Library·Divyāvadāna·485
<४८५>आयुष्मान् महाकात्यायनस्तथैव एकान्ते ऽपक्रम्यावस्थितः। शिखण्डी राजा कथयति--भवन्तः, पूर्वमप्ययमार्यो महाकात्यायनो मां दृष्ट्वा एकान्ते ऽपक्रम्यावस्थितः, साम्प्रतिमपि।
<485>āyuṣmān mahākātyāyanastathaiva ekānte 'pakramyāvasthitaḥ/ śikhaṇḍī rājā kathayati--bhavantaḥ, pūrvamapyayamāryo mahākātyāyano māṃ dṛṣṭvā ekānte 'pakramyāvasthitaḥ, sāmpratimapi/
Sanskrit only: no published translation is held for this verse.
को ऽत्र हेतुरिति? तस्य पृष्ठतस्तौ दुष्टामात्यौ गच्छतः। तौ कथयतह्--देव, एष कथयति--मा अहमस्य पितृमारकस्य रजसा प्रव्रज्यामीति।
ko 'tra heturiti? tasya pṛṣṭhatastau duṣṭāmātyau gacchataḥ/ tau kathayatah--deva, eṣa kathayati--mā ahamasya pitṛmārakasya rajasā pravrajyāmīti/
Sanskrit only: no published translation is held for this verse.
अपरीक्षको ऽसौ। श्रुत्वा पर्यवस्थितः।
aparīkṣako 'sau/ śrutvā paryavasthitaḥ/
Sanskrit only: no published translation is held for this verse.
स कथयति--भवन्तः, यस्याहं प्रियः, सो ऽस्य मुण्डकस्य श्रमणकस्योपर्येकैकं पांशुमुस्टिं क्षिपत्विति।
sa kathayati--bhavantaḥ, yasyāhaṃ priyaḥ, so 'sya muṇḍakasya śramaṇakasyoparyekaikaṃ pāṃśumusṭiṃ kṣipatviti/
Sanskrit only: no published translation is held for this verse.
सर्वेण जनकायेनैकैका पांशुमुष्टिः क्षिप्ता। महासाधनो ऽसौ राजा। एकैकया पांशुमुष्ट्या आयुष्मतो महाकात्यायनस्योपरि महान् पांशुराशिर्व्यवस्थितः।
sarveṇa janakāyenaikaikā pāṃśumuṣṭiḥ kṣiptā/ mahāsādhano 'sau rājā/ ekaikayā pāṃśumuṣṭyā āyuṣmato mahākātyāyanasyopari mahān pāṃśurāśirvyavasthitaḥ/
Sanskrit only: no published translation is held for this verse.
सो ऽपि ऋद्ध्या पर्णिकां कुटिमभिनिर्मायावस्हितः।
so 'pi ṛddhyā parṇikāṃ kuṭimabhinirmāyāvashitaḥ/
Sanskrit only: no published translation is held for this verse.
स गोपालकैः पशुपालकैश्चावष्टभ्यमानो दृष्टः।
sa gopālakaiḥ paśupālakaiścāvaṣṭabhyamāno dṛṣṭaḥ/
Sanskrit only: no published translation is held for this verse.
हिरुभिरुकावग्रामात्यौ पृष्ठतो ऽनुहिण्ड्य तं प्रदेशमनुप्राप्तौ।
hirubhirukāvagrāmātyau pṛṣṭhato 'nuhiṇḍya taṃ pradeśamanuprāptau/
Sanskrit only: no published translation is held for this verse.
तौ पृच्छतह्--भवन्तः, किमिदमिति? ते कथयन्ति--तेन कलिराजेन पितृमारकेण आर्यो महाकात्यायनो ऽदुष्यनयकारी पांशुना अवष्टब्ध इति।
tau pṛcchatah--bhavantaḥ, kimidamiti? te kathayanti--tena kalirājena pitṛmārakeṇa āryo mahākātyāyano 'duṣyanayakārī pāṃśunā avaṣṭabdha iti/
Sanskrit only: no published translation is held for this verse.
तौ साश्रुकण्ठौ रुदन्मुखौ गोपालकपशुपालकैः सार्धं पांशूनपनेतुमारब्धौ। आयुष्मान् महाकात्यायनो निर्गतः।
tau sāśrukaṇṭhau rudanmukhau gopālakapaśupālakaiḥ sārdhaṃ pāṃśūnapanetumārabdhau/ āyuṣmān mahākātyāyano nirgataḥ/
Sanskrit only: no published translation is held for this verse.
तौ पादयोर् निपत्य पृच्छतह्--आर्य, किमिदमिति? स कथयति--किमन्यद्भविष्यतीति? तौ कथयतह्--आर्य, यदिदं शिखण्डिना महाकात्यायने जनकायसहायेन कर्म कृतम्।
tau pādayor nipatya pṛcchatah--ārya, kimidamiti? sa kathayati--kimanyadbhaviṣyatīti? tau kathayatah--ārya, yadidaṃ śikhaṇḍinā mahākātyāyane janakāyasahāyena karma kṛtam/
Sanskrit only: no published translation is held for this verse.
अस्य को भविष्यतीति।
asya ko bhaviṣyatīti/
Sanskrit only: no published translation is held for this verse.
इतः सप्तमे दिवसे रौरुकं नगरं पांशुना अवष्टप्स्यते। आर्य, का आवुपूर्वी भविष्यतीति? आयुष्मन्तौ, प्रथमे दिवसे महावायुरागत्य रौरुकं नगरमपगतपाषाणशर्करकपालं व्यवस्थापयिष्यति।
itaḥ saptame divase raurukaṃ nagaraṃ pāṃśunā avaṣṭapsyate/ ārya, kā āvupūrvī bhaviṣyatīti? āyuṣmantau, prathame divase mahāvāyurāgatya raurukaṃ nagaramapagatapāṣāṇaśarkarakapālaṃ vyavasthāpayiṣyati/
Sanskrit only: no published translation is held for this verse.
द्वितीये दिवसे पुष्पवर्षं पतिष्यति। तृतीये वस्त्रवर्षम्, चतुर्थे हिरण्यवर्षम्, पञ्चमे सुवर्णवर्षम्, पश्चाद्यै रौरुकसामान्तनिवासिभिः सामवायिकं कर्म कृतम्, ते रौरुकं नगरं प्रेवक्ष्यन्ति।
dvitīye divase puṣpavarṣaṃ patiṣyati/ tṛtīye vastravarṣam, caturthe hiraṇyavarṣam, pañcame suvarṇavarṣam, paścādyai raurukasāmāntanivāsibhiḥ sāmavāyikaṃ karma kṛtam, te raurukaṃ nagaraṃ prevakṣyanti/
Sanskrit only: no published translation is held for this verse.
तेषु प्रविष्टेषु षष्ठे दिवसे रत्ववर्षं पतिष्यति, सप्तमे दिवसे पांशुवर्षमिति। तौ कथयतह्--आर्य, किमावामस्य कर्मणो भाविनौ? भद्रमुखौ, न युवामस्य कर्मणो भागिनौ।
teṣu praviṣṭeṣu ṣaṣṭhe divase ratvavarṣaṃ patiṣyati, saptame divase pāṃśuvarṣamiti/ tau kathayatah--ārya, kimāvāmasya karmaṇo bhāvinau? bhadramukhau, na yuvāmasya karmaṇo bhāginau/
Sanskrit only: no published translation is held for this verse.
आर्य, यदेवं कथमस्माभिरस्मान्नगरान्निष्क्रमितव्यमिति? स कथयति--युवाम् यावच्च गृहम् यावच्च नदी अत्रान्तरे सुरुङ्गां खानयित्वा गृहसमीपे नावं स्थापयित्वा तिष्ठत।
ārya, yadevaṃ kathamasmābhirasmānnagarānniṣkramitavyamiti? sa kathayati--yuvām yāvacca gṛham yāvacca nadī atrāntare suruṅgāṃ khānayitvā gṛhasamīpe nāvaṃ sthāpayitvā tiṣṭhata/
Sanskrit only: no published translation is held for this verse.
यदा रत्नवर्षं पतेत्, तदा रत्नानां नावं पूरयित्वा निष्पलायितव्यमिति। तौ तस्य पादयोर् निपत्य रौरुकं प्रविष्टौ।
yadā ratnavarṣaṃ patet, tadā ratnānāṃ nāvaṃ pūrayitvā niṣpalāyitavyamiti/ tau tasya pādayor nipatya raurukaṃ praviṣṭau/
Sanskrit only: no published translation is held for this verse.
राज्ञः सकाशं प्रविष्टौ कथयतह्--किं देवेनार्यो महाकात्यायनः किंचिदुक्तः पांशुनावष्टब्धह्? स कथयति--भवन्तः, जीवत्यसौ? देव, जीवति।
rājñaḥ sakāśaṃ praviṣṭau kathayatah--kiṃ devenāryo mahākātyāyanaḥ kiṃciduktaḥ pāṃśunāvaṣṭabdhah? sa kathayati--bhavantaḥ, jīvatyasau? deva, jīvati/
Sanskrit only: no published translation is held for this verse.
किं कथयति--देव, एवं कथयति--इतः सप्तमे दिवसे रौरुकं नगरं पांशुना अवष्टप्स्यत इति।
kiṃ kathayati--deva, evaṃ kathayati--itaḥ saptame divase raurukaṃ nagaraṃ pāṃśunā avaṣṭapsyata iti/
Sanskrit only: no published translation is held for this verse.
कानुपूर्वी? कथयति--देव, स एवं कथयति, प्रथमे तावद्दिवसे महवायुरागत्य रौरुकं नगरमपगतपाषाणशर्करकपालं व्यवस्थापयिष्यति, द्वितीये दिवसे पुष्पवर्षं पतिष्यति, तृतीये दिवसे वस्त्रवर्षम्, चतुर्थे हिरण्यवर्षम्, पञ्चमे सुवर्णवर्षम्, पश्चाद्यै रौरुकसामन्तकनिवासिभिः सामवायिकं कर्म कृतं ते रौरुकं नगरं प्रवेक्ष्यन्ति, तेषु प्रविष्टेषु षष्ठे दिवसे रत्नवर्षं पतिष्यति, सप्तमे दिवसे पांशुवर्षमिति।
kānupūrvī? kathayati--deva, sa evaṃ kathayati, prathame tāvaddivase mahavāyurāgatya raurukaṃ nagaramapagatapāṣāṇaśarkarakapālaṃ vyavasthāpayiṣyati, dvitīye divase puṣpavarṣaṃ patiṣyati, tṛtīye divase vastravarṣam, caturthe hiraṇyavarṣam, pañcame suvarṇavarṣam, paścādyai raurukasāmantakanivāsibhiḥ sāmavāyikaṃ karma kṛtaṃ te raurukaṃ nagaraṃ pravekṣyanti, teṣu praviṣṭeṣu ṣaṣṭhe divase ratnavarṣaṃ patiṣyati, saptame divase pāṃśuvarṣamiti/
Sanskrit only: no published translation is held for this verse.
तौ कथयतह्--आर्य, किमावामप्यस्य कर्मणो भागिनौ? भद्रमुखौ, न युवामस्य कर्मणो भागिनौ।
tau kathayatah--ārya, kimāvāmapyasya karmaṇo bhāginau? bhadramukhau, na yuvāmasya karmaṇo bhāginau/
Sanskrit only: no published translation is held for this verse.
आर्य, यद्येवं कथमस्मान्नाग्रान्निष्क्रमितव्यमिति? स कथयति--<४८६>युवाम् यावच्च गृहम् यावच्च नदी अत्रान्तरे सुरुङ्गां खानयित्वा गृहसमीपे नावं स्थापयित्वा तिष्ठत।
ārya, yadyevaṃ kathamasmānnāgrānniṣkramitavyamiti? sa kathayati--<486>yuvām yāvacca gṛham yāvacca nadī atrāntare suruṅgāṃ khānayitvā gṛhasamīpe nāvaṃ sthāpayitvā tiṣṭhata/
Sanskrit only: no published translation is held for this verse.