वज्रो वै वषट्कारः स यं द्विष्यात् तं मनसा ध्यायन् वषट्कुर्यात् तस्मिंस् तद् वज्रम् आस्थापयति षड् इति वषट्करोति षड् वा ऋतवः ऋतूनाम् आप्त्यै वौषड् इति वषट्करोति असौ वाव वाव् ऋतवः षट् एतम् एव तद् ऋतुष्व् आदधाति ऋतुषु प्रतिष्ठापयति तद् उ ह स्माह वैद एतानि वा एतेन षट् प्रतिष्ठापयति द्यौर् अन्तरिक्षे प्रतिष्ठिता अन्तरिक्षं पृथिव्याम् पृथिव्य् अप्सु आपः सत्ये सत्यं ब्रह्मणि ब्रह्म तपसीति एता एव तद् देवताः प्रतिष्ठान्याः प्रतितिष्ठन्तीर् इदं सर्वम् अनु प्रतितिष्ठति [एद्। प्रतिस्थान्याः, चोर्र्। पत्यल्] प्रतितिष्ठति प्रजया पशुभिर् य एवं वेद ॥ २ ॥
vajro vai vaṣaṭkāraḥ sa yaṃ dviṣyāt taṃ manasā dhyāyan vaṣaṭkuryāt tasmiṃs tad vajram āsthāpayati ṣaḍ iti vaṣaṭkaroti ṣaḍ vā ṛtavaḥ ṛtūnām āptyai vauṣaḍ iti vaṣaṭkaroti asau vāva vāv ṛtavaḥ ṣaṭ etam eva tad ṛtuṣv ādadhāti ṛtuṣu pratiṣṭhāpayati tad u ha smāha vaida etāni vā etena ṣaṭ pratiṣṭhāpayati dyaur antarikṣe pratiṣṭhitā antarikṣaṃ pṛthivyām pṛthivy apsu āpaḥ satye satyaṃ brahmaṇi brahma tapasīti etā eva tad devatāḥ pratiṣṭhānyāḥ pratitiṣṭhantīr idaṃ sarvam anu pratitiṣṭhati [ed. pratisthānyāḥ, corr. Patyal] pratitiṣṭhati prajayā paśubhir ya evaṃ veda || 2 ||
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.