गच्छामि, कृपणजनस्यानुग्रहं करोमीति विदित्वा उद्यानं गतः। स संलक्षयति--अद्य मया कस्यानुग्रहः कर्तव्य इति।
gacchāmi, kṛpaṇajanasyānugrahaṃ karomīti viditvā udyānaṃ gataḥ/ sa saṃlakṣayati--adya mayā kasyānugrahaḥ kartavya iti/
Sanskrit only: no published translation is held for this verse.
यावदन्यतमा नगरावलम्बिका कुष्ठाभिद्रुता सरुजार्ता पक्वगात्रा भिक्षामटति।
yāvadanyatamā nagarāvalambikā kuṣṭhābhidrutā sarujārtā pakvagātrā bhikṣāmaṭati/
Sanskrit only: no published translation is held for this verse.
स तस्याः सकाशमुपसंक्रान्तः। तस्याश्च भिक्षायामायासः संपन्नः।
sa tasyāḥ sakāśamupasaṃkrāntaḥ/ tasyāśca bhikṣāyāmāyāsaḥ saṃpannaḥ/
Sanskrit only: no published translation is held for this verse.
तया आयुष्मान् महाकाश्यपो दृष्टः कायप्रासादिकश्चित्तप्रासादिकः शान्तेन ईर्यापथेन।
tayā āyuṣmān mahākāśyapo dṛṣṭaḥ kāyaprāsādikaścittaprāsādikaḥ śāntena īryāpathena/
Sanskrit only: no published translation is held for this verse.
सा संलक्षयति--नूनं मया एवंविधे दक्षिणीये कारा कृता, येन मे इयमेवम्रूपा समवस्था। यदि आर्यो महाकाश्यपो ममान्तिकादनुकम्पामुपादाय आचामं प्रतिगृह्णीयात्, अहमस्मै दद्यामिति।
sā saṃlakṣayati--nūnaṃ mayā evaṃvidhe dakṣiṇīye kārā kṛtā, yena me iyamevamrūpā samavasthā/ yadi āryo mahākāśyapo mamāntikādanukampāmupādāya ācāmaṃ pratigṛhṇīyāt, ahamasmai dadyāmiti/
Sanskrit only: no published translation is held for this verse.
तत आयुष्मता महाकाश्यपेन तस्याश्चेतसा चित्तमाज्ञाय पात्रमुपनामितम्--यदि ते भगिनि परित्यक्तम्, दीयतामस्मिन् पात्र इति।
tata āyuṣmatā mahākāśyapena tasyāścetasā cittamājñāya pātramupanāmitam--yadi te bhagini parityaktam, dīyatāmasmin pātra iti/
Sanskrit only: no published translation is held for this verse.
ततस्तया चित्तमभिप्रसाद्य तस्मिन् पात्रे दत्तम्।
tatastayā cittamabhiprasādya tasmin pātre dattam/
Sanskrit only: no published translation is held for this verse.
मक्षिका च पतिता। सा तामपनेतुमारब्धा। तस्यास्तस्मिन्नाचामे ऽङ्गुलिः पतिता। संलक्षयति--किं चाप्यार्येण मम चित्तानुरक्षया न च्छोरितः, अपि तु न परिभोक्ष्यतीति।
makṣikā ca patitā/ sā tāmapanetumārabdhā/ tasyāstasminnācāme 'ṅguliḥ patitā/ saṃlakṣayati--kiṃ cāpyāryeṇa mama cittānurakṣayā na cchoritaḥ, api tu na paribhokṣyatīti/
Sanskrit only: no published translation is held for this verse.
अथायुष्मता महाकाश्यपेन तस्याश्चेतसा चित्तमाज्ञाय तस्या एव प्रत्यक्षमन्यतमं कुड्यमूलं निश्रित्य परिभुक्तम्।
athāyuṣmatā mahākāśyapena tasyāścetasā cittamājñāya tasyā eva pratyakṣamanyatamaṃ kuḍyamūlaṃ niśritya paribhuktam/
Sanskrit only: no published translation is held for this verse.
स संलक्षयति--किं चापि आर्येण मम चित्तानुरक्षया परिभुक्तम्, नानेनाहारेणाहारकृत्यं करिष्यति इति।
sa saṃlakṣayati--kiṃ cāpi āryeṇa mama cittānurakṣayā paribhuktam, nānenāhāreṇāhārakṛtyaṃ kariṣyati iti/
Sanskrit only: no published translation is held for this verse.
अथायुष्मान् महाकाश्यपस्तस्याश्चित्तमाज्ञाय तां नगरावलम्बिकामिदमवोचत्--भगिनि प्रामोद्यमुत्पादयसि, अहं त्वदीयेनाहारेण रात्रिंदिवसमतिनामयिष्यामि इति।
athāyuṣmān mahākāśyapastasyāścittamājñāya tāṃ nagarāvalambikāmidamavocat--bhagini prāmodyamutpādayasi, ahaṃ tvadīyenāhāreṇa rātriṃdivasamatināmayiṣyāmi iti/
Sanskrit only: no published translation is held for this verse.
तस्या अतीव औद्बिल्यमुत्पन्नम्--ममार्येण महाकाश्यपेन पिण्डपातः प्रतिगृहीत इति।
tasyā atīva audbilyamutpannam--mamāryeṇa mahākāśyapena piṇḍapātaḥ pratigṛhīta iti/
Sanskrit only: no published translation is held for this verse.
तत आयुष्मती महाकाश्यपे चित्तमभिप्रसाद्य कालं गता तुषिते देवनिकाये उपपन्ना।
tata āyuṣmatī mahākāśyape cittamabhiprasādya kālaṃ gatā tuṣite devanikāye upapannā/
Sanskrit only: no published translation is held for this verse.
सा शक्रेण देवेन्द्रेण दृष्टा आचामं प्रतिपादयन्ती चित्तमभिप्रसादयन्ती कालं च कुर्वाणा।
sā śakreṇa devendreṇa dṛṣṭā ācāmaṃ pratipādayantī cittamabhiprasādayantī kālaṃ ca kurvāṇā/
Sanskrit only: no published translation is held for this verse.
नो तु दृष्टा कुत्रोपपन्ना इति।
no tu dṛṣṭā kutropapannā iti/
Sanskrit only: no published translation is held for this verse.
स नरकान् व्यवलोकयितुमारब्धो न पश्यति, तिर्यक् च प्रेतं च मनुष्यांश्चातुर्महाराजिकान् देवांस्त्रायस्त्रिंशान् यावन्न पश्यति।
sa narakān vyavalokayitumārabdho na paśyati, tiryak ca pretaṃ ca manuṣyāṃścāturmahārājikān devāṃstrāyastriṃśān yāvanna paśyati/
Sanskrit only: no published translation is held for this verse.
तथा ह्यधस्ताद्देवानां ज्ञानदर्शनं प्रवर्तते नो तूपरिष्टात्।
tathā hyadhastāddevānāṃ jñānadarśanaṃ pravartate no tūpariṣṭāt/
Sanskrit only: no published translation is held for this verse.
अथ शक्रो देवानामिन्द्रो येन भगवांस्तेनोपसंक्रान्तः। उपसंक्रम्य गाथाभिगीतेन प्रश्नं पप्रच्छ--
atha śakro devānāmindro yena bhagavāṃstenopasaṃkrāntaḥ/ upasaṃkramya gāthābhigītena praśnaṃ papraccha--
Sanskrit only: no published translation is held for this verse.
चरतः पिण्डपातं हि काश्यपस्य महात्मनः।
carataḥ piṇḍapātaṃ hi kāśyapasya mahātmanaḥ/
Sanskrit only: no published translation is held for this verse.
कुत्रासौ मोदये नारी काश्यपाचामदायिका॥१॥
kutrāsau modaye nārī kāśyapācāmadāyikā//1//
Sanskrit only: no published translation is held for this verse.
भगवानाह--
bhagavānāha--
Sanskrit only: no published translation is held for this verse.
तुषिता नाम ते देवाः सर्वकामसमृद्धयः।
tuṣitā nāma te devāḥ sarvakāmasamṛddhayaḥ/
Sanskrit only: no published translation is held for this verse.
यत्रासौ मोदते नारी काश्यपाचामदायिका॥२॥ इति॥
yatrāsau modate nārī kāśyapācāmadāyikā//2// iti//
Sanskrit only: no published translation is held for this verse.
अथ शक्रस्य देवानामिन्द्रस्यैतदभवत्--इमे च तावन्मनुष्याः पुण्यापुण्यानामप्रत्यक्षदर्शिनो दानानि ददति, पुण्यानि कुर्वन्ति।
atha śakrasya devānāmindrasyaitadabhavat--ime ca tāvanmanuṣyāḥ puṇyāpuṇyānāmapratyakṣadarśino dānāni dadati, puṇyāni kurvanti/
Sanskrit only: no published translation is held for this verse.
अहं प्रत्यक्षदर्शनेन पुण्यानां स्वपुण्यफले व्यवस्थितः कस्मात् दानानि न ददामि, पुण्यानि वा न करोमि? अयमार्यो महाकाश्यपो दीनानाथकृपणवनीपकानुकम्पी।
ahaṃ pratyakṣadarśanena puṇyānāṃ svapuṇyaphale vyavasthitaḥ kasmāt dānāni na dadāmi, puṇyāni vā na karomi? ayamāryo mahākāśyapo dīnānāthakṛpaṇavanīpakānukampī/
Sanskrit only: no published translation is held for this verse.
यन्न्वहमेनं पिण्डकेन प्रतिपादयेयम्। इति विदित्वा कृपणवीथ्यां गृहं निर्मितवान्।
yannvahamenaṃ piṇḍakena pratipādayeyam/ iti viditvā kṛpaṇavīthyāṃ gṛhaṃ nirmitavān/
Sanskrit only: no published translation is held for this verse.
अवचीरविचीरकं काकाभिलीनकं नातिपरमरूपं कुविन्दं चात्मानमभिनिमार्य उदूढशिरस्कः सणशाटिकानिवासितः स्फटितपाणिपादो वस्त्रं वायितुमारब्धह्<५३>।
avacīravicīrakaṃ kākābhilīnakaṃ nātiparamarūpaṃ kuvindaṃ cātmānamabhinimārya udūḍhaśiraskaḥ saṇaśāṭikānivāsitaḥ sphaṭitapāṇipādo vastraṃ vāyitumārabdhah<53>/
Sanskrit only: no published translation is held for this verse.