स हस्तेन निर्वापयितुमारब्धो न शक्नोति। ततश्चीवरकर्णिकेन, ततो व्यजनेन, तथापि न शक्नोति निर्वापयितुम्।
sa hastena nirvāpayitumārabdho na śaknoti/ tataścīvarakarṇikena, tato vyajanena, tathāpi na śaknoti nirvāpayitum/
Sanskrit only: no published translation is held for this verse.
तत्र भगवानायुष्मन्तमानन्दमामन्त्रयते--किमेतदानन्देति।
tatra bhagavānāyuṣmantamānandamāmantrayate--kimetadānandeti/
Sanskrit only: no published translation is held for this verse.
स कथयति--भगवन्, मम बुद्धिरुत्पना--अस्थानमनवकाशो यद्बुद्धा भगवन्त आलोके शय्यां कल्पयन्ति।
sa kathayati--bhagavan, mama buddhirutpanā--asthānamanavakāśo yadbuddhā bhagavanta āloke śayyāṃ kalpayanti/
Sanskrit only: no published translation is held for this verse.
यन्न्वहं दीपं निर्वापयेयमिति। सो ऽहं हस्तेन निर्वापयितुमारब्धो न शक्नोमि, ततश्चीवरकर्णिकेन, ततो व्यजनेन, तथापि न शक्नोमीति।
yannvahaṃ dīpaṃ nirvāpayeyamiti/ so 'haṃ hastena nirvāpayitumārabdho na śaknomi, tataścīvarakarṇikena, tato vyajanena, tathāpi na śaknomīti/
Sanskrit only: no published translation is held for this verse.
भगवानाह--खेदमानन्द आपत्स्यसे।
bhagavānāha--khedamānanda āpatsyase/
Sanskrit only: no published translation is held for this verse.
यदि वैरम्भका अपि वायवो वायेयुः, ते ऽपि न शक्नुयुर् निर्वापयितुं प्रागेव हस्तगतश्चीवरकर्णिको व्यजनं वा।
yadi vairambhakā api vāyavo vāyeyuḥ, te 'pi na śaknuyur nirvāpayituṃ prāgeva hastagataścīvarakarṇiko vyajanaṃ vā/
Sanskrit only: no published translation is held for this verse.
तथा हि--अयं प्रदीपस्तया दारिकया महता चित्ताभिसंस्कारेण प्रज्वलितः।
tathā hi--ayaṃ pradīpastayā dārikayā mahatā cittābhisaṃskāreṇa prajvalitaḥ/
Sanskrit only: no published translation is held for this verse.
अपि तु आनन्द भविष्यत्यसौ दारिका वर्षशतायुषि प्रजायां शाक्यमुनिर् नाम तथागतो ऽर्हन् सम्यक्सम्बुद्धः।
api tu ānanda bhaviṣyatyasau dārikā varṣaśatāyuṣi prajāyāṃ śākyamunir nāma tathāgato 'rhan samyaksambuddhaḥ/
Sanskrit only: no published translation is held for this verse.
शारिपुत्रमौद्गल्यायनौ तस्याग्रयुगं भद्रयुगम्, आनन्दो भिक्षुरुपासकः, शुद्धोदनः पिता, महामाया माता, कपिलवस्तु नगरम्, राहुलभद्रः कुमारः पुत्रः।
śāriputramaudgalyāyanau tasyāgrayugaṃ bhadrayugam, ānando bhikṣurupāsakaḥ, śuddhodanaḥ pitā, mahāmāyā mātā, kapilavastu nagaram, rāhulabhadraḥ kumāraḥ putraḥ/
Sanskrit only: no published translation is held for this verse.
सापि धातुविभागं कृत्वा परिनिर्वास्यतीति॥
sāpi dhātuvibhāgaṃ kṛtvā parinirvāsyatīti//
Sanskrit only: no published translation is held for this verse.
इदमवोचद्भगवान्। आत्तमनसस्ते च भिक्षवो भगवतो भाषितमभ्यनन्दन्॥
idamavocadbhagavān/ āttamanasaste ca bhikṣavo bhagavato bhāṣitamabhyanandan//
Sanskrit only: no published translation is held for this verse.
इति श्रीदिव्यावदाने नगरावलम्बिकावदानं सप्तमम्॥
iti śrīdivyāvadāne nagarāvalambikāvadānaṃ saptamam//
Sanskrit only: no published translation is held for this verse.