<५००>महाअनिलोत्क्षिप्ततरंगभङ्गैः समुल्लसद्भिः खमिवोत्पतन्तम्।
<500>mahāanilotkṣiptataraṃgabhaṅgaiḥ samullasadbhiḥ khamivotpatantam/
Sanskrit only: no published translation is held for this verse.
Library·Divyāvadāna·500
Divyāvadāna 500
सरित्सहस्राम्बुरयप्रवाहैर्भुजैर्विलासैरिव गृह्यमाणम्॥५३॥
saritsahasrāmburayapravāhairbhujairvilāsairiva gṛhyamāṇam//53//
Sanskrit only: no published translation is held for this verse.
प्रक्षुब्धशीर्षोरगभीमभोगव्यावर्तितोद्वर्तिततोयराशिम्।
prakṣubdhaśīrṣoragabhīmabhogavyāvartitodvartitatoyarāśim/
Sanskrit only: no published translation is held for this verse.
तन्मूर्ध्नि रत्नोद्गतरश्मिपुञ्जं ज्वालाकलापोच्छ्रुरितोर्मिचक्रम्॥५४॥
tanmūrdhni ratnodgataraśmipuñjaṃ jvālākalāpocchruritormicakram//54//
Sanskrit only: no published translation is held for this verse.
अहिपतिवदनाद्विमुक्ततीव्रज्वलितविषानलदाहभीमशङ्खम्।
ahipativadanādvimuktatīvrajvalitaviṣānaladāhabhīmaśaṅkham/
Sanskrit only: no published translation is held for this verse.
तिमिनखकुलिशाग्रदारिताद्रिं तदचलपादहताम्बुमीनवृन्दम्॥५५॥
timinakhakuliśāgradāritādriṃ tadacalapādahatāmbumīnavṛndam//55//
Sanskrit only: no published translation is held for this verse.
तुङ्गतरंगसमुद्गततीरं तीरनिलीनकलस्वनहंसम्।
tuṅgataraṃgasamudgatatīraṃ tīranilīnakalasvanahaṃsam/
Sanskrit only: no published translation is held for this verse.
हंसनखक्षतदारुणमीनं मीनविवर्तितकम्पितवेलम्॥५६॥
haṃsanakhakṣatadāruṇamīnaṃ mīnavivartitakampitavelam//56//
Sanskrit only: no published translation is held for this verse.
रत्नलतावृतभासुरशङ्खं शङ्खसितेन्दुगभस्तिविवृद्धम्।
ratnalatāvṛtabhāsuraśaṅkhaṃ śaṅkhasitendugabhastivivṛddham/
Sanskrit only: no published translation is held for this verse.
वृद्धभुजंगमहाभवरौद्रं रौद्रमहामकराहतचक्रम्॥५७॥
vṛddhabhujaṃgamahābhavaraudraṃ raudramahāmakarāhatacakram//57//
Sanskrit only: no published translation is held for this verse.
खगपतिसविलासपाणिवज्रं प्रहतविपाटितदृष्टिमूलरन्ध्रम्।
khagapatisavilāsapāṇivajraṃ prahatavipāṭitadṛṣṭimūlarandhram/
Sanskrit only: no published translation is held for this verse.
प्रमुदितजलदन्तिदन्तकोटिप्रमथितनैकविलासकल्पवृक्षम्॥५८॥
pramuditajaladantidantakoṭipramathitanaikavilāsakalpavṛkṣam//58//
Sanskrit only: no published translation is held for this verse.
तदेव स संलक्ष्य तीरपर्यन्तरेखं प्रकटविकटार्तगर्तोदरभ्रमद्भ्रमितझषभुजगकुलमण्डलं नैकविचित्राद्भुताश्चर्यमतिशयमम्भसामालयमतिक्रामतस्तस्य धरणीधरशिखरविपुलात्मभावस्य मकरकरिपतेर्विवर्तमानस्य समुत्थितैरुर्वीधराकारदारुणैः प्रमुक्तकलकलारावरौद्रैर्महद्भिः सलिलनिवहैरुत्पीड्यमानं तद्यानपात्रं मरणभयविषादभ्रश्यमानगात्रैर्दीनरुदिताक्रन्दितमात्रपरायणैः सम्यानपात्रकैः सह सहैव सलिलनिधेरधः प्रवेष्टुमारब्धम्।
tadeva sa saṃlakṣya tīraparyantarekhaṃ prakaṭavikaṭārtagartodarabhramadbhramitajhaṣabhujagakulamaṇḍalaṃ naikavicitrādbhutāścaryamatiśayamambhasāmālayamatikrāmatastasya dharaṇīdharaśikharavipulātmabhāvasya makarakaripatervivartamānasya samutthitairurvīdharākāradāruṇaiḥ pramuktakalakalārāvaraudrairmahadbhiḥ salilanivahairutpīḍyamānaṃ tadyānapātraṃ maraṇabhayaviṣādabhraśyamānagātrairdīnaruditākranditamātraparāyaṇaiḥ samyānapātrakaiḥ saha sahaiva salilanidheradhaḥ praveṣṭumārabdham/
Sanskrit only: no published translation is held for this verse.
उर्वीधराकारतरंगतुङ्गैरुग्रैर्युगान्तानिलचण्डवेगैः।
urvīdharākārataraṃgatuṅgairugrairyugāntānilacaṇḍavegaiḥ/
Sanskrit only: no published translation is held for this verse.
तद्यानपात्रं जलधेर्जलौघैरास्फाल्यमानं विददार मध्ये॥५९॥
tadyānapātraṃ jaladherjalaughairāsphālyamānaṃ vidadāra madhye//59//
Sanskrit only: no published translation is held for this verse.