दिव्१२ प्रातिहार्यसूत्रम्।
div12 prātihāryasūtram/
Sanskrit only: no published translation is held for this verse.
Divyāvadāna 89
स भगवान् राजगृहे विहरति वेणुवने कलन्दकनिवापे सत्कृतो गुरुकृतो मानितः पूजितो राजभी राजमात्रैर्धनिभिः पौरैः श्रेष्ठिभिः सार्थवाहैर्देवैर् नागैर्यक्षैरसुरैर्गरुडैः किन्नरैर्महोरगैरिति देवनागयक्षासुरगरुडकिन्नरमहोरगाभ्यर्चितो बुद्धो बगवाञ् ज्ञातो महापुण्यो लाभी चीवरपिण्डपातशयनासनग्लानप्रत्ययभैषज्यपरिष्काराणां सश्रावकसंघो दिव्यानां मानुष्याणां च भगवाननुपलिप्तो विहरति पद्मपत्रमिवाम्भसा॥
sa bhagavān rājagṛhe viharati veṇuvane kalandakanivāpe satkṛto gurukṛto mānitaḥ pūjito rājabhī rājamātrairdhanibhiḥ pauraiḥ śreṣṭhibhiḥ sārthavāhairdevair nāgairyakṣairasurairgaruḍaiḥ kinnarairmahoragairiti devanāgayakṣāsuragaruḍakinnaramahoragābhyarcito buddho bagavāñ jñāto mahāpuṇyo lābhī cīvarapiṇḍapātaśayanāsanaglānapratyayabhaiṣajyapariṣkārāṇāṃ saśrāvakasaṃgho divyānāṃ mānuṣyāṇāṃ ca bhagavānanupalipto viharati padmapatramivāmbhasā//
Sanskrit only: no published translation is held for this verse.
तेन खलु समयेन राजगृहे नगरे षट् पूर्णाद्याः शास्तारो ऽसर्वज्ञाः सर्वज्ञमानिनः प्रतिवसन्ति स्म।
tena khalu samayena rājagṛhe nagare ṣaṭ pūrṇādyāḥ śāstāro 'sarvajñāḥ sarvajñamāninaḥ prativasanti sma/
Sanskrit only: no published translation is held for this verse.
तद्यथा--पूर्णः काश्यपः, मस्करी गोशालीपुत्रः, संजयी वैरट्टीपुत्रः, अजितः केशकम्बलः, ककुदः कात्यायनः, निर्ग्रन्थो ज्ञातिपुत्रः।
tadyathā--pūrṇaḥ kāśyapaḥ, maskarī gośālīputraḥ, saṃjayī vairaṭṭīputraḥ, ajitaḥ keśakambalaḥ, kakudaḥ kātyāyanaḥ, nirgrantho jñātiputraḥ/
Sanskrit only: no published translation is held for this verse.
अथ षण्णां पूर्णादीनां तीर्थ्यानां कुतूहलशालायां संनिषण्णानां संनिपतितानाम् अयम् एवंरूपो ऽभूद् अन्तराकथासमुदाहारः -- यत्खलु भवन्तो जानीरन्--यदा श्रमणो गौतमो लोके ऽनुत्पन्नः, तदा वयं सत्कृताश्चाभूवन् गुरुकृताश्च मानिताश्च पूजिताश्च राज्ञां राजमात्राणां ब्राह्मणानां गृहपतीनां नैगमानां जानपदानां श्रेष्ठिनां सार्थवाहानाम्।
atha ṣaṇṇāṃ pūrṇādīnāṃ tīrthyānāṃ kutūhalaśālāyāṃ saṃniṣaṇṇānāṃ saṃnipatitānām ayam evaṃrūpo 'bhūd antarākathāsamudāhāraḥ -- yatkhalu bhavanto jānīran--yadā śramaṇo gautamo loke 'nutpannaḥ, tadā vayaṃ satkṛtāścābhūvan gurukṛtāśca mānitāśca pūjitāśca rājñāṃ rājamātrāṇāṃ brāhmaṇānāṃ gṛhapatīnāṃ naigamānāṃ jānapadānāṃ śreṣṭhināṃ sārthavāhānām/
Sanskrit only: no published translation is held for this verse.
लाभीनश्चाभूवंश्चीवरपिण्डपातशयनासनग्लानप्रत्ययभैषज्यपरिष्काराणाम्।
lābhīnaścābhūvaṃścīvarapiṇḍapātaśayanāsanaglānapratyayabhaiṣajyapariṣkārāṇām/
Sanskrit only: no published translation is held for this verse.
यदा तु श्रमणो गौतमो लोके उत्पन्नः, तदा श्रमणो गौतमः सत्कृतो गुरुकृतो मानितः पूजितो राज्ञां राजमात्राणां ब्राह्मणानां गृहपतीनां जनपदानां धनिनां श्रेष्ठिनां सार्थवाहानाम्।
yadā tu śramaṇo gautamo loke utpannaḥ, tadā śramaṇo gautamaḥ satkṛto gurukṛto mānitaḥ pūjito rājñāṃ rājamātrāṇāṃ brāhmaṇānāṃ gṛhapatīnāṃ janapadānāṃ dhanināṃ śreṣṭhināṃ sārthavāhānām/
Sanskrit only: no published translation is held for this verse.
लाभी च श्रमणो गौतमः सश्रावकसंघश्चीवरपिण्डपातशयनासनग्लानप्रत्ययभैषज्यपरिष्काराणाम्।
lābhī ca śramaṇo gautamaḥ saśrāvakasaṃghaścīvarapiṇḍapātaśayanāsanaglānapratyayabhaiṣajyapariṣkārāṇām/
Sanskrit only: no published translation is held for this verse.
अस्माकं च लाभसत्कारः सर्वेण सर्वं समुच्छिन्नः। वयं स्म ऋद्धिमन्तो ज्ञानवादिनः।
asmākaṃ ca lābhasatkāraḥ sarveṇa sarvaṃ samucchinnaḥ/ vayaṃ sma ṛddhimanto jñānavādinaḥ/
Sanskrit only: no published translation is held for this verse.
श्रमणो ऽपि गौतमो रिद्धिमाञ् ज्ञावादीत्यात्मानं प्रतिजानीते। अर्हति ज्ञावादी ज्ञानवादिना सार्धमुत्तरे मनुष्यधर्मे रिद्धिप्रातिहार्यं विदर्शयितुम्।
śramaṇo 'pi gautamo riddhimāñ jñāvādītyātmānaṃ pratijānīte/ arhati jñāvādī jñānavādinā sārdhamuttare manuṣyadharme riddhiprātihāryaṃ vidarśayitum/
Sanskrit only: no published translation is held for this verse.
यद्येकं श्रमणो गौतमो ऽनुत्तरे मनुष्यधर्मे रिद्धिप्रातिहार्यं विदर्शयिष्यति, वयं द्वे।
yadyekaṃ śramaṇo gautamo 'nuttare manuṣyadharme riddhiprātihāryaṃ vidarśayiṣyati, vayaṃ dve/
Sanskrit only: no published translation is held for this verse.
द्वे श्रमणो गौतमः, वयं चत्वारि। चत्वारि श्रमणो गौतमः, वयमष्टौ।
dve śramaṇo gautamaḥ, vayaṃ catvāri/ catvāri śramaṇo gautamaḥ, vayamaṣṭau/
Sanskrit only: no published translation is held for this verse.
अष्टौ श्रमणो गौतमः, वयं षोडश। षोडश श्रमणो गौतमः, वयं द्वात्रिंशदिति यावच्छ्रमणो गौतम उत्तरे मनुष्यधर्मे रिद्धिप्रातिहार्यं विदर्शयिष्यति, वयं तद्द्विगुणं तत्त्रिगुणं विदर्शयिष्यामः।
aṣṭau śramaṇo gautamaḥ, vayaṃ ṣoḍaśa/ ṣoḍaśa śramaṇo gautamaḥ, vayaṃ dvātriṃśaditi yāvacchramaṇo gautama uttare manuṣyadharme riddhiprātihāryaṃ vidarśayiṣyati, vayaṃ taddviguṇaṃ tattriguṇaṃ vidarśayiṣyāmaḥ/
Sanskrit only: no published translation is held for this verse.
उपार्धं मार्गं श्रमणो गौतम आगच्छतु, वयमप्युपार्धं मार्गं गमिष्यामः।
upārdhaṃ mārgaṃ śramaṇo gautama āgacchatu, vayamapyupārdhaṃ mārgaṃ gamiṣyāmaḥ/
Sanskrit only: no published translation is held for this verse.
तत्रास्माकं भवतु श्रमणेन गौतमेन सार्धमुत्तरे मनुष्यधर्मे रिद्धिप्रातिहार्यम्। अथ मारस्य पापीयस एतदभवत्--असकृदसकृन्मया श्रमणस्य गौतमस्य प्राक्रान्तम्, न च कदाचिदवतारो लब्धः।
tatrāsmākaṃ bhavatu śramaṇena gautamena sārdhamuttare manuṣyadharme riddhiprātihāryam/ atha mārasya pāpīyasa etadabhavat--asakṛdasakṛnmayā śramaṇasya gautamasya prākrāntam, na ca kadācidavatāro labdhaḥ/
Sanskrit only: no published translation is held for this verse.
यन्न्वहं तीर्थ्यानां प्रहरेयम्। इति विदित्वा पूरणवदात्मानमभिनिर्माय उपरि विहायसमभ्युद्गम्य ज्वलनतपनवर्षणविद्योतनप्रातिहार्याणि कृत्वा मस्करिणं गोशालीपुत्रमामन्त्रयते--यत्खलु मस्करिञ् जानीयाह्--अहं रिद्धिमाञ् ज्ञानवादी, श्रमणो गौतमो रिद्धिमाञ् ज्ञानवादीत्यात्मानं परिजानीते।
yannvahaṃ tīrthyānāṃ prahareyam/ iti viditvā pūraṇavadātmānamabhinirmāya upari vihāyasamabhyudgamya jvalanatapanavarṣaṇavidyotanaprātihāryāṇi kṛtvā maskariṇaṃ gośālīputramāmantrayate--yatkhalu maskariñ jānīyāh--ahaṃ riddhimāñ jñānavādī, śramaṇo gautamo riddhimāñ jñānavādītyātmānaṃ parijānīte/
Sanskrit only: no published translation is held for this verse.
अर्हति ज्ञानवादी ज्ञानवादिना सार्धमुत्तरे मनुष्यधर्मे रिद्धिप्रातिहार्यं विदर्शयितुम्।
arhati jñānavādī jñānavādinā sārdhamuttare manuṣyadharme riddhiprātihāryaṃ vidarśayitum/
Sanskrit only: no published translation is held for this verse.
यद्येकं श्रमणो गौतम उत्तरे मनुष्यधर्मे रिद्धिप्रातिहार्यं विदर्शयिष्यति, अहं द्वे।
yadyekaṃ śramaṇo gautama uttare manuṣyadharme riddhiprātihāryaṃ vidarśayiṣyati, ahaṃ dve/
Sanskrit only: no published translation is held for this verse.
द्वे श्रमणो गौतमः, अहं चत्वारि। चत्वारि श्रमणो गौतमः, अहमष्टौ। अष्टौ श्रमणो गौतमः, अहं षोडश।
dve śramaṇo gautamaḥ, ahaṃ catvāri/ catvāri śramaṇo gautamaḥ, ahamaṣṭau/ aṣṭau śramaṇo gautamaḥ, ahaṃ ṣoḍaśa/
Sanskrit only: no published translation is held for this verse.
षोडश श्रमणो गौतमः, अहं द्वात्रिंशदिति यावच्छ्रमणो <९०>गौतम उत्तरे मनुष्यधर्मे रिद्धिप्रातिहार्यं विदर्शयिष्यति, वयं तद्द्विगुणमुत्तरं मनुष्यधर्मं रिद्धिप्रातिहार्यं विदर्शयिष्यामः।
ṣoḍaśa śramaṇo gautamaḥ, ahaṃ dvātriṃśaditi yāvacchramaṇo <90>gautama uttare manuṣyadharme riddhiprātihāryaṃ vidarśayiṣyati, vayaṃ taddviguṇamuttaraṃ manuṣyadharmaṃ riddhiprātihāryaṃ vidarśayiṣyāmaḥ/
Sanskrit only: no published translation is held for this verse.