<५०४>कलप्रलापाण्डजरावरम्यैर्मन्दानिलैरावस्थीकृतं सदा॥८०॥
<504>kalapralāpāṇḍajarāvaramyairmandānilairāvasthīkṛtaṃ sadā//80//
Sanskrit only: no published translation is held for this verse.
Library·Divyāvadāna·504
Divyāvadāna 504
सुरकरिकरजध्नकल्पवृक्षैर्मरकतरत्नतृणैः शुकांशुनीलैः।
surakarikarajadhnakalpavṛkṣairmarakataratnatṛṇaiḥ śukāṃśunīlaiḥ/
Sanskrit only: no published translation is held for this verse.
मणिकनकलतानिबद्धशाखैः क्वचिदुरुभिस्तरुभिः प्रकामहारि॥८१॥
maṇikanakalatānibaddhaśākhaiḥ kvacidurubhistarubhiḥ prakāmahāri//81//
Sanskrit only: no published translation is held for this verse.
विकसितनवकर्णिकारगौरैः कनकगृहैर्बहुरत्नशृङ्गचित्रैः।
vikasitanavakarṇikāragauraiḥ kanakagṛhairbahuratnaśṛṅgacitraiḥ/
Sanskrit only: no published translation is held for this verse.
स्वकिरणरुचिरोरुरत्नसानोरचलपतेः सकलश्रियं दधानम्॥८२॥
svakiraṇaruciroruratnasānoracalapateḥ sakalaśriyaṃ dadhānam//82//
Sanskrit only: no published translation is held for this verse.
क्वचिदमरविलासिनीकराग्रप्रहतमहामुरजस्वनाभिरामम्।
kvacidamaravilāsinīkarāgraprahatamahāmurajasvanābhirāmam/
Sanskrit only: no published translation is held for this verse.
क्वचिदुपरिपयोदतूर्यनादप्रमुदितमत्तशिखण्डिवृन्दकीर्णम्॥८३॥
kvaciduparipayodatūryanādapramuditamattaśikhaṇḍivṛndakīrṇam//83//
Sanskrit only: no published translation is held for this verse.
ततस्तद्दर्शनात् समुत्पन्नजीविताशो ऽसौ रमणं नगरमुपससर्प। तस्मान्नगराद्विनिःसृत्य चतस्रो ऽप्सरसो द्रवितनवकनकरसरागावदातमूर्तयः प्रविकसिताम्बुजकुसुमरुचकरुचिनयनयुगलोत्पलविलासाः क्वणद्रुचिरविविधमणिमेखलापभा(प्राग्भा)रमन्दविलासगतयः कनककलशाकारपृथुतरपओधरभरावनमिततनुमध्या दिवसकरकरस्पर्शविबोधिताम्लानकमलपलाशभासुराधरकिसलया विविधविभूषणशता निरामयदर्शनाः शिरसि विरचितोभयकमलाञ्जलयो मैत्रकन्यस्य बोधिसत्त्वस्य पादयोर्विन्यसितशिरसः प्राहुह्--
tatastaddarśanāt samutpannajīvitāśo 'sau ramaṇaṃ nagaramupasasarpa/ tasmānnagarādviniḥsṛtya catasro 'psaraso dravitanavakanakarasarāgāvadātamūrtayaḥ pravikasitāmbujakusumarucakarucinayanayugalotpalavilāsāḥ kvaṇadruciravividhamaṇimekhalāpabhā(prāgbhā)ramandavilāsagatayaḥ kanakakalaśākārapṛthutarapaodharabharāvanamitatanumadhyā divasakarakarasparśavibodhitāmlānakamalapalāśabhāsurādharakisalayā vividhavibhūṣaṇaśatā nirāmayadarśanāḥ śirasi viracitobhayakamalāñjalayo maitrakanyasya bodhisattvasya pādayorvinyasitaśirasaḥ prāhuh--
Sanskrit only: no published translation is held for this verse.
सुस्वागतं चन्द्रसमाननाय नारीजनप्रीतिविवर्धनाय।
susvāgataṃ candrasamānanāya nārījanaprītivivardhanāya/
Sanskrit only: no published translation is held for this verse.
कृपामृताह्लादितमानसाय बोधौ चिराबद्धविनिश्च्ययाय॥८४॥
kṛpāmṛtāhlāditamānasāya bodhau cirābaddhaviniścyayāya//84//
Sanskrit only: no published translation is held for this verse.
अद्यैव दुःखानि शमं गतानि अद्यैव नो जीवितमात्तसारम्।
adyaiva duḥkhāni śamaṃ gatāni adyaiva no jīvitamāttasāram/
Sanskrit only: no published translation is held for this verse.
निरत्ययप्रेमविशेषभद्राण्यद्यैव सौख्यानि पुरः स्थितानि॥८५॥
niratyayapremaviśeṣabhadrāṇyadyaiva saukhyāni puraḥ sthitāni//85//
Sanskrit only: no published translation is held for this verse.
इमानि दुःखाङ्कुशखण्डितानि मनांसि नः शोकपरिक्षतानि।
imāni duḥkhāṅkuśakhaṇḍitāni manāṃsi naḥ śokaparikṣatāni/
Sanskrit only: no published translation is held for this verse.
भवन्तमासाद्य वसन्तकाले वनान्तराणीव विजृम्भितानि॥८६॥
bhavantamāsādya vasantakāle vanāntarāṇīva vijṛmbhitāni//86//
Sanskrit only: no published translation is held for this verse.