ततः सुप्रियेण सार्थवाहेन भाण्डनिष्क्रयार्थे स्वं द्रव्यमनुप्रदत्तम्।
tataḥ supriyeṇa sārthavāhena bhāṇḍaniṣkrayārthe svaṃ dravyamanupradattam/
Sanskrit only: no published translation is held for this verse.
Divyāvadāna 64
चौरसकाशात् सार्थः परित्रातः। एवं द्विस्त्रिश्चतुःपन्ञ्चषड्वारांस् तस्यैव चौरसहस्रस्य सकाशात् सुप्रियेण सार्थवाहेन सार्थः परित्रातो मूल्यं चानुप्रदत्तम्।
caurasakāśāt sārthaḥ paritrātaḥ/ evaṃ dvistriścatuḥpanñcaṣaḍvārāṃs tasyaiva caurasahasrasya sakāśāt supriyeṇa sārthavāhena sārthaḥ paritrāto mūlyaṃ cānupradattam/
Sanskrit only: no published translation is held for this verse.
यावत् सप्तं तु वारं सुप्रियः सार्थवाहो महासमुद्रमवतीर्णः।
yāvat saptaṃ tu vāraṃ supriyaḥ sārthavāho mahāsamudramavatīrṇaḥ/
Sanskrit only: no published translation is held for this verse.
ततः संसिद्धयानपात्रो ऽभ्यागतो ऽटवीकान्तारमध्यगतस्तेनैव चौरसहस्रेणासादितः।
tataḥ saṃsiddhayānapātro 'bhyāgato 'ṭavīkāntāramadhyagatastenaiva caurasahasreṇāsāditaḥ/
Sanskrit only: no published translation is held for this verse.
ततस्ते चौरा मुषितुकामाः सर्वजवेन प्रसृताः।
tataste caurā muṣitukāmāḥ sarvajavena prasṛtāḥ/
Sanskrit only: no published translation is held for this verse.
सुप्रियेण च सार्थवाहेनावलोक्याभिहिताह् -- सुप्रियो ऽहं भवन्तः सार्थवाहः। चौराः कथयन्ति -- जानास्येव महासार्थवाह वयं चौरा अटवीचराः।
supriyeṇa ca sārthavāhenāvalokyābhihitāh -- supriyo 'haṃ bhavantaḥ sārthavāhaḥ/ caurāḥ kathayanti -- jānāsyeva mahāsārthavāha vayaṃ caurā aṭavīcarāḥ/
Sanskrit only: no published translation is held for this verse.
नास्माकं कृषिर् न वाणिज्यं न गौरक्ष्यम्।
nāsmākaṃ kṛṣir na vāṇijyaṃ na gaurakṣyam/
Sanskrit only: no published translation is held for this verse.
अनेन वयं जीविकां कल्पयामः। ततः सुप्रियेण सार्थवाहेन पूर्विकां प्रतिज्ञ्नामनुस्मृत्य दृढप्रतिज्ञ्नेन तस्य चौरसहस्रस्य भाण्डमनुप्रदत्तम्।
anena vayaṃ jīvikāṃ kalpayāmaḥ/ tataḥ supriyeṇa sārthavāhena pūrvikāṃ pratijñnāmanusmṛtya dṛḍhapratijñnena tasya caurasahasrasya bhāṇḍamanupradattam/
Sanskrit only: no published translation is held for this verse.
सुप्रियो महासार्थवाहः संलक्षयति -- इमे चौरा लब्धं लब्धमर्थजातसंनिचयं कुर्वन्ति।
supriyo mahāsārthavāhaḥ saṃlakṣayati -- ime caurā labdhaṃ labdhamarthajātasaṃnicayaṃ kurvanti/
Sanskrit only: no published translation is held for this verse.
मया च महती प्रतिज्ञ्ना कृता सर्वसत्त्वा धनेन मया संतर्पयितव्या इति।
mayā ca mahatī pratijñnā kṛtā sarvasattvā dhanena mayā saṃtarpayitavyā iti/
Sanskrit only: no published translation is held for this verse.
सो ऽहमिमं चौरसहस्रं न शक्नोमि धनेन संतर्पयितुम्। कथं पुनः सर्वसत्त्वान् धनेन संतर्पयिष्यामीति चिन्तापरो मिद्धमवक्रान्तः॥
so 'hamimaṃ caurasahasraṃ na śaknomi dhanena saṃtarpayitum/ kathaṃ punaḥ sarvasattvān dhanena saṃtarpayiṣyāmīti cintāparo middhamavakrāntaḥ//
Sanskrit only: no published translation is held for this verse.
अथ तस्य महात्मन उदारपुण्यमहेशाख्यस्योदारचेतसोपपन्नस्य सर्वसत्त्वमनोरथपरिपूरकस्य लोकहितार्थमभ्युद्गतस्य अन्यतरा महेशाख्या देवता उपसंक्रम्य समाश्वासयति -- मा त्वं सार्थवाह खेदमापद्यस्व।
atha tasya mahātmana udārapuṇyamaheśākhyasyodāracetasopapannasya sarvasattvamanorathaparipūrakasya lokahitārthamabhyudgatasya anyatarā maheśākhyā devatā upasaṃkramya samāśvāsayati -- mā tvaṃ sārthavāha khedamāpadyasva/
Sanskrit only: no published translation is held for this verse.
ऋद्धिष्यति ते प्रणिधिरिति। अस्ति खलु महासार्थवाह अस्मिन्नेव जम्बुद्वीपे बदरद्वीपो नाम महापत्तनो ऽमनुष्यावचरितो महेशाख्यमनुष्याधिष्ठितः।
ṛddhiṣyati te praṇidhiriti/ asti khalu mahāsārthavāha asminneva jambudvīpe badaradvīpo nāma mahāpattano 'manuṣyāvacarito maheśākhyamanuṣyādhiṣṭhitaḥ/
Sanskrit only: no published translation is held for this verse.
सन्ति तस्मिन् बदरद्वीपे प्रधानानि रत्नानि सर्वसत्त्वविचित्रमनोरथपरिपूरकाणि।
santi tasmin badaradvīpe pradhānāni ratnāni sarvasattvavicitramanorathaparipūrakāṇi/
Sanskrit only: no published translation is held for this verse.
यदि महासार्थवाहो बदरद्वीपयात्रां साधयेत्, एवमिमां महतीं प्रतिज्ञ्नां प्रतिनिस्तरेत।
yadi mahāsārthavāho badaradvīpayātrāṃ sādhayet, evamimāṃ mahatīṃ pratijñnāṃ pratinistareta/
Sanskrit only: no published translation is held for this verse.
इयं हि महाप्रतिज्ञ्ना शक्रब्रह्मादीनामपि दुस्तरा, प्रगेव मनुष्यभूतस्य।
iyaṃ hi mahāpratijñnā śakrabrahmādīnāmapi dustarā, prageva manuṣyabhūtasya/
Sanskrit only: no published translation is held for this verse.
इत्युक्तवा सा देवता तत्रैवान्तर्हिता। न च शकिता सुप्रियेण महासार्थवाहेन सा देवता प्रष्टुम् -- कतरस्यां दिशि बदरद्वीइपः कथं वा तत्र गम्यत इति।
ityuktavā sā devatā tatraivāntarhitā/ na ca śakitā supriyeṇa mahāsārthavāhena sā devatā praṣṭum -- katarasyāṃ diśi badaradvīipaḥ kathaṃ vā tatra gamyata iti/
Sanskrit only: no published translation is held for this verse.
अथ सुप्रियस्य सात्र्थवाहस्य सुप्तप्रतिबुद्धस्य एतदभवत् -- अहो बत मे सा देवता पुनरपि दर्शयेत्, दिशं चोपायं च व्यपदिशेद् बदरद्वीपमहापत्तनस्य गमनायेति चिन्तापरो मिद्धमवक्रान्तः।
atha supriyasya sātrthavāhasya suptapratibuddhasya etadabhavat -- aho bata me sā devatā punarapi darśayet, diśaṃ copāyaṃ ca vyapadiśed badaradvīpamahāpattanasya gamanāyeti cintāparo middhamavakrāntaḥ/
Sanskrit only: no published translation is held for this verse.
अथ सा देवता तस्य महात्मन उदारपुण्यमहेशाख्यस्य दृढोदारप्रतिज्ञ्नस्योदारवीर्यपराक्रमनामनिक्षिप्तोत्साहतां विदित्वा उपसंक्रम्य एवमाह -- मा त्वं सार्थवाह खेदमापद्यस्व।
atha sā devatā tasya mahātmana udārapuṇyamaheśākhyasya dṛḍhodārapratijñnasyodāravīryaparākramanāmanikṣiptotsāhatāṃ viditvā upasaṃkramya evamāha -- mā tvaṃ sārthavāha khedamāpadyasva/
Sanskrit only: no published translation is held for this verse.
अस्ति खलु महासार्थवाह पश्चिमे दिग्भागे पन्ञ्चान्तरद्वीपशतानि समतिक्रम्य सप्त महापर्वताः, उच्चैश्च प्रगृहीताश्च सप्त च महानद्यः।
asti khalu mahāsārthavāha paścime digbhāge panñcāntaradvīpaśatāni samatikramya sapta mahāparvatāḥ, uccaiśca pragṛhītāśca sapta ca mahānadyaḥ/
Sanskrit only: no published translation is held for this verse.
तान् वीर्यबलेन लङ्घयित्वा अन्तरोद्दानमनुलोमप्रतिलोमद्वयमावर्तः शङ्खनाभः शङ्खनाभी च नीलोदस्तारकाक्षश्च पर्वतौ नीलग्रीव एव च वैरम्भा ताम्राटवी वेम्णुगुल्मः सप्त पर्वताः सकण्टकाः क्षारनदी त्रिशङ्कुह् अयस्किलमष्टादशवक्रो नदीश्लक्ष्ण एव च धूमनेत्रमुदकं सप्तशीविषपर्वता नदी भवति पश्चिमा।
tān vīryabalena laṅghayitvā antaroddānamanulomapratilomadvayamāvartaḥ śaṅkhanābhaḥ śaṅkhanābhī ca nīlodastārakākṣaśca parvatau nīlagrīva eva ca vairambhā tāmrāṭavī vemṇugulmaḥ sapta parvatāḥ sakaṇṭakāḥ kṣāranadī triśaṅkuh ayaskilamaṣṭādaśavakro nadīślakṣṇa eva ca dhūmanetramudakaṃ saptaśīviṣaparvatā nadī bhavati paścimā/
Sanskrit only: no published translation is held for this verse.
अनुलोमो प्रतिलोमो नाम महासमुद्रः।
anulomo pratilomo nāma mahāsamudraḥ/
Sanskrit only: no published translation is held for this verse.
अनुलोमप्रतिलोमे महासमुद्रे मनुष्यानवचरिते अनुलोमप्रतिलोमा वायवो वान्ति।
anulomapratilome mahāsamudre manuṣyānavacarite anulomapratilomā vāyavo vānti/
Sanskrit only: no published translation is held for this verse.
तत्र यो ऽसौ पुरुषो भवति महेशाख्यो महेशाख्यदेवतापरिगृहीतः, स महता पुण्यबलेन वीर्यबलेन चित्तबलेन महान्तं प्लवमास्थाय अनुलोमप्रतिलोममहासमुद्रमवतरति<६५>।
tatra yo 'sau puruṣo bhavati maheśākhyo maheśākhyadevatāparigṛhītaḥ, sa mahatā puṇyabalena vīryabalena cittabalena mahāntaṃ plavamāsthāya anulomapratilomamahāsamudramavatarati<65>/
Sanskrit only: no published translation is held for this verse.