Library·Divyāvadāna·486
यदा रत्नवर्षं पतेत्, तदा रत्नानां नावं पूरयित्वा निष्पलयितव्यमिति। तौ दुष्टामात्यौ कथयतह्--समुच्छिन्नपिण्डपातः पांशुवर्षेणावष्टबधः स किमन्यद्वदतु? ईदृशं वा वदते, देवतो वा पापनरमिति(?)।
yadā ratnavarṣaṃ patet, tadā ratnānāṃ nāvaṃ pūrayitvā niṣpalayitavyamiti/ tau duṣṭāmātyau kathayatah--samucchinnapiṇḍapātaḥ pāṃśuvarṣeṇāvaṣṭabadhaḥ sa kimanyadvadatu? īdṛśaṃ vā vadate, devato vā pāpanaramiti(?)/
Sanskrit only: no published translation is held for this verse.
राजा शिखण्डी संलक्षयति--स्यादेवमिति। हिरुभिरुकावग्रामात्यौ मुखं विभण्ड्य हस्तान् संपरिवर्त्य प्रक्रान्तौ।
rājā śikhaṇḍī saṃlakṣayati--syādevamiti/ hirubhirukāvagrāmātyau mukhaṃ vibhaṇḍya hastān saṃparivartya prakrāntau/
Sanskrit only: no published translation is held for this verse.
तत्र हितुकस्य श्यामाको दारकः पुत्रः।
tatra hitukasya śyāmāko dārakaḥ putraḥ/
Sanskrit only: no published translation is held for this verse.
भिरुकस्य श्यामावती नाम दारिका दुहिता। हितुकेन श्यामाको दारक आयुष्मते महाकात्यायनाय दत्तह्--आर्य, यद्यस्य कानिचित्कुशलमूलानि स्युः, प्रव्राजयेथाः।
bhirukasya śyāmāvatī nāma dārikā duhitā/ hitukena śyāmāko dāraka āyuṣmate mahākātyāyanāya dattah--ārya, yadyasya kānicitkuśalamūlāni syuḥ, pravrājayethāḥ/
Sanskrit only: no published translation is held for this verse.
नो चेत् तवैवायमुपस्थायक इति।
no cet tavaivāyamupasthāyaka iti/
Sanskrit only: no published translation is held for this verse.
भिरुकेनापि श्यामावती दारिका शैलाया भिक्षुण्या दत्ता--आर्ये, यद्यस्याः कानिचित् कुशलमूलानि स्युः, प्रव्राजयेथाः।
bhirukenāpi śyāmāvatī dārikā śailāyā bhikṣuṇyā dattā--ārye, yadyasyāḥ kānicit kuśalamūlāni syuḥ, pravrājayethāḥ/
Sanskrit only: no published translation is held for this verse.
नो चेत् कौशाम्ब्यां घोषिलो नाम गृहपतिर्मम वयस्यस्तस्य समर्पयिष्यसीति।
no cet kauśāmbyāṃ ghoṣilo nāma gṛhapatirmama vayasyastasya samarpayiṣyasīti/
Sanskrit only: no published translation is held for this verse.
तयाधिवासितम्। अथ शैला भिक्षुणी श्यामावतीमादाय ऋद्ध्या रौरुकान्नगरात् प्रक्रान्ता।
tayādhivāsitam/ atha śailā bhikṣuṇī śyāmāvatīmādāya ṛddhyā raurukānnagarāt prakrāntā/
Sanskrit only: no published translation is held for this verse.
तदा कौशाम्ब्यां घोषिलस्य गृहपतेर्दत्ता।
tadā kauśāmbyāṃ ghoṣilasya gṛhapaterdattā/
Sanskrit only: no published translation is held for this verse.
यथा च संदिष्टं समाख्यातम्। आयुष्मान् महाकात्यायनस्तत्रैवावस्थितः। हिरुभिरुकाभ्यामग्रामात्याभ्याम् यावच्च गृहम् यावच्च नदी अत्रान्तरे सुरुङ्गां खानयित्वा गृहसमीपे च नौः स्थापिता।
yathā ca saṃdiṣṭaṃ samākhyātam/ āyuṣmān mahākātyāyanastatraivāvasthitaḥ/ hirubhirukābhyāmagrāmātyābhyām yāvacca gṛham yāvacca nadī atrāntare suruṅgāṃ khānayitvā gṛhasamīpe ca nauḥ sthāpitā/
Sanskrit only: no published translation is held for this verse.
यावदन्यतमस्मिन् दिवसे महावायुरागतः, येन तं रौरुकं नगरमपगतपाषाणशर्करकपालं व्यवस्थापितम्।
yāvadanyatamasmin divase mahāvāyurāgataḥ, yena taṃ raurukaṃ nagaramapagatapāṣāṇaśarkarakapālaṃ vyavasthāpitam/
Sanskrit only: no published translation is held for this verse.
द्वितीये दिवसे पुष्पवर्षं पतितम्। तौ दुष्टामात्यौ कथयतह्--देव, श्रूयते राज्ञो मान्धातुः सप्ताहं हिरण्यवर्षं पतितमिति।
dvitīye divase puṣpavarṣaṃ patitam/ tau duṣṭāmātyau kathayatah--deva, śrūyate rājño māndhātuḥ saptāhaṃ hiraṇyavarṣaṃ patitamiti/
Sanskrit only: no published translation is held for this verse.
देवस्येदं पुष्पवर्षं पतितम्, नचिराद्वस्त्रवर्षं पतिष्यति।
devasyedaṃ puṣpavarṣaṃ patitam, nacirādvastravarṣaṃ patiṣyati/
Sanskrit only: no published translation is held for this verse.
तृतीये दिवसे वस्त्रवर्षं पतिअम्। तौ दुष्टामात्यौ कथयतह्--देवस्येदं वस्त्रवर्षं पतितम्, नचिराद्विराद्धिरण्यवर्षं पतिष्यतीति।
tṛtīye divase vastravarṣaṃ patiam/ tau duṣṭāmātyau kathayatah--devasyedaṃ vastravarṣaṃ patitam, nacirādvirāddhiraṇyavarṣaṃ patiṣyatīti/
Sanskrit only: no published translation is held for this verse.
चतुर्थे दिवसे हिरण्यवर्षं पतितम्।
caturthe divase hiraṇyavarṣaṃ patitam/
Sanskrit only: no published translation is held for this verse.
तौ दुष्टामात्यौ कथयतह्--देवस्येदं हिरण्यवर्षं पतितम्, नचिरादेव सुवर्णवर्षं पतिष्यतीति।
tau duṣṭāmātyau kathayatah--devasyedaṃ hiraṇyavarṣaṃ patitam, nacirādeva suvarṇavarṣaṃ patiṣyatīti/
Sanskrit only: no published translation is held for this verse.
पञ्चमे दिवसे सुवर्णवर्षं पतितम्। तौ दुष्टामात्यौ कथयतह्--देवस्येदं सुवर्षं प्ततितम्, नचिरादेव रत्नवर्षं पतिष्यतीति।
pañcame divase suvarṇavarṣaṃ patitam/ tau duṣṭāmātyau kathayatah--devasyedaṃ suvarṣaṃ ptatitam, nacirādeva ratnavarṣaṃ patiṣyatīti/
Sanskrit only: no published translation is held for this verse.
यौ रौरुकसामन्तकनिवासिभिः सामवायिकं कर्म कृतम्, ते रौरुकं नगरं प्रविष्टाः।
yau raurukasāmantakanivāsibhiḥ sāmavāyikaṃ karma kṛtam, te raurukaṃ nagaraṃ praviṣṭāḥ/
Sanskrit only: no published translation is held for this verse.
तेषु प्रविष्टेषु षष्ठे दिवसे रत्नवर्षं पतितम्। हिरुभिरुकावग्रामात्यौ रत्नानां नावं पूरयित्वा निष्पलायितौ।
teṣu praviṣṭeṣu ṣaṣṭhe divase ratnavarṣaṃ patitam/ hirubhirukāvagrāmātyau ratnānāṃ nāvaṃ pūrayitvā niṣpalāyitau/
Sanskrit only: no published translation is held for this verse.
तत्र हिरुकेणान्यतमस्मिन् प्रदेशे हिरुकं नाम नगरं मापितम्।
tatra hirukeṇānyatamasmin pradeśe hirukaṃ nāma nagaraṃ māpitam/
Sanskrit only: no published translation is held for this verse.
तस्य हिरुकं हिरुकमिति संज्ञा संवृत्ता। भिरुकेणान्यतमस्मिन् प्रदेशे भिरुकं नाम नगरं मापितम्।
tasya hirukaṃ hirukamiti saṃjñā saṃvṛttā/ bhirukeṇānyatamasmin pradeśe bhirukaṃ nāma nagaraṃ māpitam/
Sanskrit only: no published translation is held for this verse.
तस्यापि भिरुकच्छं भिरुकच्छमिति संज्ञा संवृत्ता। सप्तमे दिवसे पांशुवर्षं पतितुमारब्धम्।
tasyāpi bhirukacchaṃ bhirukacchamiti saṃjñā saṃvṛttā/ saptame divase pāṃśuvarṣaṃ patitumārabdham/
Sanskrit only: no published translation is held for this verse.
अमनुष्यकैर्द्वाराण्यवष्टब्धानि। श्यामाकः कथयति--आर्य, किमेष उच्चशब्दो महाशब्द इति।
amanuṣyakairdvārāṇyavaṣṭabdhāni/ śyāmākaḥ kathayati--ārya, kimeṣa uccaśabdo mahāśabda iti/
Sanskrit only: no published translation is held for this verse.
आयुष्मान् महाकात्यायनः कथयति--पुत्र, वातायनेन काशिकां निष्कासयेति।
āyuṣmān mahākātyāyanaḥ kathayati--putra, vātāyanena kāśikāṃ niṣkāsayeti/
Sanskrit only: no published translation is held for this verse.
तेन वातायनेन काशिका निष्कासिता। पांशुभिरनवीकृता। आयुष्मान् महाकात्यायनः संलक्षयति--सावशेषागोचर इति।
tena vātāyanena kāśikā niṣkāsitā/ pāṃśubhiranavīkṛtā/ āyuṣmān mahākātyāyanaḥ saṃlakṣayati--sāvaśeṣāgocara iti/
Sanskrit only: no published translation is held for this verse.
यावद्भूयो निष्कासिता, पूर्णा चूडिकाबद्धा संवृत्ता।
yāvadbhūyo niṣkāsitā, pūrṇā cūḍikābaddhā saṃvṛttā/
Sanskrit only: no published translation is held for this verse.
आयुष्मान् महाकात्यायनः संलक्षयति--अगोचरीभूतम्। इदानीं गच्छमीति। अथ या रौरुकनिवासिनी देवता सा येनायुष्मान् महाकात्यायनस्तेनोपसंक्रान्ता।
āyuṣmān mahākātyāyanaḥ saṃlakṣayati--agocarībhūtam/ idānīṃ gacchamīti/ atha yā raurukanivāsinī devatā sā yenāyuṣmān mahākātyāyanastenopasaṃkrāntā/
Sanskrit only: no published translation is held for this verse.
उपसंक्रम्य पादाभिवन्दनं कृत्वा कथयति--आर्य, अहमप्यागछामि।
upasaṃkramya pādābhivandanaṃ kṛtvā kathayati--ārya, ahamapyāgachāmi/
Sanskrit only: no published translation is held for this verse.
आर्यस्योपस्थानं करिष्यामीति।
āryasyopasthānaṃ kariṣyāmīti/
Sanskrit only: no published translation is held for this verse.