<८७>अवभासिता येन दिशः समन्ताद्दिवाकरेणोदयता यथैव॥३॥
<87>avabhāsitā yena diśaḥ samantāddivākareṇodayatā yathaiva//3//
Sanskrit only: no published translation is held for this verse.
Divyāvadāna 87
गाथां च भाषिते--
gāthāṃ ca bhāṣite--
Sanskrit only: no published translation is held for this verse.
विगतोद्भवा दैन्यमदप्रहीणा बुद्धा जगत्युत्तमहेतुभूताः।
vigatodbhavā dainyamadaprahīṇā buddhā jagatyuttamahetubhūtāḥ/
Sanskrit only: no published translation is held for this verse.
नाकारणं शङ्खमृणालगौरं स्मितमुपदर्शयन्ति जिना जितारयः॥४॥
nākāraṇaṃ śaṅkhamṛṇālagauraṃ smitamupadarśayanti jinā jitārayaḥ//4//
Sanskrit only: no published translation is held for this verse.
तत्कालं स्वयमधिगम्य धीर बुद्ध्या श्रोतृर्णां श्रमण जिनेन्द्र काङ्क्षितानाम्।
tatkālaṃ svayamadhigamya dhīra buddhyā śrotṛrṇāṃ śramaṇa jinendra kāṅkṣitānām/
Sanskrit only: no published translation is held for this verse.
धीराभिर्मुनिवृष वाग्भिरुत्तमाभिरुत्पन्नं व्यपनय संशयं शुभाभिः॥५॥
dhīrābhirmunivṛṣa vāgbhiruttamābhirutpannaṃ vyapanaya saṃśayaṃ śubhābhiḥ//5//
Sanskrit only: no published translation is held for this verse.
नाकस्माल्लवणजलाद्रिराजधैर्याः संबुद्धाः स्मितमुपदर्शयन्ति नाथाः।
nākasmāllavaṇajalādrirājadhairyāḥ saṃbuddhāḥ smitamupadarśayanti nāthāḥ/
Sanskrit only: no published translation is held for this verse.
यस्यार्थे स्मितमुपदर्शयन्ति धीरा स्तं श्रोतुं समभिलषन्ति ते जनौघाः॥६॥ इति॥
yasyārthe smitamupadarśayanti dhīrā staṃ śrotuṃ samabhilaṣanti te janaughāḥ//6// iti//
Sanskrit only: no published translation is held for this verse.
भगवानाह--एवमेतदानन्द, एवमेतत्। नाहेत्वप्रत्ययमानन्द तथागता अर्हन्तः सम्यक्सम्बुद्धाः स्मितं प्राविष्कुर्वन्ति।
bhagavānāha--evametadānanda, evametat/ nāhetvapratyayamānanda tathāgatā arhantaḥ samyaksambuddhāḥ smitaṃ prāviṣkurvanti/
Sanskrit only: no published translation is held for this verse.
दृष्टस्ते आनन्द अयं गोवृषह्? दृष्टो भदन्त। एष आनन्द गोवृषस्तथागतस्यान्तिके प्रसन्नचित्तः सप्तमे दिवसे कालं कृत्वा चात्रुमहाराजिकेषु देवेषूपपत्स्यते।
dṛṣṭaste ānanda ayaṃ govṛṣah? dṛṣṭo bhadanta/ eṣa ānanda govṛṣastathāgatasyāntike prasannacittaḥ saptame divase kālaṃ kṛtvā cātrumahārājikeṣu deveṣūpapatsyate/
Sanskrit only: no published translation is held for this verse.
वैश्रवणस्य महाराजस्य पुत्रो भविष्यति। ततश्च्युत्वा त्रायस्त्रिंशेषु देवेषूपपत्स्यते।
vaiśravaṇasya mahārājasya putro bhaviṣyati/ tataścyutvā trāyastriṃśeṣu deveṣūpapatsyate/
Sanskrit only: no published translation is held for this verse.
शक्रस्य देवेन्द्रस्य पुत्रो भविष्यति। ततश्च्युत्वा यामेषु देवेषूपपत्स्यते। यामस्य देवस्य पुत्रो भविष्यति।
śakrasya devendrasya putro bhaviṣyati/ tataścyutvā yāmeṣu deveṣūpapatsyate/ yāmasya devasya putro bhaviṣyati/
Sanskrit only: no published translation is held for this verse.
ततश्च्युत्वा तुषितेषु देवेषूपपत्स्यते। स तुषितस्य देवस्य पुत्रो भविष्यति।
tataścyutvā tuṣiteṣu deveṣūpapatsyate/ sa tuṣitasya devasya putro bhaviṣyati/
Sanskrit only: no published translation is held for this verse.
ततश्च्युत्वा निर्माणरतिषु देवेषूपपत्स्यते। सुनिर्मितस्य देवपुत्रस्य पुत्रो भविष्यति। ततश्च्युत्वा परिनिर्मितवशवर्तिषु देवेषूपपत्स्यते।
tataścyutvā nirmāṇaratiṣu deveṣūpapatsyate/ sunirmitasya devaputrasya putro bhaviṣyati/ tataścyutvā parinirmitavaśavartiṣu deveṣūpapatsyate/
Sanskrit only: no published translation is held for this verse.
वशवरतिनो देवपुत्रस्य पुत्रो भविष्यति। तदनया संतत्या नवनवतिकल्पसहस्राणि विनिपातं न गमिष्यति।
vaśavaratino devaputrasya putro bhaviṣyati/ tadanayā saṃtatyā navanavatikalpasahasrāṇi vinipātaṃ na gamiṣyati/
Sanskrit only: no published translation is held for this verse.
ततः कामावचरेषु देवेषु दिव्यं सुखमनुभूय पश्चिमे भवे पश्चिमे निकेते समुच्छ्रये पश्चिमे आत्मभावप्रतिलम्भे मनुष्यत्वं प्रतिलभ्य राजा भविष्यति अशोकवर्णो नाम चक्रवर्ती चतुरर्णवान्तविजेता धार्मिको धर्मराजः सप्तरत्नसमन्वागतः।
tataḥ kāmāvacareṣu deveṣu divyaṃ sukhamanubhūya paścime bhave paścime nikete samucchraye paścime ātmabhāvapratilambhe manuṣyatvaṃ pratilabhya rājā bhaviṣyati aśokavarṇo nāma cakravartī caturarṇavāntavijetā dhārmiko dharmarājaḥ saptaratnasamanvāgataḥ/
Sanskrit only: no published translation is held for this verse.
तस्येमान्येवम्रूपाणि सप्त रत्नानि भविष्यन्ति। तद्यथा--चक्ररत्नं हस्तिरत्नमश्वरत्नं मणिरत्नं स्त्रीरत्नं गृहपतिरत्नं परिणायकरत्नमेव सप्तमम्।
tasyemānyevamrūpāṇi sapta ratnāni bhaviṣyanti/ tadyathā--cakraratnaṃ hastiratnamaśvaratnaṃ maṇiratnaṃ strīratnaṃ gṛhapatiratnaṃ pariṇāyakaratnameva saptamam/
Sanskrit only: no published translation is held for this verse.
पूर्णं चास्य भविष्यति सहस्रं पुत्राणां शूराणां वीराणां वराङ्गरूपिणा परसैन्यप्रमर्दकानाम्।
pūrṇaṃ cāsya bhaviṣyati sahasraṃ putrāṇāṃ śūrāṇāṃ vīrāṇāṃ varāṅgarūpiṇā parasainyapramardakānām/
Sanskrit only: no published translation is held for this verse.
इमामेव समुद्रपर्यन्तां महापृथिवीमखिलामकण्टकामनुत्पीडामदण्डेनाशस्त्रेण धर्म्येण समयेनाभिनिर्जित्य अध्यावत्स्यति।
imāmeva samudraparyantāṃ mahāpṛthivīmakhilāmakaṇṭakāmanutpīḍāmadaṇḍenāśastreṇa dharmyeṇa samayenābhinirjitya adhyāvatsyati/
Sanskrit only: no published translation is held for this verse.
सो ऽपरेण समयेन दानानि दत्वा चक्रवर्तिराज्यमपहाय केशश्मश्रूण्यवतार्य काषायाणि वस्त्राणि ॥।षम्यगेव श्रद्धया अगारादनगारिकां प्रव्रज्य प्रत्येकां बोधिं साक्षात्करिष्यति, अशोकवर्णो नाम प्रत्येकबुद्धो भविष्यति।
so 'pareṇa samayena dānāni datvā cakravartirājyamapahāya keśaśmaśrūṇyavatārya kāṣāyāṇi vastrāṇi ...ṣamyageva śraddhayā agārādanagārikāṃ pravrajya pratyekāṃ bodhiṃ sākṣātkariṣyati, aśokavarṇo nāma pratyekabuddho bhaviṣyati/
Sanskrit only: no published translation is held for this verse.
अथायुष्मानानन्दः कृतकरपुटो भगवन्तं पप्रच्छ--किं भदन्त अनेन गोवृषेण कर्म कृतम् येन तिर्यग्योनावुपपन्नः, किं कर्म कृतम् येन दिव्यमानुषसुखमनुभूय <८८>प्रत्येकां बोधिमधिगमिष्यति? भगवानाह--अनेनैव आनन्द गोवृषेण कर्माणि कृतान्युपचितानि लब्धसम्भाराणि परिणतप्रत्ययानि ओघवत्प्रत्युपस्थितान्यवश्यम्भावीनि।
athāyuṣmānānandaḥ kṛtakarapuṭo bhagavantaṃ papraccha--kiṃ bhadanta anena govṛṣeṇa karma kṛtam yena tiryagyonāvupapannaḥ, kiṃ karma kṛtam yena divyamānuṣasukhamanubhūya <88>pratyekāṃ bodhimadhigamiṣyati? bhagavānāha--anenaiva ānanda govṛṣeṇa karmāṇi kṛtānyupacitāni labdhasambhārāṇi pariṇatapratyayāni oghavatpratyupasthitānyavaśyambhāvīni/
Sanskrit only: no published translation is held for this verse.