विरहानलसंतप्तहृदयस्पर्शेन नूनमुष्णीकृतः स्वल्पीभवति मलयानिलः । नवपल्लवकल्पितं तल्पमिदमनङ्गाग्निशिखापटलमिव सन्तापं तनोस्तनोति । हरिचन्दनमपि पुरा निजयष्टिसंश्लेषवदुरगरदनलिप्तोल्वणगरलसंकलितमिव तापयति शरीरम् । तस्मादलमलमायासेन शीतलोपचारे । लावण्यजितमारो राजकुमार एवागदङ्कारो मन्मथज्वरापहरणे । सो ऽपि लब्धुमशक्यो मया । किं करोमिऽ इति
virahānalasaṃtaptahṛdayasparśena nūnamuṣṇīkṛtaḥ svalpībhavati malayānilaḥ / navapallavakalpitaṃ talpamidamanaṅgāgniśikhāpaṭalamiva santāpaṃ tanostanoti / haricandanamapi purā nijayaṣṭisaṃśleṣavaduragaradanaliptolvaṇagaralasaṃkalitamiva tāpayati śarīram / tasmādalamalamāyāsena śītalopacāre / lāvaṇyajitamāro rājakumāra evāgadaṅkāro manmathajvarāpaharaṇe / so 'pi labdhumaśakyo mayā / kiṃ karomi' iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.