स तं दूरत एव दृष्ट्वा प्रत्यवभाषितुमारब्धः। स्वागतं श्रोण, मा तृषितो ऽसि, मा बुभुक्षितो ऽसि वा? स संलक्षयति--नूनमयं देवो वा नागो वा यक्षो वा भविष्यति।
sa taṃ dūrata eva dṛṣṭvā pratyavabhāṣitumārabdhaḥ/ svāgataṃ śroṇa, mā tṛṣito 'si, mā bubhukṣito 'si vā? sa saṃlakṣayati--nūnamayaṃ devo vā nāgo vā yakṣo vā bhaviṣyati/
Sanskrit only: no published translation is held for this verse.
स कथयति--तृषितो ऽस्मि बुभुक्षितश्च। स तेन स्नापितो भोजितः। स तस्मिन् विमाने तावत् स्थितो यावत् सूर्यस्यास्तंगमनकालसमयः।
sa kathayati--tṛṣito 'smi bubhukṣitaśca/ sa tena snāpito bhojitaḥ/ sa tasmin vimāne tāvat sthito yāvat sūryasyāstaṃgamanakālasamayaḥ/
Sanskrit only: no published translation is held for this verse.
स तेनोक्तह्--अवतरस्व, आदीनवो ऽत्र भविष्यति।
sa tenoktah--avatarasva, ādīnavo 'tra bhaviṣyati/
Sanskrit only: no published translation is held for this verse.
स दृष्टादीनवो ऽवतीर्य एकान्ते ऽवस्थितः। ततः पश्चात् सूर्यस्यास्तगमनकालसमये तद्विमानमन्तर्हितम्।
sa dṛṣṭādīnavo 'vatīrya ekānte 'vasthitaḥ/ tataḥ paścāt sūryasyāstagamanakālasamaye tadvimānamantarhitam/
Sanskrit only: no published translation is held for this verse.
सापि अप्सरा अन्तर्हिता। महती शतपदी प्रादुर्भूता। तया तस्य पुरुषस्य कायेन कायं सप्तकृत्वो वेष्टयित्वा तावदुपरिमस्तिष्कं भक्षयन्ती स्थिता, यावत् स एव सूर्यस्याभ्युद्गमनकालसमयः।
sāpi apsarā antarhitā/ mahatī śatapadī prādurbhūtā/ tayā tasya puruṣasya kāyena kāyaṃ saptakṛtvo veṣṭayitvā tāvaduparimastiṣkaṃ bhakṣayantī sthitā, yāvat sa eva sūryasyābhyudgamanakālasamayaḥ/
Sanskrit only: no published translation is held for this verse.
ततः पश्चात् पुनरपि तद्विमानं प्रादुर्भूतम्।
tataḥ paścāt punarapi tadvimānaṃ prādurbhūtam/
Sanskrit only: no published translation is held for this verse.
सापि अप्सराः प्रादुर्भूता। स च पुरुषो ऽभिरूपो दर्शनीयः प्रासादिकस्तया सार्धं क्रीडति रमते परिचारयति।
sāpi apsarāḥ prādurbhūtā/ sa ca puruṣo 'bhirūpo darśanīyaḥ prāsādikastayā sārdhaṃ krīḍati ramate paricārayati/
Sanskrit only: no published translation is held for this verse.
स तमुपसंक्रम्य पृच्छति--को भवान्, केन कर्मणा इहोपपन्नह्? स एवमाह--श्रोण, दुष्कुहका जाम्बूद्वीपका मनुष्याः, नाभिश्रद्दधास्यसि।
sa tamupasaṃkramya pṛcchati--ko bhavān, kena karmaṇā ihopapannah? sa evamāha--śroṇa, duṣkuhakā jāmbūdvīpakā manuṣyāḥ, nābhiśraddadhāsyasi/
Sanskrit only: no published translation is held for this verse.
स कथयति--अहं प्रत्यक्षदर्शी, कस्मान्नाभिश्रद्दधास्ये? स कथयति--यदि एवम्, अहं वासवग्रामके ब्राह्मण आसीत् पारदारिकः।
sa kathayati--ahaṃ pratyakṣadarśī, kasmānnābhiśraddadhāsye? sa kathayati--yadi evam, ahaṃ vāsavagrāmake brāhmaṇa āsīt pāradārikaḥ/
Sanskrit only: no published translation is held for this verse.
आर्यश्च महाकात्यायनो ममानुकम्पया आगत्य कथयति--भद्रमुख, अनिष्टो ऽस्य कर्मणः फलविपाकः।
āryaśca mahākātyāyano mamānukampayā āgatya kathayati--bhadramukha, aniṣṭo 'sya karmaṇaḥ phalavipākaḥ/
Sanskrit only: no published translation is held for this verse.
विरम त्वमस्मात् पापकादसद्धर्मात्। तस्य वचनादहं न प्रतिविरमामि।
virama tvamasmāt pāpakādasaddharmāt/ tasya vacanādahaṃ na prativiramāmi/
Sanskrit only: no published translation is held for this verse.
भूयो भूयः स माम विच्छन्दयति। तथैवाहं तस्मात् पापकादसद्धर्मान्न प्रतिविरमामि।
bhūyo bhūyaḥ sa māma vicchandayati/ tathaivāhaṃ tasmāt pāpakādasaddharmānna prativiramāmi/
Sanskrit only: no published translation is held for this verse.
स मां पृच्छति--भद्रमुख, परदारान् किं त्वं दिवा गच्छसि, आहोस्विद् रात्रौ? स मयाभिहितह्--आर्य रात्रौ।
sa māṃ pṛcchati--bhadramukha, paradārān kiṃ tvaṃ divā gacchasi, āhosvid rātrau? sa mayābhihitah--ārya rātrau/
Sanskrit only: no published translation is held for this verse.
स कथयति--भद्रमुख, दिवा किं न शीलसमादानं गृह्णासि? मया तस्यान्तिके दिवा शीलसमादानं गृहीतम्।
sa kathayati--bhadramukha, divā kiṃ na śīlasamādānaṃ gṛhṇāsi? mayā tasyāntike divā śīlasamādānaṃ gṛhītam/
Sanskrit only: no published translation is held for this verse.
यत्तन्मया आर्यस्य कात्यायनस्यान्तिकाद् दिवा शीलसमादानं गृहीतम्, तस्य कर्मणो विपाकेन दिवा एवंविधं दिव्यसुखं प्रत्यनुभवामि।
yattanmayā āryasya kātyāyanasyāntikād divā śīlasamādānaṃ gṛhītam, tasya karmaṇo vipākena divā evaṃvidhaṃ divyasukhaṃ pratyanubhavāmi/
Sanskrit only: no published translation is held for this verse.
यत्तद्रात्रौ परदाराभिगमनं कृतम्, तस्य कर्मणो विपाकेन रात्रावेवंविधं दुःखं प्रत्यनुभवामि।
yattadrātrau paradārābhigamanaṃ kṛtam, tasya karmaṇo vipākena rātrāvevaṃvidhaṃ duḥkhaṃ pratyanubhavāmi/
Sanskrit only: no published translation is held for this verse.
गाथां च भाषते--
gāthāṃ ca bhāṣate--
Sanskrit only: no published translation is held for this verse.
रात्रौ परदारमूर्च्छितो, दिवसं शीलगुणैः समन्वितः।
rātrau paradāramūrcchito, divasaṃ śīlaguṇaiḥ samanvitaḥ/
Sanskrit only: no published translation is held for this verse.
तस्यैतत् कर्मणः फलं ह्यनुभवामि कल्याणपापकम्॥४॥
tasyaitat karmaṇaḥ phalaṃ hyanubhavāmi kalyāṇapāpakam//4//
Sanskrit only: no published translation is held for this verse.
श्रोण, गमिष्यसि त्वं वासवग्रामकम्। तत्र मम पुत्रो ब्राह्मणः पारदारिकः। स वक्तव्यह्--दृष्टस्ते मया पिता।
śroṇa, gamiṣyasi tvaṃ vāsavagrāmakam/ tatra mama putro brāhmaṇaḥ pāradārikaḥ/ sa vaktavyah--dṛṣṭaste mayā pitā/
Sanskrit only: no published translation is held for this verse.
स कथयति--अनिष्टो ऽस्य कर्मणः फलविपाकः। विरमास्मात् पापकादसद्धर्मात्।
sa kathayati--aniṣṭo 'sya karmaṇaḥ phalavipākaḥ/ viramāsmāt pāpakādasaddharmāt/
Sanskrit only: no published translation is held for this verse.
भोः पुरुष, त्वमेवं कथयसि--दुष्कुहका जाम्बुद्वीपका मनुष्या इति। एतन्मे कः श्रद्दधास्यति? श्रोण यन्न श्रद्दधास्यति, वक्तव्यह्--तव पित्रा अग्निष्टोमस्याधस्तात् सुवर्णकलशः पूरयित्वा स्थापितः।
bhoḥ puruṣa, tvamevaṃ kathayasi--duṣkuhakā jāmbudvīpakā manuṣyā iti/ etanme kaḥ śraddadhāsyati? śroṇa yanna śraddadhāsyati, vaktavyah--tava pitrā agniṣṭomasyādhastāt suvarṇakalaśaḥ pūrayitvā sthāpitaḥ/
Sanskrit only: no published translation is held for this verse.
तमुद्धृत्यात्मानं सम्यक्सुखेन प्रीणय। आर्यं च महाकात्यायनं कालेन कालं पिण्डकेन प्रतिपादय।
tamuddhṛtyātmānaṃ samyaksukhena prīṇaya/ āryaṃ ca mahākātyāyanaṃ kālena kālaṃ piṇḍakena pratipādaya/
Sanskrit only: no published translation is held for this verse.
अस्माकं च नांना दक्षिणां देशय। अप्येवैतत् कर्म तनुत्वं परिक्षयं पर्यादानं गच्छेत्।
asmākaṃ ca nāṃnā dakṣiṇāṃ deśaya/ apyevaitat karma tanutvaṃ parikṣayaṃ paryādānaṃ gacchet/
Sanskrit only: no published translation is held for this verse.
स संप्रस्थितः। यावत् पश्यति विमानम्। तत्रैका स्त्री अभिरूपा दर्शनीया प्रासादिका अङ्गदकुण्डलविचित्रमाल्याभरणानुलेपना।
sa saṃprasthitaḥ/ yāvat paśyati vimānam/ tatraikā strī abhirūpā darśanīyā prāsādikā aṅgadakuṇḍalavicitramālyābharaṇānulepanā/
Sanskrit only: no published translation is held for this verse.
तस्याश्चतुर्षु पर्यङ्कपादकेषु चत्वारः प्रेता बद्धास्तिष्ठन्ति।
tasyāścaturṣu paryaṅkapādakeṣu catvāraḥ pretā baddhāstiṣṭhanti/
Sanskrit only: no published translation is held for this verse.
सा तं दूरत एव दृष्ट्वा प्रत्यवभाषितुमारब्धा--<८>श्रोण, स्वागतम्।
sā taṃ dūrata eva dṛṣṭvā pratyavabhāṣitumārabdhā--<8>śroṇa, svāgatam/
Sanskrit only: no published translation is held for this verse.