<५१२>ततः स्रवन्निर्झरवारिचारिणः समीरणोल्लासितपुष्पशाखिनः।
<512>tataḥ sravannirjharavāricāriṇaḥ samīraṇollāsitapuṣpaśākhinaḥ/
Sanskrit only: no published translation is held for this verse.
Library·Divyāvadāna·512
Divyāvadāna 512
नभो विचुम्ब्यायतशृङ्गबाहवश्चकम्पिरे भूमिभृतो हता इव॥१३६॥
nabho vicumbyāyataśṛṅgabāhavaścakampire bhūmibhṛto hatā iva//136//
Sanskrit only: no published translation is held for this verse.
भुजंगविक्षोभसमुद्गतोर्मयः पयोधरध्वानगभीरनादिनः।
bhujaṃgavikṣobhasamudgatormayaḥ payodharadhvānagabhīranādinaḥ/
Sanskrit only: no published translation is held for this verse.
जलालया रत्नशिखानिवासिनस्तदातिवेलासलिलैर्ललङ्घिरे॥१३७॥
jalālayā ratnaśikhānivāsinastadātivelāsalilairlalaṅghire//137//
Sanskrit only: no published translation is held for this verse.
प्रमुक्तनिःशेषमयूखभासुरं रराज खे मण्डलमंशुमालिनः।
pramuktaniḥśeṣamayūkhabhāsuraṃ rarāja khe maṇḍalamaṃśumālinaḥ/
Sanskrit only: no published translation is held for this verse.
रवेर्मयूखाङ्कुरदन्तुरान्तराद्दिशः समन्ताद्ददृशुः स्फुटश्रियः॥१३८॥
ravermayūkhāṅkuradanturāntarāddiśaḥ samantāddadṛśuḥ sphuṭaśriyaḥ//138//
Sanskrit only: no published translation is held for this verse.
स्फुरत्तडिद्दामविराजितोरसः सुरेन्द्रचापप्रतिबद्धकङ्कणाः।
sphurattaḍiddāmavirājitorasaḥ surendracāpapratibaddhakaṅkaṇāḥ/
Sanskrit only: no published translation is held for this verse.
पयोमुचः किंचिदवास्रुताम्भसो वितानवद्व्योमनि ते विरेजिरे॥१३९॥
payomucaḥ kiṃcidavāsrutāmbhaso vitānavadvyomani te virejire//139//
Sanskrit only: no published translation is held for this verse.
स्रजो विचित्रा विनिपेतुरम्बरात् वितुष्टुवुर्हृष्टतरा दिवौकसः।
srajo vicitrā vinipeturambarāt vituṣṭuvurhṛṣṭatarā divaukasaḥ/
Sanskrit only: no published translation is held for this verse.
चिरप्रगाढव्यसना हतार्तयः क्षणादभूवन् बहवो निरामयाः॥१४०॥
cirapragāḍhavyasanā hatārtayaḥ kṣaṇādabhūvan bahavo nirāmayāḥ//140//
Sanskrit only: no published translation is held for this verse.
ज्वलति विषमचक्रे प्रान्तदीर्णोर्ध्वकायो गलितरुधिरधारासिक्तसर्वाङ्गकायः।
jvalati viṣamacakre prāntadīrṇordhvakāyo galitarudhiradhārāsiktasarvāṅgakāyaḥ/
Sanskrit only: no published translation is held for this verse.
भगवति गुणराशौ संप्रसाद्य स्वचित्तं स्वगृहमिव स साधुर्द्यामयात्तत्क्षणेन॥१४१॥
bhagavati guṇarāśau saṃprasādya svacittaṃ svagṛhamiva sa sādhurdyāmayāttatkṣaṇena//141//
Sanskrit only: no published translation is held for this verse.
दानोदकमहत्तीर्थे शीलशौचसुनिर्मले।
dānodakamahattīrthe śīlaśaucasunirmale/
Sanskrit only: no published translation is held for this verse.
क्षमासुरभिशीताच्छे वीर्यागाधप्रवाहके॥१४२॥
kṣamāsurabhiśītācche vīryāgādhapravāhake//142//
Sanskrit only: no published translation is held for this verse.
ध्यानस्तिमितगम्भीरे प्रज्ञापद्मप्रबोधके।
dhyānastimitagambhīre prajñāpadmaprabodhake/
Sanskrit only: no published translation is held for this verse.
तस्मिन् बोधिमहातीर्थे स्थित्वा बोधिपुरोत्सुकः॥१४३॥
tasmin bodhimahātīrthe sthitvā bodhipurotsukaḥ//143//
Sanskrit only: no published translation is held for this verse.
प्रक्षालयेच्छेषपापं तुषिते ऽसौ ययौ मुदा।
prakṣālayeccheṣapāpaṃ tuṣite 'sau yayau mudā/
Sanskrit only: no published translation is held for this verse.
तत्रस्थो ऽप्यचिरं रेमे दृष्ट्वा लोकं कृपान्वितः॥१४४॥
tatrastho 'pyaciraṃ reme dṛṣṭvā lokaṃ kṛpānvitaḥ//144//
Sanskrit only: no published translation is held for this verse.
तत्किमिदमुपनीतम्? एवं हि मातर्यपकारिणः प्राणिनह् इहैव व्यसनप्रपातपातालावलम्बिनो भवन्तीति सततसमुपजायमानप्रेमप्रसादबहुमानसानसैः सत्पुरुषैर्मातरः शुश्रूषणीया इति॥
tatkimidamupanītam? evaṃ hi mātaryapakāriṇaḥ prāṇinah ihaiva vyasanaprapātapātālāvalambino bhavantīti satatasamupajāyamānapremaprasādabahumānasānasaiḥ satpuruṣairmātaraḥ śuśrūṣaṇīyā iti//
Sanskrit only: no published translation is held for this verse.
इति श्रीदिव्यावदाने मैत्रकन्यकावदानं समाप्तम्॥
iti śrīdivyāvadāne maitrakanyakāvadānaṃ samāptam//
Sanskrit only: no published translation is held for this verse.