कालेन कुमारेण तेनैव संवेगेन अनागामिफलं साक्षात्कृतम् ऋद्धिश्चापि निर्हृता।
kālena kumāreṇa tenaiva saṃvegena anāgāmiphalaṃ sākṣātkṛtam ṛddhiścāpi nirhṛtā/
Sanskrit only: no published translation is held for this verse.
Divyāvadāna 96
तेन भगवत आरामो निर्यातितः। स भगवत उपस्थानं कर्तुमारब्धः।
tena bhagavata ārāmo niryātitaḥ/ sa bhagavata upasthānaṃ kartumārabdhaḥ/
Sanskrit only: no published translation is held for this verse.
यत्रास्य शरीरं गण्डगण्डं कृतं तस्य गण्डक आरामिक इति संज्ञा संवृत्ता।
yatrāsya śarīraṃ gaṇḍagaṇḍaṃ kṛtaṃ tasya gaṇḍaka ārāmika iti saṃjñā saṃvṛttā/
Sanskrit only: no published translation is held for this verse.
अथ राज्ञा प्रसेनजिता कौशलेन सर्वोपकरणैः स प्रवारितः। कालेनाभिहितम्--न मम त्वया प्रयोजनम्।
atha rājñā prasenajitā kauśalena sarvopakaraṇaiḥ sa pravāritaḥ/ kālenābhihitam--na mama tvayā prayojanam/
Sanskrit only: no published translation is held for this verse.
भगवत एवोपस्थानं करिष्यामीति॥
bhagavata evopasthānaṃ kariṣyāmīti//
Sanskrit only: no published translation is held for this verse.
राज्ञा प्रसेनजिता कौशलेन अन्तरा च श्रावस्तीमन्तरा च जेतवनमत्रान्तराद्भगवतः प्रातिहार्यमण्डपः कारितः शतसहस्रहस्तह् ॥॥ चतुर्णां मण्डपो विततः।
rājñā prasenajitā kauśalena antarā ca śrāvastīmantarā ca jetavanamatrāntarādbhagavataḥ prātihāryamaṇḍapaḥ kāritaḥ śatasahasrahastah .... caturṇāṃ maṇḍapo vitataḥ/
Sanskrit only: no published translation is held for this verse.
भगवतः सिंहासनं प्रज्ञप्तम्।
bhagavataḥ siṃhāsanaṃ prajñaptam/
Sanskrit only: no published translation is held for this verse.
अन्यतीर्थिकश्रावकैरपि पूर्णादीनां निर्ग्रन्थानां प्रत्येकप्रत्येकमण्डपः कारितः।
anyatīrthikaśrāvakairapi pūrṇādīnāṃ nirgranthānāṃ pratyekapratyekamaṇḍapaḥ kāritaḥ/
Sanskrit only: no published translation is held for this verse.
राज्ञा प्रसेनजिता कौशलेन सप्तमे दिवसे यावज्जेतवनं यावच्च भगवतः प्रातिहार्यमण्डपो ऽन्तरात् सर्वो ऽसौ प्रदेशो ऽपगतपाषाणशर्करकठल्यो व्यवस्थितः।
rājñā prasenajitā kauśalena saptame divase yāvajjetavanaṃ yāvacca bhagavataḥ prātihāryamaṇḍapo 'ntarāt sarvo 'sau pradeśo 'pagatapāṣāṇaśarkarakaṭhalyo vyavasthitaḥ/
Sanskrit only: no published translation is held for this verse.
धूपचूर्णान्धकारः कृतः।
dhūpacūrṇāndhakāraḥ kṛtaḥ/
Sanskrit only: no published translation is held for this verse.
छत्रध्वजपताकागन्धोदकपरिषिक्तो नानापुष्पाभिकीर्णो रमणीयः। अन्तरान्तरा च पुष्पमण्डपाः सज्जीकृताः॥
chatradhvajapatākāgandhodakapariṣikto nānāpuṣpābhikīrṇo ramaṇīyaḥ/ antarāntarā ca puṣpamaṇḍapāḥ sajjīkṛtāḥ//
Sanskrit only: no published translation is held for this verse.
अथ भगवान् सप्तमे दिवसे पूर्वाह्णे निवास्य पात्रचीवरमादाय श्रावस्तीं पिण्डाय प्राविक्षत्।
atha bhagavān saptame divase pūrvāhṇe nivāsya pātracīvaramādāya śrāvastīṃ piṇḍāya prāvikṣat/
Sanskrit only: no published translation is held for this verse.
श्रावस्तीं पिण्डाय चरित्वा कृतभक्तकृत्यः पश्चाद्भक्तपिण्डपातप्रतिक्रान्तः पात्रचीवरं प्रतिश्राम्य बहिर्विहारस्य पादौ प्रक्षाल्य विहारं प्रविष्टः प्रतिसंलयनाय।
śrāvastīṃ piṇḍāya caritvā kṛtabhaktakṛtyaḥ paścādbhaktapiṇḍapātapratikrāntaḥ pātracīvaraṃ pratiśrāmya bahirvihārasya pādau prakṣālya vihāraṃ praviṣṭaḥ pratisaṃlayanāya/
Sanskrit only: no published translation is held for this verse.
अथ राजा प्रसेनजित् कौशलो ऽनेकशतपरिवारो ऽनेकसहस्रपरिवारो ऽनेकशतसहस्रपरिवारो येन भगवतः प्रातिहार्यमण्डपस्तेनोपसंक्रान्तः।
atha rājā prasenajit kauśalo 'nekaśataparivāro 'nekasahasraparivāro 'nekaśatasahasraparivāro yena bhagavataḥ prātihāryamaṇḍapastenopasaṃkrāntaḥ/
Sanskrit only: no published translation is held for this verse.
उपसंक्रम्य प्रज्ञप्त एवासने निषण्णः। तीर्थ्या अपि महाजनकायपरिवृता येन मण्डपस्तेनोपसंक्रान्ताः।
upasaṃkramya prajñapta evāsane niṣaṇṇaḥ/ tīrthyā api mahājanakāyaparivṛtā yena maṇḍapastenopasaṃkrāntāḥ/
Sanskrit only: no published translation is held for this verse.
उपसंक्रम्य प्रत्येकप्रत्येकस्मिन्नासने निषण्णाः।
upasaṃkramya pratyekapratyekasminnāsane niṣaṇṇāḥ/
Sanskrit only: no published translation is held for this verse.
निषद्य राजानं प्रसेनजितं कौशलमिदमवोचन्--यत्खलु देव जानीयाह्--एते वयमागताः।
niṣadya rājānaṃ prasenajitaṃ kauśalamidamavocan--yatkhalu deva jānīyāh--ete vayamāgatāḥ/
Sanskrit only: no published translation is held for this verse.
कुत्र एतर्हि श्रमणो गौतमह्? तेन भवन्तो मुहूर्तमागमयत। एष इदानीं भगवानधिगमिष्यति।
kutra etarhi śramaṇo gautamah? tena bhavanto muhūrtamāgamayata/ eṣa idānīṃ bhagavānadhigamiṣyati/
Sanskrit only: no published translation is held for this verse.
अथ राजा प्रसेनजित् कौशल उत्तरं माणवमामन्त्रयते--एहि त्वमुत्तर, येन भगवांस्तेनोपसंक्राम।
atha rājā prasenajit kauśala uttaraṃ māṇavamāmantrayate--ehi tvamuttara, yena bhagavāṃstenopasaṃkrāma/
Sanskrit only: no published translation is held for this verse.
उपसंक्रम्यास्माकं वचनेन भगवतः पादौ शिरसा वन्दित्वा अल्पाबाधतां च पृच्छ, अल्पातङ्कतां च लघूत्थानतां च यात्रां च बलं च सुखं च अनवद्यतां च स्पर्शविहारतां च।
upasaṃkramyāsmākaṃ vacanena bhagavataḥ pādau śirasā vanditvā alpābādhatāṃ ca pṛccha, alpātaṅkatāṃ ca laghūtthānatāṃ ca yātrāṃ ca balaṃ ca sukhaṃ ca anavadyatāṃ ca sparśavihāratāṃ ca/
Sanskrit only: no published translation is held for this verse.
एवं च वद--राजा भदन्त प्रसेनजित् कौशल एवमाह--इमे भदन्त तीर्थ्या आगता यस्येदानीं कालं मन्यते।
evaṃ ca vada--rājā bhadanta prasenajit kauśala evamāha--ime bhadanta tīrthyā āgatā yasyedānīṃ kālaṃ manyate/
Sanskrit only: no published translation is held for this verse.
एवं देवेत्युत्तरो माणवो राज्ञः प्रसेनजितः कौशलस्य प्रतिश्रुत्य येन भगवांस्तेनोपसंक्रान्तः।
evaṃ devetyuttaro māṇavo rājñaḥ prasenajitaḥ kauśalasya pratiśrutya yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवता सार्धं संमुखं संमोदनीं संरञ्जनीं विविधां कथां व्यतिसार्य एकान्ते निषण्णः।
upasaṃkramya bhagavatā sārdhaṃ saṃmukhaṃ saṃmodanīṃ saṃrañjanīṃ vividhāṃ kathāṃ vyatisārya ekānte niṣaṇṇaḥ/
Sanskrit only: no published translation is held for this verse.
एकान्तनिषण्ण उत्तरो माणवो भगवन्तमिदमवोचत्--राजा भदन्त प्रसेनजित् कौशलो भगवतः पादौ शिरसा वन्दते, अल्पाबाधतां च पृच्छति अल्पातङ्कतां च लघूत्थानतां च यात्रं च बलं च सुखं च अनवद्यतां च स्पर्शविहारतां च।
ekāntaniṣaṇṇa uttaro māṇavo bhagavantamidamavocat--rājā bhadanta prasenajit kauśalo bhagavataḥ pādau śirasā vandate, alpābādhatāṃ ca pṛcchati alpātaṅkatāṃ ca laghūtthānatāṃ ca yātraṃ ca balaṃ ca sukhaṃ ca anavadyatāṃ ca sparśavihāratāṃ ca/
Sanskrit only: no published translation is held for this verse.
सुखी भवतु माणव राजा प्रसेनजित् कौशलस्त्वं च। राजा भदन्त प्रसेनजित् कौशल एवमाह--इमे भदन्त तीर्थ्या आगता यस्येदानीं भगवान् कालं मन्यते।
sukhī bhavatu māṇava rājā prasenajit kauśalastvaṃ ca/ rājā bhadanta prasenajit kauśala evamāha--ime bhadanta tīrthyā āgatā yasyedānīṃ bhagavān kālaṃ manyate/
Sanskrit only: no published translation is held for this verse.
एवमुक्ते भगवानुत्तरं माणवमिदमवोचत्--माणव एषो ऽहमद्यागच्छामि।
evamukte bhagavānuttaraṃ māṇavamidamavocat--māṇava eṣo 'hamadyāgacchāmi/
Sanskrit only: no published translation is held for this verse.
भगवता तथाधिष्ठितो यथोत्तरो <९७>माणवस्तत् एवोपरिविहायसा प्रक्रान्तः, येन राजा प्रसेनजित् कौशलस्तेनोपसंक्रान्तः।
bhagavatā tathādhiṣṭhito yathottaro <97>māṇavastat evoparivihāyasā prakrāntaḥ, yena rājā prasenajit kauśalastenopasaṃkrāntaḥ/
Sanskrit only: no published translation is held for this verse.