यथा त्रिशङ्कुः पर्वतः, एवं त्रिशङ्कुका नाम नदी। एवमयस्किलः पर्वतो ऽयस्किला नाम नदी।
yathā triśaṅkuḥ parvataḥ, evaṃ triśaṅkukā nāma nadī/ evamayaskilaḥ parvato 'yaskilā nāma nadī/
Sanskrit only: no published translation is held for this verse.
Divyāvadāna 67
अयस्किलानदीमतिकर्म्य अष्टादशवक्रो नाम पर्वतः।
ayaskilānadīmatikarmya aṣṭādaśavakro nāma parvataḥ/
Sanskrit only: no published translation is held for this verse.
उच्छ्रितश्च सर्वतः संवृतो ऽद्वारकश्च। अस्य न किंचित् निस्तरणमन्यत्र वृक्षाग्राद् वृक्षमधिरुह्य गन्तव्यम्।
ucchritaśca sarvataḥ saṃvṛto 'dvārakaśca/ asya na kiṃcit nistaraṇamanyatra vṛkṣāgrād vṛkṣamadhiruhya gantavyam/
Sanskrit only: no published translation is held for this verse.
अष्टादशवक्रं पर्वतमतिक्रम्य अष्टादशवक्रिका नाम नादी ग्राहमकराकुला संवृता च।
aṣṭādaśavakraṃ parvatamatikramya aṣṭādaśavakrikā nāma nādī grāhamakarākulā saṃvṛtā ca/
Sanskrit only: no published translation is held for this verse.
तत्र वेत्रपाशं बद्ध्वा अतिक्रमितव्यम्। सचेत् पतति, अनयेन व्यसनमापद्यते।
tatra vetrapāśaṃ baddhvā atikramitavyam/ sacet patati, anayena vyasanamāpadyate/
Sanskrit only: no published translation is held for this verse.
अष्टादशवक्रिकां नदीमतिक्रम्य श्लक्ष्णो नाम पर्वतः। श्लक्ष्णः पर्वतो मृदुरुच्छ्रितो ऽद्वारकश्च।
aṣṭādaśavakrikāṃ nadīmatikramya ślakṣṇo nāma parvataḥ/ ślakṣṇaḥ parvato mṛdurucchrito 'dvārakaśca/
Sanskrit only: no published translation is held for this verse.
न चास्य किंचिन्निस्तरणम्। तत्रायस्कीलानां कोट्यातिक्रमितव्यम्। श्लक्ष्णं पर्वतमतिक्रम्य श्लक्ष्णा नाम नदी ग्राहमकराकुला।
na cāsya kiṃcinnistaraṇam/ tatrāyaskīlānāṃ koṭyātikramitavyam/ ślakṣṇaṃ parvatamatikramya ślakṣṇā nāma nadī grāhamakarākulā/
Sanskrit only: no published translation is held for this verse.
संवृता च सा नदी। तत्र वेत्रपाशान् बद्ध्वा अतिकरमितव्यम्।
saṃvṛtā ca sā nadī/ tatra vetrapāśān baddhvā atikaramitavyam/
Sanskrit only: no published translation is held for this verse.
सचेत् पतति, अनयेन व्यसनमापद्यते। श्लक्ष्णां नदीमतिक्रम्य धूमनेत्रो नाम पर्वतो धूमायते संधूमायते।
sacet patati, anayena vyasanamāpadyate/ ślakṣṇāṃ nadīmatikramya dhūmanetro nāma parvato dhūmāyate saṃdhūmāyate/
Sanskrit only: no published translation is held for this verse.
येन खलु तेन धूमेन मृगा वा पक्षिणो वा स्पृश्यन्ते, पन्ञ्चत्वमापद्यन्ते।
yena khalu tena dhūmena mṛgā vā pakṣiṇo vā spṛśyante, panñcatvamāpadyante/
Sanskrit only: no published translation is held for this verse.
धूमनेत्रः पर्वत उच्छ्रितो महाप्रपातो ऽद्वारकश्च। तत्र तेन पुरुषेण गुहा पर्येषितव्या।
dhūmanetraḥ parvata ucchrito mahāprapāto 'dvārakaśca/ tatra tena puruṣeṇa guhā paryeṣitavyā/
Sanskrit only: no published translation is held for this verse.
गुहां समन्विष्य तेनात्र गुहाद्वारमौषधिबलेन मन्त्रबलेन च मोक्तव्यम् । सा च खलु गुहा आशीविषपरिपूर्णा तिष्ठति।
guhāṃ samanviṣya tenātra guhādvāramauṣadhibalena mantrabalena ca moktavyam / sā ca khalu guhā āśīviṣaparipūrṇā tiṣṭhati/
Sanskrit only: no published translation is held for this verse.
ते खलु आशीविषा दृष्टिविषा अपि, स्पर्शविषा अपि।
te khalu āśīviṣā dṛṣṭiviṣā api, sparśaviṣā api/
Sanskrit only: no published translation is held for this verse.
धूमनेत्रस्य पर्वतस्योपरिष्टान्महदुदकपल्वलम्। तस्मिन्नुदकपल्वले महत्यश्मशिला। तां वीर्यबलेनओत्पाट्य गुहा।
dhūmanetrasya parvatasyopariṣṭānmahadudakapalvalam/ tasminnudakapalvale mahatyaśmaśilā/ tāṃ vīryabalenaotpāṭya guhā/
Sanskrit only: no published translation is held for this verse.
तस्यां गुहायां संजीवनी नामौषधी ज्योतीरसश्च मणिर्दीपप्रभासः।
tasyāṃ guhāyāṃ saṃjīvanī nāmauṣadhī jyotīrasaśca maṇirdīpaprabhāsaḥ/
Sanskrit only: no published translation is held for this verse.
तामौषधीं गृहीत्वा सशीर्षपादं समालभ्य तां चौषधीं गृहीत्वा गुहा प्रवेष्टव्या। औषधीबलेन मन्त्रबलेन औषधीप्रभावाच्चाशीविषाः काये न क्रमिष्यन्ति।
tāmauṣadhīṃ gṛhītvā saśīrṣapādaṃ samālabhya tāṃ cauṣadhīṃ gṛhītvā guhā praveṣṭavyā/ auṣadhībalena mantrabalena auṣadhīprabhāvāccāśīviṣāḥ kāye na kramiṣyanti/
Sanskrit only: no published translation is held for this verse.
एवं हि तस्मात् पर्वतान्निस्तरणं भविष्यति।
evaṃ hi tasmāt parvatānnistaraṇaṃ bhaviṣyati/
Sanskrit only: no published translation is held for this verse.
धूमनेत्रपर्वतमतिक्रम्य सप्ताशीविषपर्वताः। औषधीबलेन मन्त्रबलेन च सप्ताशीविषपर्वता अतिक्रमितव्याः।
dhūmanetraparvatamatikramya saptāśīviṣaparvatāḥ/ auṣadhībalena mantrabalena ca saptāśīviṣaparvatā atikramitavyāḥ/
Sanskrit only: no published translation is held for this verse.
सप्ताशीविषपर्वतानतिक्रम्य सप्तशीविषनद्यः। तीक्ष्णगन्धा नाम तत्राशीविषाः।
saptāśīviṣaparvatānatikramya saptaśīviṣanadyaḥ/ tīkṣṇagandhā nāma tatrāśīviṣāḥ/
Sanskrit only: no published translation is held for this verse.
तत्र तेन पुरुषेण मांसपेश्यन्वेषितव्या। तासामाशीविषनदीनां तीरे शाल्मलीवनम्।
tatra tena puruṣeṇa māṃsapeśyanveṣitavyā/ tāsāmāśīviṣanadīnāṃ tīre śālmalīvanam/
Sanskrit only: no published translation is held for this verse.
ततः शाल्मलीफलकैः प्लवं बद्ध्वा मांसपेश्या आत्मानमाच्छाद्य अधिरोढव्यम्।
tataḥ śālmalīphalakaiḥ plavaṃ baddhvā māṃsapeśyā ātmānamācchādya adhiroḍhavyam/
Sanskrit only: no published translation is held for this verse.
ततस्ता आशीविषा मांसगन्धेन पारात् पारं गमिष्यन्ति। सप्ताशीविषमतिक्रम्य महान् सुधावदातः पर्वतः, उच्चश्च प्रगृहीतश्च।
tatastā āśīviṣā māṃsagandhena pārāt pāraṃ gamiṣyanti/ saptāśīviṣamatikramya mahān sudhāvadātaḥ parvataḥ, uccaśca pragṛhītaśca/
Sanskrit only: no published translation is held for this verse.
सो ऽधिरोढव्यस् तत्र द्रक्ष्यसि महान्तं सौवर्णभूमिं पृथिवीप्रदेशं पुष्पफलच्छायावृक्षोपशोभितम्।
so 'dhiroḍhavyas tatra drakṣyasi mahāntaṃ sauvarṇabhūmiṃ pṛthivīpradeśaṃ puṣpaphalacchāyāvṛkṣopaśobhitam/
Sanskrit only: no published translation is held for this verse.
रोहितकाञ् जनपदान् ऋद्धांश्च क्षेमांश्च सुभिक्षांश्च आकीर्णबहुजनमनुष्यांश्च।
rohitakāñ janapadān ṛddhāṃśca kṣemāṃśca subhikṣāṃśca ākīrṇabahujanamanuṣyāṃśca/
Sanskrit only: no published translation is held for this verse.
रोहितकं च महानगरं द्वादशयोजनायामं सप्तयोजनविस्तृतं सप्तप्राकारपरिक्षिप्तं द्वाषष्टिद्वारोपशोभितं भवनशतसहस्रविराजितं सुविविक्तरथ्यावीथिचत्वरशृङ्गाटकान्तरापणम्।
rohitakaṃ ca mahānagaraṃ dvādaśayojanāyāmaṃ saptayojanavistṛtaṃ saptaprākāraparikṣiptaṃ dvāṣaṣṭidvāropaśobhitaṃ bhavanaśatasahasravirājitaṃ suviviktarathyāvīthicatvaraśṛṅgāṭakāntarāpaṇam/
Sanskrit only: no published translation is held for this verse.
वीणा वल्लिका महती सुघोषकैः श्रोत्राभिरामैश्च गीतध्वनिभिरनुपरतप्रयोगं नानापण्यसंवृद्धं नित्यप्रमुदितजनौघसंकुलं त्रिदशेन्द्रोपेन्द्रसदृशोद्यानसभापुष्करिणीसम्पन्नं कादम्बहंसकारण्डवचक्रवाकोपशोभिततडागं रोहितकं महाराजाध्युषितं महापुरुषवणिग्निसेवितम्।
vīṇā vallikā mahatī sughoṣakaiḥ śrotrābhirāmaiśca gītadhvanibhiranuparataprayogaṃ nānāpaṇyasaṃvṛddhaṃ nityapramuditajanaughasaṃkulaṃ tridaśendropendrasadṛśodyānasabhāpuṣkariṇīsampannaṃ kādambahaṃsakāraṇḍavacakravākopaśobhitataḍāgaṃ rohitakaṃ mahārājādhyuṣitaṃ mahāpuruṣavaṇignisevitam/
Sanskrit only: no published translation is held for this verse.
यत्र मघः सार्थवाहः प्रतिवसति अभिरूपो दर्शनीयः प्रासादिकः पण्डितो व्यक्तो मेधावी आढ्यो महाधनो महाभोगो विस्तीर्णविशालपरिग्रहो वैश्रवणधनसमुदितो वैश्रवणधनप्रतिस्पर्धी द्वीपान्तरद्वीपगमनविधिज्ञ्नो महासमुद्रयानपात्रयायी<६८>।
yatra maghaḥ sārthavāhaḥ prativasati abhirūpo darśanīyaḥ prāsādikaḥ paṇḍito vyakto medhāvī āḍhyo mahādhano mahābhogo vistīrṇaviśālaparigraho vaiśravaṇadhanasamudito vaiśravaṇadhanapratispardhī dvīpāntaradvīpagamanavidhijñno mahāsamudrayānapātrayāyī<68>/
Sanskrit only: no published translation is held for this verse.