भगवतो ऽचि तश्चि रं धर्मं देशयतो भोजनकालो ऽतिक्रान्तः। मेण्ढको गृहपतिः कथयति--भगवन् भक्तकृत्यं क्रियतामिति।
bhagavato 'ci taści raṃ dharmaṃ deśayato bhojanakālo 'tikrāntaḥ/ meṇḍhako gṛhapatiḥ kathayati--bhagavan bhaktakṛtyaṃ kriyatāmiti/
Sanskrit only: no published translation is held for this verse.
भगवानाह--गृहपते, भोजनकालो ऽतिक्रान्त इति। स कथयति--भगवन्, किमकाले कल्पते? भगवानाह--धृतगुडशर्करापानकानि चेति।
bhagavānāha--gṛhapate, bhojanakālo 'tikrānta iti/ sa kathayati--bhagavan, kimakāle kalpate? bhagavānāha--dhṛtaguḍaśarkarāpānakāni ceti/
Sanskrit only: no published translation is held for this verse.
ततो मेण्ढकेन गृहपतिना शिल्पिन आहूय उक्ताह्--भगवतो ऽकालखाद्यकानि शीघ्रं सज्जीकुरुतेति।
tato meṇḍhakena gṛhapatinā śilpina āhūya uktāh--bhagavato 'kālakhādyakāni śīghraṃ sajjīkuruteti/
Sanskrit only: no published translation is held for this verse.
तैरकालकानि सज्जीकृतानि। ततो मेण्ढकेन गृहपतिना बुद्धप्रमुखो भिक्षुसंघो ऽकालखाद्यकैरकालपानकैश्च संतर्पितः।
tairakālakāni sajjīkṛtāni/ tato meṇḍhakena gṛhapatinā buddhapramukho bhikṣusaṃgho 'kālakhādyakairakālapānakaiśca saṃtarpitaḥ/
Sanskrit only: no published translation is held for this verse.
ततो भगवान् मेण्ढकं गृहपतिं सपरिवारं सत्येषु प्रतिष्ठापितं कर्वटनिवासिनं जनकायम् यथाभव्यतया विनीय प्रक्रान्तः॥
tato bhagavān meṇḍhakaṃ gṛhapatiṃ saparivāraṃ satyeṣu pratiṣṭhāpitaṃ karvaṭanivāsinaṃ janakāyam yathābhavyatayā vinīya prakrāntaḥ//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो भगवतो भाषितमभ्यनन्दन्॥
idamavocadbhagavān/ āttamanasaste bhikṣavo bhagavato bhāṣitamabhyanandan//
Sanskrit only: no published translation is held for this verse.
इति श्रीदिव्यावदाने मेण्ढकगृहपतिविभूतिपरिच्छेदो नवमः॥
iti śrīdivyāvadāne meṇḍhakagṛhapativibhūtiparicchedo navamaḥ//
Sanskrit only: no published translation is held for this verse.