शची अपि देवकन्या कुविन्दनर्या वेशधारिणी तसरिकां कर्तुमारब्धा। पार्श्वे चास्या दिव्या सुधा सज्जीकृता तिष्ठति।
śacī api devakanyā kuvindanaryā veśadhāriṇī tasarikāṃ kartumārabdhā/ pārśve cāsyā divyā sudhā sajjīkṛtā tiṣṭhati/
Sanskrit only: no published translation is held for this verse.
अथायुष्मान् महाकाश्यपः कृपणानाथवनीपकजनानुकम्पको ऽनुपूर्वेण तद्गृहमनुप्राप्तः।
athāyuṣmān mahākāśyapaḥ kṛpaṇānāthavanīpakajanānukampako 'nupūrveṇa tadgṛhamanuprāptaḥ/
Sanskrit only: no published translation is held for this verse.
दुःखितको ऽयमिति कृत्वा द्वारे स्थितेन पात्रं प्रसादितम्।
duḥkhitako 'yamiti kṛtvā dvāre sthitena pātraṃ prasāditam/
Sanskrit only: no published translation is held for this verse.
शक्रेण देवानामिन्द्रेण दिव्यया सुधया पूरितम्। अथायुष्मतो महाकाश्यपस्यैतदभवत्--
śakreṇa devānāmindreṇa divyayā sudhayā pūritam/ athāyuṣmato mahākāśyapasyaitadabhavat--
Sanskrit only: no published translation is held for this verse.
दिव्यं चास्य सुधाभक्तमयं च गृहविस्तरः।
divyaṃ cāsya sudhābhaktamayaṃ ca gṛhavistaraḥ/
Sanskrit only: no published translation is held for this verse.
सुविरुद्धमिति कृत्वा जातो मे हृदि संशयः॥३॥ इति॥
suviruddhamiti kṛtvā jāto me hṛdi saṃśayaḥ//3// iti//
Sanskrit only: no published translation is held for this verse.
धर्मता ह्येषा--असमन्वाहृत्य अर्हतां ज्ञानदर्शनं न प्रवर्तते। स समन्वाहर्तुं प्रवृत्तः।
dharmatā hyeṣā--asamanvāhṛtya arhatāṃ jñānadarśanaṃ na pravartate/ sa samanvāhartuṃ pravṛttaḥ/
Sanskrit only: no published translation is held for this verse.
यावत् पश्यति शक्रं देवेन्द्रम्। स कथयति--कौशिक, किं दुःखितजनस्यान्तरायं करोषि, यस्य ते भगवता दीर्घरात्रानुगतो विचिकित्साकथंकथाशल्यः समूल आरूढो यथापि तत्तथागतेनार्हता सम्यक्सम्बुद्धेन।
yāvat paśyati śakraṃ devendram/ sa kathayati--kauśika, kiṃ duḥkhitajanasyāntarāyaṃ karoṣi, yasya te bhagavatā dīrgharātrānugato vicikitsākathaṃkathāśalyaḥ samūla ārūḍho yathāpi tattathāgatenārhatā samyaksambuddhena/
Sanskrit only: no published translation is held for this verse.
आर्य महाकाश्यप किं दुःखितजनस्यान्तरायं करोमि? इमे तावत् मनुष्याः पुण्यानामप्रत्यक्षदर्शिनो दानानि ददति पुण्यानि कुर्वन्ति।
ārya mahākāśyapa kiṃ duḥkhitajanasyāntarāyaṃ karomi? ime tāvat manuṣyāḥ puṇyānāmapratyakṣadarśino dānāni dadati puṇyāni kurvanti/
Sanskrit only: no published translation is held for this verse.
अहं प्रत्यक्षदर्शी एव पुण्यानां कथं दानानि न ददामि? ननु चोक्तं भगवता--
ahaṃ pratyakṣadarśī eva puṇyānāṃ kathaṃ dānāni na dadāmi? nanu coktaṃ bhagavatā--
Sanskrit only: no published translation is held for this verse.
करणीयानि पुण्यानि दुःखा ह्यकृतपुण्यता।
karaṇīyāni puṇyāni duḥkhā hyakṛtapuṇyatā/
Sanskrit only: no published translation is held for this verse.
कृतपुण्यानि मोदन्ते अस्मिम्ल्लोके परत्र च॥४॥
kṛtapuṇyāni modante asmimlloke paratra ca//4//
Sanskrit only: no published translation is held for this verse.
ततः प्रभृति आयुष्मान् महाकाश्यपः समन्वाहृत्य कुलानि पिण्डपातं प्रवेष्टुमारब्धः।
tataḥ prabhṛti āyuṣmān mahākāśyapaḥ samanvāhṛtya kulāni piṇḍapātaṃ praveṣṭumārabdhaḥ/
Sanskrit only: no published translation is held for this verse.
अथ शक्रो देवेन्द्र आकाशस्थश्चायुष्मतो महाकाश्यपस्य पिण्डपातं चरतो दिव्यया सुधया पात्रं पूरयति।
atha śakro devendra ākāśasthaścāyuṣmato mahākāśyapasya piṇḍapātaṃ carato divyayā sudhayā pātraṃ pūrayati/
Sanskrit only: no published translation is held for this verse.
आयुष्मानपि महाकाश्यपः पात्रमधोमुखं करोति। अन्नपानं छोर्यते। एतत् प्रकरणं भिक्षवो भगवत आरोचयन्ति।
āyuṣmānapi mahākāśyapaḥ pātramadhomukhaṃ karoti/ annapānaṃ choryate/ etat prakaraṇaṃ bhikṣavo bhagavata ārocayanti/
Sanskrit only: no published translation is held for this verse.
भगवानाह--तस्मादनुजानामि पिण्डोपधानं धारयितव्यमिति॥
bhagavānāha--tasmādanujānāmi piṇḍopadhānaṃ dhārayitavyamiti//
Sanskrit only: no published translation is held for this verse.
सामन्तकेन शब्दो विसृतह्--अमुकया नगरावलम्बिकया आर्यो महाकाश्यप आचामेन प्रतिपादितः, सा च तुषिते देवनिकाये उपपन्ना इति।
sāmantakena śabdo visṛtah--amukayā nagarāvalambikayā āryo mahākāśyapa ācāmena pratipāditaḥ, sā ca tuṣite devanikāye upapannā iti/
Sanskrit only: no published translation is held for this verse.
राज्ञा प्रसेनजिता कौशलेन श्रुतम्--अमुकया नगरावलम्बिकया आर्यो महाकाश्यप आचामेन प्रतिपादितः।
rājñā prasenajitā kauśalena śrutam--amukayā nagarāvalambikayā āryo mahākāśyapa ācāmena pratipāditaḥ/
Sanskrit only: no published translation is held for this verse.
सा तुषिते देवे उपपन्ना इति।
sā tuṣite deve upapannā iti/
Sanskrit only: no published translation is held for this verse.
श्रुत्वा च पुनर्येन भगवांस्तेनोपसंक्रान्तः। उपसंक्रम्य भगवतः पादौ शिरसा वन्दित्वा एकान्ते निषण्णः।
śrutvā ca punaryena bhagavāṃstenopasaṃkrāntaḥ/ upasaṃkramya bhagavataḥ pādau śirasā vanditvā ekānte niṣaṇṇaḥ/
Sanskrit only: no published translation is held for this verse.
एकान्तनिषण्णं राजानं प्रसेनजितं कौशलं भगवान् धर्म्यया कथया संदर्शयति समादापयति समुत्तेजयति संप्रहर्षयति, अनेकपर्यायेण धर्म्यया कथया संदर्श्य समादाप्य समुत्तेज्य संप्रहर्ष्य तूष्णीम्।
ekāntaniṣaṇṇaṃ rājānaṃ prasenajitaṃ kauśalaṃ bhagavān dharmyayā kathayā saṃdarśayati samādāpayati samuttejayati saṃpraharṣayati, anekaparyāyeṇa dharmyayā kathayā saṃdarśya samādāpya samuttejya saṃpraharṣya tūṣṇīm/
Sanskrit only: no published translation is held for this verse.
अथ राजा प्रसेनजित् कौशल उत्थायासनादेकांसमुत्तरासङ्गं कृत्वा येन भगवांस्तेनाञ्जलिं प्रणम्य भगवन्तमिदमवोचत्--अधिवासयतु मे भगवानार्यमहाकाश्यपमुद्दिश्य भक्तं सप्ताहेन इति।
atha rājā prasenajit kauśala utthāyāsanādekāṃsamuttarāsaṅgaṃ kṛtvā yena bhagavāṃstenāñjaliṃ praṇamya bhagavantamidamavocat--adhivāsayatu me bhagavānāryamahākāśyapamuddiśya bhaktaṃ saptāhena iti/
Sanskrit only: no published translation is held for this verse.
अधिवासयति भगवान् राज्ञः प्रसेनजितस् तूष्णीभावेन।
adhivāsayati bhagavān rājñaḥ prasenajitas tūṣṇībhāvena/
Sanskrit only: no published translation is held for this verse.
अथ राजा प्रसेनजित् कौशलो भगवतस्तूष्णीभावेनाधिवासनां विदित्वा भगवतो ऽन्तिकात् प्रक्रान्तः।
atha rājā prasenajit kauśalo bhagavatastūṣṇībhāvenādhivāsanāṃ viditvā bhagavato 'ntikāt prakrāntaḥ/
Sanskrit only: no published translation is held for this verse.
अथ राजा प्रसेनजित् कौशलस्तामेव रात्रिं प्रणीतं खादनीयं भोजनीयं समुदानीयं काल्यमेवोत्थाय आसनानि <५४>प्रज्ञाप्य उदकमणीन् प्रतिष्ठाप्य भगवतो दूतेन कालमारोचयति--समयो भदन्त, सज्जं भक्तम् यस्येदानीं भगवान् कालं मन्यत इति।
atha rājā prasenajit kauśalastāmeva rātriṃ praṇītaṃ khādanīyaṃ bhojanīyaṃ samudānīyaṃ kālyamevotthāya āsanāni <54>prajñāpya udakamaṇīn pratiṣṭhāpya bhagavato dūtena kālamārocayati--samayo bhadanta, sajjaṃ bhaktam yasyedānīṃ bhagavān kālaṃ manyata iti/
Sanskrit only: no published translation is held for this verse.