<५०१>दंष्ट्राकराले झषववक्त्ररन्ध्रे कश्चिन्ममारार्तरवस्तपस्वी।
<501>daṃṣṭrākarāle jhaṣavavaktrarandhre kaścinmamārārtaravastapasvī/
Sanskrit only: no published translation is held for this verse.
Library·Divyāvadāna·501
Divyāvadāna 501
केचिज्जलोद्गारनिरुद्धकण्ठा जग्मुर् निरुच्छ्वासगिरा व्यसुत्वम्॥६०॥
kecijjalodgāraniruddhakaṇṭhā jagmur nirucchvāsagirā vyasutvam//60//
Sanskrit only: no published translation is held for this verse.
गत्वापि केचित्फलकैर्महद्भिरम्भोनिधेस्तीरमवेक्षमाणाः।
gatvāpi kecitphalakairmahadbhirambhonidhestīramavekṣamāṇāḥ/
Sanskrit only: no published translation is held for this verse.
दूराम्बुसंतानपरिश्रमार्तास्त्रासाकुला नेदुरुदीर्णनादाः॥६१॥
dūrāmbusaṃtānapariśramārtāstrāsākulā nedurudīrṇanādāḥ//61//
Sanskrit only: no published translation is held for this verse.
अथ मैत्रकन्यको बोधिसत्त्वस्तेन महता व्यसनोपनिपातेनाप्यनापतितभयविषाददैन्यायासमनाः समवलम्ब्य महद्धैर्यपराक्रमं ससम्भ्रमं फलकमादाय प्रससार।
atha maitrakanyako bodhisattvastena mahatā vyasanopanipātenāpyanāpatitabhayaviṣādadainyāyāsamanāḥ samavalambya mahaddhairyaparākramaṃ sasambhramaṃ phalakamādāya prasasāra/
Sanskrit only: no published translation is held for this verse.
ततो ऽसौ समपवनगमनजवजनितसविलासगतिभिः सलिलप्लवैरितस्ततः समाक्षिप्यमाणो निराहारतया च परिम्लायमाननयनवदनकमलश्चान्यैर्बहुभिरहोरात्रैर्यथाकथंचित्तस्य दुर्वगाहसलिलस्य महार्णवस्य दक्षिणं तीरदेशमाससाद।
tato 'sau samapavanagamanajavajanitasavilāsagatibhiḥ salilaplavairitastataḥ samākṣipyamāṇo nirāhāratayā ca parimlāyamānanayanavadanakamalaścānyairbahubhirahorātrairyathākathaṃcittasya durvagāhasalilasya mahārṇavasya dakṣiṇaṃ tīradeśamāsasāda/
Sanskrit only: no published translation is held for this verse.
तीर्त्वा तमम्भोनिधिमप्रगाधमासाद्य तीरं फलकं मुमोच।
tīrtvā tamambhonidhimapragādhamāsādya tīraṃ phalakaṃ mumoca/
Sanskrit only: no published translation is held for this verse.
संस्मृत्य मातुर्वचनं स पाणा व्यासज्य मूर्धानमिदं जगाद॥६२॥
saṃsmṛtya māturvacanaṃ sa pāṇā vyāsajya mūrdhānamidaṃ jagāda//62//
Sanskrit only: no published translation is held for this verse.
शृण्वन्ति ये नात्महितं गुरूणां वाक्यं हितार्थोदयकार्यभद्रम्।
śṛṇvanti ye nātmahitaṃ gurūṇāṃ vākyaṃ hitārthodayakāryabhadram/
Sanskrit only: no published translation is held for this verse.
तेषामिमानि व्यसनानि पुंसामावाहयन्ति प्रभवन्ति मूर्ध्नि॥६३॥
teṣāmimāni vyasanāni puṃsāmāvāhayanti prabhavanti mūrdhni//63//
Sanskrit only: no published translation is held for this verse.
तैरेव नैकव्यसनप्रदस्य तोयेन्दुबिम्बस्थितभङ्गुरस्य।
taireva naikavyasanapradasya toyendubimbasthitabhaṅgurasya/
Sanskrit only: no published translation is held for this verse.
प्राप्तं फलं जन्मतरोः सुधीभिर्ये मानयन्तीह गिरो गुरूणाम्॥६४॥
prāptaṃ phalaṃ janmataroḥ sudhībhirye mānayantīha giro gurūṇām//64//
Sanskrit only: no published translation is held for this verse.
मातुर्हितायैव सदोद्यतायाः प्रोल्लङ्घ्य वाक्यं मम दुष्कृतस्य।
māturhitāyaiva sadodyatāyāḥ prollaṅghya vākyaṃ mama duṣkṛtasya/
Sanskrit only: no published translation is held for this verse.
पुष्पम् यदीदृग्भरपापदारुणं प्रान्तं गमिष्यामि कदा फलस्य॥६५॥
puṣpam yadīdṛgbharapāpadāruṇaṃ prāntaṃ gamiṣyāmi kadā phalasya//65//
Sanskrit only: no published translation is held for this verse.
हुतवहहतलेखात्यन्तपर्यन्तरौद्रं गमनपतितमुग्रं विस्मयात्यन्तवज्रम्।
hutavahahatalekhātyantaparyantaraudraṃ gamanapatitamugraṃ vismayātyantavajram/
Sanskrit only: no published translation is held for this verse.
गुरुशिरसि दधानः पादवज्रं खलो ऽहं कथमवनिविदार्यश्वभ्ररन्ध्रे न लग्नः॥६६॥
guruśirasi dadhānaḥ pādavajraṃ khalo 'haṃ kathamavanividāryaśvabhrarandhre na lagnaḥ//66//
Sanskrit only: no published translation is held for this verse.