आह च--आर्य तृषितो ऽस्मि, बुभुक्षितो ऽस्मि। स तैः स्नापितो भोजितः। स तस्मिन् विमाने तावत् स्थितो यावत् सूर्यस्याभ्युद्गमनकालसमयः।
āha ca--ārya tṛṣito 'smi, bubhukṣito 'smi/ sa taiḥ snāpito bhojitaḥ/ sa tasmin vimāne tāvat sthito yāvat sūryasyābhyudgamanakālasamayaḥ/
Sanskrit only: no published translation is held for this verse.
स तेनोक्तह्--श्रोण अवतरस्व, आदीनवो ऽत्र भविष्यति।
sa tenoktah--śroṇa avatarasva, ādīnavo 'tra bhaviṣyati/
Sanskrit only: no published translation is held for this verse.
सो ऽवतीर्य एकान्ते व्यवस्थितः। ततः पश्चात् सूर्यस्याभ्युद्गमनकालसमये तद्विमानमन्तर्हितम्।
so 'vatīrya ekānte vyavasthitaḥ/ tataḥ paścāt sūryasyābhyudgamanakālasamaye tadvimānamantarhitam/
Sanskrit only: no published translation is held for this verse.
ता अपि अप्सरसो ऽन्तर्हिताश्च। चत्वारः श्यामशबलाः कुर्कुराः प्रादुर्भूताः।
tā api apsaraso 'ntarhitāśca/ catvāraḥ śyāmaśabalāḥ kurkurāḥ prādurbhūtāḥ/
Sanskrit only: no published translation is held for this verse.
तैस्तं पुरुषमवमूर्धकं पातयित्वा तावत् पृष्टवंशानुत्पाट्योत्पाट्य भिक्षितो यावत् सूर्यस्यास्तगमनकालसमयः।
taistaṃ puruṣamavamūrdhakaṃ pātayitvā tāvat pṛṣṭavaṃśānutpāṭyotpāṭya bhikṣito yāvat sūryasyāstagamanakālasamayaḥ/
Sanskrit only: no published translation is held for this verse.
ततः पश्चात् पुनरपि तद्विमानं प्रादुर्भूतम्, ता अप्सरसः प्रादुर्भूताः।
tataḥ paścāt punarapi tadvimānaṃ prādurbhūtam, tā apsarasaḥ prādurbhūtāḥ/
Sanskrit only: no published translation is held for this verse.
स च पुरुषस्ताभिः सार्धं क्रीडति रमते परिचारयति। स तेषां सकाशमुपसंक्रम्य कथयति--के यूयम्, केन च कर्मणा इहोपपन्नाह्? ते प्रोचुह्--श्रोण दुष्कुहका जाम्बुद्वीपका मनुष्याः।
sa ca puruṣastābhiḥ sārdhaṃ krīḍati ramate paricārayati/ sa teṣāṃ sakāśamupasaṃkramya kathayati--ke yūyam, kena ca karmaṇā ihopapannāh? te procuh--śroṇa duṣkuhakā jāmbudvīpakā manuṣyāḥ/
Sanskrit only: no published translation is held for this verse.
नाभिश्रद्दधास्यसि। स चाह--अहं प्रत्यक्षदर्शी, कथं नाभिश्रद्दधास्ये? श्रोण, अहं वासवग्रामके औरभ्रक आसीत्।
nābhiśraddadhāsyasi/ sa cāha--ahaṃ pratyakṣadarśī, kathaṃ nābhiśraddadhāsye? śroṇa, ahaṃ vāsavagrāmake aurabhraka āsīt/
Sanskrit only: no published translation is held for this verse.
उरभ्रान् प्रघात्य प्रघात्य मांसं विक्रीय जीविकां कल्पयामि।
urabhrān praghātya praghātya māṃsaṃ vikrīya jīvikāṃ kalpayāmi/
Sanskrit only: no published translation is held for this verse.
आर्यश्च महाकात्यायनो ममानुकम्पया आगत्य कथयति--भद्रमुख, अनिष्टो ऽस्य कर्मणः फलविपाकः।
āryaśca mahākātyāyano mamānukampayā āgatya kathayati--bhadramukha, aniṣṭo 'sya karmaṇaḥ phalavipākaḥ/
Sanskrit only: no published translation is held for this verse.
विरम त्वमस्मात् पापकादसद्धर्मात्। नाहं तस्य वचनेन विरमामि।
virama tvamasmāt pāpakādasaddharmāt/ nāhaṃ tasya vacanena viramāmi/
Sanskrit only: no published translation is held for this verse.
भूयो भूयः स मां विच्छन्दयति--भद्रमुख, अनिष्टो ऽस्य कर्मणो फलविपाकः।
bhūyo bhūyaḥ sa māṃ vicchandayati--bhadramukha, aniṣṭo 'sya karmaṇo phalavipākaḥ/
Sanskrit only: no published translation is held for this verse.
विरम त्वमस्मात् पापकादसद्धर्मात्। तथापि अहं न प्रतिविरमामि। स मां पृच्छति--भद्रमुख, किं त्वमेतानुरभ्रान् दिवा प्रघातयसि आहोस्विदू रात्रौ? मयोक्तह्--आर्य दिवा, प्रघातयामीति।
virama tvamasmāt pāpakādasaddharmāt/ tathāpi ahaṃ na prativiramāmi/ sa māṃ pṛcchati--bhadramukha, kiṃ tvametānurabhrān divā praghātayasi āhosvidū rātrau? mayoktah--ārya divā, praghātayāmīti/
Sanskrit only: no published translation is held for this verse.
स कथयति--भद्रमुख, रात्रौ शीलसमादानं किं न गृह्णासि। मया तस्यान्तिकाद् रात्रौ शीलसमादानं गृहीतम्।
sa kathayati--bhadramukha, rātrau śīlasamādānaṃ kiṃ na gṛhṇāsi/ mayā tasyāntikād rātrau śīlasamādānaṃ gṛhītam/
Sanskrit only: no published translation is held for this verse.
यत्तद् रात्रौ शीलसमादानं गृहीतम्, तस्य कर्मणो विपाकेन रात्रावेवंविधं दिव्यं सुखं प्रत्यनुभवामि।
yattad rātrau śīlasamādānaṃ gṛhītam, tasya karmaṇo vipākena rātrāvevaṃvidhaṃ divyaṃ sukhaṃ pratyanubhavāmi/
Sanskrit only: no published translation is held for this verse.
यन्मया दिवा उरभ्राः प्रघातिताः, तस्य कर्मणो विपाकेन दिवा एवंविधं दुःखं प्रत्यनुभवामि।
yanmayā divā urabhrāḥ praghātitāḥ, tasya karmaṇo vipākena divā evaṃvidhaṃ duḥkhaṃ pratyanubhavāmi/
Sanskrit only: no published translation is held for this verse.
गाथां च भाषते--
gāthāṃ ca bhāṣate--
Sanskrit only: no published translation is held for this verse.
दिवसं परप्राणपीडको रात्रौ शीलगुणैः समन्वितः।
divasaṃ paraprāṇapīḍako rātrau śīlaguṇaiḥ samanvitaḥ/
Sanskrit only: no published translation is held for this verse.
तस्यैतत्कर्मणः फलं ह्यनुभवामि कल्याणपापकम्॥३॥
tasyaitatkarmaṇaḥ phalaṃ hyanubhavāmi kalyāṇapāpakam//3//
Sanskrit only: no published translation is held for this verse.
श्रोण, गमिष्यसि त्वं वासवग्रामकम्? गमिष्यामि। तत्र मम पुत्रः प्रतिवसति। स उरभ्रान् प्रघात्य प्रघात्य जीविकां कल्पयति।
śroṇa, gamiṣyasi tvaṃ vāsavagrāmakam? gamiṣyāmi/ tatra mama putraḥ prativasati/ sa urabhrān praghātya praghātya jīvikāṃ kalpayati/
Sanskrit only: no published translation is held for this verse.
स त्वया वक्तव्यह्--दृष्टस्ते मया पिताअ।
sa tvayā vaktavyah--dṛṣṭaste mayā pitāa/
Sanskrit only: no published translation is held for this verse.
कथयति--अनिष्टो ऽस्य कर्मणः फलविपाकः। विरमास्मात् पापकादसद्धर्मात्। भोः पुरुष, त्वमेवं कथयसि--दुष्कुहका जाम्बुद्वीपका मनुष्या इति।
kathayati--aniṣṭo 'sya karmaṇaḥ phalavipākaḥ/ viramāsmāt pāpakādasaddharmāt/ bhoḥ puruṣa, tvamevaṃ kathayasi--duṣkuhakā jāmbudvīpakā manuṣyā iti/
Sanskrit only: no published translation is held for this verse.
नाभिश्रद्दधास्यति। श्रोण, यदि न श्रद्दधास्यति, वक्तव्यस्तव पिता कथयति--अस्ति सूनाधस्तात् सुवर्णस्य कलशः पूरयित्वा स्थापितः।
nābhiśraddadhāsyati/ śroṇa, yadi na śraddadhāsyati, vaktavyastava pitā kathayati--asti sūnādhastāt suvarṇasya kalaśaḥ pūrayitvā sthāpitaḥ/
Sanskrit only: no published translation is held for this verse.
तमुद्धृत्यात्मानं सम्यक्सुखेन प्रीणय। आर्यं च महाकात्यायनं कालेन कालं पिण्डकेन प्रतिपादय, अस्माकं च नांना दक्षिणामादेशय।
tamuddhṛtyātmānaṃ samyaksukhena prīṇaya/ āryaṃ ca mahākātyāyanaṃ kālena kālaṃ piṇḍakena pratipādaya, asmākaṃ ca nāṃnā dakṣiṇāmādeśaya/
Sanskrit only: no published translation is held for this verse.
अप्येवैतत् कर्म तनुत्वं परिक्षयं पर्यादानं गच्छेत्।
apyevaitat karma tanutvaṃ parikṣayaṃ paryādānaṃ gacchet/
Sanskrit only: no published translation is held for this verse.
स संप्रस्थितः। यावत् सूर्यस्याभ्युद्गमनकालसमये पश्यति अपरं विमानम्।
sa saṃprasthitaḥ/ yāvat sūryasyābhyudgamanakālasamaye paśyati aparaṃ vimānam/
Sanskrit only: no published translation is held for this verse.
तत्र एका अप्सरा अभिरूपा दर्शनीया प्रासादिका, एकश्च पुरुष अभिरूपो दर्शनीयः प्रासादिकह् अङ्गदकुण्डलविचित्रमाल्याभरणानुलेपनस्तया सार्धं क्रीडति रमते <७>परिचारयति।
tatra ekā apsarā abhirūpā darśanīyā prāsādikā, ekaśca puruṣa abhirūpo darśanīyaḥ prāsādikah aṅgadakuṇḍalavicitramālyābharaṇānulepanastayā sārdhaṃ krīḍati ramate <7>paricārayati/
Sanskrit only: no published translation is held for this verse.