Library·Divyāvadāna·494
<४९४>रुद्रं नैककपालशेखरधरं चक्रायुधं वज्रिणं स्रष्टारं मकरध्वजं गिरिसुतापुत्रं मयूरासनम्।
<494>rudraṃ naikakapālaśekharadharaṃ cakrāyudhaṃ vajriṇaṃ sraṣṭāraṃ makaradhvajaṃ girisutāputraṃ mayūrāsanam/
Sanskrit only: no published translation is held for this verse.
गङ्गाशङ्खदलावदातसलिलांस्तांस्तांश्च देवानसौ पुत्रार्थी शरणम् ययौ बहु पुनर्दानं द्विजेभ्यो ददौ॥६॥
gaṅgāśaṅkhadalāvadātasalilāṃstāṃstāṃśca devānasau putrārthī śaraṇam yayau bahu punardānaṃ dvijebhyo dadau//6//
Sanskrit only: no published translation is held for this verse.
यद्यज्जनो मङ्गलदेशनाभिर्व्रतोपवासाधिगतैश्च दुःखैः।
yadyajjano maṅgaladeśanābhirvratopavāsādhigataiśca duḥkhaiḥ/
Sanskrit only: no published translation is held for this verse.
पुत्रार्थसंसिद्धिनिमग्नबुद्धिर्विक्षिप्य खेदं स चकार तांस्तान्॥७॥
putrārthasaṃsiddhinimagnabuddhirvikṣipya khedaṃ sa cakāra tāṃstān//7//
Sanskrit only: no published translation is held for this verse.
एवमनेकप्रकारकायचेतसोरायासकारिभिरपि व्रतोपवासमङ्गलैर्यदा नैव कदाचित् काले ऽस्य पुत्रा जीविनो बभूवुः, तदैनमतिविपुले प्रगाढशोकापगाम्भसि निमज्जन्तं कश्चित् साधुपुरुषो ऽब्रवीत्--
evamanekaprakārakāyacetasorāyāsakāribhirapi vratopavāsamaṅgalairyadā naiva kadācit kāle 'sya putrā jīvino babhūvuḥ, tadainamativipule pragāḍhaśokāpagāmbhasi nimajjantaṃ kaścit sādhupuruṣo 'bravīt--
Sanskrit only: no published translation is held for this verse.
कर्माण्येवावलम्बन्ति देहिनां सर्वसम्पदः।
karmāṇyevāvalambanti dehināṃ sarvasampadaḥ/
Sanskrit only: no published translation is held for this verse.
भूतानां तुङ्गशृङ्गाद्वा विनिपातो न भूतये॥८॥
bhūtānāṃ tuṅgaśṛṅgādvā vinipāto na bhūtaye//8//
Sanskrit only: no published translation is held for this verse.
संक्लेशं बहवः प्राप्ताः पुत्रतृष्णार्तबुद्धिना।
saṃkleśaṃ bahavaḥ prāptāḥ putratṛṣṇārtabuddhinā/
Sanskrit only: no published translation is held for this verse.
न च ते ऽद्यापि जीवन्ति तत्र किं परिखिद्यसे॥९॥
na ca te 'dyāpi jīvanti tatra kiṃ parikhidyase//9//
Sanskrit only: no published translation is held for this verse.
कर्माणि निर्मुच्य कथं भवेभ्यः स्वर्गौकसस्तुष्टिवशादिहेयुः।
karmāṇi nirmucya kathaṃ bhavebhyaḥ svargaukasastuṣṭivaśādiheyuḥ/
Sanskrit only: no published translation is held for this verse.
ये यैर्विना नात्मभवं लभन्ते ते तैर्विना जन्म कथं भजेरन्॥१०॥
ye yairvinā nātmabhavaṃ labhante te tairvinā janma kathaṃ bhajeran//10//
Sanskrit only: no published translation is held for this verse.
ये सांसारिकनैकदुःखदहनज्वालालतालिङ्गितास्ते वाञ्छन्ति नरामरोरगसुखं प्रायेण दानादिभिः।
ye sāṃsārikanaikaduḥkhadahanajvālālatāliṅgitāste vāñchanti narāmaroragasukhaṃ prāyeṇa dānādibhiḥ/
Sanskrit only: no published translation is held for this verse.
त्वं केनापि विडम्बसे जडमतिः पुत्राशयोन्मत्तको यस्त्वं द्यामधिगन्तुमिच्छसि बृहत्सोपानमालाश्रयात्॥१२॥
tvaṃ kenāpi viḍambase jaḍamatiḥ putrāśayonmattako yastvaṃ dyāmadhigantumicchasi bṛhatsopānamālāśrayāt//12//
Sanskrit only: no published translation is held for this verse.
विधिमपरमहं ते बोधयामि प्रसिद्ध्यै त्वमपि च कुरु तावत् संप्रसिद्ध्यै कदाचित्।
vidhimaparamahaṃ te bodhayāmi prasiddhyai tvamapi ca kuru tāvat saṃprasiddhyai kadācit/
Sanskrit only: no published translation is held for this verse.
यदि भवति सुतस्ते कन्यकानाम तस्य सकलजनपदे ऽस्मिन् ख्यापयस्व प्रसिद्ध्या॥१३॥
yadi bhavati sutaste kanyakānāma tasya sakalajanapade 'smin khyāpayasva prasiddhyā//13//
Sanskrit only: no published translation is held for this verse.
अथ तस्य कालान्तरे गगनतलमंशुमालीव स्वकिरणनिकरैर्विराजमानं स्ववंशलक्ष्मीः पुत्रं जनयाम्बभूव।
atha tasya kālāntare gaganatalamaṃśumālīva svakiraṇanikarairvirājamānaṃ svavaṃśalakṣmīḥ putraṃ janayāmbabhūva/
Sanskrit only: no published translation is held for this verse.
स च--
sa ca--
Sanskrit only: no published translation is held for this verse.
निर्वान्तामलहेमशैलशिरसः प्रच्छेदगौरद्युतिः संपूर्णामलचन्द्रमण्डलसमच्छत्रोरुभास्वच्छिराः।
nirvāntāmalahemaśailaśirasaḥ pracchedagauradyutiḥ saṃpūrṇāmalacandramaṇḍalasamacchatrorubhāsvacchirāḥ/
Sanskrit only: no published translation is held for this verse.