<९>ते मम संदिशन्ति--किं नु त्वं दुर्भिक्षे यथा लूहानि अस्माकं प्रहेणकानि प्रेषयसि? अहं तेषां संदिशामि--नाहं लूहानि पेर्षयामि, अपि तु प्रणीतान्येवाहं प्रेषयामीति।
<9>te mama saṃdiśanti--kiṃ nu tvaṃ durbhikṣe yathā lūhāni asmākaṃ praheṇakāni preṣayasi? ahaṃ teṣāṃ saṃdiśāmi--nāhaṃ lūhāni perṣayāmi, api tu praṇītānyevāhaṃ preṣayāmīti/
Sanskrit only: no published translation is held for this verse.
मया दारिकाभिहिता--दारिके, मा त्वं प्रणीतानि प्रहेणकानि भक्षयित्वा तेषां लूहानि उपनामयसि।
mayā dārikābhihitā--dārike, mā tvaṃ praṇītāni praheṇakāni bhakṣayitvā teṣāṃ lūhāni upanāmayasi/
Sanskrit only: no published translation is held for this verse.
सा कथयति--किं नु पूयशोणितं न भक्षयति, या त्वदीयानि प्रहेणकानि भक्षयतीति? तस्य कर्मणो विपाकेनेयं पूयशोणितं भक्षयति।
sā kathayati--kiṃ nu pūyaśoṇitaṃ na bhakṣayati, yā tvadīyāni praheṇakāni bhakṣayatīti? tasya karmaṇo vipākeneyaṃ pūyaśoṇitaṃ bhakṣayati/
Sanskrit only: no published translation is held for this verse.
मम बुद्धिरुत्पन्ना--तत्र प्रतिसंधिं गृह्णीयाम् यत्रैतान् सर्वान् स्वकं स्वकं कर्मफलं परिभुञ्जानान् पश्येयमिति।
mama buddhirutpannā--tatra pratisaṃdhiṃ gṛhṇīyām yatraitān sarvān svakaṃ svakaṃ karmaphalaṃ paribhuñjānān paśyeyamiti/
Sanskrit only: no published translation is held for this verse.
यया मयार्यमहाकात्यायनं पिण्डकेन प्रतिपाद्य प्रणीते त्रायस्त्रिंशे देवनिकाये उपपत्तव्यम्, साहं मिथ्याप्रणिधानवशात् प्रेतमहर्द्धिका संवृत्ता।
yayā mayāryamahākātyāyanaṃ piṇḍakena pratipādya praṇīte trāyastriṃśe devanikāye upapattavyam, sāhaṃ mithyāpraṇidhānavaśāt pretamaharddhikā saṃvṛttā/
Sanskrit only: no published translation is held for this verse.
श्रोण, गमिष्यसि त्वं वासवग्रामकम्? तत्र मम दुहिता वेश्यं वाहयति।
śroṇa, gamiṣyasi tvaṃ vāsavagrāmakam? tatra mama duhitā veśyaṃ vāhayati/
Sanskrit only: no published translation is held for this verse.
सा त्वया वक्तव्या--दृष्टास्ते मया पिता माता भ्राता भ्रातुर्जाया दासी।
sā tvayā vaktavyā--dṛṣṭāste mayā pitā mātā bhrātā bhrāturjāyā dāsī/
Sanskrit only: no published translation is held for this verse.
ते कथयन्ति--अनिष्टो ऽस्य कर्मणः फलविपाकः। विरमास्मादसद्धर्मात्। भगिनि, त्वमेव कथयसि--दुष्कुहका जाम्बुद्वीपका मनुष्याः, नाभिश्रद्दधास्यन्ति।
te kathayanti--aniṣṭo 'sya karmaṇaḥ phalavipākaḥ/ viramāsmādasaddharmāt/ bhagini, tvameva kathayasi--duṣkuhakā jāmbudvīpakā manuṣyāḥ, nābhiśraddadhāsyanti/
Sanskrit only: no published translation is held for this verse.
श्रोण, यदि न श्रद्दधास्यति, वक्तव्या--तव पौराणे पैतृके वासगृहे चत्वारो लोहसंघाटाः सुवर्णस्य पूर्णास्तिष्ठन्ति, मध्ये च सौवर्णदण्डकमण्डलुः।
śroṇa, yadi na śraddadhāsyati, vaktavyā--tava paurāṇe paitṛke vāsagṛhe catvāro lohasaṃghāṭāḥ suvarṇasya pūrṇāstiṣṭhanti, madhye ca sauvarṇadaṇḍakamaṇḍaluḥ/
Sanskrit only: no published translation is held for this verse.
ते कथयन्ति--तमुद्धृत्यात्मानं सम्यक्सुखेन प्रीणय, आर्यं च महाकात्यायनं कालेन कालं पिण्डकेन प्रतिपादय, अस्माकं च नांना दक्षिणामादेशय।
te kathayanti--tamuddhṛtyātmānaṃ samyaksukhena prīṇaya, āryaṃ ca mahākātyāyanaṃ kālena kālaṃ piṇḍakena pratipādaya, asmākaṃ ca nāṃnā dakṣiṇāmādeśaya/
Sanskrit only: no published translation is held for this verse.
अप्येवैतत् कर्म तनुत्वं परिक्षयं पर्यादानं गच्छेत्। तेन तस्याः प्रतिज्ञातम्।
apyevaitat karma tanutvaṃ parikṣayaṃ paryādānaṃ gacchet/ tena tasyāḥ pratijñātam/
Sanskrit only: no published translation is held for this verse.
एवं तस्य परिभ्रमतो द्वादश वर्षा अतिक्रान्ताः॥
evaṃ tasya paribhramato dvādaśa varṣā atikrāntāḥ//
Sanskrit only: no published translation is held for this verse.
तयोक्तह्--श्रोण, गमिष्यसि त्वं वासवग्रामकम्? भगिनि, गमिष्यामि। स तस्मिन्नेव विमाने उषितः।
tayoktah--śroṇa, gamiṣyasi tvaṃ vāsavagrāmakam? bhagini, gamiṣyāmi/ sa tasminneva vimāne uṣitaḥ/
Sanskrit only: no published translation is held for this verse.
तया तेषामेव प्रेतानामाज्ञा दत्ता--भवन्तो गच्छत, श्रोणं कोटिकर्णं सुप्तमेव वासवग्रामके पैतृके उद्याने स्थापयित्वा आगच्छत।
tayā teṣāmeva pretānāmājñā dattā--bhavanto gacchata, śroṇaṃ koṭikarṇaṃ suptameva vāsavagrāmake paitṛke udyāne sthāpayitvā āgacchata/
Sanskrit only: no published translation is held for this verse.
स तैर्वासवग्रामके पैतृके उद्याने स्थापितः।
sa tairvāsavagrāmake paitṛke udyāne sthāpitaḥ/
Sanskrit only: no published translation is held for this verse.
स प्रतिविबुद्धो यावत् पश्यति घण्टाछत्राणि व्यजनानि, अक्षराणि लिखितानि--यदि तावच्छ्रोणः कोटिकर्णो जीवति, लघ्वागमनाय, क्षिप्रमागमनाय, च्युतः कालगतो गत्युपपत्तिस्थानात् स्थानान्तरविशेषतायै।
sa prativibuddho yāvat paśyati ghaṇṭāchatrāṇi vyajanāni, akṣarāṇi likhitāni--yadi tāvacchroṇaḥ koṭikarṇo jīvati, laghvāgamanāya, kṣipramāgamanāya, cyutaḥ kālagato gatyupapattisthānāt sthānāntaraviśeṣatāyai/
Sanskrit only: no published translation is held for this verse.
स संलक्षयति--यदि अहं मातापितृभ्यां मृत एव गृहीतः, कस्माद्भूयो ऽहं गृहं प्रविशामि? गच्छामि, आर्य महाकात्यायनस्यान्तिकात् प्रव्रजामीति।
sa saṃlakṣayati--yadi ahaṃ mātāpitṛbhyāṃ mṛta eva gṛhītaḥ, kasmādbhūyo 'haṃ gṛhaṃ praviśāmi? gacchāmi, ārya mahākātyāyanasyāntikāt pravrajāmīti/
Sanskrit only: no published translation is held for this verse.
अथ श्रोणः कोटिकर्णो येनायुष्मान् महाकात्यायनस्तेनोपसंक्रान्तः।
atha śroṇaḥ koṭikarṇo yenāyuṣmān mahākātyāyanastenopasaṃkrāntaḥ/
Sanskrit only: no published translation is held for this verse.
अद्राक्षीदायुष्मान् महाकत्यायनः श्रोणं कोटिकर्णं दूरादेव। दृष्ट्वा च पुनः श्रोणं कोटिकर्णमिदमवोचत्--एहि श्रोण, श्वागतं ते।
adrākṣīdāyuṣmān mahākatyāyanaḥ śroṇaṃ koṭikarṇaṃ dūrādeva/ dṛṣṭvā ca punaḥ śroṇaṃ koṭikarṇamidamavocat--ehi śroṇa, śvāgataṃ te/
Sanskrit only: no published translation is held for this verse.
दृष्टस्ते श्रोण अयं लोकः परश्च लोकह्? स कथयति--दृष्टो भदन्त महकात्यायन।
dṛṣṭaste śroṇa ayaṃ lokaḥ paraśca lokah? sa kathayati--dṛṣṭo bhadanta mahakātyāyana/
Sanskrit only: no published translation is held for this verse.
लभेयाहं भदन्त महाकात्यायन स्वाख्याते धर्मविनये प्रव्रज्यामुपसम्पदं भिक्षुभावम्।
labheyāhaṃ bhadanta mahākātyāyana svākhyāte dharmavinaye pravrajyāmupasampadaṃ bhikṣubhāvam/
Sanskrit only: no published translation is held for this verse.
चरेयमहं भवतो ऽन्तिके ब्रह्मचर्यम्। स आर्येणोक्तह्--श्रोण, तां तावत् पूर्विकां प्रतिज्ञां परिपूरय।
careyamahaṃ bhavato 'ntike brahmacaryam/ sa āryeṇoktah--śroṇa, tāṃ tāvat pūrvikāṃ pratijñāṃ paripūraya/
Sanskrit only: no published translation is held for this verse.
यथागृहीतान् संदेशान् समर्पयेति। स तस्यैरभ्रिकस्य सकाशमुपसंक्रान्तः।
yathāgṛhītān saṃdeśān samarpayeti/ sa tasyairabhrikasya sakāśamupasaṃkrāntaḥ/
Sanskrit only: no published translation is held for this verse.
विरमास्मादसद्धर्मात्।
viramāsmādasaddharmāt/
Sanskrit only: no published translation is held for this verse.
भोः पुरुष, अद्य मम पितुर्द्वादशवर्षाणि कालगतस्य।
bhoḥ puruṣa, adya mama piturdvādaśavarṣāṇi kālagatasya/
Sanskrit only: no published translation is held for this verse.
अस्ति कश्चिद् दृष्टः परलोकात् पुनरागच्छन्? भद्रमुख, एषो ऽहमागतः। नासौ श्रद्दधाति।
asti kaścid dṛṣṭaḥ paralokāt punarāgacchan? bhadramukha, eṣo 'hamāgataḥ/ nāsau śraddadhāti/
Sanskrit only: no published translation is held for this verse.
भद्रमुख, यदि न श्रद्दधासि, स तव पिता कथयति--अस्ति सूनाधस्तात् सुवर्णस्य कलशः।
bhadramukha, yadi na śraddadhāsi, sa tava pitā kathayati--asti sūnādhastāt suvarṇasya kalaśaḥ/
Sanskrit only: no published translation is held for this verse.