मा तृषितो ऽसि मा बुभुक्षितो ऽसि वा? स संलक्षयति--नूनं देवीयं वा नागी वा यक्षी वा भविष्यति।
mā tṛṣito 'si mā bubhukṣito 'si vā? sa saṃlakṣayati--nūnaṃ devīyaṃ vā nāgī vā yakṣī vā bhaviṣyati/
Sanskrit only: no published translation is held for this verse.
स कथयति--आर्ये, तृषितो ऽस्मि बुभुक्षितो ऽस्मि। तयासावुद्वर्तितः स्नापित आहारो दत्तः।
sa kathayati--ārye, tṛṣito 'smi bubhukṣito 'smi/ tayāsāvudvartitaḥ snāpita āhāro dattaḥ/
Sanskrit only: no published translation is held for this verse.
उक्तं च--श्रोण, यदि एते किंचिन्मृगयन्ति, मा दास्यसीति उक्त्वा तेषां सत्त्वानां कर्मस्वकटां प्रत्यक्षीकर्तुकामा विमानं प्रविश्यावस्थिता।
uktaṃ ca--śroṇa, yadi ete kiṃcinmṛgayanti, mā dāsyasīti uktvā teṣāṃ sattvānāṃ karmasvakaṭāṃ pratyakṣīkartukāmā vimānaṃ praviśyāvasthitā/
Sanskrit only: no published translation is held for this verse.
ते मृगयितुमारब्धाह्--श्रोण कारुणिकस्त्वम्।
te mṛgayitumārabdhāh--śroṇa kāruṇikastvam/
Sanskrit only: no published translation is held for this verse.
बुभुक्षिता वयम्। अस्माकमनुप्रयच्छ। तेनैकस्य क्षिप्तम्--बुसप्लावी प्रादुर्भूता।
bubhukṣitā vayam/ asmākamanuprayaccha/ tenaikasya kṣiptam--busaplāvī prādurbhūtā/
Sanskrit only: no published translation is held for this verse.
अपरस्य क्षिप्तम्--अयोगुडं भक्षयितुमारब्धः। अपरस्य क्षिप्तम्--स्वमांसं भक्षयितुमारब्धह्--अपरस्य क्षिप्तम्--पूयशोणितं प्रादुर्भूतम्।
aparasya kṣiptam--ayoguḍaṃ bhakṣayitumārabdhaḥ/ aparasya kṣiptam--svamāṃsaṃ bhakṣayitumārabdhah--aparasya kṣiptam--pūyaśoṇitaṃ prādurbhūtam/
Sanskrit only: no published translation is held for this verse.
सा विस्रगन्धेन निर्गता।
sā visragandhena nirgatā/
Sanskrit only: no published translation is held for this verse.
श्रोण निवारितस्त्वं मया। कस्मात् त्वयैषां दत्तम्? किं कथयति--अयं मे स्वामी, अयं मे पुत्रः, इयं मे स्नुषा, इयं मे दासी।
śroṇa nivāritastvaṃ mayā/ kasmāt tvayaiṣāṃ dattam? kiṃ kathayati--ayaṃ me svāmī, ayaṃ me putraḥ, iyaṃ me snuṣā, iyaṃ me dāsī/
Sanskrit only: no published translation is held for this verse.
स आह--के यूयम्, केन वा कर्मणा इहोपपन्नाह्? तयोक्तम्--श्रोण, दुष्कुहका जाम्बुद्वीपका मनुष्या इति नाभिश्रद्दधास्यसि।
sa āha--ke yūyam, kena vā karmaṇā ihopapannāh? tayoktam--śroṇa, duṣkuhakā jāmbudvīpakā manuṣyā iti nābhiśraddadhāsyasi/
Sanskrit only: no published translation is held for this verse.
अहं प्रत्यक्षदर्शी कस्मान्नाभिश्रद्दधास्ये? सा कथयति--अहं वासवग्रामके ब्राह्मणी आसीत्।
ahaṃ pratyakṣadarśī kasmānnābhiśraddadhāsye? sā kathayati--ahaṃ vāsavagrāmake brāhmaṇī āsīt/
Sanskrit only: no published translation is held for this verse.
मया नक्षत्ररात्र्यां प्रत्युपस्थितायां प्रणीतमाहारं सज्जीकृतम्।
mayā nakṣatrarātryāṃ pratyupasthitāyāṃ praṇītamāhāraṃ sajjīkṛtam/
Sanskrit only: no published translation is held for this verse.
आर्यमहाकात्यायनो ममानुकम्पया वासवग्रामके पिण्डाय प्राविक्षत्।
āryamahākātyāyano mamānukampayā vāsavagrāmake piṇḍāya prāvikṣat/
Sanskrit only: no published translation is held for this verse.
स मया दृष्टः कायप्रासादिकश्चित्तप्रासादिकः। चित्तमभिप्रसन्नं दृष्ट्वा स मया प्रसादजातया पिण्डकेन प्रतिपादितः।
sa mayā dṛṣṭaḥ kāyaprāsādikaścittaprāsādikaḥ/ cittamabhiprasannaṃ dṛṣṭvā sa mayā prasādajātayā piṇḍakena pratipāditaḥ/
Sanskrit only: no published translation is held for this verse.
तस्या मम बुद्धिरुत्पन्ना--स्वामिनमनुमोदयामि, प्रामोद्यमुत्पादयिष्यतीति।
tasyā mama buddhirutpannā--svāminamanumodayāmi, prāmodyamutpādayiṣyatīti/
Sanskrit only: no published translation is held for this verse.
स स्नात्वा आगतः। मयोक्तम्--आर्यपुत्र, अनुमोदस्व, मयार्यो महाकात्यायनः पिण्डकेन प्रतिपादितः।
sa snātvā āgataḥ/ mayoktam--āryaputra, anumodasva, mayāryo mahākātyāyanaḥ piṇḍakena pratipāditaḥ/
Sanskrit only: no published translation is held for this verse.
स रुषितो यावद् ब्राह्मणानां न दीयते, ज्ञातीनां वा ज्ञातिपूजा न क्रियते, तावत्त्वया तस्मै मुण्डकाय श्रमणकायाग्रपिण्डकं दत्तम्? सो ऽमर्षजातः कथयति--कस्मात् स मुण्डकः श्रमणको बुसप्लावीं न भक्षयतीति? तस्य कर्मणो विपाकेनायं बुसप्लावीं भक्षयति।
sa ruṣito yāvad brāhmaṇānāṃ na dīyate, jñātīnāṃ vā jñātipūjā na kriyate, tāvattvayā tasmai muṇḍakāya śramaṇakāyāgrapiṇḍakaṃ dattam? so 'marṣajātaḥ kathayati--kasmāt sa muṇḍakaḥ śramaṇako busaplāvīṃ na bhakṣayatīti? tasya karmaṇo vipākenāyaṃ busaplāvīṃ bhakṣayati/
Sanskrit only: no published translation is held for this verse.
मम बुद्धिरुत्पन्ना--पुत्रमपि अनुमोदयामि, प्रामोद्यमुत्पादयिष्यतीति।
mama buddhirutpannā--putramapi anumodayāmi, prāmodyamutpādayiṣyatīti/
Sanskrit only: no published translation is held for this verse.
सो ऽपि मयोक्तह्--पुत्र, अनुमोदस्व, मयार्यो महाकात्यायनः पिण्डकेन प्रतिपादितः। सो ऽपि रुषितो यावद् ब्राह्मणानां न दीयते, ज्ञातीनां वा ज्ञातिपूजा न क्रियते, तावत्त्वया तस्मै मुण्डकाय श्रमणकायाग्रपिण्डं दत्तम्? सो ऽपि अमर्षजातः कथयति--कस्मात् स मुण्डकः श्रमणको ऽयोगुडं न भक्षयतीति? तस्य कर्मणो विपाकेनायमयोगुडं भक्षयति।
so 'pi mayoktah--putra, anumodasva, mayāryo mahākātyāyanaḥ piṇḍakena pratipāditaḥ/ so 'pi ruṣito yāvad brāhmaṇānāṃ na dīyate, jñātīnāṃ vā jñātipūjā na kriyate, tāvattvayā tasmai muṇḍakāya śramaṇakāyāgrapiṇḍaṃ dattam? so 'pi amarṣajātaḥ kathayati--kasmāt sa muṇḍakaḥ śramaṇako 'yoguḍaṃ na bhakṣayatīti? tasya karmaṇo vipākenāyamayoguḍaṃ bhakṣayati/
Sanskrit only: no published translation is held for this verse.
नक्षत्ररात्र्यां प्रत्युपस्थितायां मम ज्ञातयः प्रहेणकानि प्रेषयन्ति।
nakṣatrarātryāṃ pratyupasthitāyāṃ mama jñātayaḥ praheṇakāni preṣayanti/
Sanskrit only: no published translation is held for this verse.
तानि अहं स्नुषायाः समर्पयामि। सा प्रणीतानि प्रहेणकानि भक्षयित्वा मम लूहानि उपनामयति।
tāni ahaṃ snuṣāyāḥ samarpayāmi/ sā praṇītāni praheṇakāni bhakṣayitvā mama lūhāni upanāmayati/
Sanskrit only: no published translation is held for this verse.
अहं तेषां ज्ञातीनां संदिशामि--किं नु यूयं दुर्भिक्षे यथा लूहानि प्रहेणकानि प्रेषयत? ते मम संदिशन्ति--न वयं लूहानि प्रेषयामः, अपि तु प्रणीतान्येव प्रहेणकानि प्रेषयामः।
ahaṃ teṣāṃ jñātīnāṃ saṃdiśāmi--kiṃ nu yūyaṃ durbhikṣe yathā lūhāni praheṇakāni preṣayata? te mama saṃdiśanti--na vayaṃ lūhāni preṣayāmaḥ, api tu praṇītānyeva praheṇakāni preṣayāmaḥ/
Sanskrit only: no published translation is held for this verse.
मया स्नुषाभिहिता--वधूके, मा त्वं प्रणीतानि प्रहेणकानि भक्षयित्वास्मकं लूहानि उपनामयसि? सा कथयति--किं स्वमांसं न भक्षयति या त्वदीयानि प्रहेणकानि भक्षयतीति? इयं तस्य कर्मणो विपाकेन स्वमांसानि भक्षयति।
mayā snuṣābhihitā--vadhūke, mā tvaṃ praṇītāni praheṇakāni bhakṣayitvāsmakaṃ lūhāni upanāmayasi? sā kathayati--kiṃ svamāṃsaṃ na bhakṣayati yā tvadīyāni praheṇakāni bhakṣayatīti? iyaṃ tasya karmaṇo vipākena svamāṃsāni bhakṣayati/
Sanskrit only: no published translation is held for this verse.
नक्षत्ररात्र्यां प्रतुपस्थितायां प्रणीतानि प्रहेणकानि दत्त्वा ज्ञातीनां प्रेषयामि।
nakṣatrarātryāṃ pratupasthitāyāṃ praṇītāni praheṇakāni dattvā jñātīnāṃ preṣayāmi/
Sanskrit only: no published translation is held for this verse.
सा दारिका तानि प्रणीतानि प्रहेणकानि मार्गे ऽन्तर्भक्षयित्वा तेषां लूहानि उपनामयति।
sā dārikā tāni praṇītāni praheṇakāni mārge 'ntarbhakṣayitvā teṣāṃ lūhāni upanāmayati/
Sanskrit only: no published translation is held for this verse.