्--द्वे आनन्तर्ये कर्मणी कृते--यच्च पिता जीविताद् व्यपरोपितः, यच्चार्हन् भिक्षुः क्षीणाश्रवः।
<481>idaṃ cāparaṃ vaktavyah--dve ānantarye karmaṇī kṛte--yacca pitā jīvitād vyaparopitaḥ, yaccārhan bhikṣuḥ kṣīṇāśravaḥ/
Sanskrit only: no published translation is held for this verse.
ते ऽवीचौ महानरके वस्तव्यम्। अत्ययमत्ययतो देशय, अप्येतत्कर्म तनुत्वं परिक्षयं पर्यादानं गच्छेदिति।
te 'vīcau mahānarake vastavyam/ atyayamatyayato deśaya, apyetatkarma tanutvaṃ parikṣayaṃ paryādānaṃ gacchediti/
Sanskrit only: no published translation is held for this verse.
पुनरायुष्मान् रुद्रायणः संलक्षयति--ऋद्ध्या गच्छामि।
punarāyuṣmān rudrāyaṇaḥ saṃlakṣayati--ṛddhyā gacchāmi/
Sanskrit only: no published translation is held for this verse.
ममासौ सत्त्वो नरकपरायणो भविष्यतीति। यम् यम् ऋद्ध्युपायं प्रारभते, तस्य धर्मविनष्टत्वाद् ऋकरो ऽपि न प्रतिभाति प्रागेव ऋद्धिः।
mamāsau sattvo narakaparāyaṇo bhaviṣyatīti/ yam yam ṛddhyupāyaṃ prārabhate, tasya dharmavinaṣṭatvād ṛkaro 'pi na pratibhāti prāgeva ṛddhiḥ/
Sanskrit only: no published translation is held for this verse.
ततस्तेषामेकेन पुरुषेण निर्घृणहृदयेन त्यक्तपरलोकेन कक्षादसिं निष्कृष्य उत्कृत्तमूलं शिरः कृत्वा पृथिव्यां निपातितः॥
tatasteṣāmekena puruṣeṇa nirghṛṇahṛdayena tyaktaparalokena kakṣādasiṃ niṣkṛṣya utkṛttamūlaṃ śiraḥ kṛtvā pṛthivyāṃ nipātitaḥ//
Sanskrit only: no published translation is held for this verse.
अथ भववान् स्मितमकार्षीत्। धर्मता खलु यस्मिन् समये बुद्धा भगवन्तः स्मितं प्राविष्कुर्वन्ति, तस्मिन् समये नीलपीतकोहितावदाता अर्चिषो मुखान्निश्चार्य काश्चिदधस्ताद्गच्छन्ति, काश्चिदुपरिष्टाद्गच्छन्ति।
atha bhavavān smitamakārṣīt/ dharmatā khalu yasmin samaye buddhā bhagavantaḥ smitaṃ prāviṣkurvanti, tasmin samaye nīlapītakohitāvadātā arciṣo mukhānniścārya kāścidadhastādgacchanti, kāścidupariṣṭādgacchanti/
Sanskrit only: no published translation is held for this verse.
या अधस्ताद्गच्छन्ति, ताः संजीवं कालसूत्रं संघातं रौरवं महारौरवं तपनं प्रतापनमवीचिमर्बुदं निरर्बुदमटटं हहवं हुहुवमुत्पलं पद्मन् महापद्मं नरकं गत्वा ये उष्णनरकास्तेषु शीतीभूत्वा निपतन्ति, ये शीतनरकास्तेषूष्पीभूत्वा निपतन्ति।
yā adhastādgacchanti, tāḥ saṃjīvaṃ kālasūtraṃ saṃghātaṃ rauravaṃ mahārauravaṃ tapanaṃ pratāpanamavīcimarbudaṃ nirarbudamaṭaṭaṃ hahavaṃ huhuvamutpalaṃ padman mahāpadmaṃ narakaṃ gatvā ye uṣṇanarakāsteṣu śītībhūtvā nipatanti, ye śītanarakāsteṣūṣpībhūtvā nipatanti/
Sanskrit only: no published translation is held for this verse.
तेन तेषां सत्त्वानां कारणाविशेषाः प्रतिप्रस्रभ्यन्ते। तेषामेवं भवति--किं नु वयं भवन्त इतश्च्युताः, आहोस्विदन्यत्रोपपन्ना इति।
tena teṣāṃ sattvānāṃ kāraṇāviśeṣāḥ pratiprasrabhyante/ teṣāmevaṃ bhavati--kiṃ nu vayaṃ bhavanta itaścyutāḥ, āhosvidanyatropapannā iti/
Sanskrit only: no published translation is held for this verse.
तेषां प्रसादसंजननार्थं भगवान्निर्मितं विसर्जयति।
teṣāṃ prasādasaṃjananārthaṃ bhagavānnirmitaṃ visarjayati/
Sanskrit only: no published translation is held for this verse.
तेषां निर्मितं दृष्ट्वैवं भवति--न ह्येव वयं भवन्त इतश्च्युताः, नाप्यन्यत्रोपपन्नाः।
teṣāṃ nirmitaṃ dṛṣṭvaivaṃ bhavati--na hyeva vayaṃ bhavanta itaścyutāḥ, nāpyanyatropapannāḥ/
Sanskrit only: no published translation is held for this verse.
अपि त्वयमपूर्वदर्शनः सत्त्वः। अस्यानुभावेनास्माकं कारणाविशेषाः प्रतिप्रस्रब्धा इति। ते निर्मिते चित्तमभिप्रसाद्य तं नरकनिवेदनीयं कर्म क्षपयित्वा देवमनुष्येषु प्रतिसंधिं गृह्णन्ति यत्र सत्यानां भाजनभूता भवन्ति।
api tvayamapūrvadarśanaḥ sattvaḥ/ asyānubhāvenāsmākaṃ kāraṇāviśeṣāḥ pratiprasrabdhā iti/ te nirmite cittamabhiprasādya taṃ narakanivedanīyaṃ karma kṣapayitvā devamanuṣyeṣu pratisaṃdhiṃ gṛhṇanti yatra satyānāṃ bhājanabhūtā bhavanti/
Sanskrit only: no published translation is held for this verse.
या उपरिष्टाद्गच्छन्ति, ताश्चातुर्महाराजिकांस्त्रायस्त्रिंशान् यामांस्तुषितान्निर्माणरतीन् परिनिर्मितवशवर्तिनो ब्रह्मकायिकान् ब्रह्मपुरोहितान् ब्रह्मपार्षद्यान् महब्रह्मणः परीत्ताभानप्रमाणाभानाभास्वरान् परीत्तशुभानप्रमाणशुभाञ्छुभकृत्स्नाननभ्रकान् पुण्यप्रसवान् बृहत्फलानबृहानतपान् सुदृशान् सुदर्शनानकनिष्ठान् देवान् गत्वा अनित्यं दुःखं शून्यमनात्मेत्युद्धोषयन्ति।
yā upariṣṭādgacchanti, tāścāturmahārājikāṃstrāyastriṃśān yāmāṃstuṣitānnirmāṇaratīn parinirmitavaśavartino brahmakāyikān brahmapurohitān brahmapārṣadyān mahabrahmaṇaḥ parīttābhānapramāṇābhānābhāsvarān parīttaśubhānapramāṇaśubhāñchubhakṛtsnānanabhrakān puṇyaprasavān bṛhatphalānabṛhānatapān sudṛśān sudarśanānakaniṣṭhān devān gatvā anityaṃ duḥkhaṃ śūnyamanātmetyuddhoṣayanti/
Sanskrit only: no published translation is held for this verse.
गाथाद्वयं च भाषन्ते--
gāthādvayaṃ ca bhāṣante--
Sanskrit only: no published translation is held for this verse.
आरभध्वं निष्क्रामत युज्यध्वं बुद्धशासने।
ārabhadhvaṃ niṣkrāmata yujyadhvaṃ buddhaśāsane/
Sanskrit only: no published translation is held for this verse.
धुनीत मृत्युनः सौन्यं नडागारमिव कुञ्जरः॥५९॥
dhunīta mṛtyunaḥ saunyaṃ naḍāgāramiva kuñjaraḥ//59//
Sanskrit only: no published translation is held for this verse.
यो ह्यस्मिन् धर्मविनये अप्रमत्तश्चरिष्यति।
yo hyasmin dharmavinaye apramattaścariṣyati/
Sanskrit only: no published translation is held for this verse.
प्रहाय जातिसंसारं दुःखस्यान्तं करिष्यति॥६०॥
prahāya jātisaṃsāraṃ duḥkhasyāntaṃ kariṣyati//60//
Sanskrit only: no published translation is held for this verse.
अथ ता अर्चिषस्त्रिसाहस्रमहासाहस्रं लोकघातुमन्वाहिण्ड्य भगवन्तमेव पृष्ठतः पृष्ठतः समनुगच्छन्ति।
atha tā arciṣastrisāhasramahāsāhasraṃ lokaghātumanvāhiṇḍya bhagavantameva pṛṣṭhataḥ pṛṣṭhataḥ samanugacchanti/
Sanskrit only: no published translation is held for this verse.
तद्यदि भगवानतीतं कर्म व्याकर्तुकामो भवति, भगवतः पृष्ठतो ऽन्तर्धीयन्ते।
tadyadi bhagavānatītaṃ karma vyākartukāmo bhavati, bhagavataḥ pṛṣṭhato 'ntardhīyante/
Sanskrit only: no published translation is held for this verse.
अनागतं चेत् पुरस्तात्। नरकोपपत्तिं चेत् पादतले। तिर्यगुपपत्तिं चेत् पार्ष्ण्याम्।
anāgataṃ cet purastāt/ narakopapattiṃ cet pādatale/ tiryagupapattiṃ cet pārṣṇyām/
Sanskrit only: no published translation is held for this verse.
प्रेतोपपत्तिं चेत् पादाङ्गुष्ठे। मनुष्योपपत्तिं चेज्जानुनोः। बलचक्रवर्तिराज्यं चेद्वामे करतले।
pretopapattiṃ cet pādāṅguṣṭhe/ manuṣyopapattiṃ cejjānunoḥ/ balacakravartirājyaṃ cedvāme karatale/
Sanskrit only: no published translation is held for this verse.
चक्रवर्तिराज्यं चेद्दक्षिणे करतले। देवोपपत्तिं चेन्नाभ्याम्। श्रावकबोधिं चेदास्ये।
cakravartirājyaṃ ceddakṣiṇe karatale/ devopapattiṃ cennābhyām/ śrāvakabodhiṃ cedāsye/
Sanskrit only: no published translation is held for this verse.
प्रत्येकां बोधिं चेदूर्णायाम्। यद्यनुत्तरां सम्यक्सम्बोधिं व्याकर्तुकामो भवति <४८२>उष्णीषे ऽन्तर्धीयन्ते।
pratyekāṃ bodhiṃ cedūrṇāyām/ yadyanuttarāṃ samyaksambodhiṃ vyākartukāmo bhavati <482>uṣṇīṣe 'ntardhīyante/
Sanskrit only: no published translation is held for this verse.