Library·Divyāvadāna·495
<४९५>मत्तैरावणचारुपुष्करकरव्यालम्बबाहुद्वयो भिन्नेन्दीवरफुल्लपत्रनिचयश्यामारुणान्तेक्षणः॥१४॥
<495>mattairāvaṇacārupuṣkarakaravyālambabāhudvayo bhinnendīvaraphullapatranicayaśyāmāruṇāntekṣaṇaḥ//14//
Sanskrit only: no published translation is held for this verse.
भूयः कल्पसहस्रसंचितमहापुण्यप्रभावोद्भवैः प्रव्यक्तस्फुरितेन्द्रचापरुचिरैः प्रह्लादिभिर्लक्षणैः।
bhūyaḥ kalpasahasrasaṃcitamahāpuṇyaprabhāvodbhavaiḥ pravyaktasphuritendracāparuciraiḥ prahlādibhirlakṣaṇaiḥ/
Sanskrit only: no published translation is held for this verse.
मूर्तिस्तस्य रराज चारुशिखराद्धेमम् यथा भूच्युतं प्रोद्गीर्णस्वमयूखजालजटिलै रत्नाङ्कुरैर्वेष्टितम्॥१५॥
mūrtistasya rarāja cāruśikharāddhemam yathā bhūcyutaṃ prodgīrṇasvamayūkhajālajaṭilai ratnāṅkurairveṣṭitam//15//
Sanskrit only: no published translation is held for this verse.
भ्रमरचमरपङ्क्तिश्यामकेशाभिरामं समविपुलललाटं श्रीमदुत्तुङ्गनासम्।
bhramaracamarapaṅktiśyāmakeśābhirāmaṃ samavipulalalāṭaṃ śrīmaduttuṅganāsam/
Sanskrit only: no published translation is held for this verse.
तनयमुदितचेता मैत्रकन्याभिधानं दशदिवसपरेण ख्यापयामास लोके॥१६॥
tanayamuditacetā maitrakanyābhidhānaṃ daśadivasapareṇa khyāpayāmāsa loke//16//
Sanskrit only: no published translation is held for this verse.
शरीरिणां वृद्धिकरैः समृद्धैर्विशेषयुक्तैर्विविधान्नपानैः।
śarīriṇāṃ vṛddhikaraiḥ samṛddhairviśeṣayuktairvividhānnapānaiḥ/
Sanskrit only: no published translation is held for this verse.
सुधावदातैः स्फुटचन्द्रपादैः पयोधिवेलेव ययौ समृद्धिम्॥१७॥
sudhāvadātaiḥ sphuṭacandrapādaiḥ payodhiveleva yayau samṛddhim//17//
Sanskrit only: no published translation is held for this verse.
धात्रीभिः स समुन्नीतः क्षीरैश्च सर्पिमण्डकैः।
dhātrībhiḥ sa samunnītaḥ kṣīraiśca sarpimaṇḍakaiḥ/
Sanskrit only: no published translation is held for this verse.
पुपोष सुन्दरं देहं ह्रदस्थमिव पङ्कजम्॥१८॥
pupoṣa sundaraṃ dehaṃ hradasthamiva paṅkajam//18//
Sanskrit only: no published translation is held for this verse.
अथ तस्य पिता मित्रः सार्थवाहो वणिग्जनैः।
atha tasya pitā mitraḥ sārthavāho vaṇigjanaiḥ/
Sanskrit only: no published translation is held for this verse.
द्रव्यैर्वहनमारोप्य जगाहे चोदधिं मुदा॥१९॥
dravyairvahanamāropya jagāhe codadhiṃ mudā//19//
Sanskrit only: no published translation is held for this verse.
तिमिंगिलक्षोभविवर्धितोर्मिपयोदधौ मीनविपन्नपात्रे।
timiṃgilakṣobhavivardhitormipayodadhau mīnavipannapātre/
Sanskrit only: no published translation is held for this verse.
पितर्यतीते जननीं जगाद चकार किं कर्म पिता ममेति॥२०॥
pitaryatīte jananīṃ jagāda cakāra kiṃ karma pitā mameti//20//
Sanskrit only: no published translation is held for this verse.
ततो ऽस्य जननी पतिवियोगशोकग्लपितहृदया चिन्तामापेदे।
tato 'sya jananī pativiyogaśokaglapitahṛdayā cintāmāpede/
Sanskrit only: no published translation is held for this verse.
आशापाशशताकृष्टो वारणस्येव मृत्यं न पश्यति।
āśāpāśaśatākṛṣṭo vāraṇasyeva mṛtyaṃ na paśyati/
Sanskrit only: no published translation is held for this verse.
विषयास्वादकृपणो वारणस्येव बन्धनम्॥२१॥
viṣayāsvādakṛpaṇo vāraṇasyeva bandhanam//21//
Sanskrit only: no published translation is held for this verse.
यद्यपि कथयिष्यामि पितरम् यानपात्रिकम्।
yadyapi kathayiṣyāmi pitaram yānapātrikam/
Sanskrit only: no published translation is held for this verse.
एषो ऽपि मम मन्दाया नाशमेष्यति तोयधौ॥२२॥
eṣo 'pi mama mandāyā nāśameṣyati toyadhau//22//
Sanskrit only: no published translation is held for this verse.
यावच्चायं जनपदमिमं तस्य वृत्तिं न भूतां पृच्छत्यस्मै कथयति न वा सर्व एवैष लोकः।
yāvaccāyaṃ janapadamimaṃ tasya vṛttiṃ na bhūtāṃ pṛcchatyasmai kathayati na vā sarva evaiṣa lokaḥ/
Sanskrit only: no published translation is held for this verse.
तावद्युक्तं मम सुतमिमं मृत्युवक्त्रान्तरालं नानादुःखव्यसनगहनं व्याधिषक्तं निषेद्धुम्॥२३॥
tāvadyuktaṃ mama sutamimaṃ mṛtyuvaktrāntarālaṃ nānāduḥkhavyasanagahanaṃ vyādhiṣaktaṃ niṣeddhum//23//
Sanskrit only: no published translation is held for this verse.