अनेकैश्च देवताशतसहस्रैरनुगम्यमानो ऽनुपूर्वेण चारिकां चरञ् श्रावस्तीमनुप्राप्तः श्रावस्त्यां विहरति जेतवने ऽनाथपिण्डदस्यारामे॥
anekaiśca devatāśatasahasrairanugamyamāno 'nupūrveṇa cārikāṃ carañ śrāvastīmanuprāptaḥ śrāvastyāṃ viharati jetavane 'nāthapiṇḍadasyārāme//
Sanskrit only: no published translation is held for this verse.
अश्रौषुस्तीर्थ्याः श्रमणो गौतमः श्रावस्तीं गत इति। श्रुत्वा च पुनः श्रावस्तीं संप्रस्थिताः।
aśrauṣustīrthyāḥ śramaṇo gautamaḥ śrāvastīṃ gata iti/ śrutvā ca punaḥ śrāvastīṃ saṃprasthitāḥ/
Sanskrit only: no published translation is held for this verse.
ते श्रावस्तीं गत्वा राजानं प्रसेनजित्कौशलमिदमवोचन्--यत्खलु देव जानीथाह्--वयम् ऋद्धिमन्तो ज्ञानवादिनः।
te śrāvastīṃ gatvā rājānaṃ prasenajitkauśalamidamavocan--yatkhalu deva jānīthāh--vayam ṛddhimanto jñānavādinaḥ/
Sanskrit only: no published translation is held for this verse.
श्रमणो गौतमो ऋद्धिमाञ् ज्ञावादीत्यात्मानं प्रतिजानीते।
śramaṇo gautamo ṛddhimāñ jñāvādītyātmānaṃ pratijānīte/
Sanskrit only: no published translation is held for this verse.
अर्हति ज्ञानवादी ज्ञानवादिना सार्धमुत्तरे मनुष्यधर्मे ऋद्धिप्रातिहार्यं विदर्शयितुम्। यद्येकं श्रमणो गौतम उत्तरे मनुष्यधर्मे ऋद्धिप्रातिहार्यं विदर्शयिष्यति, वयं द्वे।
arhati jñānavādī jñānavādinā sārdhamuttare manuṣyadharme ṛddhiprātihāryaṃ vidarśayitum/ yadyekaṃ śramaṇo gautama uttare manuṣyadharme ṛddhiprātihāryaṃ vidarśayiṣyati, vayaṃ dve/
Sanskrit only: no published translation is held for this verse.
द्वे श्रमणो गौतमः, वयं चत्वारि।
dve śramaṇo gautamaḥ, vayaṃ catvāri/
Sanskrit only: no published translation is held for this verse.
चत्वारि श्रमणो गौतमः, वयमष्टौ। अष्टौ श्रमणो गौतमः, वयं षोडश। षोडश श्रमणो गौतमः, वयं द्वात्रिंशदिति यावच्छ्रमणो गौतम उत्तरे मनुष्यधर्मे रिद्धिप्रातिहार्यं विदर्शयिष्यति, वयं तद्द्विगुणं तत्त्रिगुणमुत्तरे मनुष्यधर्मे रिद्धिप्रातिहार्यं विदर्शयिष्यामः।
catvāri śramaṇo gautamaḥ, vayamaṣṭau/ aṣṭau śramaṇo gautamaḥ, vayaṃ ṣoḍaśa/ ṣoḍaśa śramaṇo gautamaḥ, vayaṃ dvātriṃśaditi yāvacchramaṇo gautama uttare manuṣyadharme riddhiprātihāryaṃ vidarśayiṣyati, vayaṃ taddviguṇaṃ tattriguṇamuttare manuṣyadharme riddhiprātihāryaṃ vidarśayiṣyāmaḥ/
Sanskrit only: no published translation is held for this verse.
उपार्धं मार्गं श्रमणो गौतम आगच्छतु, वयमप्युपार्धं मार्गं गमिष्यामः।
upārdhaṃ mārgaṃ śramaṇo gautama āgacchatu, vayamapyupārdhaṃ mārgaṃ gamiṣyāmaḥ/
Sanskrit only: no published translation is held for this verse.
तत्रास्माकं भवतु श्रमणेन गौतमेन सार्धमुत्तरे मनुष्यधर्मे रिद्धिप्रातिहार्यम्।
tatrāsmākaṃ bhavatu śramaṇena gautamena sārdhamuttare manuṣyadharme riddhiprātihāryam/
Sanskrit only: no published translation is held for this verse.
एवमुक्ते राजा प्रसेनजित् कौशलस्तीर्थ्यानिदमवोचत्--आगमयन्तु तावद्भवन्तो यावदहं भगवन्तमवलोकयामि।
evamukte rājā prasenajit kauśalastīrthyānidamavocat--āgamayantu tāvadbhavanto yāvadahaṃ bhagavantamavalokayāmi/
Sanskrit only: no published translation is held for this verse.
अथ राजा प्रसेनजित् कौशलो ऽन्यतमं पुरुषमामन्त्रयते--गच्छ त्वं भोः पुरुष।
atha rājā prasenajit kauśalo 'nyatamaṃ puruṣamāmantrayate--gaccha tvaṃ bhoḥ puruṣa/
Sanskrit only: no published translation is held for this verse.
क्षिप्रं भद्रं यानं योजय।
kṣipraṃ bhadraṃ yānaṃ yojaya/
Sanskrit only: no published translation is held for this verse.
अहमभिरुह्य अद्यैव भगवन्तं दर्शनायोपसंक्रमिष्यामि पर्युपासनायै। एवं देवेति स पुरुषो राज्ञः प्रसेनजितः कौशलस्य प्रतिश्रुत्य क्षिप्रं भद्रं यानं योजयित्वा येन राजा प्रसेनजित् कौशलस्तेनोपसंक्रान्तः।
ahamabhiruhya adyaiva bhagavantaṃ darśanāyopasaṃkramiṣyāmi paryupāsanāyai/ evaṃ deveti sa puruṣo rājñaḥ prasenajitaḥ kauśalasya pratiśrutya kṣipraṃ bhadraṃ yānaṃ yojayitvā yena rājā prasenajit kauśalastenopasaṃkrāntaḥ/
Sanskrit only: no published translation is held for this verse.
उपसंक्रम्य राजानं प्रसेनजितं कौशलमिदमवोचत्--युक्तं देवस्य भद्रं यानं यस्येदानीं देवः कालं मन्यते।
upasaṃkramya rājānaṃ prasenajitaṃ kauśalamidamavocat--yuktaṃ devasya bhadraṃ yānaṃ yasyedānīṃ devaḥ kālaṃ manyate/
Sanskrit only: no published translation is held for this verse.
अथ राजा प्रसेनजित् कौशलो भद्रं यानमभिरुह्य श्रावस्त्या निर्याति भगवतो ऽन्तिकं भगवन्तं दर्शनाय उपसंक्रमितुं पर्युपासनाय।
atha rājā prasenajit kauśalo bhadraṃ yānamabhiruhya śrāvastyā niryāti bhagavato 'ntikaṃ bhagavantaṃ darśanāya upasaṃkramituṃ paryupāsanāya/
Sanskrit only: no published translation is held for this verse.
तस्य यावती यानस्य भूमिस्तावद्यानेन गत्वा यानादवतार्य पादाभ्यामेव आरामं प्रविश्य येन भगवांस्तेनोपसंक्रान्तः।
tasya yāvatī yānasya bhūmistāvadyānena gatvā yānādavatārya pādābhyāmeva ārāmaṃ praviśya yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा एकान्ते निषण्णः।
upasaṃkramya bhagavataḥ pādau śirasā vanditvā ekānte niṣaṇṇaḥ/
Sanskrit only: no published translation is held for this verse.
एकान्ते निषण्णो राजा प्रसेनजित् कौशलो भगवन्तमिदमवोचत्--इमे भदन्त तीर्थ्या भगवन्तमुत्तरे मनुष्यधर्मे रिद्धिप्रातिहार्येणाह्वयन्ते।
ekānte niṣaṇṇo rājā prasenajit kauśalo bhagavantamidamavocat--ime bhadanta tīrthyā bhagavantamuttare manuṣyadharme riddhiprātihāryeṇāhvayante/
Sanskrit only: no published translation is held for this verse.
विदर्शयतु भगवानुत्तरे मनुष्यधर्मे रिद्धिप्रातिहार्यं हिताय प्राणिनाम्।
vidarśayatu bhagavānuttare manuṣyadharme riddhiprātihāryaṃ hitāya prāṇinām/
Sanskrit only: no published translation is held for this verse.
निर्भर्त्सयतु भगवांस्तीर्थ्यान्। नन्दयतु देवमनुष्यान्। तोषयतु सज्जनहृदयमनांसि।
nirbhartsayatu bhagavāṃstīrthyān/ nandayatu devamanuṣyān/ toṣayatu sajjanahṛdayamanāṃsi/
Sanskrit only: no published translation is held for this verse.
एवमुक्ते भगवान् राजानं प्रसेनजितं कौशलमिदमवोचत्--नाहं महाराज <९३>एवं श्रावकाणां धर्मं देशयामि एवम् यूयं भिक्षव आगतागतानां ब्राह्मणगृहपतीनामुत्तरे मनुष्यधर्मे रिद्धिप्रातिहार्यं विदर्शयतेति।
evamukte bhagavān rājānaṃ prasenajitaṃ kauśalamidamavocat--nāhaṃ mahārāja <93>evaṃ śrāvakāṇāṃ dharmaṃ deśayāmi evam yūyaṃ bhikṣava āgatāgatānāṃ brāhmaṇagṛhapatīnāmuttare manuṣyadharme riddhiprātihāryaṃ vidarśayateti/
Sanskrit only: no published translation is held for this verse.