Library·Divyāvadāna·502
<५०२>ये सन्तो हितवादिनां स्फुटधियां संपादयन्ते गिरिः श्रेयस्ते समवाप्नुवन्ति नियतं क्रव्यादपुर्याम् यथा।
<502>ye santo hitavādināṃ sphuṭadhiyāṃ saṃpādayante giriḥ śreyaste samavāpnuvanti niyataṃ kravyādapuryām yathā/
Sanskrit only: no published translation is held for this verse.
ये तूत्सृज्य महार्थसारदयितां वाचं श्रयन्ते ऽन्यथा दुस्तारे व्यसनोदधौ निपतिन्ताः शोचन्ति ते ऽहम् यथा॥६७॥
ye tūtsṛjya mahārthasāradayitāṃ vācaṃ śrayante 'nyathā dustāre vyasanodadhau nipatintāḥ śocanti te 'ham yathā//67//
Sanskrit only: no published translation is held for this verse.
ततो ऽसौ क्रमेण खदिरवरसरलनिचुलबकुलतमालतालनालिकेरद्रुमवनगहनं प्रवरवारणवराहचमरशरभशम्बरमहिषविषाणकर्षणपतितमथितविविधमालुलताजालदुःसंचरं क्वचित्क्षुभितकेसरिनिनादभयचकितवनचरकुलाकीर्णचरणं कथंचिदपि शबरमनुजजनचरणाक्षुण्णपर्यन्तमनुचरन् क्वचित् स्थित्वैवमाह--
tato 'sau krameṇa khadiravarasaralaniculabakulatamālatālanālikeradrumavanagahanaṃ pravaravāraṇavarāhacamaraśarabhaśambaramahiṣaviṣāṇakarṣaṇapatitamathitavividhamālulatājāladuḥsaṃcaraṃ kvacitkṣubhitakesarininādabhayacakitavanacarakulākīrṇacaraṇaṃ kathaṃcidapi śabaramanujajanacaraṇākṣuṇṇaparyantamanucaran kvacit sthitvaivamāha--
Sanskrit only: no published translation is held for this verse.
एते दाडिमपुष्पलोहितमुखाः प्रोन्मुक्तकोलाहला हासादर्शितदन्तपङ्क्तिविरसाः शाखामृगा निर्भयाः।
ete dāḍimapuṣpalohitamukhāḥ pronmuktakolāhalā hāsādarśitadantapaṅktivirasāḥ śākhāmṛgā nirbhayāḥ/
Sanskrit only: no published translation is held for this verse.
सर्पान् भीमविषानलस्फुरदुरुज्वालाकरालस्फुटान् हत्वा पाणितलैः प्रयान्ति विवशाः फूत्कारभीता नुनः॥६८॥
sarpān bhīmaviṣānalasphuradurujvālākarālasphuṭān hatvā pāṇitalaiḥ prayānti vivaśāḥ phūtkārabhītā nunaḥ//68//
Sanskrit only: no published translation is held for this verse.
रम्ये कुङ्कुमशाखिनामविरलच्छायाकुथाशीतले मूले कोमलनीलशाद्वलवति प्रव्यक्तपुष्पोत्करे।
ramye kuṅkumaśākhināmaviralacchāyākuthāśītale mūle komalanīlaśādvalavati pravyaktapuṣpotkare/
Sanskrit only: no published translation is held for this verse.
वंशैस्तालरवैः सगीतमधुरैः प्रच्छेदसम्पादिभिः संगीताहितचतसः प्रमुदिता गायन्त्यमी किन्नराः॥६९॥
vaṃśaistālaravaiḥ sagītamadhuraiḥ pracchedasampādibhiḥ saṃgītāhitacatasaḥ pramuditā gāyantyamī kinnarāḥ//69//
Sanskrit only: no published translation is held for this verse.
ततो नातिदूरमतिसृत्य महीधरवराकारं पर्वतं ददर्श।
tato nātidūramatisṛtya mahīdharavarākāraṃ parvataṃ dadarśa/
Sanskrit only: no published translation is held for this verse.
क्वचिदुग्रतरचारुमणिप्रभया सुरभीकृतभीमगुहाविचरम्।
kvacidugrataracārumaṇiprabhayā surabhīkṛtabhīmaguhāvicaram/
Sanskrit only: no published translation is held for this verse.
क्वचिदुद्धतकिन्नरगीतरवं प्रतिबुद्धससम्भ्रमनागकुलम्॥७०॥
kvaciduddhatakinnaragītaravaṃ pratibuddhasasambhramanāgakulam//70//
Sanskrit only: no published translation is held for this verse.
चपलानिलवेल्लितपुष्पतरुं ततुमन्दिरमूर्ध्नि चलद्भ्रमरम्।
capalānilavellitapuṣpataruṃ tatumandiramūrdhni caladbhramaram/
Sanskrit only: no published translation is held for this verse.
भ्रमरध्वनिपूर्णगुहाकुहरं कुहरस्थितरौद्रभुजंगकुलम्॥७१॥
bhramaradhvanipūrṇaguhākuharaṃ kuharasthitaraudrabhujaṃgakulam//71//
Sanskrit only: no published translation is held for this verse.
पक्षिविराजितपर्वतशृङ्गं शृङ्गशिलातलसंस्थितसिद्धम्।
pakṣivirājitaparvataśṛṅgaṃ śṛṅgaśilātalasaṃsthitasiddham/
Sanskrit only: no published translation is held for this verse.
सिद्धवधूजनरम्यनिकुञ्जं कुञ्जनिसेवितमत्तशकुन्तम्॥७२॥
siddhavadhūjanaramyanikuñjaṃ kuñjanisevitamattaśakuntam//72//
Sanskrit only: no published translation is held for this verse.
मत्तशिखण्डिकलस्वररम्यं रम्यगुहामुखनिर्गतसिंह।
mattaśikhaṇḍikalasvararamyaṃ ramyaguhāmukhanirgatasiṃha/
Sanskrit only: no published translation is held for this verse.
सिंहनिनादभयाकुलनागं नागमदाम्बुसुगन्धिसमीरम्॥७३॥
siṃhaninādabhayākulanāgaṃ nāgamadāmbusugandhisamīram//73//
Sanskrit only: no published translation is held for this verse.